15/08/2009, 01:27 PM
|
| زعيــم جديــد | | تاريخ التسجيل: 17/09/2008 المكان: الجوف
مشاركات: 49
| |
|
من جد لاقالو .,عـــشـــق’’
منتدى مدمي الشباااااكـ.,,
--------------------------------------------------------------------------------
بسم الله الرحمن الرحيم
السلامـ عليكمـ.,
اولاً قبل ما أكتب موضوعي أذكركم بموضوعي القديم{ حوالي قبل سنه}
اللي هو
:
بسم الله الرحمن الرحيم
اولا:بعرف عن نفسي .انا عمري15 والصراحه قبل يومين مسجل
وياليت تقرون موضوعي
من كان عمري 8وان مااعرف في نادي الهلال غير سامي الجابر
ما اسمع غير سامي سامي سامي
حبيت سامي وعشقته وغير كذا كليت كم زربه من اهلي تدرون ليه
كنت اجمع مصروفي واشتري جريده واقص صور سامي والصق
على جدار الغرفه وعلى الباب وعلى البيت من برا ومن داخل
البيت صار كله صور سامي ...
كبرت وكبر حب سامي اكثر واكثر
وصلت 10سنوات صرت متيم بشخص اسمه سامي مو بس لاعب
كنت ما اشتري بلايز الهلال الا لازم تكون عليها رقم9
كنت اتابع مباريات الهلال بس علشان سامي
ماكنت اعرف اي لاعب غير سامي او ما اهتم لغير سامي
...
كبرت وكبر حب سامي اكثر
فجئه دق علي اخوي:السلام .هلا .:سامي اعتزل ...
والله والله كنا سكين دخلت فيني
مهما اقول او اعبر ماراح احسس اللي يقرأ
جلست اكثر من اسبوع بس علشان استوعب والله لو ان
الدموع مثل البير لكان انشفت
اكل ما اكل طلعه ما اطلع
طول اسبوع بالغرفه اتئامل بصور سامي
والله والله اكتشفت اني احبه اكثر من اي انسان
حتى من ابوي اخوي امي خوياي
جاني خبر سامي راح يقام
له حفل اعتزال وقبله حفل تكريم
كان حلمي اني اكرم الانسان الذي لو اكتب طول عمري عنه ما اقدر اوصف كلمه وحده عنه
لقيت انه صعبه اني اكرمه غير ذالك
اني مو من الرياض
قرب موعد الاعتزال وكان في وقت صعب قبل الاختبارات ب4
ايام
حاولت اقول لابوي رفض ترجيته رفض
بحجه الاختبار
ضاقت الدنيا فيني غيمت علي
رحت للخطوط حجزت يوم الاثنين ذهاب ويوم الثلثاء الفجر اياب
جاء يوم الاحد التذكره معي
تشجعت ورحت لابوي قلتله اني شريت تذكره
تفاجئ وعصب وحسيت انه بيقضي على حلمي
تماسك نفسه وبكل بروده قال عطني التذكره
حاولت اقنعه رفض
واخر امل فيني انه يوافق دمعت سيول صارت تهل من عيني
رحت للغرفه سكرت على نفسي ابكي وابكي وابكي
فجئى الباب يطق
فتحت
طلع ابوي شاف حالتي شفق علي
كنت اتخيل انه يقول :
رح انا موافق
حطيت عيني بعينه قالي : رح انا موافق
اعذروني ما راح اعبر عن ايش صار بعده
سافرت وصلت الرياض كان اخوي بستقبالي
جاء موعد الحفل ...
رحت للملعب وصلت للبوابه
لكن ماقدرت ادخل حاولت لكن ماقدرت
لكن اخوي دخلني شفت سامي للمره الاولى
في حياتي
شفته وياليتني ما شفته كان ودي اشوفه في احتفاليات
بطوله او كاس
شفته في حفل اعتزاله...
مامسكت نفسي طول الحفل وانا ابكي
قالي اخوي تبي نطلع
بدون ما اشاور نفسي طلعت
ليه ما ادري الى الان ...
من بعده حاولت امحي شخص اسمه سامي
لكن ماقدرت قلت بنفسي اتعذب ليه
سامي اعتزل وانا كل ماتجي مباره للهلال احتري سامي يدخل
وما يدخل اقول يلعب المباره الجايه
كنت اكذب على نفسي بس علشان ما اتذكر انه ساامي اعتزل ...
اسف اذا طولت عليكم لكن صدقوني قلبي اللي كتب مو يديني
>> راح انتظرك ياسامي كل مباره للهلال<<
انا هذا الوضوع والله ماراح يجي يوم وانساه ..
والله لحظه وانا اكتبه دموعي على الكيبورت ليش ,.؟؟
حسيت بشعوور غريب قشعريره يجيك احساس انك فاقد
شخص يمكن يكون أقرب واحد لك,,
سامي الجابر .......
تعدى مرحله انه يكون لاعب كره قدم
سامي الجابر........
بالنسبه لي والله غلاته من غلات ابوي
سامي الجابر.......
والله افرح لفرحه وابكي لحزنه
سامي الجابر......
أسم دخل قلب كل شخص تأمل في شخصيته
ولله تخونني العبره فيك.
,, مواضيع متفرقه :
{ اتمنى من الله انه يرزقني بموقف اكون فيه امام سامي مباشره
امام مقلتا عيني المسه يحس فيني
في هذه اللحظه تخونني العبره . }
{ أتمنى ان سامي يطلع من امور التصويتات والاراء
سواء عن اسطوره السعوديه وغيرها , والذي خلقني وخلقكم ان سامي تعدى جميع مراحل الرياضه لا عب , فنان كوره ,مهاري , اسطوره,
سامي {{{ ظاهره }}} .}يارب انك تحفظ سامي من كل شر
يارب انك توفقه في دنياه وا خرته
يارب انك تعمي عيون الحساد عنه
آمـــيـــن |
الوضع العادي
