يالله يا شباب هذا الفصل الثاني
لعيون محمد {hilaly.vip}
الفصل الثاني..]
ابتبع اثآر رجولي يمكن ادل الطريق و ارجع الخيمه و هو يمشي رجع محله و بدا يناظر تحت و منور بالجوال و لقا اثر رجله لكن تفاجأ خالد بوجود اثار قدم حمآر و بجانبها قدم إنسان..
في ذي اللحظه خالد قال:
"اعوذ بالله وش ذا؟"
استغرب خالد و تحير و قال يمكنه واحدن من هالبدو و معه غنمه مر في ذا
خالد قعد يتبع اثاره اليين ما وصل للخيمه و دخل و قال له محمد
محمد:وين رحت يالزاحف.؟
خالد:هاه لا بس هنا كنت اكلم معآذ
محمد:علينا معاذ ولا نوف؟<<و هو مبتسم ابتسامه سخريه
خالد:اقول استح على وجهك ما عندي ذي السوالف
مشاري:زيوووووون
خالد:خلاص اركد انت وياه
قعدو يتكلمون مع بعض عن ايام الطفوله و وش زينها و كذا الين ما طاحو من النوم
مفعول كبسة مع لبن
قام خآلد على صوتٍ غريب مثل اههههههح اههههههح
استغرب خالد و قال يمكنه صوت شخير عبد العزيز لأنه في العاده يشخر لكن الصوت جاين من برا الخيمه قآم خآلد يبي يشوف من وين يجي هالصوت قام يلف حول الخيمه مراراً و تكراراً لم يجد شي حتى شعر بأن هنآلك
احدٌ يمشي من خلفه و شعر بمسكة يدٍ قويه على كتفه و صرخ و قآل بسم الله الرحمن الرحيم ظل خالد واقفاً لبضعة دقائق غير مستوعب للذي حصل و من ثم التفت و لم يجد او يرى احداً بل وجد نفس الاثار التي رآسها مسبقاً هرع خالد بسرعة البرق عائداً الى كيس نومه في الخيمه و ظل يرتعش من الخوف و يقرأ القرآن بهمس و استيقظ نآيف من صوت خآلد
نآيف:وش فيك؟
خالد و هو يتلعثم: هاه وشو لالا ولا شي
نآيف و هو مستغرب:خالد..وش فيك يخوي..؟
خالد:قلتلك ولا شي خلاص ارقد ارقد..
نآيف استغرب من تصرفات خالد لكن النعاس غلبه و اكمل نومه و خالد ظل مستيقظاً حتى اشرقت الشمس و نآم و هو محتار و مشوش و خآئف..
الصباح التالي..
مشاري:خالد..خالد..خاااااالد و لعنه قم
خالد قام و هو مرتاع:بسم الله الرحمن الرحيم اعوذ بالله من الشيطان الرجيم و شرع في قراءة آية الكرسي و ما يحفظ من القرآن الكريم و هو يرتعش من الخوف امسك به مشاري خالد خالد وش فيك تعوذ بالله تعوذ بالله و خالد مغير يرتعش ثم اغمى عليه..
صحا خالد بعد ربع ساعه و كلن حواليه
خآلد:خير وش فيكم..؟
محمد:وش فينا حنا ولا وش فيك انت؟
عبد العزيز علق:من جد
خالد:لا جد وش فيكم؟
مشاري:مدري عنك جيت اصحيك قلبت علينا السديس
خالد مستغرب:ايه ايه كنت احلم بحلم و تأثرت فيه الظاهر
عبد العزيز:احلى وش عنده صار يتأثر الولد
خالد:هههههه وش يعرفك انت
ناصر:يالله تعالو الشاهي بيبرد
الجماعة:يالله جاينك
قعدو كلهم و شربو الشاهي و افطرو خبر و جبن و عسل و مربى و قشطه
بعد ما افطرو قالو يالله مشينا ناخذ فره حول المكان الساعه كانت 10:45 الصباح
الجو كان خيالي و الكل معه جواله و يصور خشته و ولا المنظر
و هم يمشون في هالمناظر وصلو روضة و وقفو السياره و نزلو الزليه و دوروا لهم مكان يقعدون فيه شوي و يروقون
قعدوا كلهم و قعدو يسولفون عن الكوره و آخرتها تهاوشو على مين هو افضل لآعب لكن انحلت بكلمة "نشوف المباراه الجآيه" رجعو للمخيم و صلو الظهر و نآصر تكفل بطبخ الغدآ طبخ لهم ناصر و خلص الغدا على الساعه 1 و نص و غرف الغدا و تغدو كلهم و حمدو ربهم و قعدو شوي الي يتمغط و الي متخم متنح في الصحن و الي يسولف سوالف مشفره مع الثاني ثم قامو غسلو و قعدو يشربون شاهي من تحت ايدين ناصر و جت الساعه و صلو العصر و جلسو على قعدتهم الين الساعه 9 قآم عبد العزيز و قآل
عبد العزيز:جوعان يالله يا ناصر قم سو لنا عشا
خالد طلع فجأه: لا يبوي فكنا بس بلا ناصر بلا بطيخ
عبد العزيز:اجل وش نآكل
خالد ناظر في صديقه مشآري:يالله مشاري قم ندور لنا مطعم بخاري
مشاري:قم يالله
راحو و هم في الطريق شافو واحد يأشر لهم من بعيد وقفو جنبه
خالد:سم يالاخو..
الرجل:يا ولدي انا جاين مع ربعي في مخيم قريب من هنآ يا ليت توصلني
خالد رحم الرجال حكماً انه كبير في السن في عقده الخامس تقريبا
خالد:اركب ..
الرجل:يعطيك العافيه يا ولدي..
و هم في الطريق خالد لآحظ ان الرجل كثير الالتفات و حذر و يثبت نظره في موضع لفتره من الزمن
خالد تغاضى عن هالشي و قال شايب اكيد بدا يخرف ولا شي
خالد:يا عم وين مخيمك ذا فيه؟
الرجل:لف يمين
خالد:بعدين وين نروح؟
الرجل:سيده يا ولدي سيده
خالد: ان شاء الله
لآحظ خالد ان الرجل ارتعش جسده بعد ما قال "ان شاء الله"
استغرب خالد و دب الرعب في قلبه و مشاري ما جاب له خبر
و يمشون وقف مشاري و قال
مشاري: يا عم الي قدمنا جبل وين مودينا الله يهديك..؟
الرجل:بس يا ولدي وصلنا ورا الجبل حنا مخيمين..مشكورين و ما تقصرون
خالد:كم يوم بتقعدون في المخيم يا عم..؟
الرجل:يومين ولا ثلاثه
خالد:زيين ان شاء الله
هنا ارتعش الرجل مره اخرى و خالد لآحظ هذا الشيء
و قآل يا عم.. التفت عليه الرجل بهيئه غريبه لكن خالد لم يحسن التدقيق فيها و ظن انه لثام على وجهه و قال خالد تعوذ من الشيطان.. قال الرجال طيب و لم ينطق بها
ولم يقل ان شاء الله خالد بأعلى صوت قال بسم الله الرحمن الرحيم!!
اعوذ بالله من الشيطان الرجيم!!
التكلمه في الجزء الثالث..
الوضع العادي
