الجزء السادس
ولعت الاشاره و خالد راح لبيتهم و وصل بحمد الله و سلامته
و يوم دخل كان مرعوب جداً و وجه قلب الوان
مشاري شافه قال وش فيك؟ قاله الي صار
ثم راح لغرفته و جاه مشاري قرا عليه قرآن و خالد نام
و قام الصباح على الساعه 2 و هو نايم 1و نص الفجر يعني راحت عليه نومه
و قام خالد و نزل تحت و نسا انه يصلي و راح للصاله و شاف مشاري
مشاري قاله اليوم الشيخ بيقرا عليك قاله تجهز و حاول انك تمسك نفسك
المهم جت الساعه 7 و راح خالد و مشاري للشيخ و بدا يقرا على خالد
في البداية ما صار شي لكن خالد بدا يتقلب و يصارخ و يلعن و يشتم الشيخ
لكن..كان الجني الي فيه الي يتكلم موب خالد و بدا الشيخ بالتحاور معه بالخروج من جسد خالد لكن الجني كان رافضا و دار بينهما الحوار التالي:
الامام:اخرج من جسد عبد الله
الجني:ابداً منيب طالع الين ما انتقم
الامام:تنتقم من وش؟
الجني:هالآدمي ذبح ولدي! و منيب مخليه الين ما اذبحه
الامام:اطلع من هذا الجسد او سأخرجك منه محروقاً بكتاب الله عز و جل!
الجني:لا لا لا لا منيب طالع ما تفهم لا لا لا
الامام:طيب انا ابطلعك الحين بكتاب الله عز و جل
الامام اخذ القرآن الكريم و حطه على صدر خالد و بدا يتقلب
و اخذ الامام يقرأ بصوت عالي عليه الين ما طلع دخان من جسد خالد
لأن الجني كان يقاوم و بشده و ما كان له نيه انه يطلع من جسم خالد
و في الاخير طلع الجني و الجني همس بإذن الامام و قال له التالي
"بطلع الحين لكن صدقني برجع مره ثانيه و منيب مخليه و ابزيده عذاب و موب لحالي معي اخواني و اقاربي.."
الامام صعق و طلع من الغرفه على طول و قعد شوي يتعوذ بالله من الشيطان الرجيم
و مشاري كان فرحان لخالد انه طلع و كان قاعد مع خالد الين ماصحا
يوم صحا خالد قالهم وش صار قاله مشاري خلاص الجني و راح و الحمد لله و للشيخ جزاه الله خير خالد قام حب راس الشيخ و دعا له يجزاه الله خير
و رجع خالد للبيت و فرحان و صلى الفروض الي عليه
و في اليوم التالي قام خالد الساعه 1 صلى الظهر و قعد مع امه و اخوانه و اخواته و تغدا و قعد متخوم متنح في التلفزيون الين اذن العصر راح المسجد و صلا العصر و رجع البيت
خالد جاه اتصال من صديقه تركي
{تركي صديق خالد حبوب لكن احياناً بثر شوي يعلب سوني و طايح بلعبة كول اوف دوتي و مسوي افرقه و كذا و فيه من عبد العزيز و محمد}
خالد:هلا و غلا
تركي:هلا هلا
خالد:اخبار؟
تركي:و الله تمام اسمع
خالد:هاه وش تبي؟
تركي:وش رايك تجي الحين؟
خالد:اجي وين؟
تركي:عندي في البيت
خالد:ليه على اي اساس؟
تركي:مدري بس كذا كنت مع معاذ و محمد تغدينا و رجعنا لبيتي و نوينا نقعد الين العشا نتعشى و نطلع نتمشى
خالد:اممممم مدري اشوف
تركي:لا عاد جد
خالد:خلاص خلاص شوي و اجيك
تركي:اوكيه
سكر خالد و راح تروش و تكشخ و راح لتركي و محمد و معاذ
يوم وصل شافهم يلعبون سوني قالهم اكبرو يا شباب الين الحين انتم على السوني؟
تركي شف شف اللعبه بس بعدين اعد صياغة الجمله
خالد اعجبته اللعبه شوي و قال خلاص نويت اشتريها
تركي قاله عن الاون لاين و كذا
خالد خلاص قال شاريها شاريها
رجع البيت و اخذ فلوس من امه و من عنده شوي بعد
راح شراها و سوا الاون لاين و كل التجهيزات و صار يلعب
و ادمن عليها و صار تقريباً منعزل عن البقيه و صار بس يلعب و يكلم الناس الي فيها و يتعرف عليهم و كذا و بعد 5 ايام جاه اتصال
خالد:الو
محمد:هلا خالد
خالد:هلا هلا محمد كيف الحال؟
محمد:و الله بخير انت شلونك؟
خالد:و الله تمام
محمد:تعال الحين في الاستراحه الشباب كلهم فيه
خالد:و الله مقدر يا محمد مشغول مره
محمد:اوكيه اذا فضيت تعال ترى حنا نايمين هناك
خالد:اوكيه لكن ما اظن اني بفضى اليوم ولا بكره
محمد:على العموم جاك الخبر سلام
خالد:سلام
محمد:خالد يقول ما يقدر يجي
نايف:افا ليه؟
محمد: يقول مشغول
تركي:خالد من يوم ما شرا السوني و ما صرنا نشوفه
نايف:ايه و الله صدقت شكله ادممن عليها
محمد:لازم يوم نجيه نفاجأه و نجيه في البيت و نخليه يطلع شوي و يشم هوا مو معقوله كل وقته على السوني
معاذ:و الله فكره
نايف:لالا احس مالها داعي
تركي:لالا عادي خالد ما يزعل
قعدوا الشباب لحالهم و خالد لحاله في غرفته يعلب سوني ليل نهار
و تعرف على شباب كثير و صار يسولف معهم و يقضي وقت معهم
و صار منعزل تماماً
لدرجة ان اخوياءه يدقون عليه و ما يرد يطنش ولا يرد و يسوي نفسه نايم
التتمه في الجزء السابع
من وجهة نظري:
الاكشن بيرجع بنسة قليلة في الجزء السابع<<بالله اسكت
الوضع العادي
