هلا وغلا ابو حميد

منور جرح بحضورك وموضوعك السياحي

>>> سياحي لفظاً ودرجة اولى بالمعنى

الشرقية حلوه بس مشكلته الجو وبرضوا الاسعار نار ..

لكن الواحد يقدر يدبر عمره هناك بسهولة ...

سلم لي يالغالي على ربعك وبصراحة واضح من اساميهم انهم كيووت خاصة فلبينو اذا طق الجنز والتي شيرت الاحمر

ولا بد من الرياض مهما طال السفر

شكرا ابو حميد

إقتباس الرسالة الأصلية كتبت بواسطة مواصل من عام 1413هـ ياخوك ربعنا حرامية يعني تخيل بتطلع إنت وعائلتك للشرقية أو جده. بتستأجر شقه بـ 500 ريال.

إلا عاد اذا كنت تقصد شقة نجمه وحده ! << كن نظام النجوم ماشي عندنا عاد






يسلمو جرررح

محمد أي سياحة داخلية يرحم أمك !!


واحد من العيال شعره ناعم و طويل شوي .. جا عند نقطة تفتيش عندكم بالرياض بشارع التحلية إلا مسكوه و كلبشوه بيده و رجله تقووول كنه إرهاابي و جابوا له الهندي بالماكينة و يلا نتف راسه تنتيف !!

هذا جاي يتمشى عندكم بالرياض !!

بعدين حتى مدينة المصانع و الدخان و التلوث مدينة الجبيل الصناعية ما سلمت منكم يا السياح الداخليين ما عندنا شي فيها و أنتم مالينها !!

يا رجال إن كان فيك حيلة للشرقية كمل طريقك ساعتين إلا أنت بالكويت رح لها و تمشى و تنبسط و ترجع !!

و سلم لي على سوزان تميم خويكم

هلا والله وغلا جرح ..
صراحة موضوعك انما ايه .. كيف لا وهو عن السياحة الداخلية ..
بس كل شئ ولا السياحة الداخلية .. انا من اشد المؤيدين للسياحة الداخلية ..
ومقارنة السياحة الخارجية بالسياحة الداخلية ظلم للسياحة الداخلية ..
صح ان الاسعار نار والعج دافنا والمناظر تسد النفس والخدمات اسوء منها مافي بس تظل السياحة الداخلية لها طابع خاص ممتع ..

يعطيك ربي الف عافية على الموضوع ,,

وش ذا الاكشن .. وش ذي الحوسه ..

ما عرفت اقرا شي ..

بس كني سمعت احد يذب في الشرقيه .. اقول بس يا ملحها ويا شينـــكم

لي عوده بعد القراءه .. <<<<<<يقاللي حجزت في الصفحه الاولى بس عارفه الموضوع بيصير 10 صفحات على الاقل

ايه دي الحلاوه ياعم الحج
الحمد الله على سلامة وصولكم للعاصمه الحبييه
اجل قايل للعسكري الرخصه في الرياض ههههههه
دمت بخير يالغالي ,,

و عليكم السلام
يا هلا و غلا

اما عاد الشرقيه وناخوك يا خي ما لقيت غيرها؟

حر و رطوبه و قلق

و الله موضوع متكتك و ظحك و فله النوع المفضل من المواضيع لدينا تسلنا

إقتباس ..بس خل عنكم والله يا الارض فللللللله

انا اشهد

إقتباس والثاني لو ( تمغط ) تشقق التي شيرت

هههههههههههآآآآآآآآآآآآىييي فطستن ما بعدها فطسه

إقتباس والله وادق لك على هاك المطعم اللي يحبه قلبك واطلب حبتين ونص مضغوط

انت بطل يا لبى المضغوط بس

إقتباس وما فيه الا بـ الخمس يا مال الشحم

يوم قريتها تذكرت مره كنت عازم اخوياي عند في البيت

يوم جا العشا كنت جايب لهم مظبي مثلوثه

جا واحد من الحظور و قالي الحين آكل بيدي؟"و هو فاتح فمه اربعين متر"

قلت لا وناخوك رح جب المسحات الي هناك و اكل بها

إقتباس من شدة تاملي للبحر يقولون ان برج المراقبه في ايران صادني

وش تتوقع انه قال يوم شافك؟

إقتباس بينما نحن جالسون الا واشوف ذك المنظر اللي يذكرك بـ اولمبياد بكين .. سبعين الف قطوه تركض من جنبك

ههههههههههههههههههآآآآآآآآآي لا تعليق يوجد على هالفقره في قاموسي



موضوع مميز و حلو و تكتكه و حركتات منتب سهل

تحياتي لك

قبل اي تعليق
شعورك للرياض لايمثل اساءه عن الشرقيه موو ياجرح

لان كل واحد مايرتاح الا بديرته
هو ايام الاجازات الله لايوريك زحمه مو طبيعيه
بس الحمد الله اذا نزلنا الدمام مايحتاج ندور سكنا موجود الله يخليه ياارب

اكيد سكان المنطقه لها دور وكبير بعد بس اغلب سكان المناطق السياحيه بصيف ماتشوف الا غبارهم


الحمد الله على سلامتكم

هلا والله محمد

ياخووك مالي 5 أيام من جيت من الشرقية بصرااحه خط الرياض

كان زحمة توقعت إني ابلاقي زحمه بالشرقيه طلعوا نصهم رايحين للبحرين

ولاطقوا لسياحتكم الداخلية خبر

سياحتنا الداخلية انا قايل من أول ؟؟ كيييف الحال ؟؟

واللي يقهرك إن المسؤولين يمدحون السياحة الداخلية ويوصون فيها

وربوع بلادي علينا بتنادي وماني عارف اييش وهم أول نااس يفختوون

للخارج والله يهالمسؤوليين لاقينا ..

لاواللي يقهر زوود لما تتمشى عالكورنييش وإلا بالهاف مون وصدفه تلاقي

اثنين من عيال حارتكم وإلا عيال جماعتكم خخخخخخخ ياخوك تحس إنك

قاعد بالحارة وماطلعت وهالوجييه فيك فيك ..

بس خل عنك اطلق مافي الشرقية مجمع الظهران والله ياهو هبال

ولايهونون أهلها الطيبيييين

خلاصة الحتسي الفلوس اللي بتصرفها عالسياحة الداخلية فصفصها برى

الله يدييم الرخص بالخارج وحتى لو كانت الأسعار مرتفعة عالأقل ادفع

على شي يستاهل وماراح تندم .. لكنك بتندم لما تدفعها لناااس تستغلك وتلعب عليييك بالدااخل ،،

ولو الأمر بيدي كان أول وااحد يفخت للخارج لكن مجبر أخاك لابطل

الميزانية ماتودي إلا للشرقية تعرف تونا عاطليين الله يرزقنا وإياكم ،،

.
.

محمد

حقز


لي عوودَة جرح

//

بااك ..
وهـ الجوّ رطووووووبَة
أول شيَ الحمدلله على سلامتكمَ ، ورحلَة سيآحيه بطَله
ويالبى الشرقيه
بس ماودّك تطوّل فيهـا ..
احنا كل ثلاثَ سنوات نروح لهَا ثلاَث أيام

إقتباس نص العالم نايمه ع الهاف مون

واتسبديه يالهاف مون .. ياخي ماصار شطَ ..!
مئرف أوي
وحتى اللي يسبحون مايساعدونك تستانس ، يحوّومون الكبد
مب مثل شوآطئ أوروبا يفتحوون النفس خخخخخخ

//

شكراً لك جرحَ وكل عامَ وأنت بخِير ..

**

هلا والله جرجح

تو مانور المجلس يالقطوع , وين هالغيبه الطويله ..

يازين الشرقيه ورطوبتهآ بس

اممممممم السيآحه الدآخليه هي بختصآر ( نهب فلوس ع الفاضي) عآد على وشو يآحسره
على حر ورطوبه وكل ابو الأشيآء ..
يعني احس الوآحد يروح برآ بالبرآد احسن لهـ من هنآ

يآحليلك لحد الحين تتذكر برنآمج الصيف والنآس
والله كنت احب اشوفه .. دايم يجي الظهر وقت الغدآ ..
كنآ نتغدى ونشوفه ..
القنآه الآولى اول مو الحين ..

إقتباس اليوم الرابع .. تهورت وقلت بنطلع نستاجر لنا ( دباب بحري ) ..

يوووووهـ ياجرجح جبتها ع الجرح والله حلم حيآتي اركب جتسكي ..
بس اهلي من النوع الخوآفين .. حتى دبآب بالموت يخلوني

صدقت والله الشخص مآيرتآح الا في بيته وديرته لمآ ينآم على سريره احلى نومه
ماظن فيه نومه مثل نومة سريرك ..

السيآحه في البلد حلوة وحلو أن الفلوس تروح هنآ ماتروح للغرب..
بس ماوفرو أماكن حلوة للسيآحه والاسعآر غآليه الوآحد كنه سآرق فلوسه
مو تعبآن فيهم .. والمشكله مافيه شي يحمس ..
الا المنآطق البآرده مثل ابهآ والطآيف وغيره
اللي يجذب السيآح لهآ هي جوهآ الحلو ومنآظرها بس ..
والآ اماكن تجذب السيآح ..

ماافي ..

يعطيك العافيه جرجح ولاتقطع مرهـ ثانيه..

**

عندي تعليق بسيط , أو بمعنى أصح بيت من قصيدة أستهوآني جداً !

يقول الشاعر :

ياقرب لندن وواشنطن وبآريس , حذفة عصآ للي رصيدة ملايين !

والمعذرة ع الرد الثاني يا جرحرح

هلا والله جرحرح

للأمانة ما قريت الموضوع ,
لكن حبّيت أرحّب فيك بعد طول غياب !

لا تخاف برجع أقرا الموضوع , بس ما رح أردّ مرة ثانية
حيّاك الله