|
مهــلآ ايهـآ المطـآلبـون بـ " الجـزيره " ..( ادلــه - قوانين تثبت ان الجزيره لاتسمن ولاتغني من جوع )
السـلام عليكم ورحمة الله وبركاته
.
.
.
يــوم كنـآ ايام الصغـر في ايام الطفوله ,, كـآن الواحد فينــآ يحـب الدوران في الشـوارع مثـل ما اطفالنا يعملون هذا الشي الان ,,
ا
المهم ,,
مر يوم علي انا وقرايبي وقررنا وبكل اصرار وعزيمه اننا نسـرق الموتـر حق الوالــد مختـرع الفكـره " ابـن خالتــي الاكبر "
المهــم جهـزنـآ الفلـوس للرحيل لاي مجمع تجاري او " بقــــآله " بحكم اني بيتنا في ذاك الااوان كان على قولتهم
" في قلعـــة وادرين "
جهزنا الفلوس وجهزنا السـياره ,, مشينا وبكل سلام وماصار شيء الى الان المهم اننا وصلنا المكان الي نبيه
قررنا ننزل ونشتري مانريده مــن " فلـــوسنا " ونرجع للبيت مباشره ,, ا
جائــت قاصمــة الظهــر اننا نسيـــنا الفلوس في البيت ولم نحظرها معــنــآ ,, سـواة الله ابرك ,, امامنا خيارين اما نـرجع وناخذ الفلوس ونرجع مره ثانيه للبقــأآله او مجمعنا المعــــــهود ,, او اننا نرجع للبيت وكان شيئا لم يكن
فكـآن اقتراحي اننا نعــود وكان شيئا لم يكن ,, اقاربي لم يرحبوا براايي ولكنني اصررت عليه فقالوا لي بالحرف الواحد "طــييير انت ورايك " بعد اقناع ومده طويله قررنا العوده للبيت وكان شيئا لم يكن ,, وفعلا تم ذلك ,,
المهم اننا عدنا فوجدت بالواجهه جــدي " رحـــمه الله " كان صاحب القلب االلين الطــيب ماهــو " دبــوس " على قولة شبابنا , المهم قال لنا وين كنتوا ؟؟ قلنا له كنا في السرداب نلعب بلستيشن قال معقوله بلستيشن كل هالمده ؟؟؟
فقررت برايي الشجاع اني اقوله وين كنا وفعلا قلت له السالفه كلها واننا رحنا ونسينا الفلوس ورجعنا الان فقــآلي هذا المثل
" كــأنك يابو زيــد ماغـــزيت " يعني لاطبنا ولا غدا الشر ,, وبالمجمل كانكم ماسويتوا شيء ,,
لاحظــو شيء وركزوا على اننا الان لو طالبنا بالجزيره كجمهور هلالي ,, راح ينطبق علينا المثل " لاطبنا ولاغدا الشر "
بالمعنى اننا لو اشتركنا بالجزيره والغينا اي ار تي وصارت قناة جزيرة الزعيم فعلا راح نلقا احترافية نقل راح نلقا انصاف راح نلقا نقل للتدريبات ايضا للمعسكر ولكن الاهم هل ستنقل مبارياتنا على الجزيره ؟ لاحد ينط لي ويقولي عادي مانبي نشوف مبارياتنا المهم ماندعم العارتي لا لا لا لا خلك منطقي وحكم عقلك ولاتجرك العاطفه ,, كيف تبي تشوف مباريات الهلال والحقوق عند اي ار تي للدوري السعوودي ؟؟؟
مرح تستفيد انت كمشجع ولا انا راح استفيد والعارتي بتستفيد وجمهور الهلال الضحيه !!!! انا استغرب من الي يجي ويقول "" اانا مستغرب من ابو مساعد كيف يخلي جمهور الهلال ينهان من االعارتي " طيب وقف وقف انت شايف الامر بيد ابو مساعد على قولتك ؟؟
ابو مساعد لو انه يرضى بـ اهانة جمهور الهلال كان خلى ابو ظبي تسرح وتمرح في الجمهور ولكنه اعطاهم الظربه القاصمه في ظهورهم وعلى المـلأ تدرون ليه ؟؟ لان االامر بيده ماهو بيد غيره ولكن مسالة الغاء اي ار تي نعم هي بيد ابو مساعد ولكن لو فعل مانطالب كان تضرر الجمهور الهلالي راسا على عقب لاانه مرح يشوف مباريات ناديه وهذا اهم شيء عندنا ,, انا كنت في روم الزعيم في " البالتوك " المهم قال واحد عادي ازين مانبي نشوفها بالتلفزيون نبي الجمهور يحضر والمشكله اانه شخصيه معروفه في الروم ,, انا من قوة القهر الي فيني من كلامه العجيب
طمرت عليه وقلت له وقف وقف انت من جدك تبي جمهور الهلال كله يحضر ؟ تبي نص السعوديه يحضرون ؟ تبي 12,000000 ثنعشر مليون يحضرون الملعب ؟ صاحي انت ؟ وش المنطق الغريب ذا ؟؟
وفعلا الرجال اقتنع واعترف انه كن على راي متناقض مع الواقع ,,,
لذلك اكرر واقول مسالة الغاء اي ار تي الزعيم ليست من صالح الهلال واالله العظيم لانك بتقعد ماتشوف مباريات ناديك وخل التدريبات والاحترافيه المزعومه تنفعك
ملاحظه : " لاحد ينط لي ويقول مندس او انك تحب الارتي انا اكره الارتي كره مماتصوره ولكن مصلحة الجمهور فوق كل شي
اسف لو كنت مخطئ لاني جاي اتعلم منكم مااعلمكم ,,,
تحياتي | 
الوضع المتطور
