حياك الله اخوي ..

موضوع ويلي اتعبكم واتعبنا , والبلا كله لما يجيني واحد يقول لاعب تكتيكي <_ لانها صارت ذبه اكثر من مدحه !!
ياعزيزي ما ودي اطول بـ الكلاام لكن عندي كم نقطه عن موضوع ويلي بتكلم عنها , لكن قبل ما اقول الي عندي بقولك هـ الجمله علشان ترتاحون ..

اتمنى لاعب افضل من ويلي لـ فائدهـ الفريق اولاً وعلشان نفتك في المنتدى من قولة تكتيكي !!

أولاً : من معرفتي البسيطه جداً بـ كرهـ القدم ان التشكيله تسمى توليفه !! بـ معنى انك لابد يكون عندك لاعبين ادوارهم متعددهـ !!
اكبر مشكله واجهها مثلاً فريق تشيلسي وجود لاعبين ادوارهم وحدهـ في الملعب , وجود بالاك ولامبارد وحاسهم ديكو افقد التركيز عند بعض الاعبين وان نجحوا بـ حكم قوتهم وخبرتهم الدوليه !! لكن الفريق ماكان عندهـ حلول كثيرهـ !!

لو تروح مثلاً لـ مانشستر يونايتد تجد لاعب سوبر ستار جناح مثل كريستيانو ولاعب جهد مجنون مثل روني وعقل مثل قيقز ومنظم للعب مثل سكولز ولاعب مجهود مثل فليتشر او بارك !! وقيس على ذلك من اللعيبه الثانين <_ وشوف الفريق ايش حقق !! الدوري الانجليزي ثلاث مرات مع وجود فرق تعتبر قوى ضاربه في اوروبا و حصل على كاس ابطال اوروبا و وصل للنهائي مرهـ ثانيه !!

الزبدهـ من الكلام الي رفع ضغطي : انا ماابغى ثلاثه طارق التايب في الملعب ولا اثنين من نيفيز بالملعب !!
لما يجي ويلي يشكل قوهـ في الجهه اليمنى <_ بـ بثارته فقط !! ونيفيز عقل مدبر و الفريدي والشلهوب وكلن له خصائصه وومميزاته بـ الملعب , راح استفيد وراح القى حلول !!

الشي الثاني والي انا مبسوط منه ومتفائل فيه السنه هذي : ان ويلي يتحصل على اخطاء كثيرهـ وكنا نفتقد السنوات الي راحت من بعد كماتشو للاعب الي يعرف يرفع او يسدد ضربات حرهـ بشكل ممتاز !!
وهذا الشي يدورهـ يالبى قلبه نيفيز !!

مافي لاعب بـ الهلال يرفع كورهـ صح ( لب ) الي بس تحتاج لمسه بسيطه واقدر اقول عنها { تافهه , تجيب هدف على طول إلا الشلهوب والسنتين الي راحت ماالعب معانا كثير !!
طارق التايب و ويلي وحتى الفريدي ناس تشيل الكورهـ شيل !! ماترفع الكور !! واي واحد لعب كورهـ او يحب التمزيع راح يفهم قصدي ..

فـ نلخص هـ النقطه بـ أن : راح نستفيد من الاخطاء الي يتحصل عليها ويلي كثير !! بوجود لاعب مجنون مثل نيفيز ..
.
.
فـ ياحبايبي وجود ويلي مهم للفريق ويعطي الفريق الصبغه الاوروبيه بـ المجهود وتطبيق ماعليه حرفياً , مع وجود لاعب مهاري ويصنع الحلول الفرديه وبرازيلي كبير مثل نيفيز , وجود خامه كبيرهـ مجنونه تلعب بـ روح وعقل مثل الشلهوب , لاعب مجتهد وعقليه كبيرهـ مثل الفريدي , لاعبين مثل عزيز ورادوي وحووش ياكلون الاخضر واليابس ..

الزبدهـ لاتخافون على الهلال ابداً ولا على وسطه !! بـ انا اتمنى التووفيق من الله فقط لاغير ..


طولت كثير وانا مااحب ارد في الصفحات الاخيرهـ لأني عارف ان محد راح يقرى ردي لكن شي بـ خاطري وودي اطلعه .. ومستعد اناقش اي واحد يخالف رأيي يا يفقع وجهي يا اقنعه ..

تحيْآآآتي ..