09/08/2009, 02:40 PM
|
زعيــم مميــز | | تاريخ التسجيل: 29/10/2006 المكان: الـوســطـــى
مشاركات: 4,444
| |
| إقتباس | | | | |
الرسالة الأصلية كتبت بواسطة إحساس خالد | | | | | | | | ابتكلم عن سالفتي صارت لي مع الهيئه مع العلم كانو معاي في الجلسه ناس ملتزمين مشهود لهم بالصلاح يوم الاربعاء طلعنا حنا والشباب بالثمامه ... نبعد عن ازعاج وضغط المدينه وعن الاستراحه المهم وحنا بعز السوالف بعد الشوي والكبسه اللي ترد الروح (من ايديني ) خويي قالي شف اللي وراك واشوف جيوب توقعتهم فيه تحدي بينهم وشوف اسرعوا وكأنهم ناصيننا (متجهين عندنا بسرعه) وفجأه واحد راح يمين والثاني جاي لمنا بيدعسنا يوم شفته انه اقبل خلاص ونقوم بسرعه نروح لسيارتنا ((نور السياره مولع )) ويجيبنا في الله يوقف لمنا وبكل بساطه يقول وش عندكم ونشوف واثاريه سياره باترول تبع الهيئه ...احدنا قال ياخي خوفتنا مو اسلوب قال اشوف انتم سكارى ولا لا ... تكلمت قلت لو حنا سكارى كان صحينا عقب حركتك واللي راح يمين ((السياره الثانيه)) جانا من الجهه الثانيه يمين شوف كيف يعني واحد واقف بوجيهنا وواحد خلفنا عشان يقالهم مايمدينا نسوي شي ((نخبي شي)) .. الثمامه في بلاوى ما اختلفنا بس بالله هذا اسلوب حقيقه من الاول كنت اقول الجرايد ظالمه الهيئه بس عقب اللي شفته ما استبعد منهم اي شي انا عاده احفظ لوحه شي بس هالمره. للاسف حسبي الله عليه والله لايسامحه ولايحلله اتمنى الهيئه تفعل مزيه الدربيل الليلي | | | | | | اخوي احساس خالد انا صارلي نفس موقفك كنت شاب الضو او النار واستنى الشباب عشان نضبط العشى في الثمامه ولمحت سياره مقبله جيب والثانيه والله ماشفتها الا قدامي يعني سكروا علي وانا كنت اكلم ولا تحركت سلموا ورديت عليهم السلام ولم يسئلوا عن شي اكتفوا بالنظر وهم داخل سياراتهم . وقلت لهم تفضلوا وشكروني وذهبوا .. فقط .. ولاكن انا اختلف عنك موقفهم هذا زادني اعجاب بهم لأن هناك عوائل واطفال متواجدين في ليل الثمامه المظلم ورجال الهيئه هم بمثابة الحراس في ظل غياب رجال الامن من العابثين والمستهترين من السكارى وغيرهم . الله يوفقهم ويقويهم ان شاء الله ،،، |