][][ .. كأس النخبه مـأنبيه..بطوله أولومبيه مآنبي,,موسمنـأ للحين مـأبدأ .. ][][ - نادي الهلال السعودي - شبكة الزعيم

الاسطوره ميسي · #1 06/08/2009, 12:46 AM

,

؛

السلام عليكم,,

حيهـم حيهـم,,

وشخبآركم عسآكم بنعمه,,

مساكم الله بالخير ..

هآردلك لنآ

آن شآء الله نبدى بدآيه قويه بدآيه الموسم

قآيلكم آن تفآئلو دآئمآ بس مآتسمعوون,,

ورآكم شآبين على فريقنآ الآولومبي,,!!

اهدا من كذا ياشباب,,

البطوله بطولة شيبان وحنا مشاركين بفريق كلهم تحت ال20 سنه

ماعدا سعد الذياب الي اقلق امنا بعض الجمهور الهلالي الي ليت
فيه تنسيق او اعاره للجماهير كان اعارتهم ابرك الي غث ام ام ام ام امنا
ببروده ومدري وش يبون به خلاص صك ال27 سنه وش تحترون منه يرحم امكم

عطو شافي الدوسري فرصه اصرف منه

الشي الثاني المدرب احس انه كان عارضة ازياء

وسوا عمليه وتحول لذكر الا ربع ويخاف من مناظر الالتحامات
والخشونه عشان كذا مايطالع المباراة والا مدري وشفي امه,,

لاعبينا بصراحه تحس انه يجي منهم بس مدرب من جنبه

يعني انت شفت ذيك المباراة ان التشكيله الي لعبت فيها
في نهاية الشوط الثاني قدام الحزم هي الانسب

الشي الثاني رائد الصويلح كان عاله المفروض مطلعه من بدري

الغبااااااء الثاني والدلاخه يوم طاح المهاجم الهلالي وكانت اصابته قويه
تخليه يكمل ليش !! كررت الخطا ثاني مره المره الاولى مع بدر الدعيع
وهذي المره الثانيه مع السويلم !!!!

راقي فلاته + نواف العابد +رضوان الموسى + عبدالله الدوسري +
فيصل بايزيد +الحارس +محمد القرني =
ابداع ابداع وينتظرهم مستقبل مبهر في الهلال,,

سلمان المؤشر وسلمان الفرج وبندر العنزي انتم رهيـبـيـن,,

بس الاستعراض والتعالي على الكوره اقصر طريق للتنسيق والنسيان

.
.

الفريق ما كانه سوا معسكر برا,,

اللعب الجماعي مفقود بالاضافة الى وهذا الشي المستغرب منه بقوة
ما فيه مهاجم صريح راقي فلاته وجودة في الوسط اليمين افضل
منه كرأس حربه فيصل باوزير يا كافو انت ووجهك وراك ما تسوي اللي
عليك وهو توصيل الكورة للمهاجمين وتترك عنك الفلسفة الزايدة,,

الفرج وما ادراك ما الفرج الذياب نفس الكلام التنسيق ما فيه احلى منه,,

الفريق يبيله شغل جامد ما نحكم على المدرب لانه ما مسك الفريق الا من قريب,,

ويمكن العناصر ما خدمته بس ارجع واقول معاناتنا مع المهاجمين مستمر,,

ما اذكر من بعد سامي الجابر

طلع احد من درجة الشباب ينشد الظهر به
يعني بصريح العبارة من 20 سنة ودرجة الناشئين والشباب دون الطموح,,

كنا نتوقع افضل من اللي شفناه ما نبي نطلب منهم فوق طاقتهم ,,

لكن هذا العمر بالنسبة لكورة القدم هو سن البروز مو لما يوصل
عمر اللاعب 27 او 28 توه بيبرز كم اباقي له ويعتزل سنتين ولا ثلاث ,,

لازم لاعب الهلال يفهم زين انه اذا ما قدم ما يشفع له بالبقاء
فإنه لا يستحق الاستمرار بهالشكل,,

السنه الجايه عسكروهم بالطايف ماهو وجه برازيل ذولا

و خليلووو خليلووووووو

تدرون وش مشكلة هالخوال حقينا ؟

كل واحد شايف نفسه رونالدينوو زمانه انسى اناول وابي اسحب
وابي كبري وابي ماحد يلمسني

ياخي العب صح يرحم اهل اهلك
تحسهم ماخذين مقلب بانفسهم ان مافيه قبلهم ولا بعدهم
انآنيه مهيب طبيعيه ,, رفاااله ,, ما فيه انسجام ابد

احسن شئ تطالعون مباراه ولآ تكونون على اعصابكم

بصراحه القرني هذا ذكرني بخميس العويران كنت اسبه يوم كان في
شباب الهلال واول مابدا يلعب مع الفريق الاول
وبالاخير طيح وجهي وصار من افضل محاور المملكه والخليج
والقرني انا اشوف انه بيصير له وضعه في الهلال لكن يبيلهم
مدرب وطني يصقل مواهب وانا اقول ياحسين الحبشي او الحربي

صراحتن ماشفت الا الشوط الاول,,

ثمن رجعت وطبيت على نص الشوط الثاني ومير ماامداني افتحه الا وجاي هدفهم

ررجعت للحريم وصبيت القهوه وتسذا ( بزعم انها تقوطر سناعه)

ورجعت للتلفزيون
ومامداني افتحه الا الحكم محتسب لهم ركلة جزاء <<-- الله من النحس في هالخشه ..

عاد الثالث مالحقت عليه

اهم شي ان شبابنا بيتعلمون من اخطائهم ..

وبالعكس الخروج من هالبطوله الي مدري وش تبي بيعم على اللاعبين بالفائده و الخ

والوعد في كأس الامير فيـصل ..

وان شالله انا حاطن فيهم امل ..

لاعبو كبار وواكتسبو خبره وهاذي خشتي ان مابدّعو في كأس فيصل ..

ع العموم هاردلك الخسارة ..

ولا تنسون يا شباب واجهنا فرق تلعب بالممتاز وبفريقها الاساسي ..

اعتقد اننا كسبنا خبرة وقوة التحامات << --الظاهر مبارين برشلونة

انا كنت اتمنا ان حسين الحبشي او الحربي ماسكهم في معسكر في الطايف
والا ابها ومطقطق بهم تمارين وتصفيق وتهزيء لين يقولون بس,,

همن يدخلهم هالبطوله انا اتوقع بيبدعون اكثر من ابداعهم مع مدرب اجنبي

وكلنا نتذكر يوم حسين الحبشي يمسك الاولمبي

اول بدايات العنبر والصويلح والخراشي والموري

اهم شي التجارب مو مهم النتيجه والبطوله

ودي اشوف مستوى العنزي والفرج

المشكلة الاساسية في الاولمبي عدم وجود راس حربه صريح,,

وما ادري كيف نلعب بدونه عموماً مانبي نستعجل على اللاعبين
ولكن نعيب على بعضهم عدم ظهوره بالمستوى المأمول مثل نواف العابد,,

هالبطولة الغرض منها اعداد فريق لبطولة الامير فيصل ..

بغض النظر عن النتايج الاحتكاك بالفرق الاولى للاندية مفيد للاعبينا ..

فيه عدة اسماء بالفريق تنقصها الخبرة وماراح تجي الا بمثل هالبطولات الودية ..

نتمنى الفائدة قبل النتيجة لاولمبينا ونتمنى اكتساب مواهب تفيد الفريق الاول ..

اسوء ما في البطولة هو عدم نقلها من قناة الزعيم,,

مدري قناة خاصه بالنادي ولا تنقل آآآآه بس يالجزيرة,,

معلق المباراة الي راحت احسه حق مواهب وافكار

ماله دخل بالكورة ابد ياليت يتنقلونها على الصامت ولا اصوات المحرجين

يكفيّ انه ما قال الدخول مجآنآ وفيه سحب على سيآره الآ مره والا مرتين

بعكس ذاك ابلشنا طول المبآرآه وهو يقولها لدرجة بغيت ادعي
على السيآره تنحرق ويفكنآ خخخخخخخ

بآ الآخير وشسمه مآ آبيكم تزعلون بآ الحيل,,

يعني بقولكم آذآ بدء موسمنآ ببطولآت صدزيه
وقتهآ عآدي آزعلو بس ترآ الدعوه بطوله وديه,,

وبآذن الله آن لعبيننآ آكتسبو خبره وآستفآدو من آخطآئهم,,

يعني تراه فريق اولمبي وسعوا صدوركم,,

وربي مشتاق للهلال متى يبدا الموسم ونكسر روؤسهم

قفله عشآن الي زعلآن يضحك آو ع الآقل يبتسم,,

تهقون رادوي ضحك

تحيتي لكم الآسطوره ميسي ,, منصور الوهيـبي,,

سسسسلام..