|
التايب > الخثران > الشمري .. والقادم أسوأ وبتذكروا كلامي .. ومدربنـا ما يدري وش السالفه ..!! السلام عليكم ورحمة الله وبركاته .. كيفكم يالزعمـاء .. والله أكتب هالموضوع من القهر اللي فيني .. نحترق علشان الهلال ونسهر ونبكي .. أدري بتجي بعض الردود إني مندس وإني ماني هلالي وإني وإني وإني ...إلخ بس والله ما كتبت هالموضوع إلا من حبي للهلال .. ( وإللي مو عاجبه الموضوع مو لازم يرد .. هذي وجهة نظري) .. في حياتي كلـها ما شفت الهلال زي الموسم السيئ إللي راح .. والموسم عدّا بخيرهـ وشرهـ .. وأحس إن هالموسم ما تغير شي ..!! بس يمكن تغير للأسوأ ... طارق ..!!!!! طارق اللي يحبه الصغير والكبير .. وإللي بنى شعبية للهلال في السنوات القليله الماضيه .. بنبكي عليك مثل ما بكينا على كماتشو .. الخثرااان ..!!!!! يقولوا إنك إنت إللي وقعت المخالصــه .. وأنا مستعد أحلف إن المدرب هو اللي (طردك) وإعذرني على هالكلمه .. بس عرفت هالكلام من أشخاص مقربين من نادي الهلال .. الشمري ..!!!!! أفضل حارس بعد الدعيع وأفضل حارس يرد بلنتيات .. يسون لك معسكر في النمسا ويودونك القادسيه (ياسسسلاااام)..!!؟؟ .. الأندية المنافسه لنا .. غيرت في لاعبينهـا واجد .. وإحنـا ولا لاعب محلي هالموسم .. والمحياني من الموسم اللي راح موقعين معه هو ويا العنزي (فيصل على ما أعتقد) إللي ما شفناهـ ولا في مباراه .. المكتوب واضح من عنوانه .. إذا صار هالموسم سيئ للهلال فلا تستغربون .. وإن شاء الله يكون ناجح .. بس أعتقد إن إحنا ما سوينا الأسباب .. .. مقدرين تعب الإدارهـ والتوفيق من رب العالمين .. وبالنسبه للمدرب .. يمشي اللاعبين عشره كيلو ؟ في أول أيام المعسكر وقبل أداء التمارين .. وبعد هالعشره كيلو ولا لاعب كمل التمارين الأخرى من الأرهاق < على ذمة جريدة الرياضيه .. (10) كيلو .. قد تكون المسافه المناسبه .. بس مو بالطريقه هذي .. إنت تدرب بالسعوديه مو بـ أوربـا .. ...... أخيراًََ .. الله يوفق الهلال فوق كل أرض وتحت كل سماء .. وانا هذي وجهة نظري قد تكون صح وقد تكون غلط .. وإذا فيه سلبيات واضحه مثل عين الشمس لازم نقولها .. وعلى الإدارهـ إنها تتلافاها .. والله يوفق زعيمنــا |
عسى ماتكلفت يـ الغالي ... |
التايب انت شفته الموسم الماضي سوى شي ؟؟؟ الخثران ماقصر صحيح اننا ما اقتنعنا انه يترك النادي لكن الخثران ماعند النادي له سوى حلين أحلاهما مر وكان الحل انه يترك النادي اما الشمري اعارته مافيها شي بالعكس كانت افضل للشمري وللنادي ايضا وترى المواضيع اللي مثل موضوعك مالها داعي يالخبير طالع احسن من المدرب تتنقد عمل المدرب يافيرجسون على غفله خخخخ خل الدوري يبدا ولكل حادث حديث |
. . صدقني .. القرآرآت الي آتخذت ابداً ماهي سسسهله .. وصدمه لنآ كجمهور !؟ ~ ورآح تكون الصدمه اقوى لو خرجنآ هالموسم بدون بطوله او بطولتين ع الأقل ! لأني الي حصصل يسستاهل .. بطولات .. ! ~ بالتوفيق للهلال :rose: |
تـ ع ـبت ع ـمـرك.. الخثران 36 سنـه..الشمري (إعاره)..التـايب(قرار المدرب 100%) وش اللي مو ع ــآجبك.. مع إح ــترامـي لك..موضوعكـ = زياده عدد لا أكثر.. بــووغ ــنصـوار |
مشكلة جمهورنا عاطفي شوي ارجعوا للمتندى قبل ايام قليلة وشوفوا اللاعبين الاكثر مطالبة من قبل الجمهور هم اللاعبين الذين تم ابعادهم ولكن البكائيات لاتنفع اتمنى اننا نعطي شباب النادي فرصة وراح يثبتون اقدامهم |
اخـــوي فيرون ..... لكـــل مدرب فلسفه وطريقه معينه ..... ولازم نحترمها حتى لو ماكنت تتناسب مع فكرنا كجمهور .... انا عن نفسي مثلا مااؤيد التشكيله الهجوميه .... ومع التشكيله الدفاعيه دائما وابدا ... مع ذلك ماقلت هالمدرب مايفهم ولا هالمدرب ماادري وين يبي يودينا ... بالنهايه هو مدرب كبير وعارف وش يسوي ... واذا كنا بكل خطوه راح يتأخذها نبي نعارضه ... نمشيه اجل احسن ونصير حنا مدربين ؟؟؟؟ وبالنسبه للاعبين المنسقين انا اشوف انهم كلهم اعطوا ماعندهم وزياده بعد ... الا كأنك تبينا نصير زي ميلان الايطالي ( اصغر لاعب معهم عمره 34 ) !!!!! وبالنسبه للكابتن فهد الشمري .... انا اشوف ان الاعاره افضل له وافضل لنا .. على اساس مايفقد حساسيه المباريات .... وبالنهايه اللاعب هلالي وحتى لو اعير للقادسيه او غيره راح يرجع ان شاء الله للنادي الموسم القادم .... عالعموم ان شاء الله الهلال قادم الموسم الجاي وبقوه .... سواء بالخثران والشمري او بدونهم .. صدقني الهلال عمره مايوقف على لاعب معين ولا نجم معين... تحياتـــــي ...... |
انا اقولها واتحمل مسؤليتي انت مندس |
وش هالتهور وانا اخوك شكلك ماتدري وش السالفة ياشين الي يستبقون الأحداث |
المشكله نتكلم وتحترقوون ومحد يرد عليكم واللي سواها الخثران هو قراره او غيره صحيح صددمه اما التايب خلالاص يكفي نجامل انفسنا نريد هلال الـ 1418 وما وراه من اللعب الجماعي والمتعه الكرويه تلاقي الكل يسجل من قدم اللعب الفردي واللاعب تراه يسجل من في الوسسسط والهجوم نايييم لان الاعتماد الكلي على الوسسسسسط وننتظر رد شبيه الريح او نواف بن سعد على كل قرااااااااااااااااااار |
فيرون .. يعطيك العـآفيــه .. ع الموضوع .. أنـآ قبلك قلت 10 كيلـو :D .. وشبوا علي هههه ..} وأعتقد إن معظم كلامك صحيح .. واتحفظ بـ البعض ..} بس من جد شي يقهر ْ وٍْرٍْبي.. وعموماًً .. الله يوفق الهلآل ..} |
السيد جريتيس اعرف مني ومنك ومن اي واحد بشغله جريتيس له شهر مع الفريق وعارف وش من هو اللي يحتاجه ومنهو اللي ماله اي لزمه معه جريتيس ماضحى بأسمه وترك اوربا الا عشان يقدم شي للهلال ويحقق انجازات لسجله التدريبي جريتيس واضح من بداية معسكر الهلال وهو مركز على الجانب اللياقي وهذا يدل على انه يعتمد على الاداء السريع واعتقد الخثران والتائب ماينفعونه ابد بهالطريقه ماقصر الخثران الله يعطيه العافيه لكن لكل بدايه نهايه |
ياخوي انا اقول بصراحة انك المفروض تكون انت المدرب بصراحة من كلامك حسيت انك عندك حس تدريبي ياخواني اشغلتونا كل يوم طالع واحد ويقول الا فلان الا فلان ياناس ياعالم طلع منهو افضل منهم وفيه من هو اعتزل وترك اللعب ولا تغير شي الهلال هو الهلال ينافس يحصل بطولات اما عن الموسم الي راح يا بشري كانك منت هنا انت شايف كيف الهلال خسر الدوري وخسر اسيا وخسر كاس الملك يعني لو تفصلها تفصيل راح تعرف ان المشكلة كلها من طرد المدرب ياعالم كبروا عقولكم |
قال ماعنده سالفه ياخي خله يشتغل على كيفه التايب احمد الله انه راح والله العظيم قلي وش سوا للهلال غير الكباري وباص عيون الي علشان البزران يصفقون له اذا كل لاعب بنبكي عليه ونقول ليش يروح كان صار اعمار لاعبين الهلال فوق الاربعين الخثران اذا ماراح السنه هذي بيروح الي تجي ولا تنسي انه اول الموسم كان بيعتزل واجزم لك لوكان موجود السنه الي تجي انه ماراح يلعب اما الشمري فاعتقد ان الهلال اعاره ولم يبيع عقده فاعارته مفيده للاعب وللهلال اتمنى ان تقبل وجهت نظري |
إقتباس:
وثانياُ.. أعرف الهلال وأحب الهلال قبل لا يفتح هالمنتدى علشان تقول مندس . يعني خلاص ما تبون أحد يقول رايه .. إلا وشبيتوا فيه .. .. |
ياخي تفائل بالخير:alzaeem::alzaeem::alzaeem: |
اذا بصيح بصيح على الشمري الى ماخذ فرصته والسبب المجاملات |
والله ياخوي اللي يشوفك يقول تتكلم عن الاسطوره فهد الشمري ولا الاسطوره الخثران او التايب اللي يعتبر اسطوره فعلا ولكن اسطوره انتهت ادت اللي عليها |
وش رايك تصير المدرب وترجع التايب وليلو ابو مراوح وغيرهم اللي يحبون الاستعراض بعدين العشرة كيلو تبغى تقول انك افهم من مدرب اللياقة اللي عارف كل شي عن اللعيبة وتقول حنا في السعودية مو في اوروبا . اجل ليش يسمى اللاعب بالمحترف اللي مايقدر على التمارين ويطبقها الله معاه من جد عقول قديمه ... |
ياالغالي التايب راح وجاء افضل منه وهو نيفز الخثران لم يشارك الموسم الماضي الا في مباريات قليله وبجود الغامدي والدوسري والبرقان وعزيز ورادوي والغنام ورائد الصويلح صعبه ان يشارك اساسي او احتياط الشمري من يوم جاء وهو احتياط وطالب بمنحه الفرصه بالاعاره لفريق اخر مثل زميليه العتيبي وشراحيلي وهو ماتحقق ومن حقه انه يشوف مصلحته |
إقتباس:
قصدك الهلال اللي سوا لطارق شعبيه لا يكون كنت تعرفه وتتابعه زين قبل يجي الهلال ..؟ شعبيه الهلال اكبر منك ومن طارق ^__^ |
ههههههههههههههه وش فيكم شبيتوا فيه...... |
والله المدرب تمادى عن اللازم ,, عن التايب وقرار استبعاده نسمعه من زمان واللاعب كان في احتماليه خروجه .. بس اللي يقهر في يوم وليله صدر قرار بالخثران هي الصدمه ..والله يستر من الجاي ,. والله من جد مهزله |
لو انك ماكتبت الموضوع احسن لك ياعمي قسم بالله انك ماتفهم كووره |
اللي يقولك التايب مو مفييد يتابع قناة ابوظبي مباراة الهلال والشباب ويشووف ويش يسوووي طارق سنعض أصابع الندم ياطارق قال ايش طارق مو مفييد .. |
اولا التائب وفيه بديل له إلي هو نيفيز عطني لاعب محلي افضل من الموجودين في الهلال الآن وسهل انك تطلعه من فريقه عيسى المحياني صحيح وقعنا معه من الموسم الماضي ولكن التوقيع معه انه يبدا هذا الموسم يعني تقريبا يعتبر لاعب جديد لأنه ما لعب للهلال اي مباراة الموسم الماضي مو شرط انك تجيب لاعب محلي لمجرد ان التوقيع ولكن لازم يكون مفيد والهلال كان يحتاج مهاجم وهذا عيسى المحياني مهاجم محلي ظهير ايمن ووقع الهلال مع لي يونج الشمري ما لعب ولا مباراه مع الهلال الموسم الماضي وش الفائده من جلوسه للموسم الثالث على التوالي او موسمين في الاحتياط الخثران اعتقد لا وجود له وبعدين فرصه للاعبين الشباب وجود عزيز والغنام ورادوي والبرقان والغامدي يكفي مع لاعبي الفريق الأولمبي اعتقد ماله اي مكان ما اتوقع ان الهلال راح يصبح سيء لأن ثلاث لاعبين فقط خرجوا منه اثنان منهم لم يلعبوا الموسم الماضي إلا دقائق معدوده والثالث اغلب وقته كان في عيادة النادي وعلى الطاري كل لاعب له بديله لي يونج يجيد اللعب في اكثر من مركز كالخثران وبالقدمين نيفيز صانع ألعاب بديل للتائب والشمري هناك حسن العتيبي و بدر الدعيع وشراحيلي طبعا غير ابو عبدالعزيز |
بالنسبة للتايب تبي تقتنع إنه مانه فايده هذا الموسم وخصوصا مع جيريتس .. عندنا ويلي ونيفيز والدوسري والشلهوب والفريدي وش نبغى بالتايب ؟؟ الخثران صحيح لاعب ممتاز لكن السن له دور وفي مركزه أكثر من لاعب .. والشمري مافيه أمل ياخذ فرصه والدعيع موجود فالأفضل يلعب في فريق ثاني عشان يستعيد مستواهـ .. يا جماعه خلوا نظرتكم للأمام .. |
ليت امر استبعادك عند قريتس كان يعطيك باند بدون توقيع مخالصه فيه مواضيع من سطورها تفرض ردود ايجابيه وفيه مواضيع ودها تقول لا صاحبها لا تكتبني النادي وين وانت وين والمهم وين عان الله على مثل هؤلاء الأعضاء |
السيد جريتيس اعرف مني ومنك ومن اي واحد بشغله جريتيس له شهر مع الفريق وعارف وش من هو اللي يحتاجه ومنهو اللي ماله اي لزمه معه جريتيس ماضحى بأسمه وترك اوربا الا عشان يقدم شي للهلال ويحقق انجازات لسجله التدريبي جريتيس واضح من بداية معسكر الهلال وهو مركز على الجانب اللياقي وهذا يدل على انه يعتمد على الاداء السريع واعتقد الخثران والتائب ماينفعونه ابد بهالطريقه ماقصر الخثران الله يعطيه العافيه لكن لكل بدايه نهايه |
فالك بسروالك .. الموسم القادم أحلى وأحلى .. :) كل المواضيع ذي عارفين وش الهدف منها تبون تقولون سامي الجابر هو اللي طفّش اللاعبين .. الموسم الجاي بيرد عليكم سامي ويخرسكم .. |
إقتباس:
سامي عمهم وحارق دمهم s13ss13ss13s |
إقتباس:
سامي عمهم وحارق دمهم s13ss13ss13s |
الخثرااان ..!!!!! يقولوا إنك إنت إللي وقعت المخالصــه .. وأنا مستعد أحلف إن المدرب هو اللي (طردك) وإعذرني على هالكلمه .. بس عرفت هالكلام من أشخاص مقربين من نادي الهلال .. .. وبالنسبه للمدرب .. يمشي اللاعبين عشره كيلو ؟ في أول أيام المعسكر وقبل أداء التمارين .. وبعد هالعشره كيلو ولا لاعب كمل التمارين الأخرى من الأرهاق < على ذمة جريدة الرياضيه .. (10) كيلو .. قد تكون المسافه المناسبه .. بس مو بالطريقه هذي .. إنت تدرب بالسعوديه مو بـ أورب. والله يوفق زعيمنــا [/QUOTE] من هالنقطتين في موضوعك عرفت انك تدخل في امور انت في غنى عنها وش دخلك في لياقه و10 كم وليه تحلف --- ياخوي سنه الحياه حل وترحال والخثران فكر صح ويااخوي عمره يحكم وياليت يلحقه الغنام --- طول المعسكر وهو مصاب ومن جاء للهلال وهو مرابط في غرفه العلاج تقل منتجع للغنام ----------------------------اتركونا من العاطفه---------------- |
التايب كان عطاه قليل الموسم الي فات فما استبعدنا قرار استبعاده والمفرج نفس الحاله..! بس الخثران والشمري من جد استغربنا بس الشمري في مصلحته لانه بيقعد في الاحتياط ..! يلا الله يوفقه والزعيم ماندري وش الخيره فيه ..! |
اخي العزيز سوف ارد عليك بكل منطقيه واترك العاطفه جانيا اولا اللاعب الخثران اتفق معك قدم الكثير للفريق ويشكر عليه ولكن اذا عمره وصل 36 انا اعتقد اخذ وقته مع الفريق وزياده وبعدين اذا استمر متى عبدالعزيز الدوسري وزملائه الشباب ياخذون فرصتهم في اللعب اذا عمر كل منهم 30 انا اشوف قرار فني ممتاز والخثران الله يوفقه . ثانيا / طارق النايب صحيح لاعب مهارات وعيون وخشوم لكن الهلال قدم للتايب اكثر مما قدم طارق نفسه للفريق وفي راي بانه لاعب غير مفيد فنيا للمدرب ثالثا / فهد الشمري اللاعب يبي يلعب اساسي ولكن في ظل وجود الدعيع فرصته قليله فاعارته قرار جيد رابعا / كماتشو الهلال لم يفرط فيه ولكن طمعه المادي هو سبب تركه للفريق ارجو قبول راي الشخصي وانت زعيم من زعماء الهلال ورايك نابع من حرصك على الفريق وشكر جزيلا |
يا الربع ذا تراه فقراوي مندس وبإذن الله الإشراف يعرفون يسكتونه .. مرسل لي رساله خاصة يسب فيها مسوي فيها ابو عنتر :d |
التايب ماعليه حسافه ابد ,,, الخثران كبير بالعمر ,,,, القهر وقمه القهر فهد الشمري !!!!!! |
ان خلوا اللاعب صار واسطه وان طلع من الفريق خساره مالكم حل التغيير مطلوب ولا تشيلون هم والخثران ناوي الاعتزال من قبل المعسكر الله يوفقه سواء اعتزل او لعب مع نادي ثاني |
مندس . . . . وبـــــــــــــــــــس |
إقتباس:
|
التايب زمنه أنتهى الخثران وصل الحد الانتمائي الشمري لم يلعب اساسيا منذ مدة = الهلال لا يقف على لاعب واحد |
لا تشمتوا الاعداء فينا يــاخــي يــاهــلال عــريــجــاء اذا انت ماتعرف تكتب ردود فا الصمت لك افضل لا داعي للتفرقه ومصادرت اراء الاخرين فيرون عبر عن رأيه وانا لا اتفق معه في كل رأيه ولكن لا يمنع ان يكتب رأيه بأدب ولكن الذي يمنع ان ترد عليه بغير أدب سياستك سياسة اذا لم تكن معي فانت ضدي ارجو منك عدم استخدام قانون الغاب اخ فيرون أهنئك على طرحك الهادف والذي لا يعني الا شيء واحد فقط هو حب الهلال وينطق كل حرف من موضوعك بحب الهلال وامضي في طرحك وملاحظاتك التي في ظني تعبر عن آراء كثير من الهلاليين الذين اعرفهم |
اولا السلام عليكم ثانيا لازم تعتذر الى كل الهلاليين والسبب انك تقول ان طارق زاد من شعبية الهلال والعكس هو الصحيح طارق لاعب كبير بس الهلال هو اللي يزيد من شعبية اللاعب والامثله كثيره وسلامتكم |
إقتباس:
مدري كيف عآيشين هالأشكآل !! |
يبي يبين للزعماء ان في خلل .. ويبي يثير الجماهير على الادارة وعلى المدرب بس حركااات قديييييييييييمة ذايقينها منكم في بداية موضوعه قايل تراني مو مندس هع على مين ومافي شىء اسمه الي يبي مايرد ... مافتحوا المنتدى الا للرد على المشاركات يقول المثل: لا تبوق ولا تخاف. |
أمممممم ..!! الامير الشاعر عبد الرحمن بن مساعد غلط يوم جاب ايريك جيرتس ..!! المفروض يجيبك ويخليك تشرف ع الفريق حرام تضيع موهبتك بين صفحات المنتدى ..!! ما جابها صح شبيه الريح .. عتبان عليه شكرا |
كلامك على عيني وراسي وجهت نظر يجب ان تحترم مع اني اخالفك في بعض الامور انا مايرفع ضغطي الا هاللي يقولون مندس واللي يتهكمون من الموضوع ياخي رد على الرجال أو قفل الموضوع منت خسران شيء تحياتي لك أخوي فيرون 14 |
تـ ع ـبت ع ـمـرك.. الخثران 36 سنـه..الشمري (إعاره)..التـايب(قرار المدرب 100%) وش اللي مو ع ــآجبك.. |
يأخوان فكونا من العاطفة ماصرت خلوا المدرب يشتغل |
.... كل يوم الا هل لاعب والمشكله لو ترجع للموسم الي قبله تشوفه مالعب الا 10 مباريات او اقل من اكثر من 35 مباره ..... |
طارق التائب خسارة والايام القادمه خير دليل اتحدي من يثبت ان المدرب له دخل في موضوع التائب |
مع إحترامي لك لكن إنت اللي ماعندك سالفه التايب: الموسم الماضي قدم أداء باهت جدا و ماعنده أكثر من كذا ===> مستعد أراهن أي واحد إن طارق بـيفشل فشل ذريع مع الشباب الخثران: كان المفروض أن يطلع من الفريق بنفسه مثل المفرج لكنه أبى إلا أن يهين نفسه ببقائه [[ لكل زمن دولة و رجال ]] الشمري: إنـتـقل بنظام الإعارة للقادسية يعني كلها موسم أو موسمين ويرجع وهذا أحسن من إجلاسه على الدكة وتحطيم مستقبله وبعدين شكلك توك بديت تشجع الـهــلال ياحبـيـبي هذا الــزعــيــم ما سقط بعد إعتزال سامي و يوسف تـبـيه يسقط بعد خروج هذي الأسماء!!!!! |
أخي العزيز بالنسبة لمن ذكر أنك مندس فهذا يريد زيادة مشاركاته فقط والدليل تجد عدد مشاركات البعض لكتابة جملة مندس ولا عنده أي شيء المنتدى وضع للنقاش ولا شيء غير النقاش أما بالنسبة لمن يجرح أو يسيء للشخص فهذا وبصراحة لا يعرف الكرة ولا أساسات النقد بل أخذ من هذا المنتدى مشاركات وتسجيل اسمه فقط وغير ذلك لا يفيد الفريق بشيء، أما بخصوص موضوعك أنت ردتت على نفسك في نفس الموضوع وقلت أننا بكينا على كماتشو فأتى التائب ونسينا كماتشو الموسم هذا ذهب طارق وأتى تياقووو بكرة بنقول الإدارة حكيمة وسوف نتباكى على تياقوو عند رحيلة فهذه عجلة الكرة وكذلك الشمري، أخي العزيز تعدد المدربون والقرار واحد بأن الأساسي الدعيع والاحتياط العتيبي فكيف يكون مجاملة والإعارة من صالح اللاعب إذا أراد فليطور نفسه والخثران لاعب ممتاز ولكن الخانة غير شاغره له في الوقت الحالي فخله يستفيد الكم سنة اللي باقية له في الملاعب.. وفي النهاية شاكر لك أخي العزيز على الطرح الجيد راجيا من إدارة الموقع إن تحاول الرقي بالموقع وجعله موقع حوار وتصفيته من الأشخاص الجيدين في تجريح أعضاء بسبب نقدهم ولغيرتهم على ناديهم وأتمنى من إدارة الموقع إيقاف عضوية كل عضو يجرح في أي عضو وخاصة أنه أنتقد من يحبه هذا الشخص فهذا موقع كيان لا أشخاص وإذا كان العضو يحب الشخص فليذهب لموقعه الشخصي وليتغنى فيه, ودمتم أيها الزعماء... |
وش تحسبه انت التايب لاعب فردي بحت والمدرب يبي فريق جماعي بحت .. وقد لعب الهلال بجماعيه و تصدرنا الدوري بدون التايب وفزنا على نجران 7-0 ...! --------- الخثران خلاص كبير 36 سنه ما عنده شي يقدمه للهلال في الموسم القادم ...! ----------- بالعكس اعارة الشمري خطوة رائعه جدا خصوصا وأن الدعيع تقريبا آخر موسم له مع الهلال فالشمري راح يرجع للفورمة واحنا بنستفيد ...! |
الله يعطيك العاافيه ياخوي انا بالنسبه لوجهة نظري التايب والخثران قرار سليم بالنسبه لفهد الشمري لا والف لا ياخي لو اصيب الدعيع لا قدر الله مين رايح يحرس العتيبي؟؟ ولا شراااحيلي؟؟ |
المشكله كل واحد يمدح في الشمري يقولك يصد بلنتيات طيب حتى حسن العتيبي صد بلنتيات وش الانجاز في ان الحارس يصد بلنتيات بالنهايه هذا دوره كحارس مرمى .. ماهو شي خارق للعادة ..!! سؤال بس متى اخر مره شفت الشمري حارس عشان تحكم على مستواه الفني يمكن قبل سنتين .. يعني معقوله في سنتين الحارس مايتأثر مستواه سؤال ثاني وش مصلحة قيريتس او مدرب الحراس مثلا انه يبعد الشمري لحد يقول واسطات ازعجتونا بهالكلام والله اني ضد بقاء حسن العتيبي وكنت اتمنى ينتقل لكن هذا عمل جهاز فني واداري هم اقرب من الفريق وافهم مني ومنك ღ♥ღ مضَاويْ ღ♥ღ :rose: |
اول مباريات الهلال الموسم القادم مع القادسيه راح نشوف راح يقدرون يسجلون او لا الله يستر وياملين الثانـــــــــــكيووووووووو |
المدرب صاحب الرأي الاول والاخير وكلامك وتحليلك فيه عاطفه والفريق يبغاله تجديد وانا اشوف الاداره ماشيه صح بس ينقصها مهاجم صريح افريقي او برازيلي يسدخانة لعيبة المنتخب |
....................................... مشكووور أخوي لا تعليق ... تحياتي ..!! |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 07:06 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd