لو يحصل شي لزعيمنا سوف نعاقبك..!!! - نادي الهلال السعودي - شبكة الزعيم

سنيدر الزعيم · #1 03/08/2009, 10:03 PM

ايريك جيريتس

انت تقوم باستغناء لاعبينا امثال
طارق التايب و الخثران والغنام والبرقان
ونحن لاندري اذا استغنائك هذا ايجابي للفريق والا سلبي
انت ادرى في هالشي

لو يحصل شي لزعيمنا سوف نعاقبك نحن كجمهور

وربي لاعبين حرام يستغني عنهم بالذات الخثران والغنام والبرقان

لا وبعد يبي ينزل ياسر فالرديف
افضل لاعب في اسيا 2007
قبل كذا نزل مستوى ياسر ابلى من كذا ياجيرتس وفجأه ظهر القناص

مااقول الا

الله يوفق الزعيم ثم الاداره ثم المدرب ثم اللاعبين

تحياتي

هلالي والملعب ينادي · #2 03/08/2009, 10:07 PM

والله المدرب ادرى

واذا جينا لياسر واقعيا موب ياسر المعروف فأنا افضل اخراجه من الفريق

وابعدوا عننا العاطفة الهلال مقبل على صولات وجولات ... وخلونا نفتح فرصة للشباب

هلاليه محترفه · #3 03/08/2009, 10:11 PM

من وين جايب هالخبر
الي اعرفه انه بيستغني عن الخثران
جبت الغنام والبرقان!! على اي اساس

وبعدين طارق الإداره معها حق تستغني عنه
لاعب بيتوقف 75 يوم !! شالفايده !!

عموما انا مع القرار حتى لو ماكسبنـا بطوله يكفي ان الفريق بيكون فيه وجيه شابه جديده نعتمد عليها في المستقبل

37 سنه الخثران وش بيقدم اكثر من مما قدم !!

فكرو بالعقل والمنطق بعيد عن العاطفه

وبعدين ياسر وش قدم في المباريات الوديه ! وياسر مو ياسر 2007 القناص الي اي كوره تجي في رجله تجي هدف على طوول
الحين الي يجتهد بيكون أساسي شف الصويلح !! ليش نظلمه على حساب ياسر !!

سنيدر الزعيم · #4 03/08/2009, 10:12 PM

إقتباس

الرسالة الأصلية كتبت بواسطة هلالي والملعب ينادي


	والله المدرب ادرى واذا جينا لياسر واقعيا موب ياسر المعروف فأنا افضل اخراجه من الفريق وابعدوا عننا العاطفة الهلال مقبل على صولات وجولات ... وخلونا نفتح فرصة للشباب

انا معك في هالشي

بس ياخوي مو هالدرجه ع طول الرديف

ياخوي شفت ياسر لما صام عن التهديف وهبط مستواه لدرجة تحت الصفر
وبعد كذا اعطي الفرصه وسجل امام الاهلي وبداء يرتفع مستوااه تدريجيا وبعدها نافس على هداف الدوري

وحصل على جائزة الرياضيه كاافضل لاعب بالموسم

مشكور خيو

20 الكاسر ياسر 20 · #5 03/08/2009, 10:12 PM

للأسف مشكلتنا متسرعين ومتشائمين ومن الآن قمنا نهدد المدرب !!
ياخـوان المدرب مايستبعد احد الا بعد متابعه لمستواه ، ولا اظن في
احد اعلم من قيرتس في مستويات اللاعبين لأنه هو اللي يشرف عليهم
كـ مدير فني ، وبعدين لاننسى تاريخ غيرتس الكبير وايضا لاننسى
بأن الاداره ماتتخذ قرار الا بعد دراسته بشكــل دقيــق

لاتخافون ان شاء الله ان هالتغييرات ماهي الا ايجابيه للهلال ، اما
ياسر فـ هو المستفيد اولا واخيرا اذا الخبر صحيح وانه خلاه احتياط
للعنبر والصويلح ، وبكذا راح تشتد المنافسه وبيسعى ياسر انه يرجع
لمستواه المعهود ، اللي نتمنى ان يرجع ياسر اليوم قبل بكره

لاهنت يالغالي

سنيدر الزعيم · #6 03/08/2009, 10:16 PM

إقتباس

الرسالة الأصلية كتبت بواسطة 20 الكاسر ياسر 20


	للأسف مشكلتنا متسرعين ومتشائمين ومن الآن قمنا نهدد المدرب !! ياخـوان المدرب مايستبعد احد الا بعد متابعه لمستواه ، ولا اظن في احد اعلم من قيرتس في مستويات اللاعبين لأنه هو اللي يشرف عليهم كـ مدير فني ، وبعدين لاننسى تاريخ غيرتس الكبير وايضا لاننسى بأن الاداره ماتتخذ قرار الا بعد دراسته بشكــل دقيــق لاتخافون ان شاء الله ان هالتغييرات ماهي الا ايجابيه للهلال ، اما ياسر فـ هو المستفيد اولا واخيرا اذا الخبر صحيح وانه خلاه احتياط للعنبر والصويلح ، وبكذا راح تشتد المنافسه وبيسعى ياسر انه يرجع لمستواه المعهود ، اللي نتمنى ان يرجع ياسر اليوم قبل بكره لاهنت يالغالي

مشكور على مرورك العطر يالغلا

:::::::::::::::::::::::::

هلالي الجنوب 07 · #7 03/08/2009, 10:17 PM

والله البرقان فنان واثبت جدارته للعب مع الهلال

وين يالحبيب مصدرك

هلاليه وقلبي ازرق · #8 03/08/2009, 10:18 PM

اللي يسويه المدرب هو الصح والمدرب ادرى بحاجات الفريق ..

وبالنسبة لياسر انا مع المدرب لان ياسر مو هذا مستواه المعروف ..

وباذن الله هجوم الهلال ماعليه خوف بوجود المحياني والصويلح وياسر والعنبر ..

بالتوفيق للمدرب والهلال

Abo 3yham · #9 03/08/2009, 10:20 PM

تعاقدت معة الادارة لتسيير آمور الهلال الفنية

إذا" فلندعة يفعل مايشاء ونهاية الموسم الحساب

هلالي +برشلوني · #10 03/08/2009, 10:31 PM

إقتباس

الرسالة الأصلية كتبت بواسطة سنيدر الزعيم


	لو يحصل شي لزعيمنا سوف نعاقبك نحن كجمهور

وش بتسوي مثلن ؟ بتدعسة ولا بتفجرة ؟

أقول يا أهل التقيييم كيف الحال ؟

$$وحـــش$$ · #11 03/08/2009, 10:58 PM

والله أنا أؤيد المدرب لأنه أدرى باللاعبين ومستوياتهم

أما بالنسبة للمخالصات اللي بالكووووووم أنا ضدها تماما

على الأقل عقود انتقال تليق بقيمة الفريق "لتكون المعاملة بالمثل لمعظم الأندية"

ومن ثم التنازل عن حصة نادي الزعيم للاعب "سرا"

**** وجهة نظر ***

سالم الهلالي الحربي · #12 04/08/2009, 12:40 AM

والله انا مقتنع بلي يسويه جريتس

ياسر مستواه طايح والصويلح والمحياني هم الفضل

والامر متروك للمدرب

كريزي · #13 04/08/2009, 01:32 AM

كفوووو والله انك كفووو ياقريتس الخثراان ماعنده شي يقدمه خلاص وشباب النادي ينتضرون الفرصه

وياسر احسن مكان له دكة الاحتياط خله يحسب ذنوبه بالاحتياط >>>> واذا مارجع مستواه تنسسسسسسسيق