اتمنى من المسؤولين في موبايلي ان يغيرو سياستهم من هذه الناحيه لأني انضريتي فيها بصراحه .. - نادي الهلال السعودي - شبكة الزعيم

سعـــــــود · #1 29/07/2009, 03:29 AM

السلام عليكم ورحمة الله وبركاته :

اول شي احي الزعماء كلهم كبيرهم وصغيررهم ووالله يوفق الهلال في مشواره الجاي ..

موضوعي يا اخوان وياليت صوتي وصوت اللي مثلي ياصل للمسؤولين ويشوفون حل له ..

اناا من الهلال تعاقدت معه شركة موبايلي وانا ماصدقت اني ابي افتك من شركة الاحتيالات ونصبها وسرقة الجيبوب واستفزاززاتهم المستمره للعملاء سواء بالجوال او بالانترنت و ..إلخ

جلست فترة طويله افكر عشان انقل لموبايلي بسبب تغيير الرقم لكن بالاخير قلت الرقم بداله رقم ومايهم وغيرت رحت لأحد فروع موبايلي وكنت اجهل بالباقات بصراحه المهم انقل عشان ادعم الهلال جلست مع الموظف وعطاني نبذه عن الباقات ومميزاتها بس والله ماذكر لي ان فيه باقة الموج الازرق وهذا الكلام ياشباب من زمان من فتره طويله قلت اجل طلع لي في باقة بلس يوم خذيت الرقم وبعد كم يوم اسمع ان فيه باقة الموج الازرق وهي اللي تدعم الهلال اتصلت ع خدمة العملاء وقالو اوكيه نحوللك للباقه استانست وقلت الحمدلله دعمنا الهلال وبصراحه ارتحت في الشركه لكن اللي كدر خاطري بعد كم شهر اشوف ماتجيني الدقائق المجانيه اللي يقولون عنها بعد كل فوز اتصلت وكلمت خدمة العملاء وقالي اخي انت محول من باقه لباقه مايشملك هالعرض شلون ياخوي مايصير قال والله هذا اللي صاير .. صح انا الحين ادعم الهلال بس فيه شي ناقص عن الاخرين لييه اللي يحول مايشمله العرض هنا المشكله لازم يا اخوان تنحل هالمشكله بصراحه مدري بس احس بقهر شوي لما الهلال واللي مشترك بالاساس في الباقه تجيه الدقائق وانا لا مايشملني بسبة اني محول من باقه لباقه ..

ياليت من حـــل ..