الفريقين يدخلون المباراة وعينهم على الصدارة ! رأيك بالمباراة بشكل عام ؟!
مباراه بصراحه رائعه بسسس والله شوي متخوفين تروح عنا الصداره بس الله لا يقوله وبالتوفيق للبرشا واتمنى من بيب يلعب يايا من الشوط الاول ويخلي البسكوت على جنب في الدكه
برشلونة يبي الفوز لتأكيد الصدارة كيف سيلعب برشلونة في المباراة ؟!
ايه والله نبي الفوز ولا شي غير الفوز برشلونه معروف لعبه يبدا كراته من المحور ثم توزيع الى الوسط ثم يكون هجمه << اعذرونا ع التعبير بس اتمنى من بيب يلعب يايا << ازعجتنا
التشكيلة المتوقعة ؟!
فالديز
ابيدال , بيكي , بويل ,الفيس
يايا
انيستا(( كيتا)) , كزكز
هنري (( انيستا )) , ابرا ليووووو
نتيجة المباراة مسجّلو الأهداف ؟!
نتيجة المباراه عند اخونا نوفي
ان شاء الله 3 /0 , او 2/0 او 1/0 << مابقى شي
ان شاء الله ابرا راح يسجل وميسي والفيس او يايا
لكم الحرية .. وش تبغى تقول ؟!
بالتـــوفيق للبرشا وهذي لك
اتمنّى اشوف التفاعل مع النقّـاش ! ( )
ويعطيكم العافية ! ( )
تعليقا على مقال الكاتب او الكويتب مثا ماقلت واضح انه يحاول الاساءة لميسي بذكر مارادونا وعملية المقارنة بين الاثنين والكل يفهم ان هناك مارادونا واحد وما سمعنا عن ميسي انه حاول الاقتراب بتشبيهه بمارادونا ، مع اني احس انه مايعرف عن الارجنتين الا اسم هالاثنين .... يعني عندك دي ستيفانو لما فاز بالجائزة عامي 1957 و 1959 وعمر سيفوري الفائز بالجائزة عام 1961 الاثنين جنسيتهم الاصلية ارجنتينية لكن الاول فاز بالجائزة بجنسية اسبانيا مع ريال مدريد والثاني بجنسية ايطاليا مع جوفنتوس ، ولو فرضنا انهم احتفظوا بالجنسية الارجنتينية كان خسروا الجائزة لمصلحة لاعبين آخرين وبكذا يكون مارادونا هو اللاعب الارجنتيني الثالث اللي يخسرها حسب نظام الجائزة ماهو اول لاعب مثل ما يعتقد .
الشيء الثاني الظاهر ان الكاتب يشجع منتخب المانيا مثل صديقنا حازم والدليل انه ما احس بظلم الجائزة الا بسبب خسارة كلينسمان لها لمصلحة جورج وياه عام 1995 مع ان وياه اختاره الفيفا أفضل لاعب في العالم لذلك العام وكلينسمان جاء في المركز الثالث بعد مالديني ... طيب انا مشجع برازيلي راح اقول نفس الكلام لو ان المعايير تغيرت في عام 1994 بدلا من عام 1995 كان روماريو هو الفائز بجائزة الفرانس فوتبول بدل سويتشكوف خاصة ان روماريو قاد السامبا للفوز بكاس العالم وكان افضل لاعب في العالم حسب اختيار الفيفا وخريستو كان في المركز الثاني على ما اذكر .
الأمر الوحيد اللي اتفق فيه مع الكاتب ويعرفه الكثير ان هناك لاعبين كثر من امريكا الجنوبية خاصة ظلمتهم الجائزة بمعاييرها السابقة سواء مارادونا او غيره .
][ توني أدامز ( إبراهيم ) يريد الحصول على خدمات تيري هنري في نيويورك ][
علاقة هنري ببرشلونة تقترب من النهاية..
نشرت صحيفة سبورت الإسبانية تقريراً أكدت فيه أن لاعب نادي آرسنال سابقاً توني أدامز أصبح قريباً جداً من تدريب فريق نيويورك رد بولز الأمريكي ، وأن أدامز يريد أن يصطحب معه زميله السابق في لندن تيري هنري إلى الولايات المتحدة .
وحسب الصحيفة فإن اللاعب الذي قائداً لفريق آرسنال أثناء لعب هنري فيه يرى أن تراجع مستوى اللاعب الفرنسي ليس دائماً، لذلك فسوف يحاول جعل انتقاله سريعاً إلى الولايات المتحدة .
ومن غير المتوقع أن يقرر هنري الإنتقال في الشتاء لأنه يريد مكاناً أساسياً في منتخب فرنسا في مونديال 2010 ، لكنه قد يرضى بهذا الرحيل في الصيف المقبل .
][ برشلونة يراقب صانع ألعاب بورتو بيلوتشي ][ النادي الكاتلوني ما زال يسعى لتعاقدات مفاجئة وقوية...
أكدت صحف برتغالية أن نادي برشلونة يراقب لاعب فريق بورتو فيرناندو دانييل بيلوتشي .
ويلعب بيلوتشي في مركز خط الوسط المتقدم وهو أرجنتيني الجنسية وعمره 26 عاماً ، وانتقل اللاعب في صيف 2009 إلى بورتو أي أنه لم يكمل الموسم معهم حتى الآن .
ولم تشر الصحف إلى سعر اللاعب المتوقع ، لكنه لن يقل بالتأكيد عن 15 مليون يورو ، وهو صاحب مسيرة ناجحة منذ أيام لعبه مع ريفر بليت ثم تألق مع أولمبياكوس في اليونان لينتقل في النهاية إلى بورتو .
وفي حال صدقت هذه التقارير فإنه من المتوقع أن يحاول برشلونة اللعب ببيلوتشي كجناح أيسر .
الفريقين يدخلون المباراة وعينهم على الصدارة ! رأيك بالمباراة بشكل عام ؟! مباراة متوقع تكون صعبة على الفريق خاصة وان الخصم يلعب بفرصة واحدة هي الفوز وممكن نشوف اندفاع من فريق دينامو كييف مع حماس جماهيره ، وما ننسى الاجواء الباردة مع ان فريقنا اثبت في مباراة كازان انه قادر على تحدي مثل هالاجواء المناخية ويبقى على اللاعبين كيفية تسيير المباراة .
برشلونة يبي الفوز لتأكيد الصدارة كيف سيلعب برشلونة في المباراة ؟! شخصيا اتوقع التعادل راح يكون كافي لضمان الصدارة لاني ما اعتقد ان كازان يمكن يفوز على الانتر في السان سيرو حتى لو انهم فازوا على برشلونه في الكامب نو لكن اسلوب لعب برشلونه المفتوح يساعدهم على عمل مرتدات وهجمات معاكسة وهذا الشي ماراح يلاقونه في مباراة الانتر ... بالنسبة للمباراة الفريق اذا اراد الفوز عليه المحافظة على الكرة لاطول وقت ممكن وخاصة من قبل لاعبي الوسط من خلال النقل السريع للكرة بين اللاعبين لان عملية الاحتفاظ بالكرة تصعب على اللاعبين مع تفوق لاعبي دينامو بدنيا ... ويبقى المهم التركيز امام المرمى وعدم تكرار اسطوانة اضاعة الفرص السهلة والتسجيل قبل الفريق المنافس .
التشكيلة المتوقعة ؟! فالديز / ابيدال / بيكيه / بويول / الفيس / تشافي / توريه / كيتا / انيستا / ابرا / ميسي
هذه هي التشكيلة اللي اتمناها والبرسا محتاج للثنائي القوي بدنيا توريه وكيتا في خط الوسط لمواجهة اللاعبين الاوكران ، وياليت هنري يكون على مقاعد البدلاء صراحة لاعب اداءه بطيء ومع هالاجواء الباردة ما تتوقع منه اي حركة وفعالية زائدة .
نتيجة المباراة مسجّلو الأهداف ؟! اتوقع فوز برشلونه بفارق هدف واحد والاقرب للنتيجة 2/1 من ابرا وميسي .
لكم الحرية .. وش تبغى تقول ؟! شكرا لك على هذا النقاش وبالتوفيق للبرسا في تأكيد صدارته للمجموعة .
الف مبروووووك للإسطورة تشافي ( ) !
اوّل ماقريت الخبر حسبت انّ المباراة المية له مع برشلونة والله استغربت كثيييير ( )
وبعدين قريت الخبر طلع المية في دوري الأبطال ( )
ان شاء الله دوم هالإنجازات للاعبين البرشا ! ( )
يعطيك العافية ابو سلطان على المعلومات والأخبار ! ( )
//
اهاااا طلع بيب محشش ! ( )
//
لالالالالالا بقاءه سيفيد برشلونة كثيييييييير في المستقبل وفي الوقت الحالي يعني لو طلع من النادي غلط كبير جداً ! ( )
والإدارة اؤييد رايهـآ لأن والله سيفيد برشلونة في المستقبل ! ( ) *
واتمنّى بقاءه ( )
عليك ان تعي يا عزيزي .. انهُ ايضاً هناك ميسي واحد فقط .. وفي ظرف خمس سنوات فقط .. اختصر مافعله ماردونا في عشر سنوات.
ميسي لاعب كبير ونجم محبوب من الجميع .. وسوا أشياء تصعب على أي واحد يسويها
لكن اننا نقارنه بمارادونا أو نقول انه سوا اللي سواه مارادونا .. هذي صعبه
صحيح ميسي نجم كبير .. وأفضل لاعب بالعالم حاليا بدون أي منافس
لكن مارادونا سوا أشياء تصعب على أي واحد يسويها
مارادونا تميز طوال تاريخه ومع أي فريق يلعب معه سواء كبير أو صغير
مارادونا بكل بساطه .. جاب كاس العالم للأرجنتين .. وكاد أن يكرر انجازه بكأس عالم ثانيه
عموما اللي سواه مارادونا بعالم الكرة .. يصعب على ميسي انه يوصله ..
وإن كنا نتمنى ان ميسي يوصل مواصيل مارادونا ويتجاوزهـ
--------
الفريقين يدخلون المباراة وعينهم على الصدارة ! رأيك بالمباراة بشكل عام ؟! مباراة ليست سهله على البرسا .. وصعبه جدا على دينموكييف .. فريقنا ان شاء الله بيتصدر المجموعه (إلا إذا) تهاون اللاعبين بالمباراة .. وهذا مستبعد ان شاء الله بوجود مدرب مثل جوارديولا خلف اللاعبين برشلونة يبي الفوز لتأكيد الصدارة كيف سيلعب برشلونة في المباراة ؟! اللي أشوفه من التصريحات .. ان المسئولين آخذين المباراة بجديه .. وانها أهم مباراة بالدور الأول لذلك ان شاء الله الفريق بيدخل بالتشكيل الأساسي وعينه على الفوز والثلاث نقاط وغالبا البرسا اذا لعب بعيد عن الضغوط .. يبدع ويطلع بالثلاث نقاط .. وهذا اللي نتمناه ان شاء الله التشكيلة المتوقعة ؟!
فالديز ابيدال - بيكي - بويول - الفيس بوسكيتس كيتا - تشافي انييستا - ابرا - ميسي نتيجة المباراة مسجّلو الأهداف ؟! 4-0 2 ميسي 1 إبرا 1 مدري لكم الحرية .. وش تبغى تقول ؟! أتمنى وأتوقع اننا نشوف مستوى ممتع من البرسا .. خصوصا ان ديناموكييف ماراح يلعب مقفل ويبغى الفوز بأكثر من هدف وهذا اللي بيخلي المباراة مفتوحه .. وعشان كذا اتمنى انيستا يلعب على الجناح مهب هنري عشان هجماتنا المرتده تكون سريعه وخطيرة .. أما بتواجد هنري انسى ان فيه هجمات سريعه
ميسي لاعب كبير ونجم محبوب من الجميع .. وسوا أشياء تصعب على أي واحد يسويها
إقتباس
الرسالة الأصلية كتبت بواسطة رساوي برساوي
لكن اننا نقارنه بمارادونا أو نقول انه سوا اللي سواه مارادونا .. هذي صعبه صحيح ميسي نجم كبير .. وأفضل لاعب بالعالم حاليا بدون أي منافس لكن مارادونا سوا أشياء تصعب على أي واحد يسويها مارادونا تميز طوال تاريخه ومع أي فريق يلعب معه سواء كبير أو صغير مارادونا بكل بساطه .. جاب كاس العالم للأرجنتين .. وكاد أن يكرر انجازه بكأس عالم ثانيه عموما اللي سواه مارادونا بعالم الكرة .. يصعب على ميسي انه يوصله .. وإن كنا نتمنى ان ميسي يوصل مواصيل مارادونا ويتجاوزهـ --------
من الامور اللي تجيب الهم .. تقديس شخصيات ووضعهم خارج دائرة المقارنه !!
وايضاً الاحكام الاستباقيه على بعض الامور !!
ماردونا سوى شغلات اعجازيه .. هذا شي اكيد .. بس ليه تحكمون انه ماحد راح يسوي مثله ؟؟
يعني كانه معه ثلاث ارجل مثلاً .. او كان مركب محرك نفاث ؟؟
ماردونا بشر مثله مثل ميسي وغيره .. واللي سواه موب شي مستحيل تكراره .. ولا استبعد يجي لاعب يتفوق على ماردونا وميسي.
اتمنى الكل يحطى العواطف على جنب .. ويحكم العقل .. وفيه امور كثيره الناس قالو عنها مستحيل تصير .. وصارت اشياء اكبر منها .. والتاريخ مليء بالشواهد.
الفريقين يدخلون المباراة وعينهم على الصدارة ! رأيك بالمباراة بشكل عام ؟! المباراة صعبة وحسابات المجموعة معقدة برشلونة
يعيش في حالة انتصارات متتالية في الدوري
ودوري الابطال وهو المرشح الاكبر للفوز باللقاء
برشلونة يبي الفوز لتأكيد الصدارة كيف سيلعب برشلونة في المباراة ؟! الضغط ع المنافس طوال والمباراة وانهائها من الشوط الاول
الفريقين يدخلون المباراة وعينهم على الصدارة ! رأيك بالمباراة بشكل عام ؟! مباراه صعبه جدا على الفريقين وان كانت على برشلونه اكثر بحكم انه يلعب في ارض كانت صعبه عليه وخرج منها بنتائج سلبيه وخصوصا امام الفرق الشرق اوروبيه وصعبه على المضيف بحكم قوة المنافس وعناصره التي تخلق المشاكل وتصنع الفرص من اللاشيء وكذلك نشوة الانتصارات الثلاثه الاخيره التي بدأنا نرى صورة البطل من جديد بعد تذبذب المستوى لفتره ليست قصيره
برشلونة يبي الفوز لتأكيد الصدارة كيف سيلعب برشلونة في المباراة ؟! لا جديد .. سيكون هناك استحواذ على الكره واستعمال التمريرات السريعه والبينيات المفاجئه لمحاولة تسجيل هدف مبكر وخروج الفريق من عنصر الضغط وذلك سيكون بالاستحواذ على الكره وتسجيل هدف مبكر
واتواقع تواجد كيتا وهنري من بداية اللقاء ايضا ليكون الوسط توريه تشافي كيتا والهجوم ميسي ابرا هنري
نتيجة المباراة مسجّلو الأهداف ؟! اتمنى ان يسجل كل من ابرا وميسي ونحقق الفوز
لكم الحرية .. وش تبغى تقول ؟! الرابطه تشهد حالة نشاط مميز ولكن فيه حالات غياب متكرره لاشخاص مميزين اتمنى نشوفهم مثل اول لان الرابطه تحتاجهم وتحتاج جهودهم
مساء الخير عليكم جميعاً ,, الله يعطيكم العافيه على مجهوداتكم المبذوله ,, الرابطه صايره تفتح النفس الفتره الأخيره ,,
المهم ياجماعة الخير ابي مساعدتكم تكفووون ,, انا من زمان راسم على حضور مباراة البرشا في نصف النهائي يوم الأربعاء القادم ,, بس مشكلتي تأخرت مااشتريت تذكره للمباراه عن طريق الموقع والحين مخلصه ,, وصارلي اسبوعين وانا ادور على تذاكر ماوصلت لنتيجه ,, فاللي عنده اي فكره لا يبخل علي ويراسلني عالخاص ,,
الرد على النقاش
الفريقين يدخلون المباراة وعينهم على الصدارة ! رأيك بالمباراة بشكل عام ؟! والله المباراه صعوبتها راح تكمن في مشكله واحده وهي تغير الأجواء عالفريق
ديناموكييف بصراحه مو ذاك الفريق اللي يخوف وفريقنا في قمة مستواه و أوج عطائه وان شاء الله راح يحسمونها العيال من بدري ,,
برشلونة يبي الفوز لتأكيد الصدارة كيف سيلعب برشلونة في المباراة ؟! زي ماقلت ديناموكييف مو الفريق اللي يخوف ولا راح يمنع فريقنا من الاستمرار على نهجه وطريقته في اللعب ,, الأستحواذ عالكره كالعاده ,,
عزآم (( رساوي برساوي )) ماعندي شي اضيفه على كلآم مشعل بخصوص المقارنه
لاكن بصراحه كلام مشعل صحيح 100% يعني انا استغرب انه اذا جا واحد موهوب
واسطوره النااس مو بس تصعب وجود خليفه له لا تقوول مستحيل يوجد له خليفه
زي اللي حاصل مع مارادونا
مارادونا لاعب كبير انا اتفق معك لاكن انه ماله اسطوره او مافيه احد بيتغلب على اسطوريته
صعبه مرره
ليونيل ميسي حقق الاهم والاكبر على مستوى الانديه وعلى مستوى الانجازات الشخصيه ليو تقريبا بااقيله كآس العالم ويكوون اسطوري لانه حقق كل شي
واذكر صحفي قالها قال ميسي ينقصه كآس العالم عشان يكون لاعب توب
ومن الاساطير الاولين
والله العظيم لو زمنا هذا مافيه تأثير سلبي وضغوطاات كبيره على الاعب
والله كان شفت اساطير كبآآآآآر مثل رونالدينهو او كاكا او او او او
بس مشكلتنا اذا الاعب حقق شي كبير نحمله فوق طاقته مثل ليو والصحافه الارجنتينيه ..! حاليا ويااخوفي ان ليو يصير له زي رونالدينهو في مونديال 2006
حملووه ضغوطات كبيره وكانت بداية النكسه لروني ويااخوفي يصير في ليو زي روني لك
![][ رابطة الكوليز [ رئيس برشلونة الجديد : ساندرو روسيل .. وداعاً لابورتا الذهبي ] أبطال موسم 2009/2010 ][](iconimages/t794745_rtl.gif)
)
يوصل مواصيل مارادونا ويتجاوزهـ
الوضع العادي
