قانون نيوتن الرابع : هلالي وثق هلاليتك بستكر على سيارتك - نادي الهلال السعودي - شبكة الزعيم

IBRAHIM7 · #1 24/07/2009, 12:53 AM

بسم الله الرحمن الرحيم
السلام عليكم ورحمة الله وبركاته

ياهلا ياهلا بالهلاليين ..
شخباركم .. كيفكم ..

صباح / مساء النمسا .. واللي ساكن النمسا ..

ياصباح / يامساء زعامة آسيا ..

ياصباح / يامساء طلة الشعار الهلالي ..

ياصباح / يامساء المحياني ونيفيز بالفانيلة الهلالية ..

ياصباح / يامساء أديداس كل أبووووووووها ..

طبعاً الكل منا يجزم ويؤمن ويعتقد أن الهلال صاحب الشعبية الأولى في المملكة .. وهذي ماعليها كلام ..

خصوصاً بعد إستفتاء زغبي وتصريح المشرف على قنوات ART

طيب ليش مانستغل نفوذنا وشعبيتنا الجارفة في كل مكان ..

لو كل واحد منا يلحط ستكر في موتره هلال ..

تخيلوا وشلون شكل الشوارع عندنا ..

تبي تشوف شعار الهلال في كل مكان ... مع إعلانات موبايلي .. ياسلآآآآآآآم آخر روقان

تبي تصير المملكة كل أبوها هلالية ..

أدري ان البعض يقول ان الآدمي هذا يبالغ .. ويرسم صورة مستحيلة ..

بس ليش لا ؟؟

انا قبل أيام كنت في المنطقة الشرقية ( الدمام - الخبر )

وربي شفت سيارات كثيييير فيها ستكر هلال ..

وواضح ان شعبية الهلال هناك طاغيه .. والدليل مباريات الهلال في المنطقة الشرقية دائماً تظهر بشكل ممتاز جماهيرياً ..

أيضاً في منطقة القصيم عندنا وتحديداً في مدينتي بريدة .. عدد لا بأس به من السيارات فيها ستكر هلال ..

فـ يا جمهور الهلال ..

ياأيها الرقم الصعب ..

يالجمهور اللي حيرت وعقدت كل الرياضيين في المملكة ..

ستكر الهلال ورا في السيارة .. ماهوب ضارك شي ..

وكله تراه في 3 ريال أو 4 ريال ..

يعني رخيصة وتاثيرها كبير ..

وهذه سيارتي من زمان من أول ماطقيتها والستكرات الهلالية تتوالى

مرة كبير ومره صغير .. مره ورا ومره من جنب في القزازه ..

هذه سابقاً .. قبل دوري المحترفين ..

وهذه حالياً ..بعد دوري المحترفين وبعد تجديد الإستمارة .. قبل شوي ماخذها لعيونكم ..

فأتمنى أتمنى انكم تنجرفون وراء حملتي .. حملة الستكرات ..

لان الستكر والله يحمل الشعار .. والشعار غالي ومكانه القلب ..

وصدقوني عن نفسي شخصياً .. اذا شفت ستكر هلالي في الشارع على السيارة تنفتح نفسي وتشقق خشتي وينتابني شعور عظيم بالسعادة

وودي أوقف الرجال اللي يسوق السيارة واجغفه جغفه محترمة

عموماً .. لا تبخل على الهلال بستكر مايكلف عليك .. ولا حتى ياثر في شكل سيارتك

بالعكس يزيدها جمال ورونق خاص ..

وتزيد وتؤكد وتوثق ان الهلال نمبر 1 في السعودية ..

علشان خاطري ياجماعة نبي الشوارع تكون مجنونة ..

نبي ستكر وشعار الهلال في كل مكان ..

نبي نلون السعودية أزرق وأبيض ..

ووش رايكم بعد تزيدونها بشال على المرتبة ..

وعلم يصير ورا المرتبة الخلفية وعلى القزازة ..

<< -- طماع ..

عشان الزعيم الآسيوي .. يؤبر قلبي والله ..

ويالله أتمنى لكم موسم جميل مع نيفيز وخوياه .. وربعنا عزيز وياسر والشلهوب وابو عبدالعزيز والزوري خلفهم والجيش أسامة وووووو..........

وان شاء الله جيرتس مايخيب الظن .. ويكون مثل ماعشمنا فيه ..

والله يوفق الزعيم .. ويوفق ابن مساعد في كل خطوة يقدم عليها ..

والله يوفقكم كلكم يازعماء ..

وياهلا ..

بس أبختم برسالة للجمهور الهلالي في القصيم

9/11 لاتنسون مباراة الهلال والرائد في بريدة .. الله الله كونوا في الموعد .. نبي حضور أقوى من الموسم الماضي ..

29/1 مباراة الهلال والحزم في الرس .. لا أوصييييييكم مايحتاج .. نبي الرس زرقاء ..

وكلمة أخيرة بقولها لجمهور الرياض ..

ياخي أحمدوا ربكم ان الهلال جنبكم .. أحضروا عساكم اللي منيب قايل ..

ز ع ي م 511 · #2 24/07/2009, 01:10 AM

ههههههههههههههههـ والله من بكررره ابشوفلي محل زينه واركب اثنين واحد على الشنطهـ واحد داخل السياراه

ابشر دندن وغن الهلال يستاهل اكثر من كذاااا.....

مطـلق الهاجري · #3 24/07/2009, 01:13 AM

اي والله فكـره ...

(( يمكن يشووف سيارتي عضوو شرف ويعطينـي مليوون ))

تخيل ...!!

(( شكلك بتاخذ فكرتي وتعسكر عن مطار الملك خالد ..)( كل ماعرض امير .. سفطت بجمـبه ))
..
خخخخخ

وافي في زمن جاف · #4 24/07/2009, 01:21 AM

ابشر ومعاه كم شال على المراتب .. مايغلى شي على الزعيم

الزعامة نوماس · #5 24/07/2009, 01:32 AM

والله بدون مبالغة وبحيادية

من رجعت ظاهرة وضع استكارات شعارات الاندية على السيارات

اغلب السيارات عليها شعار الهلال تلاقيه منور فوق الاسطب الخلفي وبكل امانة شعار النصر شفته مرة وحدة على كامري بيضاء عند الجسر المعلق وراعي بانوراما مخربها وحاط صورة الامير عبدالرحمن بن سعود الله يرحمه فقط لاغير

والله الرياض مليانه هلاليين وهذا يعتبر استفتاء سادس مدري سابع وكلها بكتساح هلالي

تحياتي لك اخوي وشكراً على اقتراحك

ss2000 · #6 24/07/2009, 01:37 AM

هلا والله بالبريداوي وهلا بك في المنطقه الشرقيه انا من المنطقه الشرقيه واصلي من بريده وفكرتك ممتازه ورايقه وانا من بكره بشوفلي محل اباخذ منه ستكرات وشالات على المراتب

leo messi · #7 24/07/2009, 01:49 AM

فكرة حلوة ... وانا مسويها من زماااان بالسيارة ... حتى الكأس اللي اشرب فيه عليه شعار الهلال

واغلب السيارات اللي اشوفهم كلهم جحاطين استكر الهلال

.. اذكر مرة ولد عمي نصراوي
حط شعار النصر وراء بسيارته .. واللـه ياهو طالع لونه بااايخ .. عاد قام وقشعه

المشكله لاجاء بيتنا اول شيء يسويه يوم يوقف يروح يقشع شعار الهلال من سيارتي ويجيبه
معه يقول عرفت هالشعار ؟

وترا الصور ماطلعت ياليت تغير الموقع اللي رفعتهم عليه

هلاليه كيوووت · #8 24/07/2009, 01:53 AM

يمديني الصق ستكر هلالي على موتر ابوي

عاد هو هلالي ما اتوقع عنده مانع

همس الحراااير · #9 24/07/2009, 03:44 PM

إقتباس

الرسالة الأصلية كتبت بواسطة هلاليه كيوووت


	يمديني الصق ستكر هلالي على موتر ابوي عاد هو هلالي ما اتوقع عنده مانع

والله انا كنت بقول نلصقة على العباية

واللي ابوها اتحااااااااااااااااادي شتسوي

عاشق فن الفريدي · #10 24/07/2009, 01:53 AM

يعطيك العافيه

وبالنسبه للشعارات والاستكرات

سيارتي مليانه شعارات من داخل ومن برى استكرات

وهذا شي لابد منه بالنسبه لي

حتى غرفتي باللون الازرق والسماووي ..

يستاهل الزعيم

@P-ALZAEEM-d@ · #11 24/07/2009, 01:55 AM

من بكرة وانا حاط استكر الزعيم

والله انك صادق هاليومين انا بالشرقية وياكثرهم حاطين هالاستكر

تحس بحماس وانت تسوق

أسامة أبوريان · #12 24/07/2009, 01:58 AM

هههههههههههههههههههههههه

والله موضوعك فـلـه ..

بــس وين أنت .. ودي أشوف سيارك

شكرا ابراهيم

Blue20Arrow · #13 24/07/2009, 02:02 AM

والله فكررة حلوووه ..

تخيل اللي قدامكـ حاط ستكر .. واللي جنبكـ ستكر .. وانت ستكر .. واللي وراكـ ستكرر ..

ما بقى الا سياارة الشررطة نصكها بستكرر وتكمل ..

@المتألق دائما@ · #14 25/07/2009, 03:10 AM

إقتباس

الرسالة الأصلية كتبت بواسطة Blue20Arrow


	والله فكررة حلوووه .. تخيل اللي قدامكـ حاط ستكر .. واللي جنبكـ ستكر .. وانت ستكر .. واللي وراكـ ستكرر .. ما بقى الا سياارة الشررطة نصكها بستكرر وتكمل ..

ههههههههههههههه

حلووووووووووووووووووووووه

@المتألق دائما@ · #15 25/07/2009, 03:16 AM

حبيبي والله

حطيت استكر على سيارتي وقشعوه

وحطيت شال على المرايه الداخليه

والله يستر ما يكسر احد السياره

وشذا التعصب