|| رابطة ♥ ريال مدريد ♥ || - صفحة رقم 1123 - نادي الهلال السعودي - شبكة الزعيم

M A D R I D · #16831 10/04/2010, 02:16 PM

مساكم الله بالخير ياعيال

الليلة هي الليلة .. لاميسي ولارونالدو , الشغل كله شغل مدربين

اوكي اللاعبين الاثنين ذولا اهم عناصر فرقهم , بس شغل المباراة كله بيدين بلقريني وبيب

ميسي شي خرافي , لاعب ماله حل ابداً , يمر يعني يمر , يسحب واحد واثنين وثلاثة متى مالقى المساحات زي ماتش الأرسنال

بس وين ميسي في مباراة الاواي مع ارسنال؟

ماهو ميسي الخرافي الاعجازي اللي شفناه في الهوم يوم السوبر هاتريك

لأنه كان مكتف من سونق

ميسي يخوّف , بس ماراح يكون سوبر لأن دفاع الريال وخط المنتصف عندنا أقوى بكثير من بزراين ارسنال B اللي شخبطهم ميسي

اهم شي لايركزون عليه ,, عندهم اللي العن منه مليونين مرة

تشافي

هذا لازم ينكتم بطريقة او بإخرى , لانه لو لقى مساحة بسيطة بيعطي ثرو انت وضميرك لأحد صلبهم اللي قدام

المباراة تخوّف , قامط , ومتعوذ من ابليس ومنيب مهايط عشان محد يزعجني ثم العن شكله

المباراة بيّد الله سبحانه وتعالى ثم بيّد بلقريني

لازم يوازن , يعطي البرشا جوّه , ثم يلزخهم

بس اهم شي الجمهور , نبيه يولّع

قروب البيبي , لو انهزم الريال بحذفكم واحد واحد هههههههه < شف اللي قلّت خاتمته

اتمناها ريالية

الشباب بالعمل اليوم طلعوني بدري مراعاة لظروفي وقالوا لاتجي بكرة هههههه يقولون مالها داعي مداوم دوام كامل وتنجلد بملعبك وتداوم بكرة

ان شاء الله يبيضونها

سلاام

~| A z ! z |~ · #16832 10/04/2010, 02:31 PM

،،

بعض الردود فيها كلام ما ودنا نشوفه برابطة محترمة صراحة ً !
المهم ماعلينآ ..

مباراة الموسم ! مباراة الملايين .. بل المليارات !

مباراة "كسر العظم" كما يقال .. مباراة كريس×ميسي !
مباراة بلغريني × غوارديولا ، مباراة ... خلاص كل شي

عن المباراة ، صراحة ماعندي أي شي أضيفه ..
كل شيء عنها قد قيل في التقديم !

سـ تلعب على جزئيات صغيرة والهفوات الدفاعية القاتلة !
البرشا بالروح المعنوية والنتائج ، والريال في صدد رد الدين والمقاتلة على الليغا !

ودي أتكلم عن التشكيل والتكتيك والخرابيط هذي

لكن مشغول مرة

لي عودة !

،،

Madridi · #16833 10/04/2010, 02:36 PM

انباء عن ابعاد جوتي عن الكلاسيكو

وذلك بأمر من مانويل بيلغريني بسبب تصريحه بأنه اخر كلاسيكو له !!!! وانه لن يكون في كامل تركيزه الذهني للقاء !! .

http://www.defensacentral.com/real_m...ti-queda-fuera

الدفينسا مصدر جيد .. لكن مدري ليه احسها مناورة على الفاضي وبنشوف جوتي .. تصريح عادي وما فيها شيء

كارلوس شخصياً · #16834 10/04/2010, 03:04 PM

اذا كان هالشئ صدق ؟ فهي حركه غبيه من ابو ضاري
لاعب ما غلط عليك .. ما غلط ع الفريق .. ما غلط ع الاداره
قال : هذا اخر كلاسيكو لي .. بشوف لي فريق ثاني
وشفيه هالكلام يعني ؟ ميتزيلدر قال قبل فتره انه ما راح يجدد مع الريال

ابوضاري .. ما الوم الماركا والاس فيك .. اذا هالخبر صدق
خلني من عقلية الشيبان .. والتحجر وهالسوالف

ابودحه الهلالي · #16835 10/04/2010, 03:04 PM

أكبر خسائر المتش لو خسرنا اليوم ..
أغلب اللي خايفين من الخسارة .. يبون الليقا .. خايفين من شماتة البرشلونية .. خايفين من فشل مشروع فلورنتينو ..
أنا غير .. همي الوحيد في هالكلاسيكو اننا ما نفقد هالاطخم .. الاخبار بدت تطلع من الصحافة مصير بيلي متعلق بالكلاسيكو ..
طيب وبعدين ؟! يعني كل سنة نغير مدرب ؟! للاسف بعض الناس عندهم افكار مدري وش تبي .. يقول مدرب فرق صغيرة !! ..
يعني في مدرب فرق كبيرة وفيه مدرب فرق صغيرة ؟! .. شوف الفرق بين تدريب الفرق الكبيرة والصغيرة هو الضغط والتعامل مع اللاعبين .. بيلي الثنتين تعاملها معه ممتاز جداً .. لكن سالفة تكتيك الفرق الصغيرة ما تمشي في العقل !
خذوها مني .. لو خسرنا اليوم .. والله ما يهمني بشكل كبير .. الليقا .. ولا الكلاسيكو .. طبيعي لها اهمية لكن موب باهمية الثبات على المدرب .. لاني شخص عارف ان مشروع بيريز موب للسنة ذي فقط .. ان مشروع بيريز موب بين ليلة وضحاها ينجح ..
لكن صدقوني وبزبدها وبقولها بالفم المليان ويعذرني الي مأمل في بيريز هالفترة بشكل كبير ..
أن أقال الريال بيلي والله لو يجيبون بداله كابيلو .. اعلنها انا هنا فشل أكثر من 50% من مشروع بيريز ..
صراحة مدري في وقتها ولا لا .. هي فضفضة بس عن المطش .. الي يبي يعلق انا مستعد للنقاش معه ..

Night$Wolf · #16836 10/04/2010, 03:06 PM

إقتباس

الرسالة الأصلية كتبت بواسطة Madridi


	انباء عن ابعاد جوتي عن الكلاسيكو وذلك بأمر من مانويل بيلغريني بسبب تصريحه بأنه اخر كلاسيكو له !!!! وانه لن يكون في كامل تركيزه الذهني للقاء !! . http://www.defensacentral.com/real_m...ti-queda-fuera الدفينسا مصدر جيد .. لكن مدري ليه احسها مناورة على الفاضي وبنشوف جوتي .. تصريح عادي وما فيها شيء

عوافي سليم

والله بيني وبينك صراحة تصريح قوتي وقته غبي جدا
هو واضح جدا إنه متحمس ويبي يلعب وعلى أساس إنه آخر كلاسيكو له
بس ماكان لها داعي إنه يصرح بنيته للإعلام

لكن

بيلجريني خاسر كاكا في هذه المباراة
ومالها داعي يخسر قوتي بعد
ماعتقد إنه وقت يعاقب أحد
نفوز وبعدين لو تعاقب كريس بعد خذ راحتك

بدون كاكا وقوتي
معناتها بنبتل على فارت في صناعة اللعب لنهاية المباراة
وفارت لياقته ماراح تساعده على المباراة كلها خاصة إذا بيقابل وسط زي وسط البارسا

اتمنى تكون زي ماقلت مناورة إعلامية من بيلجريني

سليم

، عادي ترى حتى قناعاتي ممكن اتناقش فيها

موب شرط تكون قناعاتي صح كلها

يمكن انت أو الشباب يشوفون شيء انا ماشوفه والعكس صحيح

باقي 8 ساعات

زعلوهـ · #16837 10/04/2010, 03:13 PM

طيب وش المشكله يعني ؟؟

لاعب يقول هذا اخر كلاسيكو لي

يعني الى هالدرجه وصل النفوذ

خلاص انطم يا جوتي و لا تتكلم ؟؟

الخاسر الاكبر من هالتصرف هو ابوضاري

تصرف غبي وغير حكيم ابد

محتاجين جوتي هالمباراه بشكل جنوني

هذي مباريات جوتي

وتجي وتطلعه من التشكيله ؟ سلاماااااااات

اندبلت تسبدي من الحين ومنب شايفن المباراه

وان شاء الله نسمع خبر اقالتك

كارلوس شخصياً · #16838 10/04/2010, 03:16 PM

طيب هذا جوتي يتدرب .. تاكدوا من الخبر تكفون
تراي على اعصابي

khalid_sa01 · #16839 10/04/2010, 03:17 PM

إقتباس


	الدفينسا مصدر جيد .. لكن مدري ليه احسها مناورة على الفاضي وبنشوف جوتي .. تصريح عادي وما فيها شيء

اهلا وسهلا بالشيخ سليم

وجهة نظر ونحترمها من شخص له قيمته بالرابطه لكني اختلف معاك والسبب

الفريق عند اسوار الاعداء ونبي ندخل بنيه الانتقام والحماس في كل مكان يا رجال حنا واللي حنا جماهير مافيه تركيز ذهني ابد

يعني هذا وقت يا قوتي تصرح زي كذا ؟؟

يعني ارحموني جددولي ولا رساله للنادي انا زعلان ؟ يا اخي هذا اكبر غلط بكله ذي تأثر على فريقك والله

اقل مثل لتصريح قوتي كأنك جالس مع واحد تشوفه كل يوم اكثر من اهلك وفي الاخير يجي فجأه ويقولك انا بمشي من شغلي هذا وبدور شغل ثاني ...!

بالله شعورك لما يقولك كذا ؟

بالتوفيق للملكي اليوم

Royal Lover · #16840 10/04/2010, 03:23 PM

إقتباس

الرسالة الأصلية كتبت بواسطة Madridi


	انباء عن ابعاد جوتي عن الكلاسيكو وذلك بأمر من مانويل بيلغريني بسبب تصريحه بأنه اخر كلاسيكو له !!!! وانه لن يكون في كامل تركيزه الذهني للقاء !! . http://www.defensacentral.com/real_m...ti-queda-fuera الدفينسا مصدر جيد .. لكن مدري ليه احسها مناورة على الفاضي وبنشوف جوتي .. تصريح عادي وما فيها شيء

لو صـار هالشيء صراحة أخطأ بللي بـ هالتصّرف
اللاعب ماغلط على أحد ولا سب أحـد ، آخر كلاسيكو
لـ جوتي وهذا الشيء متوقع أصـلاً ، لـكن حاليـاً الفريق
بحاجة إلى كل اللاعبين في هالمبـاراة تحديـداً ، لاسمح
الله لو يحدث ظرف لـ الريال بوسط المباراة مثل إصابة
أحد اللاعبين أو شيء من هالقبيـل ، فأنت محتـاج لـ هاللاعب
وبقية اللاعبين ..

Hala Madrid · #16841 10/04/2010, 03:29 PM

جوتي سيتواجد في مباراه اليوم , الاعب تدرب مع الفريق وغادر مع المجموعه الى
الفندق , مصادر في النادي تؤكد ان بلجريني لم يتخذ اي قرار فني بخصوص الاعب
بعد تصريحه الاخير , لذلك جوتي من ضمن 19 لاعب للمباراه .

as

Hams madrid · #16842 10/04/2010, 03:30 PM

ابو دحه .. معاك بكل الي قلته ..
والله تخوفي مو من المباره ولا من فقدان الدوري صحيح ابيه ..
بس والله مابي نفقد ذا الأطخم مابي افقد الشايب ..
لو مايجي منه الا تعامله مع الأعلام المدريدي الحقير يكفي ...
معطيهم جوهم وتحسه يسلك لهم والي يبيه يسويه ...

ابيه لأنه صارم مع اللاعبين وبشكل كبير جداً .. يعني الي يقنعني ان قوتي والبنز وكاكا حتى في اصابته الأخيره ..
كانت اصاباتهم تحتاج كل هالوقت فأنا اعطيه الي يبيي ..
مو معقول اصاباتهم كلها في التمرين .. ومع ذلك عاقبهم ومسلك لصحافتك الغبيه ...وخصوصاً الـ as
كل هذي اشياء تخليني اطالب بعدم الأستغناء عنه ...
غير كذا مدرب فنياص يتعامل بالموجود عنده وبس ..
يعني اتحدى اي مدرب مايغيب عنه لاعب مثل كريستيانو ولا يتأثر بالعكس يقدم كوره رائعه ..
صدقوني الشايب هو اكبر خساير الكلاسيكو لو لاقدر الله خسرناه ...
وبيعطي اكثر لو حس بالأمان بس وين هالأمان وصحافتك الماركا والآس ...
وادارتك سوابقها تخوف ...

اكثر شيء يخليني اتمسك ببصيص امل ببقائه هو فالدانوا ...لأنه معطيه ثقه عمياء .. ولا يمكن يكرر خطاه ..

بلقريني .... اثق بك

بالنسبه لخبر قوتي مدري بس ما اتوقع بلقريني بيفقد واحد من اهم اسلحته ..
عشان مثل هالموضوع .. مع رفضي التام لتصريح قوتي ..
بس ماسألتو انفسكم ليش توه يجي الخبر مع ان قوتي مصرح من يومين للماركا ...
الشايب وراه شيء ... واكثر شيء اخاف منه انه يلعب قوتي اساسي ...

مهمها صار ومهما حدث سأردد ::

Hala madrid

فتـى بريده · #16843 10/04/2010, 03:35 PM

والله ياناس مباراة قويه يعني صعبه التحليل فيها يعني اانا اقول الاعيبين هم الي يتحكمون في المباراة

مو المدربين يعني غورديلا وبلي تأثيرهم راح يكون نفسي لا اقل ولا اكثر .

صبعه على اي محلل يتكهن بطريقة سير المباراة ..

لكن الشي الي اتمناه انه ما يغير هقوين على اسوأ الاحوال لانه قادر بأي لحظه يسجل ...

اذا المباراة فيه توقعات وفيه بعض التحليل..فأنا شخصيا ومن خلال نظره طيبه راح تنتهي 2-1 للريال.

ودي احلل بعض الاشياء لكن الوقت مو كافى وايضا الشباب مشاء الله ماخلو شي الله لا يضرهم.

لكن راح اتكلم كثر بعد المباراة بأذن واحد أحد في حالة فوز الريال..2-1 حلوه .

Keiko · #16844 10/04/2010, 03:42 PM

شباب هدو أعصابكم فاز الريال ولا تعادل ولا إنهزم لاقدر الله ,, الدوري لنا بإذن الله ^^

سؤال ,, ماهي ردت فعلك لو إنتصر الريال على البرشا بنتيجه 5 صفر ..؟

FLORINTINO · #16845 10/04/2010, 03:55 PM

^

وش في تصريح جوتي غلط يا عيال ؟؟

أشوفه عادي جداً جداً .. لاعب انسأل عن مستقبله مع الفريق !!
جوابه انه ما بيستمر ويبغى يتفق مع الأدارة عشان يطلع .. وش فيه غلط باللهي ؟؟

معليش يا عيال .. وشو جوتي عشان ينحسب لـ تصريحه حساب ! .. يقال انه
اللاعب الي ما نقدر نستغني عنه .. وهو صاف نص الموسم برا بسبة مشكلته مع
المدرب وبعدها اصابة .. جدد ولا طس ما فكرنا فيه ولا درينا عنه .. ولاهو الفقيدة الي بنصيح عليها كم سنة قدام

خله بس يشارك اليوم ويحاول يقدم لـ أخر بطولة ممكن يفوز فيها مع مدريد .. وقتها كلنا بنذكر هاللاعب بخير ونذكر انه كان
سبب من الأسباب الي ساعدت الفريق انه يطلع ببطولة من موسم صعب جداً .

إقتباس

الرسالة الأصلية كتبت بواسطة Diamond Eye


	فقرة استباقية لصاحب الـ 22 عاماً.. مجدداً سيكون الكثير من المدريدين في انتظار فشله لنجاح نظرياتهم.. في الوقت الذي سأنتظر رؤية مباراة أخرى لـ مهاجم مدريد الأول لسنوات قادمة بإذن الله هناك فرق بالتأكيد.. !! أليس كذلك؟ هغوين تحول وبشكل تام هذا الموسم لـ يكون اللاعب رقم 9 في الفريق.. ما اعتقد أنه قادر مستقبلاً على العودة لـ اللعب كجناح أو مهاجم متحرك مع شريك ما أدري هذا مجرد إحساس خاطىء.. أو هو بالفعل استنتاج صحيح لما وصل إليه بلغريني في الفترة اللي غاب فيها بنزيما.. وتكفل فيها البيبيتا بالمسؤولية لوحده بغض النظر عن أدوار كريس المتعددة خلفه كمهاجم وهمي الصحيح إن هغوين يُعطي أكثر كمهاجم صريح.. شيء أثبتته المباريات الكثيرة اللي ما أضطر فيها لمشاركة أحد بشكل متساوي في المقدمة قوة الأرجنتيني صارت تكمن في شيئين.. مواجهات الون تو ون خاصة في الأوضاع المتحركة للكرة.. وقدرته على الهروب ببراعة خلف المدافعين في وجود المساحات.. حاجتين عادة ما تجدهما في مهاجم صريح وليس في جناح أو مهاجم متحرك على ما تقدم أعلاه.. في الصيف بندور على مهاجم جديد؟

كلام من ذهب

واحد من العيال امس معي في الـ BB يتكلم عن هيغواين وانه بيخذلنا كلنا كـ العادة !!
الكلام مو لـ فرض صحة نظرية مثل ما تفضل الماسي .. الكلام عن موهبة لاعب مميزة فرضت نفسها على لاعبين قبل ما تكون على مدربين
انا من الناس الي طلعت بعد متش ليون وسفلت فيه تسفيل لدرجة اني كرهته .. لكن تذكرت ان العتب على قدر المحبة .. وهيغو عنده القدرة انه يكون افضل
مهاجم في العالم خلال السنوات الجاية ويخلف راؤول في البرنابيو كـ معشوق اول لـ الجماهير الي حبته من بعد موسم كبير قدمه العام !

ما اقول الا بـ التوفيق لـ هيغواين اليوم ولكل اللاعبين

إقتباس

الرسالة الأصلية كتبت بواسطة Diamond Eye

إقتباس

الرسالة الأصلية كتبت بواسطة Diamond Eye


	عبدالله فلورنتينو لك وحشة يا الذيب سليم يوصلك السلام ولا لا ؟

ما يوحشك غالي حبيبي

.. صدقني انا احنا الي مشتاقين لك والله
بس للأسف الأخ Madridi ما يوصل لي شي .. حتى الجوال ما يتصل وان دق عطاك رنة

خخخخخخخخخخ
سليم لا يكثر بس انت عارف البير وغطاها

==

ابودحه .. ولو ان هوجاسي موب مثل هوجاسك .. لكن يبقى اهم شي ان بيللغريني يستمر لـ نهاية عقده مع الفريق .. ما راح اتكلم عن الثبات و الأستقرار لأن
ماشاء الله العيال تكلموا فيها كثييير وبالتفصيل .. لكن بكل تأكيد بقاء بيللغريني افيد لـ الفريق من التعاقد حتى ولو مع فابيو كابيلو !! .. كلامي مو استنقـاص من
الدون لكن رجل المرحلة هذي في ريال مدريد هو مانويل بيللغريني

الأخبار الي طلعت امس تجيب الهم .. الشي الكويس فيها انه اختلاف في وجهات النظر على لاعبين موب على طريقة ادارة لـ الفريق او على نتائج
وهذا شي ممكن ينحل مع الوقت خصوصاً ان الأسم المقدم من الأدارة لـ المدرب مغري جداً .. واكيد بيقتنع لـ انه فرانك ريبري .. الشي المقلق ان
هالكلام ابداً مو وقته .. عندنا اليوم مبارة مهمة و الكادينا ماخذه السبق الخايس !!

الله يكتب الي فيه خير