.. ][ قفشة من التاريخ ][ ..
قبل تقريبا سنتين ونص كان فيه مباراة تشيلسي وفالنسيا على ما اظن ربع نهائي التشامبيونز ..
المهم مالكم بالطويلة .. فاز تشيلسي بذيك المباراة بعد هدف سجلة اللي راس ماله خال على قولة فهد
وكان توه راجع من إصابة وجاب هدف بآخر دقيقة
ماشاء الله تبارك الله
المهم بعد المباراة تحمست اسوي تصميم على السريع ...
وسويت الماثل امامكم بأول الرد ,, ونزلته وطلعت ... ويوم رجعت لقيت ابو عابد
راد بعدي
يقول وش تحس به يا ايوب وش كاتب The Bee ومدري ايش
انا انلحست اذكر ان مدرس الانجليزي ان كاني منب واهم معلمني اياها
ويجي ابو عابد ويشكك في قدراتي
انا من الخوف من الفشيلة مسحت الرد
عاد قلت ورا ما اروح قوقل واشوف الترجمة بلا ابو عابد بلا هم
وانا اللي افتح قوقل الترجمة واترجم كلمة Bee الا والله وتطلع لي " نحلة "
بالمناسبة Bee = نحلة
وانا اللي انغبن ... مو عشان الترجمة طلعت صح .. لأني حذفت التصميم ولا خزنته
طبعا هاك الوقت انا كان النت منقطع عندي وكنت بمقهى ... ورجعت للبيت احوس واحوس ولا حصلت التصميم
وسويته مرة ثانية بما انه سهل ونزلته
طبعن دعمني في ذاك الوقت ابو غامد
وقال ما عليك من ابو عابد صح عليك
رغم ان المفروض اكتب بي لحالها بس يالله مشيها
وارجع واقول ... ابو عابد خلك في الوشسمه اللي عندك ( فيس حاط اصبعه على خشمه ثم يمرره على رقبته بالعرض )
وخلاص
** مايستفاد من الفقشة قصدي القفشة هي تلطيف الأجواء لا أقل ولا اكثر
واللي بيزعل يطق راسه بالجدار
لا امزح ... اللي بيتضايق ولا شي بس يراسلني عالخاص او عالإيميل
[email protected] >> ما حط القفشة الا عشان الايميل
وبإذن الله بتستمر هالفقرة بشكل اسبوعي طبعا بعد ما يسمحون لي نواف
وسيف
وهالفيس
إهداء خاااص للنينو
اخبره له معزة خاصة عنده
فمان الله