القرار الصائب (((الاستغناء عن خدمات المهاجم الاجنبي الكاتو))) - نادي الهلال السعودي - شبكة الزعيم

سنافي · #1 21/01/2001, 01:18 AM

أعتقد أنه حان الوقت لتسريح هذا اللاعب المنتهي الصلاحية
الواضح أنه ضمن أن الادارة لن تستغني عنه فهبط مستواه عفوا لم يهبط بل ظهر على حقيقته .......

shagrawi hilali · #2 21/01/2001, 01:22 AM

7ARAAM 3ALEEK

سليمان الاحمد · #3 21/01/2001, 01:25 AM

اقول يالسنافي
من اللي زلزل بطل اليابان وسجل الاهداف ؟
القطو طبعا وتبي الهلال ينهون عقده اصبر لين يجي المدرب الجديد ويعجبك !

سنافي · #4 21/01/2001, 01:37 AM

الي زلزل بطل اليابان هو نجوم الهلال كلهم....ماهو الكاتو بس
بعدين ترى كل أهداف الكاتو هي (((خيقي بيقي)) يعني كلها خبط بدون مهاراة وما أقول الا يا حسافه الرقم تسعه عليه
بالله عليك ياأخ سليمان هل الكاتو أفضل من عبدالله الجمعان إذا لماذا لعب الجمعان أحتياطي بينما لعب ذالك القطو أساسي
بالله عليك الكاتو يستحق أن يمثل الهلال في كأس العالم هل هو وصل الى درجة أنه أقنع كل الجماهير الهلالية بمستواه
===========================
الآن عرفت أنك لم تشاهد مباراة الهلال والرياض وإلا كنت غيرت رأيك في الكاتو
===========================

elgalbelazrag · #5 21/01/2001, 01:44 AM

والله الحقيقه الكاتو مهاجم يعرف يستغل الكوره امام الباب وطبعا بما ان مافي لاعب بيعطيلو كور صح لازم ما يجيب اهجاف كثيره مع انو جاب اهداف حاسمه
بس اعطيلو فرصه لمن يلعب مع يوسف وياخد على اللعب معاه وانت تشوف الكاتو

سليمان الاحمد · #6 21/01/2001, 01:48 AM

انا قلت اصبر لين يجي المدرب الجديد والا تبي ندرب الهلال انا واياك وانت تطرد لك 5 لاعبين وانا اطرد مثلهم ونقعد على تلها ...

القطو مقنع وممتاز والنادي يملك بطاقته الدولية ومستواه على قد آسيا وأفريقيا والدوري السعودي وعصفور باليد خير من عشرة على الشجرة واذا جاب احد 3 لاعبين احسن منه يروح مصلحة الفريق فوق كل اعتبار

نديم الهلال · #7 21/01/2001, 01:52 AM

اليوم قبل المغرب شفت الكاتو في احدى اسواق العليا ( سوبرماركت ) عليه لبس ازرق 0
كان ودي اناقشه في مستواه الغريب بس المشكله كان معي الاهل 0

بس ياجماعه تراه موعود بعائلته وماجابوهم له 0
ترى النفسيئه مهمه غربه 0 00 ووضع اداري غريب 000 وتراه لوحده في الهجوم 000 ومافيه مدرب يستغله صح 000

والحين اذا راح يعني بيجي احسن منه ماظن 0

15الثنيان وبس · #8 21/01/2001, 01:58 AM

اعتقد ان كلامك غير صحيح والسبب ان الهلال يلعب مهاجم واحد وسهل الرقابة لة

bandr9 · #9 21/01/2001, 02:06 AM

بس الكاتو لوحدة في الهجوم اصبرو عليه شوي الين يجي معه الذيب وتشوفو كاتو ثاني غير هذا سامي قدر يخلي سيرجيو نجم وهو اقل من الكاتو فما بالك بالكاتو النجم.

mohd2000 · #10 21/01/2001, 02:29 AM

أاحي العزيز / السنافي
بعد التحيه والتقدير
أنا أخالفك الراي في الكاتو وأعتقد أنه من أحسن المهاجمين الموجودين في السعوديه
( بس عط سداح فرصته ) وتشوف أفعاله في الأنديه الأخرى أنشاءالله . $$$$$

Moha2000 · #11 21/01/2001, 05:16 AM

بسم الله الرحمن الرحيم
يا شباب طولوا بالكم على الكاتو تراه معذور و الله لو كان باتيستوتا مكانه في الهجوم و ما معه احد ماراح يزين شي انتوا ملاحظين انه من يوم ما لعب الكاتو للهلال و المدربين يلعبون 4/5/1 ترى يد وحده ما تصفق

هلال السماء · #12 21/01/2001, 06:06 AM

في الوقت الحالي لايمكن الاستغناء عنه ( الدوري ) ولكن مستقبلا في بطولة العالم يمكن بنسبة 95%

بندر الهلالى · #13 21/01/2001, 06:20 AM

السلام عليكم
الكاتو لاعب جيد بس مهاجم واحد بين خمس مدافعين سهل مراقبتة وبعدين مو الكاتو لحالة طايح المستوى كل الهلال باستثناء الثنيان وحسن العتيبى
وشكرا لكم

هلال بن اولمبي · #14 21/01/2001, 06:31 AM

اشوفك ياخي تدور بالمنتديات ماعندك غير اطردوا الكاتو اطردوه ياخي تراني بديت اشك انك عادل المطيري والا يوسف الحيائي والا احد منسقي النادي كل همك الإنتقام من اللي اخذ الجو منك

طلال · #15 21/01/2001, 06:56 AM

اذا أردت أن تستغني عن اللاعب فمن هو البديل؟؟

علما بأنه المهاجم الوحيد في الفريق... وقبل الاستغناء لابد من وجود البديل ...

ومستوى جميع لاعبي العالم متذبذب..

تحياتي لك ... وحياك الله في المنتدى ( سنافي )