ملخص المباراة الودية

والله ارناتو لمسات وكـ اول مباراة لعبه كويس ويبشر بالخير

يعطيك العافيه عبدالله على الملخص ..

فكّيت ازمتي كنت ادوره


.. [ ارنا : لم اصل لمستواي ] ..



ماركو ارناوتوفيتش لعب مباراة اليوم وقدم امكانات كبيره وتبين انه تعافى من الكسر
في قدمه اليمنى وكان قريب من التهديف اكثر من مره وقال بعد المباراة :

" انا راضي عما قدمته اليوم مع فريقي الجديد , احتاج الى اسبوع او اسبوعين
لكي اصل الى اعلى مستوياتي "

.. [ فيرجسون : الانتر سينافس في الابطال ] ..



السير فيرجسون يتوقع ان يكون الانتر بقيادة مورينيو منافس قوي في دوري ابطال اوروبا هذا الموسم
وذلك في تصريح له حيث قال :

" من الممكن ان يصلوا الى النهائي ففريقهم اصبح قوي جداً "
" البطوله فوز و خساره وخروج المغلوب وسر البطوله هو الجاهزيه في كل وقت "

,,

إقتباس يالله خل نشوف خشيمان جديد عندنا .. وتغير يوزرك لـ A R N A T U VIC

أهم شي انه مافيه مسافة بين الـ vic

ولكم بااااك لي ياقدعااااان

إقتباس مرحبا أخوي محمد العذر والسموحه تو أنظم للرابطه ولا أعرف أحد لكن سؤالي أبغى الجواب عليه بشكل صريح ليش برأيك الإنتر فقط منافس ع الأبطال مع قدوم الأسماء المميزه هل لعدم توفر البديل المناسب لصانع اللعب والهجوم هو السبب ؟

هلابك اخوي فيصل


.. اذكر قبل يجي مورينهو كنا نحط سبب فشلنا في الخروج من الابطال الى عدم وجود مدرب كفؤ .. وكان الفريق يعتمد على لاعب او لاعبين على الاكثر في معظم لحظات الحسم

ومع اول سنة لمورينهو قلنا لازم يجي صانع لعب .. هالسنة جا شنايدر وتغيرت صيغة الهجوم بوجود مهاجمين تقليديين .. وفي ظل وجود القوة الكبيره في الجهه اليمنى المتمثله في مايكون .. وفي ظل وجود وسط قوي بوجود كامبياسو وزانتي وتعزيزهما بـ تياجو موتا .. وفي ظل وجود مدرب من طينة الكبار وصاحب خبره وسبق له الفوز بالبطوله .. أعتقد الفريق أصبح من المرشحين للمنافسة على اللقب .. فالخيارات أصبحت أكثر

إقتباس هلاليا" إلى أي حد تتوقع الهلال يصل بتحقيق البطولات ولماذا ؟ وآسف ع الإطاله أخوكـ فيصل

في ظل وجود شبيه الريح الوضع اكيد مريح

طبقا لما سمعته من رئيسنا والكلام الي كان شديد اللهجه على كل مسؤول في النادي .. اوحى لي ان عنده الاراده والعزيمه والحلم على بناء حاضر جديد للزعيم , وهالشي سواه من قبل كل الرؤساء الناجحين مع الفريق , لكن مع شبيه الريح الامر بيكون ثوره في الازرق



في ظل التطور الي نشوفه اداريا باستقدام مدرب من طراز عالمي يرفض اي تدخل في مخططاته ومن تنظيم لنظام المعسكرات ومع نظام التغذيه الصارم للاعبين ومن ومن .. اصبح الاحتراف جدي في هذا النادي .. كل الامور الاداريه الي ذكرها في المقابله .. خلتني متفائل بالفريق


فنيا .. الفريق جاب مهاجم رائع بجانب ياسر وجاب تياقو نيفيز وجاب الكوري .. الي اعتبره صفقة الموسم لانه بيسد ثغره استمرت في الهلال منذ رحيل الدوخي



العطش الجماهيري .. الجمهور كل سنة يكون اكبر عزيمة من الي قبلها ويضغط على الفريق .. وهذا الشي من صالح الفريق .. يعني بيجي اليوم الي ينفجر فيه الهلال ويحقق لنا الحلم من كما عودنا على تحقيقه


عموما اسالو عبدالله عن الهلال هو عنده خبره اكثر مني

إقتباس الرسالة الأصلية كتبت بواسطة J o S e .. .. مع الـهـلال الأجمـل : الهلال v الشباب 1418 يازين الدوران على البيت بعد ذيك المباراة سـ.: تشكيلة الأحـلام للإنتـر .. سواء على مر التاريخ أو حالياً اللي تبيهـ ..؟ على حسب الاعبين الي عاصرتهم او شفت لم لقطات سيزار سلفستر - بيرجومبي - كوردوبا - زانتي كامبياسو - باريزي - جوركاييف باجيو رونالدو - ماثيوس سلفستر اجل سـ.: اللي كانوا يقولون مورينهو ما غيّر شي في الإنتر , بالله وش بتقول لهم الحين ..؟ على حسب الي يقوله .. هل هو يشجع اليوفي ؟! , أم هو من مشجعين الروسونيرو ؟ ؟ ؟ ؟ رد اقدر اقول عنه دوبلوماسي سـ:. بحكم اننا في رمضان .. أبيك تكتب لنا يومك الرمضاني بإختصار ..! نوم من الساعه 7 الصباح الى الساعه 2,30 تقريبا بعدها ادخل النت شوي واطقطق على التلفزيون كان فيه شي .. وبعد صلاة العصر نفس الشي الين يجي الفطور .. وبعد صلاة المغرب نجتمع انا وعيال عمي نتكي ونشوف طاااااااااش بعد العشا اطلع حسب الوعد عند مين .. اليييين السحور .. بعد صلاة الفجر احيانا سوني واحيانا نشوف مباريات معاده مع بيسبول انا قايل لك برده بس تدري كل شي لعيونك يهون سـ.: مـوقـف طريف صار لكـ في حياتكـ .. تذكر شي زين تكفى ..؟ اممممممم ايه ايه مره كنا في شاليهات في الشرقيه طالعين مع خالي .. ونشوف بنت بحرينية راقيه في سطح الشاليه ولا عرفت تنزل .. المهم كنا نمشي انا وولد خالتي وخالي .. ويوم مرينا عليهم قال ولد خالتي للناس المتجمعين ياشباب هذا يشتغل في الدفاع المدني ( يقصد خالي ) المهم خالي توهق ولا عرف وش يسوي .. سالوه اخوان البنت وش لازم تسوي عشان تنزل قال لهم تعطينها قفاها وتنزل اجل بحرينيات عضو تحب تقرأ ردوده وتدورها ..؟ بيسبول وعاشق ادريانو 10 وجوزيه شكرا حمود على التدعيس

السلام عليكم

الله يعطيكم العافية جميعاً ،

و لبّى قلبك يا [ أحمد ] على هالإستضافة الرائعة لـ أستاذ الرابطة [ الكرة الهلالية ] محمد

ما خليتوا شي .. محمد .. أحد أعمدة رابطة الانتر .. و مُشجع إنتراوي ننتظر مداخلاته و ردوده في هالمنتدى فيما

يخص الانتر .. عضو محبب للجميع .. و هُنا لــه كلمته في الرابطة .. قد لا يعرفه البعض او لم يقرأ له

لكن تأكد انه عندما يكتب عن الانتر .. فـ هو دائماً أقرب ما يكون للمشجع الواقعي بعيداً عن الابحار في الخيال

و البحث عن الاسباب و المبررات

عندي الكثير من الاسئلة .. لكن بـ أختصرها

1 / هل تتذكر [ إنتر ] هيكتور كوبر ..؟! تميز بـ إنضباط تكتيكي غير طبيعي كان للفريق هيبه بقوة
كوبر .. يقول راضي عما قدمته مع الانتر حتى لو لم أحقق ما أبحث عنه و يتمنى العودة من جديد ،
ياليت تكلمنا شوي عن ذيك الايام

2/ إيبرا .. إيتو .. كل انتراوي مُخضرم يُطرح عليه هذا السؤال .. كيف ترى مستقبل الثنائي ..؟!

3/ تعليقك على هـ الصورة و اللي فيها

الله يجيب العواقب سليمة يارب

توو ماتهنينا فيه كلها تدريب واحد و70 دقيقة لعب

غيابه عن مباراة برشلونة لاسمح الله بيكون مشكلة كبيره



تحياتي لـ ضيفكم العزيز وعندي له كم سؤال

شرايك بصفقة ابراهيموفتش وهل تظن انه تصرف سليم من موراتي او خاطيء؟؟

لو الزمن يرجع اربع شهور ورا كيف تتمنى يكون ميركاتو الانتر؟؟

هل صحيح انك تبي تسوي رابطة لنادي جنوى في المنتدى ؟؟

بأختصار مارأيك بالاسماء التالية:-
1- العداء الاسطورة بولت
2- مارادونا (المدرب)
3- المهاجم الكبير ادريانو
4- نجم نادي النصر صالح صديق

السـلآم عليكـم .. ~

يعطيكم العآفية جميعاً ..

بالنسبة لمحمد بعد رجعته عطوه أسئلة كرف .. لا أوصيكم

وللتذكير مرة ثانية .. مسموح لكل عضو خمسة أسئلة كحد أقصى !

سفير الإنتر عزوز مسموح له هـ المرة لأنه محرر الرابطة .. لكن لا يتعودها

إقتباس الرسالة الأصلية كتبت بواسطة الكرة الهلالية ,, أهم شي انه مافيه مسافة بين الـ vic ولكم بااااك لي ياقدعااااان

ولكم بآك محمد

إيه الفيتش ما فيها مسافة اكيد

والله يعينك على اللي بيجيك من الاعضاء

شد حيلك واحتسب عند الله الاجر

إقتباس الرسالة الأصلية كتبت بواسطة سفير الإنتر أرناتوفيتش للرسمي : فخور لوجودي هنا

يالبّا قلبك

قالها هو .. مورينهو أبعدني لأسباب فنية ..

وأبعمل جاهداً لإقناعه بإستدعائي في قائمة يناير

ننتظرك أرنا

إقتباس الرسالة الأصلية كتبت بواسطة سفير الإنتر إستئناف التدريبات يوم الثلاثاء

مع الدوليين ؟

بالتوفيق وراحة اليومين مناسبة

عزوز