أنت السبب !

صرآحه خلونا نكون واضحين وصريحين !

وين راحت فلوس رونالدو .. ؟

جد شئ يقهر اذا كان على ذا النظام .. الدوري والأبطال راحو على حساب تخبطاته والأعتماد على روني في المقدمه !

بغض النظر عن التحكيم في المباراة

يعني دروقبا هدفه 100% تسلل ..

وماكيد هدفه فاول !

وبلنتين لنا ولهم .. أنا أشوف أن السير لعب على التعادل !

والله شئ يقهر !

أتمنى أشوف هجوم مثل الأوادم مو يجيب لي بيربا ! في مباراة البايرن !

بس الله يعين ..

لازلت مصر أن المان قادر على تعدي هذي الظروف وبقوه بعد !

لكن ماحولك أحد السير مايبي مهاجم غالي !

تبي ماكيدا وتقعد تطوره سنتين أو ثلاث !

نبي البديل الجاهز !

أحس أني طولت شوي ..

بس ماهو مني من القهر اللي فيني !

تحيـآتي ..

عبدالله

صرت أسأل ؟!

صرت " ضايع "

حلم هذا أو حقيقه ؟!

صآر اللي ما تمنينااه , تشلسي تصدر بفارق نقطتين والارسنال ورانا بنقطه وبآقي 5 مباريات , يعني في ظغوط مو طبيعيه علينا بالدوري , ما يأست من اللقب لكن لأننا بآقي بالأبطال ونلعب ع الجهتين وبآقي لنا في الدوري مذابح مع السيتزن , ومباراة قويه مع السبيرز فـ هذي الظروف بثت الخوف بداخلي .. ننتظر بإذن الله تعثر تشلسي من السبيرز أو الليفر أو كلهم سوآ , خصوصا ان كلهم يصآرعون على المركز الرابع , وننتظر السيتزن والسبيرز برضو يوقفون الأرسنال , ما يأست من الدوري لأن غيرنآ بآقي لهم مباريات قويه , وان شاء الله تشلسي يفرطون بالثقه بالنفس ويكآبرون وينلقمون وترجع الميآه لمجاريهآ ونتصدررر

/

فيني ضيقه ما أدري وشلون أوصفهآ , من بعد المباراه أحاول أستجمع أفكاري وأرد بالرابطة لكن للأسف كل ما فتحت نآفذة الرد أنظغط نفسيآ وأقفلهآ إلييين أخذت غفوه طويله وتحسن الأوضآع شوي

/

الشوط الأول ../ حمدت ربي اننا طلعنا منه متأخرين بهدف , قلت الأوضآع بيعدلها السير وقدامنا سآعه الا ربع نقدر نعدل الأوضآع , انقهرت الشوط الأول من طريقتنا باللعب حسيت اننا بـ الستامفورد مو بـ مسرح الأحلام .. طبعآ حنا اللي أتحنا المجآل لتشلسي بفرض إسلوبه ويتمشى وكأنه بملعبه , طريقة لعبنآ كأننا نرجي التعآدل لآعبينا كآنوا يستلمون الكوره وما تبقى على طول تنقطع وانعدم تنظيم الهجمات , و الله لو فيه شوية تركيز كان قدرنا على بنآء الهجمات وفرض إسلوبنا بالشوط الأول بس المشكله اننا كنا متخوفين وعوّلت على سكولز وجيجز بأنهم بيمسكون خط الوسط بخبرتهم ونقدر نخبص تشلسي بنص الملعب , لكن لا جيجز ولا سكولز كانوا بمستواهم بالشوط الأول , هدف تشلسي فيه أشياء تغببببن , أجل مآلودا يتمشى على رآحته !! القهر انه ما بذل مجهود عشآن يعرض الكورة , كان يمشي على أقل من مهله حتى وبدون ما يكون سريع بالكوره , شي غبني و الله !! بآرك بفرصته اللي صآر حولها خبصه بأنها بلنتي .. ما الوم الحكم يوم ما حسبها , لان بآرك زود فيهآ وبيّن للحكم ان فيهآ تمثيل , وفرصة بربآ ما أدري وشلون أعلق عليهآ .. هذي طريقة لعبه يحسسنا ان ما عنده مسؤوليه , ما احط اللوم عليه بالضعف الهجومي , لأن هذا هو بربا وهذا هو لعبه .

/

الشوط الثآني ../ ظهرت شخصية مآنشستر اللي إعتدناها , جيجز إستلج , صآر فيه تنظيم .. صرنا نظغط على حآمل الكوره من تشلسي وما نعطيهم لا مساحات ولا حتى فرصه بالتمركز السليم وجبرناهم على اللعب بحدود ملعبهم , وهـ الشي تمنيته بالشوط الأول لأن المعروف عن تشلسي اذا تقدم صصصعب يفرط بالتقدم ويدآفع بشكل خورآفي وهالشي شفناه بكذا مباراه لهم , ومبارياتنا معهم الذهاب والإيآب هالموسم خير دليل
ظغط المآنيو عليهم كآن يخوف وكنت متأكد ان نتيجة هالظغط بيجي هدف أو ضربة جزآء وذكرني ظغطنا عليهم بمباراة السيتي في ملعبنآ , لكن هدف دروجبآ الحفله صآر بعكس مجريآت المباراه وأحبط المشجعين و اللاعبين , لكن هدفنآ برضو ما تأخر من بعد هدف دروجبآ وبرضو أمّلت على التعآدل يوم شفت ظغطنا بعد هدف مآكيدآ , لكن ما حصل اللي كنا نتمنآه , والحمد لله على كل حآل ..

/

التشكيلة الأساسية ../ اللي تخوف منها قبل المباراة فـ ما ادري وش اللي مخوفه , عادي تشكيلة متوقعه ما اعتقد ان السير أخطأ فيهآ , بتقولون المفروض ماكيدا يكون اساسي على حسآب بربآ , او ماكيدا اساسي مع بربآ ونلعب 4-4-2 , فـ بأقول ان مجريآت المباراة قبل لا تبدأ كانت بعلم الغيب , وكنا قآدرين على الفوز بهالتشكيلة لو كان وسطنا حآضرين ذهنيآ وفآرضين إسلوبهم , شوفوا بدآية الشوط الثآني المآن كان غير عن الشوط الأول مع انه ما صآر فيه تبديل الا بالدقيقه 70 وهذا دليل على ان تشكيلتنا حلوه , لكن طغى علينا الخوف وهذي نقطة ضعف فينا نشوفها في كثير من المباريات , اذا صرنا متخوفين أو كنا مسيطرين وفقدنا السيطرة فالأحوال تتغير ونختبص .

/

التبديلآت ../ كآنت تبديلآت متوقعه اللي صآرت في الدقيقه 70 , ناني وماكيدا كان مرشح دخولهم .. وبآرك كان المرشح للخروج , اما سكولز فـ يمكن تختلف الآراء على خروجه , لكن بوجهة نظري بما ان معه كرت وخشن بتدخلاته فـ هو الأقرب للخروج مع بآرك .. لكن!! وقت التبديل كان متأخر , كنت أتمنى ناني من الدقيقه 55 - 60 على حسآب بآرك وكيكو يكون بعده عشآن ما نفتح وسطنا لفتره أطول , ناني كآن فعآل وبثر بمراوغاته وأعجبني مستواه يوم طب , ولا يهون كيكو تحركاته سليمه ولو انه قليل خبره لكن اللي بيلاحظ بالاعاده انه متشفق وحريص على انه يسوي شي , تمنيت انه من بدآية الموسم يكون إحتياطي دآيم ونشوفه بديل في بعض المباريات عشآن يمدي يتكون ونقدر نوكله في المهمات الصعبه لكن الاصابه منعتنا منه وأيضا السير منعنا منه وتركه لفتره أطول بالرديف
اما عن التبديل الثآلث , جآء بالدقيقه 84 تقريبآ و كان متوقع بيكون فيه تبديل بعد الهدف حقنا على طول , بس التبديل ما اعجبني بنوووب , يمكن السير يشوف انه صح وبعضنا بيقول ان السيرما سوى هالتبديل الا لأنه شايف انو بيسوي فآرق بأرض الملعب , انا أشوف لو طلع فآلنسيآ ودخل كآريك كان أصرف , ويبقىآ كآريك وفليتشر محاور ونعرف لعبهم الجماعي في حال الهجوم انه دآيم يثمر وانتقل ناني يمين مكان فآلنسيآ وجيجز للجهه اليسرى , أتوقع انه كآن الأمثل وهو اللي توقعته بعد الهدف على طول

/

شفت شباب يقولون , السير والسير .. وانه ما جلب لاعبين عليهم الكلام , ما ادري , بعد كل مباراة نخفق فيهآ بتردون ذا الاسطوآنه !!
كيكو & ضيوف <_ و الله , يبيلهم يآخذون فرررررصه ..

/

ننتظر السير يزبنّـا يوم الأربعآء , وياااارب ما يكون لـ هذي المباراه تأثير نفسي ولا نتوهق فيهآ لياقيا .. قدامنا 4 او 5 ايام ما بين تشلسي والبايرن , ان شاء الله هالفتره القصيرة تكون كآفيه لتحسين الوضع النفسي , وتكون كآفيه للسير بقراءة مباراة البايرن بشكل صح , وكلي ثقه فيه ان شآء الله بأنه رآح يراضينا

/

آسف على الإطآلة .. وكل كلامي يعتبر وجهة نظر , ووجهة النظر ممكن تكون صحيحة وممكن تكون خآطئة
موفقين شباب .. برررب

يوم الاثنين الماضي .. خلونا نقول العصر ! تسوي خطه وترتب امورك .. لـ 3 اشياء !! بايرن بالارينا .. تشيلسي بمسرح الحكام ( طول عمري اسمعها وتوي استوعب خخخخخخخخ ) .. بايرن بالاولد ترافورد .. تقول ؟ ابلعب روني مع ناني وقيقز وبارك بالذهاب .. وبريح فالنسيا .. وضد تشيلسي بلعب روني و فالنسيا و قيقز وبارك وبريح ناني وبريح كاريك لان سكولز مايقدر يلعب 3 مباريات ( الكلام لين هنا منطقي ومافيه اي شي مايدخل البال .. كلها قراية افكار لـ شي صار ).. لين 5 دقايق من المباراة الاولى انت كمدرب شغلك ماشي مضبوط اوكي غامرت وخربتها وطمعت ! بس كان وضعك سليم كمدرب واللوم على اللاعبين لانهم ضيعوا قدام ! تقولي كم بقى ياحكم ؟ خمس دقايق .. نرجع 5 دقايق تقريبا ً يجي قاري ( عمنا وكابتن قريح واللاعب اللي ماتحس له اي تأثير على زملائه ! واللي كانت من اكبر سقطات فيرقي اختياره كاكابتن ) .. يطقها باليد .. الحكم يقول فاول .. الحارس يهاوش ويضبط الحيطه !! يجي الثور مدبرنا وحبينا وحبيبي انا روني .. يطلع متحمس من الحيطه وتصقع فيه وتتغير وينحرق عليها سار ( اكبر قلب بالمنتدى) .. يجي الوحش ويصفق ويقول يالله معلييش شدو .. يجي واحد الماني طويل مايعرف من المهاره الا اسمها .. يركض يركض واللاعبين باردين .. تنقطع من واحد منهم .. تجي للفاهي اللياقي المُميز بلياقته .. ايفرا حبيبي واللي قلت عنه : بقى شوي ويدخل القلب .. مب القلب لا اقصد يربع بالوريد يعني تكون كل اغلاطه عندي نعمه .. المهم ماعلينا .. نرجع ! ايفرا يمسك كوره لا يشتت ولا يناول يرجع على ورا وهو منزل راسه هههههههههههههههه مدري وش الفكره ؟! يقطعها لاعب بثر .. ويجيب قول .. وقاري وكل اللاعبين يقلبون على ايفرا .. اصبروا نسيت اقول .. طاحح لاعب مهم منهو ؟ الوحش روني !!!!

تنتهي المباراة اللي لعبت فيها صح ماكان فيه ذاك الارهاق الا من كم لاعب زي ناني و فليتشر اتكلم عن الاداء والمجهود .. او ان كان من السفر ! بس كان فيه احباط معنويات بشكل خورافيي !! ماعلينا تقولي روني مصاب !! طيب يالله معليش الشكوى لله !!

طيب وش تشكيله نص الملعب مع تشيلسي ؟!

سكولز .. فليتشر
قيقز .. بارك .. فالنسيا

انا لما أُصيب روني .. ماخسرت بس روني !! اجل ؟ خسرت معه فالنسيا ! لو نتذكر مع بعض وش الميزه الخورافيه بفالنسيا ؟ اوفراته !! ولو جينا للحق مافي زي روني بالراس .. لو يجيب فيرقي بفلووس رونالدو 10 مهاجمين او يجيب فيا لحاله .. مافي زي روني بالراس .. سو خسرنا انحاست ام الخطط !! فالنسيا صفر !! ناني ارهقته !! الحل وشو ؟ تدخل ابورتان ههههههههههههههههه

.. لا امزح وييين ؟ تخيلوا بس .. توه ذا يبي له شغغغغغل .. اللي بوصل له واللي شاف مب قرأ شاف طريق تصريح فيرقسون واضح انه انحاس !! شي واضح من طريقة كلامه !! من ردة فعله !! مانتف احد ولا مزح .. ولا كان متفائل !! الا الا مزح .. يوم قال روني بيلعب كأس العالم وقفو صلاة مدري دعاء مدري وش وضع دينهم عاد خخخخخخ ! بس ولو انا بالنسبه لي .. كان شكله مب كالعاده !!

سؤال صدقي .. عاد والكلام اللي كاتبه تو فيه خيال وفله وقراءة افكار .. الحين جد جد !
لو كنت مدرب .. وقبل المباراة وشفت ماكيدا ( مب بس قلب ؟ لا شي قوي جدن يعني اني مايت عليك .. رقم 9 لك ان شاء الله او 7 .. وش تبي انت بس :$ ؟ ) .. ايوا اقولكم لو شفت ماكيدا و برباتوف و الحاج ضيوف خخخخخخ .. ( اللي جته مية فرصه ضد هال سيتي او ولفر هامبتون نسيت .. الزبده اللي ضيع مية الف كوره بمباراتين !! ) !

وش الحل عندك ؟ تثق برباتوف ؟ ولا تجرب حظ الخوال ؟! خصوصا ً انه للحين ماعطانا موهبه الا الركض .. تدرون شلون احذفو الخال حسيت اني سخييف جدا ً وانا حاطه خيار اساسي ضد تشيلسي .. ! بقى لك ماكيدا او برباتوف ؟!

بصراحه وانت منقهر وجايك برود ماتقدر الا تحط برباتوف !! لان ماكيدا راح تخسر نص فايدته اذا دخل من اول المباراة اللاعبين اللي زيه ميزتهم .. يلعبون اخر نص ثلث ساعه .. يجي متحمس يلعب كل دقيقه بحماس يصرف اوم اوم لياقته .. ويجي والمدافعين مايقدرون يجارونه !!

انا اخترت وانا منقههههر برباتوف !
\

إقتباس فيرغي تفلسف بـ مباراة البايرن و بـ مباراة اليوم , والنتيجه خسارتين , تكفون لاحد يقولي الفريق جاي من المانيا مرهق ,, مانشستر بملعب بايرن ميونخ لعب 30 دقيقه ,, والباقي بايرن يلعب لحاله و لولا الله ثم فان دار سار كان اكلناها بـ الارينا \\\\ لكن انتم ساكتين وتسلكون لـ فيرغي ,, وانا اشوف انه غلطان واقعد اسلك معكم معليش ,, عندنا نجوم ماتلاقونها عند اي فريق ,, بس للاسف اسراء دكة الاحتياط ,, اوبريتان ايش وضعه بالظبط كلنا شفنا تألق اوبريتان لاعب خطير يفك لك مساحات تمريرات متقنه وتسديد ممتاز , وكذلك ضيوف ,, ولسه يلعبون مع رديف الرديف ,, ببالي كلام كثير ,, هذا الرد قابل للنقاش

ياليتك حاط كلامك كله .. اول شي ما الومك على الغبنه !! يارجل الحين الساعه 2 بعد المباراة بـ 11 ساعه .. وانا للحين منغبن !! .. شي يقهر اللي صار .. خصوصا حقت البارين حاره وقويه على المعده لو اننا فايزين واصيب روني .. كان اعتبرنا نفسنا خسرانين .. بس اصيب و طلعنا بخساره ؟!! شي صعب نتحمله !! طيب وبعدين .. خسرنا من تشيلسي !! يارجال طالع بالسياره واغني الاماكن على اساس ان روني كان هنا يوم اعتزال سامي وان الرياض مشتاقه له خخخخخخخخ !

ماعلينا انا ما اشوف تشيلسي كان احسن مننا !! طول المباراة يمكن بالشوط الاول بس ! بس الثاني ؟ غير القول التسلل .. وش صار وش سوو ؟!

انا معاك ان بربا فاشل جدا ً .. بس قلت انا فوق مافي خيار صاحي .. انا اشوف ماكيدا كويس .. طيب بالعقل وش احسن شي لماكيدا الله يلعن برباتوف .. ابفكر بماكيدا بس .. وش احسن شي له ؟ العبه اخر الوقت لما الفريق يكون ضاغط ويكون تشيلسي منحجر .. ويكون الوضع يساعده لانه بيكون نشيط وداخل متحمس .. سو لو فرضنا انك بنيت خطتك عليه ذا احسن شي بتطلع فيه .. الكلام الباقي اللي انا محدده بالابيض انا موافقك عليه 100 % !

نجوم ماتلاقونها عند اي فريق .. ذي قويه .. بس ياله معليش نقول مانلاقيها عند اي فريق .. بس السؤال هل السالفه بلايستيشن :S ?! يعني لو نلعب طول الدوري بنفس التشكيله بيعطونك نفس الاداء ؟!!! .. اتحدا سو طبيعي اللاعبين يخذلونك .. خلونا نقول فيرقي بدأ غلط بالتشكيله شفت شي من اللاعبين يحسسك انهم يبون الفوز ؟! خصوصا ً لو نشوف حماس لاعبين تشيلسي اجل ميكيل ذا مستواه دايم ؟ .. ولامبارد من متى يلعب بطرقيه دفاعيه بشكل 100% ؟! اقصد كان فيه اصرار عجيب بالشوط الاول مننهم وسط برود عجيب مننا !

سالفة ابو رتان خخخ .. ذي وجهة نظر مع انها معوقه شوي مع كامل احترامي لك .. بس صعبه مانحترمها .. سو نشوف ونتذكر سوا وش سوا ابو رتان خخ ؟! المشكله لو جينا تكتيكا ً الفريق ماكان يحتاج واحد ستايل ابو رتان .. فمدري على ايش اعتمدت وجهة نظرك !

مع اني اشوفك حاط كل شي على فيرقسون !! وسبب الخساره الوحيد هو بالمبارتين .. بس ذا طبيعي لانه اول شخص نشوفه .. وذا طبيعي لاننا زعلنا ! لكن ان شاء الله ان شاء الله بيرضيني انا الثلاثاء !

اذا يهمك رايي انا عزوز .. انا اشوف ان اللاعبين بشكل كبير خذلوه ! بس مع اقتناعي بانه غلطان .. يعني فيرقي غلط لما خربها ضد البايرن ( وارجع لاول ردي بتحصل تعليقي على اغلاط اللاعبين )! غلط لما جت الدقيقه 65 ضد تشيلسي ومايك دين خخخ و.. مادخل ماكيدا .. خطأ لانه خلا قاري يكمل المباراة اخر 5 دقايق لو مخلي فليتش ظهير بيسوي اشياء احسسن !!

بس مع كذا .. اللاعبين شاركوه اغلب اخطائه !!

ودي اعرف وش قال بين الشوطين !! وش اللي خلا الفريق ينهبل بالشكل ذا !!

عبوود .. لا تزعل يا ولد تبوك .. وان كان زعلت على كلمه منا ولا منا سوغي يا ابني

BєявαGσαl

اول شي هارد لك يالغالي
ثاني شي أنا ما عرفت من ردك اذا انك متشائم بالجاي من المباريات ولا متفائل ؟؟
وبالنسبه لكلامك عن فالنسيا أنا ماني معك أنه يظهر في مباراه ويغيب الباقي
بالعكس أتوقع أنه ثالث أحسن لاعب بالمان بعد روني وفان دير سار
وعن فلوس رونالدو وانه يجيب لاعب يفرق معاك في المباريات من اللي تتوقع بيجي ؟؟
فيا مثلا .. مو معقوله يكون عندك لاعب مثل فيا وتخليه أحتياط لين ينصاب روني وتلعبه
حتى هو (فيا أو أي لاعب بحجمه) كلاعب بهالحجم ما أتوقع أنه يرضى يجي لنادي وهو يدري أنه بيكون احتياط ..
تقول لي ليش نلعبه احتياط خله يلعب مع روني كرأس حربه ثاني
أتوقع هالشي بيكون فيه ظلم لروني وما أتوقع أنه بيبدع مثل ماهو قاعد يسوي الحين
خصوصا بعد ما رح رونالدو وتيفيز وقدر روني يفرض نفسه بهالطريقه
أنا من رأيي رح يكون ظلم له لو تلعب بمهاجم ثاني معه وحتى هو رح يتحطم نفسيا لأن معنى
أنك تجيب مهاجم ثاني وتلعبه مع روني وهو بهالمستوى يا أنك ما تثق فيه أو أنك تبي تحرمه
من الجوائز الفرديه وما أتوقع أي لاعب يرضى بهالشي ..

وعن كلامك اننا المفروض نلعب بالعمق واننا ما حققنا خطوره بالاطراف أنا ماني معك أبد أبد
بالعكس اليوم أشتغلنا كويس بالأطراف وكان أفضل بكثير من العمق مع انه كان لنا كم هجمه من
العمق خطيره وسببنا خطوره عليهم ( كل كلامي الشوط الثاني .. الشوط الأول دجه من كل النواحي )
بس الأطراف كانوا أحسن كانه فالنسيا على اليمين أو ايفرا على اليسار وحتى ناني بعد ما دخل
ولا تنسى هدفنا من وين جا .... وبعدين من عندنا يلعب مركزه صانع لعب (من الوسط) مو أيمن
أو أيسر ؟ ناني يلعب وسط على الطرفين أو جناح وماعنده الا الدجه بالوسط لأنه يبغى مساحه
كاريك يلعب محور تقدر تخليه يوزع كور بالملعب بس ما تقدر تخليه يلعب صانع لعب لأنك بكذا
رح تخسره من ناحية الدفاع مع اني تمنيت كاريك يشارك اليوم..
جيجز يمديه يلعب بالعمق وهالشي هو اللي صار اليوم والكم كوره اللي جت من العمق كانت منه
حتى كورة بارك اللي تقول عنها كان هو اللي مررها له بس المشكله انك مارح تقدر تطالبه
بمستوى مو طبيعي لأنه يلعب بمركز مو مركزه ..

أخر شي بربا لاعب بطل ويحسم مباراه واذا تذكر النهائي اللي قبل العام كان بين توتنهام وتشيلسي
ماني متاكد هو بالكاس ولا رابطة المحترفين يوم فازو توتنهام 2-1 جاب بربا هدف و سجل وودجيت
هدف بالشوط الاضافي ... شف شغل بربا ذيك المباراه بس الفرق انه ما كان عليه ظغط مثل الحين
اللي هو السبب على ما أظن ...
اسف والله على الاطاله بس والله من قهري ومدري وين أروح أفضفض رحت لرابطتهم وحذفوا نص ردودي
ورحت للعالميه ولقيت الموضوع مقفل ...