.


بكيفهم يفوزون
بس يرجعون لي روني .. ابيه الاسبوع الجاي بس

غاري نيفيل ما قصر .. رونالدينيو قبل شهر .. اليوم ريبري .. كان متألق وقدر يحد من خطورته .. نلاحظ خطورة ريبري ظهرت عقب ما تحول لنص الملعب .. واللوم هنا على ثلاثي خط النص بالاخص كاريك وفليتش ابد ما كانوا بمستواهم .. ولا الوم فليتشر الارهاق له دور .. بس كاريك ؟! .. فيدا و ريو برضو قدموا اللي عليهم .. ايفرا اسوأ اللاعبين اليوم ولا الومه .. الولد مرهق يسحب رجوله اخر المباراة !!

فيرغي معليش اليوم غلط لما حول الخطه من 4-5-1 لـ 4-4-2 مدري وش سنعها .. هالخطه اصلاً عمرنا ما اكلنا فيها عيش بالشامبيونز .. صحيح كانوا ظاغطين اغلب المباراة .. بس الفريق كان ماشي كويس دفاعياً لحد ما غيّر سجلوا هدف ومسكوا اللعب وبالطرف الثاني ما قدرنا نعزز تفوقنا زي ما كان يبي السير ..

2-1 بهالسيناريو تغبن .. بس ابد ماهي سيئة لو تحسبها بالمنطق .. اهم شي سجلنا برى ملعبنا .. فرحة لاعبين وجماهير البايرن تذكرني بفرحة جمهور ولاعبين رومـا قبل ثلاث مواسم .. يسلم روني بس ونخلص من تشلسي ونتفاهم معهم الاسبوع الجاي ! .. بس نبي روني .. تكفون احد يطمنا

مبروك بافارية ومن قلط معهم .. هاردلك مانشستراوية .. ما صار شي .. الخير جاي .. السبت والثلاثاء باذن الله


الله لا يخلينا ياشيخ