رابـطة عشاق الميلان ][ 2009 - 2010 ][ × .. Ciao il tuo Allegre ..× - نادي الهلال السعودي - شبكة الزعيم

ميلانو كوستا · #1 19/02/2010, 12:21 AM

مساء الخير ,,

عمر لي تعقيب بسيط على كلامك ..

إقتباس


	وأنا استغرب من اللي معجبه هونتي , بصرآحه أمس وشـ دورهـ ..؟ ما أشوف غير انه يثبت الكورهـ , وبعدين يا خطأ أوتنقطع منه .. وغير كذا الفرص المُحققة , جته على طبق من ذهب وضيعها..!

بالعكس أنا أشوف هونتيلا كان مقدم مباراة جيده نسبة للفرص اللي أتيحت له .. أنا ماراح ألوم المهاجم إذا كان لاعبين الوسط مايوصلون له الكرات بشكل صحيح ..

الكوره الوحيده اللي وصلت له بالشوط الاول من صنع لاعبي الوسط كانت من أمبروزيني ,, وكانت صعبه نوعا ما لان فيرديناند كان يراقبه مع كذا قدر يصنع منها كرة خطيرة وكان ممكن تكون هدف ..

نجي لمشكلة لاعبي الوسط .. انا معك عمر لما قلت أن ليوناردو متدرب بالنسبه لـ فيرجسون ..

وقلتها قبل كذا أن ليوناردو مايعرف يتعامل تحت الظغط وهذي أكبر سلبيه فيه ولكن ما ألومه لانه لسى في بداياته ..

اللي أبي أقوله أنه في مباراة المان وتحديدا بعد مرور 50 دقيقه تقريبا كان واضح وضوح الشمس أن وسط ميلان مايوصل الكرات بشكل سليم للمهاجمين ,, بيكهام وبيرلو وأمبروزيني كانوا فقط يدافعون ..
والمدرب كان يتفرج !!!
المفروض وبوجهة نظري أنه كان ينزل سيدورف بهالوقت ويسيطر على وسط الملعب ,, لكن للاسف تأخر لحد مادخل فيه ثلاث أهداف ..
انا نفسي أفهم وش كان سبب التأخير الغير مبرر .. أتوقع أن حاجة الميلان لسيدورف كانت واضحه ,, وتكلمت عنها قبل المباراة وذكرت أن ميلان يحتاج سيدورف بالمبارايات الكبيرة .. لكن ليوناردو مازال يحب يجامل ومازال مايعرف يتعامل تحت الظغط ..

بغض النظر عن تجاهل الادارة لمتطلباته لكنه مايلعب بواقعيه .. قراراته تتأخر كثير ..

يعني مثلا .. باتو ؟؟ أوكي باتو لاعب كبير وممكن أنه يصنع الفارق لكن ماشفنا منه شي أبد طول المباراة ,, بالعكس كان أغلب المباراة يضيع الهجمات من الجهة اليمنى كثير ,, نفسي أفهم ليش ماطلعه وغير التكتيك .. ليش مادخل جاتوزو وطلب من بيكهام يتقدم مكانه ...!!!

أنا بس أبي أشوف منه واقعيه ويبعد عن الاحلام والمجاملات اللي راح تخسر ميلان كثير ...

الرعبوب · #2 19/02/2010, 01:00 AM

إقتباس


	نفسي أفهم ليش ماطلعه وغير التكتيك .. ليش مادخل جاتوزو وطلب من بيكهام يتقدم مكانه ...!!! أنا بس أبي أشوف منه واقعيه ويبعد عن الاحلام والمجاملات اللي راح تخسر ميلان كثير ...

أنا كنت مستمتع بنقاشكم بس يوم شفت هالرد من منصور قلت خلني أخطم عليكم ..

منصور انا معك أن باتو ماكـان ممتاز بالمباراة ويمكن كان سيء ولا قدر أنه يفك الرقابه اللي عليه وهذا بسبب عدم
خبرته بس لو ليو طالب باتو بتغيير مركزه لو لـ عشر دقايق بس عشان يفك الرقابه اللي من ايفرا
كان يمكن قدر يسوي شيء

أما تنزيل جاتوزو بدل باتو وتقديم بيكهام للأمام أنا ماني معك

لأن بالاساس بيكهام وبيرلو ماكانوا بيومهم وخصوصاً بيرلو اللي أتوقع هو مع نيستيا هم اللي حطموا الميلان بسبب
مستواهم السيء بيوم المباراة

أنا كانت من وجهة نظري أنه المفروض نزل فلاميني بدل بيرلو ونزل سيدروف بدل بيكهام ببداية الشوط الثاني

ويلعب بمحورين أرتكاز أمبروزيني وفلاميني ويطلب من سيدروف مساعدة هونتيلار بالهجوم

على العموم كلنا متفقين أن ليوناردو متدرب وليس مدرب وأنه مايعرف يجازف أو حتى يقراء المباراة بشكل سليم
ومع ذلك كله نتفق على أنه قدر يصنع الشيء الصعب بمجموعه بسيطه من الاعبين

قــود لك