السلام عليكم ورحمه الله وبركاته

الموضوع انا مابي اطول فيه ومقدمات وطهبله والزبده شي جيد

من المعروف ان اخونا الغالي الوليد على ماعتقد ذهب الى النمسا مع الفريق من اجل التغطيه والتصوير للموقع الرسمي لنادي الهلال
وهذا يشكر عليه والله يعطيه العافيه يارب وماقصر والله
لكن اللي قهرني هو انه
اليوم وانا اشوف اخبار الزعيم في الصحف اشوفهم حاطين اربع صور من تدريبات الهلال في النمسا ولكن اللي قهرني ان من تصوير الوليد ومن الصور اللي في المنتدى هنا شايلين اسم الموقع الرسمي وحفظ الحقوق مع انها مرسله لهم بشعار الموقع الرسمي لنادي الهلال
هذه الصور توضح
:
:
الصوره في جريدة الجزيره هي التالي


شوفو الصوره الاولي اللي على اليمين حقت الكوري لي يونج ولاحظوا انهم شالوا الشعار واللي المفروض انه يكون تحت يسار واعتقد شيلته سهله بحكم وجود الكتبه على الثيل اللي مايبين في شيلته
والصوره اللي في تقرير ابوالوليد هي التالي



أيضا لاحظوا في الصوره اللي فوق على اليسار في الجزيره للخثران والشمري ولي يونج
ولان مكان الكتابه في وضعيه صعبه انهم يشيلونها لانها جايه على الثيل وركبه الخثران فمالهم حيله الا انه يقتصون الصوره بكبرها من تحت وللتوضيح هذي صوره ابو الوليد اللي نازله في التقرير



طيب لسه باقي
شوفوا الصوره اللي تحت على اليسار في الصور اللي من الجزيره اللي يجرون في المضمار
واللي بيدقق بيدري انهم شايلينها لعدة اسباب وبما اني لي في التصميم واعرف له بقول لكم شي يدل على انه مغير وشايلين الشعار صحيح انه مكتوب على الترتان (ارض الجري) وعلى الرجل ايضا لحق اللياقه ولكن
دققوا زين وشوفو الترتان بجانب الرجل وتلاحظون في تموجات بسيطه اثر ازاله الشعار وبالنسبه للرجل مايبين فيها لانه بيضاء ومع صغر الصوره مايبين فيها اصلا
وللتوضيح شوفوا الصوره الرئيسيه




واخر السرقات

شوفوا الصوره الي تحت على اليمين صوره البرقان
وشوفو الشعار اللي على ظهر الطبيب او اللي ياخذ عينات الدم وتلاحظون انه ممسوح شوي منه بس مادري هل راحت عليهم غصب والا مادري كيف والا ليه مانمسح الا شوي منه؟؟؟
وشوفوا الصوره الاصليه


لاحظوا ان الكتبه ممسوح منها شوي


وانا من رأيي انه بالاضافه للاسم الصغير توضع علامه مثل التالي



جريدة الرياضيه كما تلاحظ تم ازالة شعار الموقع الرسمي من على الصور




صوره من جريدة الشرق الاوسط - تم ازالة الشعار



صوره من جريدة اليوم - تم ازالة الشعار




صوره من جريدة عكاظ - تم ازالة الشعار



وبالاخير


هذه عادة العاجزين يحاولون تحقيق السبق والتميز بالصعود على اكتاف الزعماء ولكن هذه الحيل لن تجدي نفعا

ووالله انه شي عيب السرق لجهود الغير وادعائها انها لك على الاقل ابق الشعار على الصور

بالفعله هذه الكل بيكره هذه الصحف ولو شيئا بسيطا





اتأسف على الاطاله ولكن قهر انه اشوف جهد الموقع الرسمي للنادي وجهد الوليد يسرق عيني عينك وفي وضح النهار !!


اخوكم
silver vox