الهيئة الان تتعرض لهجوم من اغلب افراد المجتمع وهي بحاجة الى تحسين صورتها
لكن بهذا القرار سوف يزداد الهجوم عليهم

مايفعله الشباب حرية شخصية اذا لم تتعد حدود الدين
مع العلم ان الرسول صلى الله عليه وسلم كان شعره طويل والهيئة تحلق الشعر الطويل
بغض النظر عن نية الشباب من اطالة الشعر
الاجبار لن يجدي نفع مع الشباب

يعطيك العافية

ويـــن المشــرفيــن ؟
بجــد يعنــي المــوضــوع بــدون مصــدر
و حتـى لــو الكــلآم حقيقــهـ
مستبعــد كل الاستبعاد ان الهيئــهـ تقــدر ع حلــق شـعــورنـآ

يعني ما ادري متى الهيئه بتفهم ان الشباب السعودي يحب العناد
مع كذا ما قد شفت واحد في الهيئه يكلمك وهو مبتسم كلهم يجونك مطيرين عيونهم
ويكلمونك بنفس خايسه ابي افهم وش ضارك لو ابتسمت واخذت مني وعطيت بروح مرحه
ونصحتني وجبتلي ادله على كلامك اكيد بأحس وبسمع نصيحتك
اما تجي تغصبني وحلق والا بنحجزك ياخي انا حر والكدش موضه وبتعدي
واللي يقول وين الرجوله ومدري وشو اقوله يا متخلف/ه وش دخل الشعر بالرجوله اعرف اكثر من واحد كدش ارجل منك ومنه

والهيئه دايم شعارها معا ضد الحريه

بس ما انكر انها لها فضل في المحافظه على المملكه من البدع والشبهات

وش فيهآ الكدش
أنا شعري كدش مثل الأخ اللي حط الصوره هذي
7


أبد أنا مثل هالقصه , حتى أني أعتني فيه وطالع أهبل
نبي حريه شخصيه ونبي سينمآ ,
ونسسسيت أقـول لكم ماعاد نبي هيئه , ونبي أنفتاح
وأبي أقول شكراً صاحب الموضوع

إقتباس الرسالة الأصلية كتبت بواسطة هتلــ الزعيم ــر وش فيهآ الكدش أنا شعري كدش مثل الأخ اللي حط الصوره هذي 7 أبد أنا مثل هالقصه , حتى أني أعتني فيه وطالع أهبل نبي حريه شخصيه ونبي سينمآ ,

يا نصّـــــــــــاب
.............................................................................................

استغفر الله قمة التخلف ..!
انا ماعمري سمعت ان الرسول ولا الصحابه مسكوا واحد وحلقوا راسه غصب ..
لعنبوكم حتى الخوارج ماسووها !!

ولكم باااااك اليزابيث
تو مانورنا وهـ بس

بالنسبة للموضوع ، من وجهة نظري اللي يمكن تكون صح ويمكن تكون خطأ
إن الشعر حرية شخصية ، دامهم ماخالفوا الشرع ولا تعدّوا ع الغير ما أشوف فيها شي، !

والله يوفق رجال الهيئة للحق والصواب

مجدين فيهم الهيئة

و لو يضمون لحملتهم بعد طيحني و و النينجا يكون احسن

الله يوفقهم و يخليهم لنا

الى الامام يا هيئه<<لا يسمعك احد بس

إقتباس والله لو اني في الهيئه حرام احلق شعره المفروض يصب قاز على شعره ويشب فيه هالاشكال هذي ماعندهم شخصيه فايحاول يلفت الناس له ...!!!

منهو حق الهيئه القاااااااادح الي بيوسيها علشان احب راسه هههه

إقتباس الرسالة الأصلية كتبت بواسطة حتى ظلالي هلالي وين الهيئهـ عن مقاهي الشيشهـ ..! والدخان ..! وتجمعات التفحيط ..! يمكن يكون مالها دخل في هالاشياء وبالذات التفحيط وانها من تخصصات الشرطهـ .. لكن اذا جينا نشوف الكدش هذي مال احد فيها دخل اصلا لا هيئهـ ولا غيرها .. كلها حريهـ شخصيهـ .. اذا بيمشون على شباب السعوديهـ المكدشين ويحلقون شعرهم أجل كيف بيكون حال الشباب اذا حتى الشعر مالهم حريهـ فيهـ .. يا عالم حنا بين فترة وفترة نعاني من الكبت الي صاير بشباب السعوديهـ .. ونحاول نخفف منهـ قد ما نقدر مو نزيد النار حطب .. فترة المراهقهـ وبرضو الشباب هذي فترة يبي فيها الشخص لاكبر قدر من الحريهـ اي كبت يواجههـ الشاب بينتج عنهـ مردود سلبي وسلبي جداً .. وش خلا حوادث التفحيط تكثر..! الا منع الشباب من الاسواق والمنتزهات والملاهي .. وهذا الشيء الي خلاهم يتجهون للشوارع .. وملوا من الدوران فيها على الفاضي وقاموا يفحطون ويستعرضون .. وش الي خلا التدخين يكثر والمخدرات الا نفس الاسباب الي فوق .. الواحد يتضايق مايدري وين يروح .. مايحصل قدامهـ الا اصحاب الشر .. يلقونهـ نتيجهـ للتطفيش الي حاصل .. وش خلا الروحات الي كل ويك ايند للبحرين ..! ............ الخ من المشاكل ..! يعني توقعون ان بمنع الكدش وتحليق الشباب الي يسوونهـ .. هذا حل ..! يعني اول مرهـ تعرفون الشاب السعودي وعنادهـ ياخي هو ماسوى حرام .. الحرام انهـ يحلق نص شعرهـ ويخلي نصهـ يعني القزع .. أما انهـ مخليهـ كلهـ على طول واحد بس منفشهـ هذي وش فيها باللهي حرام ..! ماهكذا تورد الابل ..! لاتجي وتمنع حاجهـ من غير دليل من الكتاب والسنهـ .. جيب لي دليل وبعدها اذا مانفذت الي قلتهـ لي لكـ الحق تسوي فيني الي تبي .. أما تمنعني عن حاجهـ ماحرمها الدين .. وتبيني انفذ .. صعبهـ .. انا هنا لا اني مع الكدش ولا ضدهـ .. كل الي اشوفهـ انها حريهـ شخصيهـ بستايل الشخص ماتاصل للحرام لا اقل ولا اكثر كل شيء بالكلمهـ الطيبهـ يجي تعال لي انا كشاب وانصحني بلسان حلو وكلمات طيبهـ اذا فيني خير صدقني بنفذ الي تقولهـ .. وصدقني معدن الانسان وفطرتهـ مفطور على حب الخير .. لكن تجيني بالقوة والغصب وتبيني اسوي الي تبيهـ ..! بيطقونها عناد زيادهـ ..

مآزيـد على كلآمكـ يابعـدي معكـ حق 100 %

أقسم بلله تخلف ثم تخلف ذا الهيئه ,, وقرارت >> بالعربي زي وجيهمـ

طيب يا أيتها الهيئه العظيمه ..
سبحان الله ما خليتوا الشباب لحالهمـ ومن سقطات الهيئه أيضا

أولا : طبعا بغير موضوع الكدش لكن قمت التناقض في أشياء كثيرهـ ,, أولها
ان السوق حاجره ع الشباب كل شي ايه كل شي تدرووون ليه

لأنك بمعنى آخهر أيها الشاب >> السعوي وحط تحته اربعين خط <<انت في نظر الهيئه كالكلب المسعووور >> عذرا على هذا اللفظ ..

تبي تدري ليه ,,

لان اول شي ممنوع تدخل السوووق >> لانه عوائل أوكيه ما أختلفنا طيب يالحبيب

أنا اللي يقهر انه عوائل صح طيب ليه تجي بنت لحالها وما معها عائله وتدخل عيني عينكـ ..
يعني هي ما هي شابه وما معها عائله وتجي تقزقز بالشباب اللي نعهم عوائل .. >> هذا الناقض الاول ..

ثانيا >> ما شاء الله عليكمـ يا الهيئة الموقرهـ >>
ما لقيتوا الا المراهقيين تتستقووون عليهمـ ,, لا وتستقوون على اللي ما عندهـ واسطه >>
يعني كم مره أشوفهمـ يوقفون واحد ويمشووونه سلام سلام وبعضهمـ اللي ما عندهـ واسطه راح فيها وبيخيس بقسمهـ ..

طيب وش حارق رزكم يا الهيئه تحلقوون شعووورهمـ طيب فوق روسهمـ ,,انتم وش دخلكم قسم بلله همج ثم همج .. في بعض القرارات وليست كلها ...

8888888888888888
في الاخير انا بكلامي هذا لا أقصد الهيئه ككل بل أقصد أطراف معينة منهم أو بمعنى المتعاونين ..
اللي بين قوسين يجيك مسوي أنا اللي بأخليك تلتزم غصبن عليكـ


بعض افراد الهيئه اللي يعجبونك انت في قلوبنا
والباقين والمتعاونين >> وش تحسووون فيه >>> كيف الحال بس


تدرون وش أمنيت حياتي

لا واللي يقهر زيادهـ
انهمـ في بعض الاحيان يشوفون حرمه فاتشه ومطلعه شعرها ويمرون ويقولون لها تستري ويخلونها في المقابل الرجل اللي يشوووفووونه يقزقز يمسكوونه ويودونه مركزهم
طيب هالبنت اللي فاتشة ليش نا تمردغونها بالسوق .. والله شي يقهر ..


8888888888
طبعا ولله الحمد الى يومكم ما مسكتني الهيئه ..
بس تجراب اخوياي الله يحفظهمـ


وانا اتمنى من اللي مكثرين شعرهمـ يحلقونه ..


ويا شباب ترون هالمراهقين اللي انا منهم >> طبعا انا ماني كدش ولا فيه امل

لكن لهمـ قلوووب زي وزيكمـ ويحسون .. فلذلك ارفقو عليهم وهذي مرحله وتعدي وبيكبرون زي ما كبرتوا ,,




ادري طولت بس اعذروني