20/01/2001, 08:49 PM
|
أمين عام مجلس الجمهور الهلالي بالشرقية سابقا مشرف اللجنة الإعلامية سابقا | | تاريخ التسجيل: 12/01/2001 المكان: الرياض
مشاركات: 5,143
| |
بسم الله الرحمن الرحيم
في البداية اشكر القائمين على هذا المنتدى لاتاحة الفرصة لي عشان اطلع اللي في نفسي من حتسي ..
وش رايكم نشوف وضع الهلال الحالي ..
بصراحة .. الهلال حتى مع انه يفوز ويتعادل الا انه ماهو الهلال اللي انا خابر .. كل فوز له ما يرضي الطموحات .. والفوز بصراحة بالمووت يجي .. ونتعادل وتلقانا نقول تونا عندنا مباريات مؤجلة .. فيه خلل واضح في الهلال والاعلام مو منتبه لهالخلل .. تدروون وشو ؟؟
بصراحة وبغض النظر عن وجود المدرب او عدمه .. الاساس هو انشغال اعضاء الشرف عن الهلال ..
تذكرون مبارات الهلال والاهلي اللي انهزمنا فيها .. شفتوا كيف سوا الفيصل بفريق الاهلي وكيف نساهم مبارات الانصار .. اتمنى ان الامير سعود بن تركي كان مشغول قبل ذيك المباراة عشان الهلال .. والى اليوم ما سمعنا عن مدرب جديد او لاعب عالمي قد الهلال مو لاعب يجي يتمرن ويتطور مع الهلال ..
سمو الامير سعود .. بصفتي مشجع هلالي مجنوون .. انا ابيك تكون فعلا رئيس لنادي الهلال بمعنى الكلمة ابي اشوف تاثيرك الفعلي على الهلال .. انا عارف ان المهمة مو سهلة .. بس عاد وش نقول انت اللي حطيت نفسك في هالمنصب ولازم تكون قدها وقدوود وانت قدها وكلنا نعرفك من قبل ما تكون رئيس للهلال انك احد اقوى اعضاء الشرف اللي يهمهم امر الهلال وانا متاكد ان وضع الهلال حاليا مو عاجبك ..
وفي النهاية نحن كجمهور لازم نوقف مع الهلال ولازم نحضر مباراة الهلال والنصر في استاد الملك فهد يوم الاربعاء الجاي ( احتمال تتاجل الى يوم الخميس الجاي ) لازم نصفق للهلال لما يفوز ولازم هو يصفق لنا اذا حضرنا .. وبالتوفيق يا الازرق ..
الموهوب |