افضل 18 لاعب بالمملكه - نادي الهلال السعودي - شبكة الزعيم

**البرنس** · #1 09/07/2009, 05:54 AM

السلام عليكم

بدخل بالموضوع على طول

على ماشاهدت اخر مبارتين للمنخب لازم نسحب لاعبين وندخل لاعبين

1_ وليد >>>>مايحتاج اعلق ابرز حارس

2_هوساوي >>>>>ابرز لاعب مو مدافع

3_المولد>>>>>مدافع هداف يبدي تفاهم مع هوساوي

4_ماسعد>>>> افضل ضهير اعتقد الزوري مستواه هابط جداا وهو يلعب بالقدم اليسرا

5_الشهيل >>>>>تعرفونه زين

6_احمد عطيف>>>>تعرفونه زين وتعرفون تأثيره

7_الغنام>>>>اعتقد في الفتره الاخيره افضل من عزيز بكثير عزيز مستواه طايح

8_تيسير الجاسم>>>>>لان ماعتقد عبدو بيقدر يبدع مثل تيسير لانه بيرجع من اصابه

9_نور >>>مع اني اعتقد ماراح يبدع الا بالكبتنيه

10_ياسر >>>>مافي افضل منه

11_ نايف >>>> تكفي روحه القتاليه

12_مبروك زايد>>>>ثاني افضل حراس احتياط وليد

13_كامل الموسى>>>>احتياط ماسعد و افضل ضهير بعد ماسعد

14_حسن معاذ>>>>احتياط شهيل افضل ضهير ايمن بعد شهيل خصوصا تسديداته من خارج المنطقه

15_خالد عزيز >>>مافي افضل منه لاكن مايدخل الا اذا اضطر المدرب سحب قلب دفاع ليرجع عبدلطيف قلب وعزيز محور

16_احمد الموسى >>>>> احتياط الصانعين

17_عبد الرحمن القحطاني>>>>>احتياط الصانعين

18_صالح بشير >>>>ورقه رابحه راجع من اصابه مو راجع لازم نستدعيه

اكيد بتقولون ليه الاحتياط ضهيرين ومحور وصانعين ومهاجم وحارس

الاضهره تهاجم وتدافع وحنا نبي نهاجم والصانعين لنهاجم بهم كذالك والمهاجم لنهاجم به

وبنسبه للمحور ندخله للئضطرار كذالك الحارس انا ودي حسن يكون اساسي بدال شهيل بس ماعتقد تتفقون معي انا ودي حسن اساسي لان نزعته هجوميه عشره على عشره

abadi15 · #2 09/07/2009, 01:18 PM

ملاحظة
تقول الغنام افضل من عزيز في الفترة الأخيرة
وتقول خالد عزيز مافيه أفضل منه
أختر هذا والا ذا
ههههههههههه
أمزح مجرد ملاحظة
وأنا متأكد أن كلامك صحيح بس الحماااس أحيانا

فالح الدليمان · #3 09/07/2009, 05:35 PM

ياخوي رفقا بعقولنا هل ليد وزايد أفضل من الدعيع؟؟؟؟
هل مسعد أفضل من الزوري اللي االاتحاد يبي يشتريه؟؟؟

هل الغنام أفضل من عزيز ؟؟ تراه طايح مستواه لأنا حنا الهلاليين نشكك فيه

@@ياسر القحطاني@@ · #4 09/07/2009, 09:10 PM

ياخوي رفقا بعقولنا هل وليد وزايد أفضل من الدعيع؟؟؟؟

نعم أفضل من الدعيع الدعيع زين بس كبير في السن
لاتنسى بيلعب مع الهلال والمنتخب ومعسكرات تعب عليه

هــF.B.Iـــلالي · #5 09/07/2009, 10:39 PM

أشكرك على الموضوع ...

وعندي كم إختلاف بوجهة النظر بكم نقطة ...

1- عزيز = أفضل محور دفاعي موجود بالمملكة
2-عبدالرحمن القحطاني = أساسي والبديل الشلهوب
3- حسين أو عبدالله شهيل يكون ظهير أيسر وكلنا نذكر مباريات الشباب كان أيسر وقدم مستويات جيدة

El Barca · #6 09/07/2009, 11:01 PM

طيب اخوي تدخل تيسير الجاسم ولا تدخل الشلهوب وش دعوه ؟؟

ومسعد احسن من الزوري ؟!

saad_20 · #7 09/07/2009, 11:16 PM

وين عزيز و الغنام و الدعيع و الفريدي و الزوري .....؟؟؟؟

f.s.sh · #8 10/07/2009, 02:38 AM

مشكوور مواضع ممتاااااااااااااااااااااز

واتواقع الدعيه المفروض تحطه هذا رااااي

كبرياء القصيد · #9 10/07/2009, 12:34 PM

مساء الخير ..

اخوي بدون زعل .. موضوعك من جنب القده وفوق العارضه .. !

ولا ذكرت ولا شي .. كاتب اسماء

اللاعبين وكل واحد كاتب جنبه .. احسن لاعب ، ما فيه احسن منه ، متميز

يعني ما جبت شي جديد .. وانا اعترض على 90 %

من اللي قلته وهم .. /

ماسعد .. << انا الى الان ما عرفت مين ما سعد هذا .. !

الغنام ..

اخوي هذا ما يلعب عندنا تبيه يلعب في المنتخب .. ؟!! هو جيد بس مااا يلعب

كامل الموسى ..

اووووووووه .. هذا خلص ما فيه في السوق منه ..

ياسر القحطاني ..

عاد كلنا هلالين بس ما فيه احسن منه قويه .. الموسم الاخير ما حولك احد ..

عبدالرحمن القحطاني ..

اقسم بالله ماني مقتنع في هذا اللاعب ولا واحد بالميه ..

صالح بشير .. !!

يا عقوبة الهجوم بس ..

انس kkk · #10 10/07/2009, 02:12 PM

محمد الدعيع الحارس الافضل

هلالي حتى في منامي · #11 10/07/2009, 02:23 PM

اقول مشكله اللي في الاجازة فاضي ويدور شئ يكتبه
المشكله الا تكتب في منتدى الزعيم روح فيه منتديات سوالف وواستهبال خاصه للفاضين
>>>>>>>>>>اكوووي مافيه مجامله

turky18 · #12 10/07/2009, 03:44 PM

محمد نور لايبدع الا بالكابتنينة شوف وش سوي امام ايران لمن اخد الكابتينة الشارة الي عقدتو

ZAEEM910 · #13 10/07/2009, 04:45 PM

اخوي تركي والله انك صادق مفروض يعطونه الكبتنيه ويورونا شطارته

âźθőźẻ · #14 10/07/2009, 05:22 PM

اجل كامل الموسى افضل من الزوري

شخباركم شباب

غيور هلالي · #15 10/07/2009, 06:32 PM

إقتباس

الرسالة الأصلية كتبت بواسطة turky18


	محمد نور لايبدع الا بالكابتنينة شوف وش سوي امام ايران لمن اخد الكابتينة الشارة الي عقدتو

ما اذكر انه ابدع مع المنتخب عكس ناديه
والخبر الاكيد لاعب (منشطات)
وانت الصادق لا يبدع الا اذا تناول 00000