.. , [ وقتك فلّ ] , .. في ( ملتقى ربوة الرياض الثالث ) .. تغطية متواضعة .. - صفحة رقم 2 - نادي الهلال السعودي - شبكة الزعيم

الغدير الازرق · #1 09/07/2009, 06:50 PM

هلا والله

تغطية ولاأروووع والله يجزاك خيير

بس الملاحظ إن عدد الحضور قليل إذا ماقسناه

على السنة اللي طافت .. بس خل عنك ماكنت أروح السنة

اللي طافت إلا عشان آخذ بليلة

بصراحه جهود يشكرون عليها وخاصة الشباب المتطوعين

بالفعاليات الله يجزاهم ومن قام عليه كل خير ,,

أخو قلبي مشكور يابعدي على هالتغطية

Blue Sun · #2 09/07/2009, 10:04 PM

إقتباس

الرسالة الأصلية كتبت بواسطة كان هنا


	الله يعطيك العافية ، سمعت عن الملتقى بالراديو قبل أسبوع تقريباً ، يقولون الحضور العام الماضي تجاوز النصف مليون زائر :\| !! ( ماني متأكد هو نفسه اللي قالوا عنه ولا غيره ) ، عمومـــاً ، يبي لنا نسيّــر عليه ، الله يعطيك العافية فهيــــدان /، ههههههه ، تصدق حتى أنا أحسها رائعة ومؤثرة ،

هلا والله وغلا عبدالرحمن ..

الحضور العام والحضور السنة هذي مافي مقارنه بينهم نهائيا ..

العام من قوة الزحمة حتى طريق الخدمة اللي بالدايري من الجهة الثانية تقفل من قوة الزحمة ..

<< قوية

لا جد العام اذكر حتى المواقف على كبرها ما كفت للسيارات وكثير موقفين سيارتهم بمسافة بعيده عن الملتقى ..

بالنسبة للمحاضرة لا تدقق وانا اخوك خلنا عـ الاقل نجذب الشباب بدل المقاهي والاستراحات اللي ما وراها الا المشاكل ..

الله يعافيك يالغالي وشرفت الموضوع ,,

إقتباس

الرسالة الأصلية كتبت بواسطة نواف محمد التمياط


	صراحه غريب هالملتقى !! امس رحت له ... كل سنه مايبدا يزين الا اخر شي امس كثيير من المعارض مافتحت عالعموم الجدول كان معي اخر يومين بيجي الشيخ المغامسي والاخير العريفي " انصحكم بالمغامسي ياشيخ يخششك جو ويجيب قصص خياليه ومثل هالملتقيات الله يكثر منهن بس ... ومشكور ع التغطيـه"

هلا وغلا نواف ..

امس رحت له ولا قلت لي والله ما لك حق .. !!

<< متى المعرفة ..

بس والله صدقت ما يزين الا باخر يومين يعني نصيحة اللي بيروح لايروح الا اخر يومين ..

وبعدين والله الجدول تقل اطرهم طراره كل ما سالت احد صرفني ..

والله لو اني طالبهم دراهم كان عطوني ..

الا الجدول اللي معك للبيع ..

الله يعطيك الف حافية واسعدني تواجدك ,,

إقتباس

الرسالة الأصلية كتبت بواسطة مكفخ نمله


	مشكورين ماقصرتوا الله يخليكم لعين ترجيكم

هلاغلا مكفخ النمل ..

خلنا من موضوعي سلامات ليش موقفينك ..!!

ادري انك ما تقدر ترد بس ابي اقهرك ..

الله يعافيك حبيبي ومرة ثانية لا تهايط عـ النمل حتى ما تتوقف ..

شاكر مرورك وتواجدك يالغالي ,,

إقتباس

الرسالة الأصلية كتبت بواسطة عقد الياسمين


	هلا بك أخونا الشمس الزرقاء .. مدري ثلاث اففففات الله يعطيك العافية على التغطية الجميلة والمعلومات المفيدة , وعلى قولتك مافي تغطية إعلامية كبيرة .. بس أظن طلعوا عنها بقناة المجد .. يسلمو

هلا بك اختنا سوليدرة ..

والله حنيت لليوزر الاول .. مشكلتنا ما نعرفقيمة الشئ الا اذا فقدناه ..

اقول لا تصدقين بس , بالله ذاك يوزر ينفقد .. !!

التغطية من القنوات ما شفت الا قناة اوطان بس مع اني اول مرة اسمع فيها ..
جزاهم الله خير اللي سوو هالتغطية ..

والمشكلة مافي حضور يعني كلهم على بعضهم تسعة , انا واخوي والباقي من المنظمين ..

يعطيك ربي الف عافية وشرفني تواجدك ,,

إقتباس

الرسالة الأصلية كتبت بواسطة الغدير الازرق


	هلا والله تغطية ولاأروووع والله يجزاك خيير بس الملاحظ إن عدد الحضور قليل إذا ماقسناه على السنة اللي طافت .. بس خل عنك ماكنت أروح السنة اللي طافت إلا عشان آخذ بليلة بصراحه جهود يشكرون عليها وخاصة الشباب المتطوعين بالفعاليات الله يجزاهم ومن قام عليه كل خير ,, أخو قلبي مشكور يابعدي على هالتغطية

هلا والله وغلا بالغالي طلال ..

من طول الغيبات جاب الغنايم ..

الحضور قليل جدا جدا مقارنة بالسنة الماضية ..

وانا اقول في شئ ناقص بالملتقى ..

بس تصدق توني اكتشف سبب قله الحضور ..

ما كان فيه ركن بليلة .. ولا كان شفت العالم كلهم مصيفين بالرياض ..

المفروض يكتبون بجدول الفعاليات يوجد ركن للبليلة ..

يعطيك ربي الف عافية على ردك وتشريفك للموضوع ,,