#1  
قديم 05/07/2009, 05:33 PM
الصورة الرمزية الخاصة بـ Z3EEM.07
زعيــم متألــق
تاريخ التسجيل: 22/07/2008
المكان: آآآآآه ياااااااجدة يااااعروس البحر والله يااااجدة
مشاركات: 1,225
Talking اذاعة الصباح لايفوتكـــــــــم -والله لتموتوا من الضحكـ -

بسم الله الرحمن الرحيم


مهسترين في اذاعه الصباح<عجبني وحبيت انقله لكـــمـ..



(( الإذاعة المدرسية ))



علي الدب يجرب الميكرفون:
الو الو ..اخوه سعد المعصقل من وراه "حول حول"
علي الدب :
" مدير المدرسة الفاضل, أبائي المدرسين,
إخواني العيال: سعد ابوعصاقيل سليمان العربجي,
وممدوح القرد وابو ريحه ..

الاستاذ يضرب علي الدب على قفاه طااااخ ,إخلص وجع يوجعك
على الدب:
السلام عليكم ورحمة الله وبركاته , أسعد الله صباحكم باليمن والبركات,
خير ما نستهل به اذاعتنا لهذا اليوم ايات عطرة من القران الكريم يتلوها على مسامعكم
الطالب : حمود المطوع.
يجى حمود المطوع ويقرا سورة قصيرة بصوت رخيم.
علي الدب:
اما الان مع فقرة هل تعلم للطالب حميدان أبو ريحة

حميدان بصوت عالي: هل تدري.

هل تدري إن للذبابة ستة أعين.

هل تدري وإلا ماتدري إن الفار يصيب بمرض الطاعون.

هل تدري وإلا ماتدري أن اذا قطعت شوارب الصرصور يقعد يخبط في الجدران

هل تدري وإلا ماتدري أن لكل قطو برميل زبالة مخصص يسكن فيه وشكرا.

علي الدب :
هل تدري ان بيت حميدان جنب البلدية,
أما الان مع حكمة اليوم والطالب سلوم المفهي
سلوم المفهي يقرب..

يمسك الميكرفون بيد

واليد الثانية في مخباه تحوس يدور الورقة اللي فيها حكمة اليوم.



يطلع الورقه ويقول: "حكمة اليوم "




ويفتح الورقة




ويقرا بصوت عالي





" البضاعة المباعة لاترد ولاتسبدل"

يسكت شوي ويناظر الورقة ويكمل

" شماغ , طاقيتين, شراب العايلة , ثلاث فنايل ,, زبيرية .."

وهو جالس يقرا

ألا وذاك الكف على مقفاه من الاستاذ وهو يقول

" ياحمااار...طلع الورقه اللي فيها حكمة اليوم مو فاتورة ملابسك" سلوم المفهي,

طيب طيب يدخل فاتورة ملابسة بمخباه

لاتقطع الشرطه حتى ماتلحقك الأشاره وشكرا

علي الدب :
"الاَن مع موضوع الصباح

للطالب:" أخوي سعد أبوعصاقيل"

سعد يفتح ملف أخضر علاق ويقرا,

"اعزائي المشاهدين ,

موضوع حلقة اليوم العطلة الصيفية (مدمن فضائيات)

"لقد رحنا في العطلة الصيفية أنا وأهلي إلي بلدي الثاني لبنان"

علي الدب: تراه كذوب, بالعطلة رحنا لخوالي بشقراء.
سعد يلتفت إلى علي الدب بزعل ويكمل" ولكن علي الدب لم يكن معنا" ويطلع لسانه لعلي الدب

رحنا بالطيارة و كانت امي خايفه جدا جدا لانها اول مرة تركب طيارة ,
بس انا اصلا دايما اركبها,

وفي الطيارة جت شغالة الطيارة وجابت لنا القهوه والشاي ثم جت

وقالت اقلطوا على العشاء , وقلطنا في المقلط مع العفش,

وكان الطيار واقف على روسنا ماسك اللبن وقال سموا على عشاكم,يالله إن تحييكم, وكان مفطحا شهيا.

وخلصنا وغسلنا, وكان ومساعد الطيار ماسكن الفوطة والطيب وأعواد الاسنان.

وعندما وصلنا لمطار الملك خالد حقهم,

ذهبت انا لتختيم الجوازات والرخصة والاستمارة وذهبت امي للتطبيق ,

وكنت اتحدث لغتهم بطفاقة لاني امي وابي مامعهم لغة.
وقال لي العسكري : جواز مين هيدا ؟.. فقلت له" بييَ (ابوي باللبناني)

, وقال: "وهيدا؟" قلت: مييَ (أمي) .

وهيدا ؟ قلت" خييَ (أخوي " )

وقال " وهيدا؟" قلت : نييَ (أنا) " وكان جوازي

وقال لي ابوي ماشاالله عليك ياوليدي إنك بلبل سداح في اللغة اللبنانية الفصحى

, التفت عليه وقلته, أي لا كان , ثم التفت للبناني وقلت له ترى أنا سعودي مانيب زيكم, .

وشكله كان مستغرب يحسبني لبناني.

وفي لبنان سكننا في مدينة بيروت مشيط وكانت

مدينة جميله فيها مزارع بكل مكان,

ولم اشوف عندهم تراب, علشان كذا مافيهم الاشهب,ورأيت دولا كثيرا, وشفت دولة وماعرفتها,

يوم دققت مكتوب عليها, بورسعيد,

وشفت المملكة العربية السعودية الشقيقة (وش عنده اللبناني).

ثم ذهبنا الي الاهرامات وكل واحد مننا ركب له على واحد,
انا ركبت على الخنصر ,

وأخواني واحد ركب على البنصر,
وعلي الدب ركب على الوسطى,

يلتفت لعليان اجل ا رحنا لخوالي ها.

" اما ابوي فركب على أبو الهول لأنه يشبهه.

وكانت رحلة سعيدة, ورجعنا بالسيارة

ومررنا على تونس الخضراء,

والسودان السوداء في الطريق عبينا بنزين بعشرة لاننا فلسنا,

وكملنا الطريق الي أن وصلنا بالرفاء والبنين.

وإلي اللقاء في حلقة القادمة.

علي الدب " أما الان .."

صوت جوال يدق من مخبا علي الدب

ويطلع الجوال والميكرفون بيده وطبعا صوت المتصل واضح لان قريب من الميكرفون وكل الطابور يسمعونه

صوت حرمه:
" ألو .."

علي الدب:
" هلااااااااااااابهالصوت , ممكن نتعرف

الحرمة:
" وجع يمصع ضلوعك .. أنا أمك حصيصة!!"

عليان بصوت مرتبك " يمه"

طلاب ثالث جيم اللي وراه" اسم امه حصيصة ...اسم امه حصيصه
( بما فيهم اخوه سعيد ابوعصاقيل)
علي الدب:
يمه شغلى الرادو, بتشوفينا انا وابوعصاقيل على قناة المدرسة إف إم.

حصيصة:
الرادو مايشتغل, إنت ناسي إن دشنا خربان,علي,
وراك سارقن جوال ابوووك, أنا زاهمتن عليه وطلعت لي إنت"

علي الدب:
"مهوب أنا, أنا أصلا صار لي اسبوع ماشفت جوال ابوي"
حصيصة:
اجل اللي تكلم منه وشو ؟؟!!" هذا مهوب أنا, أنا أخوي سعد,
حصيصة:
اشوى احسبه إنت.
علي الدب يلتفت على سعد المعصقل :
" إنت معلم إمي أن الجوال معي يالحروش"

سعد يحاول يكلم امه في الجوال:

" يمه يمه, حنا الحين في الاذاعة وإنتي على الهوا ..عندك مداخلة والا طبخة؟"
علي الدب ,
والان مع الشيفة (الطباخة) أمي.

حصيصة:
ماشيفة الا إنتم وابوكم , وتسكر الخط"
الاستاذ يمسك راس علي الدب وسعد المعصقل ويصكهم ببعض .
طراااااااااااااااااااااااااااااااااااخ وياخذ الجوال.
كمل يالوح فورت لي دمي.
علي الدب:
" اما االان مع نشيدة الصباح

وسليمان العربجي بعنوان "عصفوري الصغير"
علي :
سليمان وش عندك لابس بدلة حمرااااا.

سليمان:

لأني أول مرة بمسك ميكرفون قدام الجماهير.

سليمان ياخذ المكرفون ويقول

" أحلي تحية لشباب ثالث جيم اللي على البيست,

و أحلى تحية للموجه والمدير وأحلى تحية للوكيل بغيابه,

وياشباب اللي يبغى إغنية يكتبها على منديل ويعطيها المدرسين يوصلونها لي..
سليمان العربجي:
"أويلي, أويلي , أويلي أويللللي "
" سود العيووووووون إكبار ....,والشامة حلوووووة
" شايل جمال الكووووون ...وباليني بلوى "

يحط الميكرفون تحت ابطة ,
ويقول" يلا كلنا سوى.. ياثالث جيم"
هالعيووون شلون املها سحر ذوبني بغزلها
(يلتفت لصف أول) بوسه من عندك حبيبي تسوى عندي الدنيا كلها "
طلاب المدرسة كلهم يرددون وراه تسوى عندي الدنياكلهااا
العيووووووووووون ......
ويغنون وتنقلب المدرسة مرقص وهيصة...>>>
>
>>
مووو صاااحين..ههههههههاي

الله يخلف عليينا وعلى إذااعاتنــا..
ودمتم بوناااسة
اضافة رد مع اقتباس
  #2  
قديم 05/07/2009, 05:44 PM
زعيــم نشيــط
تاريخ التسجيل: 31/01/2007
المكان: ghosts ship
مشاركات: 982
الله يا إذاعة الصباح لها وحشة بس بعد اللي صار لي فيها حرمت أطلع لو أيش..

تسلم يا غالي موضوع خيااااااااالي..
اضافة رد مع اقتباس
  #3  
قديم 05/07/2009, 07:53 PM
زعيــم نشيــط
تاريخ التسجيل: 22/11/2008
المكان: ミღ❤|█| مدرٍجآت الرٍقم الصُعب|█|❤ღミ
مشاركات: 752
مشكوووور مع أن مآ فيه شي يضحك ..!

>> صريح مرره ..!
اضافة رد مع اقتباس
  #4  
قديم 05/07/2009, 08:49 PM
زعيــم متواصــل
تاريخ التسجيل: 12/11/2008
المكان: نجد العذيه
مشاركات: 104
هههههههههههههههههههههههه ماهوب صاحين
اضافة رد مع اقتباس
  #5  
قديم 05/07/2009, 11:06 PM
زعيــم مميــز
تاريخ التسجيل: 29/06/2008
المكان: الظهران
مشاركات: 1,970
ذكرتني بواحد في مدرسة بالعقربية(الخبر)

كان مشترك في الاذاعه وكان على انه يقول الحكمه وهي العقل السليم في الجسم السليم

ويجيه واحد يقوله اتحداك تقول العقل السليم في تشجيع الزعيم

قال لا تتحدى>>عاد هو صمله ماعنده فيها, وجاء وقت الاذاعه
...........................................


اما الان مع حكمة اليوم مع الطالب ******* *******

العقل السليم في تشجيع الزعيييييييييييم

...........................................

والمدير والمدرسين كلهم ميتين من الظحك ولا احد قال شي



الا مدرس واحد قال عيدوا الاذاعه بكره




يوم جاء اليوم اللي بعده


وجا دوره

المدرسه كلهم ساكتين

يستنونه وش بيقول




العقل السليم



(بعدين سكت شوي)


في الجسم السليم





والمدرسه كلهم صفقوا له






تقبل مروري...............................
اضافة رد مع اقتباس
  #6  
قديم 05/07/2009, 11:53 PM
زعيــم جديــد
تاريخ التسجيل: 30/06/2009
المكان: الخـــــ(L)ــــــبر
مشاركات: 14
مشكووووووووووووووووووووووووووور
اضافة رد مع اقتباس
  #7  
قديم 06/07/2009, 01:29 AM
زعيــم مميــز
تاريخ التسجيل: 26/09/2007
المكان: قلــ ب المحـــبيــن
مشاركات: 1,574
هذي الاذاعات اللي تفتح النفس

موب اذاعاتنا .. هل تعلم ان الدجاجة تبيض بيضاً <--- اجل وش تبيض بقرة ..؟!

سلمت اناملك على الطرح الجميل

اضافة رد مع اقتباس
  #8  
قديم 06/07/2009, 09:04 AM
الصورة الرمزية الخاصة بـ hilaly.vip
زعيــم متألــق
تاريخ التسجيل: 12/01/2008
المكان: الريآض ♥ !
مشاركات: 1,199
قدييييييييييييييييييييييييييييييم !!!!!
اضافة رد مع اقتباس
  #9  
قديم 06/07/2009, 02:37 PM
الصورة الرمزية الخاصة بـ ḾŎĤǍṀẠḊ
زعيــم مميــز
تاريخ التسجيل: 15/11/2007
المكان: هنآك ^_^ !
مشاركات: 4,403
مشكور اوما ذكريات الاذاعه شي

انا كنت مثقف الفصل يحطون كلمه الصباح عندي واكل تبن مدري عن وشو اتكلم واروح عند
ابوي الله يحفظه ويجلس معي ونظبط كلمه
وناخذ افضل اذااااعه بفضل الله ثم كلمتي ههههههههههههه << مصدق نفسه خخخخ
اضافة رد مع اقتباس
  #10  
قديم 06/07/2009, 03:30 PM
زعيــم مميــز
تاريخ التسجيل: 25/04/2008
المكان: مدرجآت الهلآل << بالملعب
مشاركات: 1,627
ههههههههههههههههههههههههههه

مشكووووووووووووووووووووور أخوي

الله يعطيك العافية
اضافة رد مع اقتباس
  #11  
قديم 06/07/2009, 05:26 PM
الصورة الرمزية الخاصة بـ ALHLAL-20-15-14-9
زعيــم مميــز
تاريخ التسجيل: 27/12/2008
مشاركات: 3,091
ههههههههههههههههههههههههههههههههه
لاتعليق
اضافة رد مع اقتباس
  #12  
قديم 08/07/2009, 11:49 PM
زعيــم متواصــل
تاريخ التسجيل: 28/06/2008
مشاركات: 158
السلام عليكم ورحمة الله وبركاته

حلوه الإذاعه

الله يعطيك العافيه
اضافة رد مع اقتباس
  #13  
قديم 09/07/2009, 12:11 AM
الصورة الرمزية الخاصة بـ زعيم الفلاسفة
زعيــم مميــز
تاريخ التسجيل: 08/11/2007
المكان: مع الف ـيلـ س ـوف ي ـوسف الث ـنـ يان
مشاركات: 2,314
ههههههههههههه

اجل راحوا للبنان وراكبوا الاهرامات وشافوا دولة بور سعيد


ههههههههههههههههههههه
اضافة رد مع اقتباس
  #14  
قديم 17/08/2009, 06:29 AM
الصورة الرمزية الخاصة بـ ملفي المالكي
زعيــم متألــق
تاريخ التسجيل: 26/06/2008
المكان: k.k.m.c
مشاركات: 1,040
هههههههههههههههههههههههههههههههههههههههههههههههههههههههههههههههههههههههههههههههه


والله ضحكت من جد والله


الله يسعدك
اضافة رد مع اقتباس
  #15  
قديم 18/08/2009, 03:09 AM
في انتظار تفعيل البريد من قبل العضو
تاريخ التسجيل: 07/08/2008
المكان: الرياض
مشاركات: 386
موضوعك روووووعه
من جد مهاااااابيل
ياربيييييييييه اكرررررررررررره الاذاعه دايم انا اجي والعالم دخلوا الفصول وانا اتاخر لاني مااحب الاذاعه
احس تضييع وقت ع الفاضي نجلس ربع ساعه وحنا بالساحه في الحر والمشكله يتكلمون وماحولك احد اللي نايمه واللي تسولف
واللي تتاخر >>>>>>>>>>مثلي هربا من الاذاعه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:46 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube