السلام عليكم وجمعه مباركه على الجميع

الكل يعرف لعبه اكيد الاغلب لعبها مع اخوانه اصدقائه ايام الطفولة او حتى هالايام

لعبة انك تحط شي براسك ... ويسالونك عنه اللي حولك ... لين احد يعرف ويجاوب
الموقع اللي جايبه اليوم كنا بطلعة انا واصحاب لي وجات سيرته وتناقشنا فيه وجربته وعجبني جدا
نفس الشي هالموقع يخليك تحط شخصية ببالك ويبدأ يسالك اسئلة

يسالك كم سؤال ... من خلال اجوبتك يطلعلك صورة اللي تفكر فيه

فكرت في ناس عرب واجانب ... وجابها ابن اللذين

اعتقد لو فكرت بشخصية جديدة يخليك تسجلها بالموقع على اساس يحفظها عنده للي يجي بعدين

المطلوب : ادخلو ... وتعالو هنا قوليلي وش النتيجه

الاهم هو : جاوبو بصدق على الاسئلة مو تجاوب غلط !!

ثاني شي اللي ما يفهم انقليش حاول تترجم السؤال وبعدين جاوب عليه

ثالث شي مو تفكر بولد جيرانكم اللي جلدك وانت صغير روقونا شوي فكرو بشخصيات معقوله ومعروفه !!

على فكرة فكرت بولد خالتي ... وطلع الجواب ابن خالتك

تصدقون فكرت بـ صحابة زي عمر ابن الخطاب ... وجابه ابن الكلب

طبعا ما يجيب صورهم هذولي بس يطلعلك اسمه

ابو بكر وعمر رضي الله عنهم لو كنت مفكر فيهم يسالك اسئلة اخر شي يحجر لك هل مات مقتول اذا قلت ايه يطلع عمر واذا لا يطلع ابو بكر

طبعا الاجابات مو انت تكتبها هو بس يسالك وانت تختار يس او نو او اللي هو يعني

لو طلع توقعه غلط يطلع لك قائمة بالبدائل اللي ممكن يكون هم المقصودين وغالبا تلقى اسم اللي ببالك موجود طبعا هذا يعتمد كليا على صدق اجوبتك

من جد عيوني صارت كذا موقع والله بطل بطل بطل وبهالصيف بيفيد

جبته لكم لان اعتقد هذا مكانه

بانتظار ردود اللي جربو الموقع

اقسم بالله موقع خطير جربوه لا يفوتكم

http://en.akinator.com/

بانتظار ردود كل من زار الموقع

كنت افكر في عبد الحمن بن مساعد وجابة

سبق أن دخلت الموقع

وجاب لي سامي الجابر و محمد عبده وعبدالله السدحان و عادل امام و قلت أكيد فيه سكني ولا عاد طبيته

شكرا أبو داحم

بأفكر الحين في ماجد مقبل .. بأشوف هو يجيبه؟!!

لا تقولون ماجد مقطع قلوب العذارى والأفاعي مو مشهور ..!!

بأرجع لك يا الدحمي بعد شوي بعد ما أشوف الجواب

-------------

طلع لي الجواب سامي الجابر؟
وش وجه الشبه بين أبو مقبل وسامي؟ .. كلهم أساطير
شكراً دحوووم

ترجمو لنا الاسئلة ض1

...................

هههههههه كان ببالي بوووش وطلعت لي ذي < اللي يسمعني يقول ماحطيت فيميل أبد !


من هي ذي ؟

شككككراً لك خيّووو والموووقعّ فنطآآستيك أوووي

دمي هلالي وش اللي ترجمو الاسئلة !!

مو نفسها كل مرة شكل

ربطه وشباصه .. بوش مشهور اكيد مجاوبة الاسئلة غلط والا بيطلعلك غصب فكرت بناس مو مشهورين مثله وطلعو

الحوت ... القصة مو انه وش سال ... الحلو بالموضوع انه شلون يحصر اسئلته ... وطريقة طرحها ... عشان يحجر لك بالاخير وتكون خياراته اللي يفكر فيها محدوده

ولو تلاحظ مو يضل يسالك لين يبين ... لا بالكثير عشرين سؤال لو عرف قبلها يقولك او على العشرين

يعني شي طبيعي يسالك اسئلة زي كذا هذي طبيعة اللعبة اصلا ... بس الذكاء شلون يطرح السئلة بطريقة تخليه يوصل للي براسك

ليش كلكم تردون بطريقة انك تقهروني ترى ما عرف الجواب

ما لي دخل انا بالرجال الموضوع كله ان الفكره عجبتني ...

وهو اكيد ما هو دقيق 100 % لكن انا اعطيه بالدقة والذكاء 80-90 %

بس الاهم جاوب بصدق ... لان جواب واحد ممكن يفرق وبدل ما يكون بخيارات معينه يروح لخيارات ثانيه

فكرت بمحمد عبده ... براد بيت ... جنيفر انيستون ... احمد حلمي ... وناس سياسيين ملوك وكذا وجابهم

يعني اللي ما يطلع معه ممكن يكون واحد من الاثنين ...


يا اما يجاوب غلط على الاسئلة او يعني بنص الطريق غير اللي بباله

او انه نسبة الغلط اللي انا اشوفها 10% تقريبا كان هو من ضمنها

بعدين قلت لكم فكرو بشخصيات معقوله يعني زي المشاغب بيفكر بماجد مقبل ما رح يطلعله مشرف المجلس بالزعيم بيطلع له صديق عزيز او شخص مقرب يعني

بس بصراحه الموقع بطل

وعليكم السلام ورحمة الله وبركاته ، مرحبتين أبو داحم ،

موقعك خرطي ، طلبت أسئلة زيادة ثلاث مرات ، مرة يطلع لي لاعب تنس ، ثم طلبت أسئلة زيادة ، وطلع لي هزازي ، ثم طلبت أسألة زيادة ، وجاب لي الشلهوب ، ثم طلبت أسألة زيادة ( وتخلل هالأسئلة أسئلة مخلة بالآداب ) ، بعدها جاب اللي في بالي ،

إقتباس ما لي دخل انا بالرجال

يؤ يؤ يؤ ، حركات راعين مكاتب العقار هذي !!
أصلاً واضح أن لك صلة بشكل أو آخر ، بطريقة مباشرة أو غير مباشرة بالموقع أعلاه ،
وما نشرك له في هذا الموقع المعطاء ، وفي هذا القسم الزاهي بأعضاءه إلا دليلاً على ذلك ..

تشكرات ^_^

كان في راسي اخت سواق الجيران في بيتنا القديم وما جابه لاني ما اعرف انجليزي

^^^^^^^
هلا فياض ولكم بااااااااك يالغالي