|~ مـحـتـاجــك ~| - نادي الهلال السعودي - شبكة الزعيم

..الأمير.. · #1 03/07/2009, 01:16 AM

السلام عليكم ورحمة الله

**

نص أحببت ان أصافح به قلوبكم
أتمنى أن ينال جزء يسير
من اعجابكم ..

**

يا بحر شفني وحيـد وجالـس لحالـي
تركت هالكون كلـة وجيـت محتاجك
جيتك أبرتـاح مـن حزنـي وغربالي
وأنثر هموم ٍ بصـدري داخـل أمواجك
أنـا أدري أنـك مـلاذ كثيـر أمثالي
و السالي اللي ترى من حسبته ماجـك
جيتك أبي لي وطـن مليـت ترحالـي
خذني معك حسب قانونـك ومنهاجـك
من سود الأيام ماجيتـك وأنـا خالـي
مليت هذا السواد أوقـد لـي سراجـك
يابحر لا تستهيـن بـ/ هـم يبرالـي
لو يسكنك يابحر عقـد لـك حجاجـك
هموم وأحزان وجـروح وغثـا بالـي
حدتنـي أبـوح لو ما قصدي إزعاجك
الضيقة اللي بوسط الصدر مـن غالي
يا بحرعشها..وشف وشحال أمواجك
أن كان ما قلت..يا ويلي بـرا حالـي
ومن بعدها لي تجي..وتقول محتاجك

..

كل الود لكم ..
نايف

عريب عبدالله · #2 03/07/2009, 01:21 AM

حروف مميزة ومصافحة متألقة

أستمتعت بهذه الرائعه شاعرنا الرائع

ننتظر روائعك المقبلة

بالحب والإشراق

ربطـه و شبـاصه · #3 03/07/2009, 02:35 AM

قصيييدة رآئعة ، بل هي الروعة بذآتها !

شكراً لك يالأمير المبدع َ ،،

دُمت بخير

هلاليه محترفه · #4 03/07/2009, 02:48 AM

ابداع اخوي نايف
استمتعت بقرائتها..
شكرا لك..وصح السانك..

وجــدان · #5 03/07/2009, 07:25 AM

.,

يالله !

وش اللي خلاني أقرأ ابياتك هالحزه , هالوقت بالذات !
مالقيت شيء يعبّر عني لي يومين حالتي ماش
ليتني أقدر أفضفض مثل الناس كان ماهذا حالي : (

المشكله كيف الواحد يفضفض بـ ( سر ) ..!
لي يومين أنا مو أنا , أخبار مُزعجه من كل مكان
هي بدت العطله ؟
أحس إني بـ أداوم هم من اليوم إلى اليوم الموعود ..!

الصبر اللي دائم أقول إنه أبرز صفاتي , فقدته !
حتى هو تركني بالوقت اللي أنا محتاجته فيه ..

يابحر لا تستهيـن بـ/ هـم يبرالـي
لو يسكنك يابحر عقـد لـك حجاجـك
هموم وأحزان وجـروح وغثـا بالـي
حدتنـي أبـوح لو ما قصدي إزعاجك
الضيقة اللي بوسط الصدر مـن غالي
يا بحرعشها..وشف وشحال أمواجك
أن كان ما قلت..يا ويلي بـرا حالـي
ومن بعدها لي تجي..وتقول محتاجك

لو إني شاعره كان هالكلمات صارت مني
عبّرت عنك وكنك تعبّر عني ..!

مدري أقول شكراً والا الله يسامحك ماكان ودي أختنق عبره ..!

مَاهِينُورْ · #6 03/07/2009, 07:53 AM

^
^

يا حياتي يا وجدآن

الله يهوّن عليك ويصبرك ويبدل أحزانك لأفراح ويرزقك سعادة في الدارين

=============

[ ..الأمير.. ]

نص رااائع ما شاء الله
الله يعطيك العافية

...............

أول العنقود · #7 03/07/2009, 08:07 AM

صح لسانك !!

نص رائع جدا !!

وفقك الله

sowaid · #8 03/07/2009, 11:39 AM

مآشاء الله عليك يانايف
ابياات رووعه وتحاكي احساس الكثيير

لاعدمنااااااااااااااكـ

الجوووري · #9 03/07/2009, 12:10 PM

روووووووعه جدا
يسمنو دياتكـ خيو

..الأمير.. · #10 03/07/2009, 02:59 PM

السلام عليكم ورحمة لله

رائدة الزعيم

الف شكر لك هذا المرور العذب
وتسجيل حرووفك هنا ..

كل لود لك ..

نايف .

وردة الهلال · #11 04/07/2009, 01:39 PM

تركت هالكون كلـة وجيـت محتاجك

أعجبتني قصديتك كثيراً

سلمت لاهنت وصح لسآنك..

.,. SoOSoO .,. · #12 04/07/2009, 01:51 PM

الضيقة اللي بوسط الصدر مـن غالي
يا بحرعشها..وشف وشحال أمواجك
أن كان ما قلت..يا ويلي بـرا حالـي
ومن بعدها لي تجي..وتقول محتاجك

قصيده روعه
ما ننحرم من جديدك ان شاء الله
مشكور

متلثمة بالشماغ · #13 04/07/2009, 02:04 PM