كلامك صحيح 100%
احب اوضح شي الاتحاد كان من اضعف الفرق دفاعيا وجااب الدوري
الدليل انو الهلال مو محتاج اي لاعب في مركز الدفاع
الهلال محتااج مهااجم ما يرحم
وصدقوني والله نامي كويس ومستواه اقدر اقول انو يتقارن بين افضل الاظهره في المملكه
فالهلال محتااااااااااااااااااااج مهاااااااااااااااااااااااااااااااااااااااااجم لا غير ذلك

أنا أتفق مع كاتب الموضوع نامي جزء من مجموعة الدفاع والهلال بلغة الأرقام الموسم المنصرم كان الأفضل من الناجيه الدفاعيه ..
أما عن الكابتن محمد نامي فكم مره نقولها وبالصوت العالي محمد نامي ضحيه ليه؟؟؟
لأنه بالأساس ليس ظهير يوم كان يلعب مع الأنصار كان يلعب وسط أيمن وشيء طبيعي أنه أذا لعب مع فريق كبير كالهلال يختلف أختلاف كليا عن ناديه السابق مع أحترامنا وتقديرنا له أقول شيء طبيعي أن تحصل بعض الأخطاء زد على ذلك أنه يلعب بخانه جديده غير خانته والخانه اللي جمهور الهلال والفريق كله يعاني منه قليلا من التعقل جمهورنا العزيز والله أني أتضايق أذا شفت عقليات مثل عقليات (نامي نكبه نامي ليه يطقها اساسي) ومن ذلك ..
يعني بدال ماتكون عندكم الشجاعه الكافيه لأنتقاد من يسير النادي بالأمور الفنيه حطيتوا حيلكم فيه؟؟؟؟
يعني بالله يعقل نادي كبير وزعيم لآسيا ماقدر خلال خمس سنوات من رحيل أحمد الدوخي أن يعوض غيابه هنا أكثر من علامة أستفهام؟؟؟؟
الف شكر لكاتب الموضوع ومو معناة كلامي أني مقتنع بنامي لكن أني أنتقده وكأنه هو السبب الرئيسي في مأساه الفريق فلا والف لا

[QUOTE=هلالي بالمنطق;12433993]

إقتباس الرسالة الأصلية كتبت بواسطة بــوتــا الهلال والله يالناقد انك كنت عاجبني الين كتبت موضوعك هذا .. من جدك انت !! الدوري سبب ضياعه محسوبك محمد نامي اللي كان يتفرج على هزازي ! الآسيوية بغت تروح بسبب نكبته بهدف الأهلي الاماراتي !! لو قدر الله وما جاء هدف السعران اللي تسبب به كان ممكن نعوض بإياب كأس الملك ! أخي العزيز / لاتزعل مني ولكن هذا الرد يوضح قوة تعصب عجيبه منك ضد الاعب انا لست بصدد تقييم الاعب الان وهل هو سيء او جيد ولكن اوضح التالي في ردك تقول الاسيويه بغت تروح بسبب هدف الاهلي الاماراتي ( لاحظ تحمله ضياع الاسيويه بمجرد انها بغت رغم انها ما ضاعت بسببه واكيد لاتحملها من اضاعوا الفرص في المباراة الاخيره والبلنتيات !!!!! تقول ان سبب ضياع الدوري هو وهذا غير صحيح اطلاقا فهدف هزازي ليس غلطة نامي وانما كان نامي هو الجدار الطمين اللي سهل يحمل الهدف ورغم نجومية هوساوي المطلقه اقول الهدف خطأ هوساوي (نور انطلق بالكرة وكان بجانبة عزيز ومقابله داخل 18 المرشدي وهوساوي كان مع هزازي ثم ترك هزازي واقترب من المرشدي خوفا من دخول نور ولكن نور مررها لبوشروان اللي رفعها وعندها حاول هوساوي التدارك والتراجع لتغطية هزازي ولكن الكورة اسرع - ليس من المفترض من هوساوي الاندفاع على نور فالمرشدي امامه وعزيز خلفه - ولم يكن عليه ترك افضل ضارب راس بالمملكه مع اقصر مدافع - اي مضايقه من نامي على هزازي كانت ستكون ضربه جزاء ( هذه وجهة نظري ) اخيرا انت تحملة عدم التاهل في كاس الملك ( شي غريب ) دخل في مرمى الهلال في مباراتين الشباب 4اهداف منها واحد فقط بسبب نامي وانت تركت الثلاثه الاخرى وخليت هدف نامي فقط هو السبب طيب ليش ما يكون السبب هدف الشمراني اللي عطاه اياها رادوي انفراد تام بالمرمى واللي اردى من هدف نامي ولكن الدليل على التحامل لم يتطرق احد اطلاقا على هدف الشمراني والكل يتكلم عن هدف السعران رغم ان النتيجة 3 وليست 1 اخيرا ان كنت تبي رائيي في نامي اقول جيد دفاعيا غير جيد هجوميا

اخوي بالعكس لو ترجع لمشاركاتي بتلاحظ ان التعصب هذا ما اعرفه !!

ثاني شي انا نسيت اضيف كلمة (الآسيوية بغت تروح بدري)

بعدين هوساوي كان له نسبة بسيطة من غلطة الهدف .. وانت قلت بنفسك انه حاول يرجع لكن ما امداه لكن البلا من اللي مافكر يحاول وانا اخوك اللي هو ابونامي وكان يتفرج على الارتقاء الرائع من هزازي بدون اي محاولة لمضايقته ولاحظ مضايقته بدون عرقلة !!

بالنسبة لكاس الملك وانا اخوك لا تنسى انه كان الهدف بهدفين ومتأخرين بهدفين ويجيك نامي يكمل الناقص ويتسبب بهدف ثالث .. على فكرة انا معك انه رادوي اخطأ خطأ فادح في الاياب لكن لاتنسى انه كانت غلطته الشوط الثاني في وقت كان فيه الفريق شبه مقتنع انه المباراة راحت .. اضف الى ذلك انه كان رادوي يلعب في خانة غير خانته اللي هي خانة محسوبنا ابونامي !!

وبعدين كيف تقول جيد دفاعيا وفي نفس الوقت تقول لو كان احتك مع هزازي كان اخذ بلنتي !

هذا رد مفصل بما انك سويت اعادة بطيئة لهدف هزازي (كتابيا) واعذروني عالإطالة .. على فكرة ماودي اقول انك تقربله عشان ماتبصم بالعشرة على اني متعصب

.

.

نامي مستواه تعبان لاترقعون فيه نبي ظهير


وشكرا لك

نامي جلوسه في الهلال مجامله له مثل العنبر والصويلح والمبارك والذيب

نامي كان كويس مو الدرجه ذي تعبااااااان بس سوء من الاعب كان والدليل مباره ايران ولافضل لاعب اخذ بالمباره

يا أخي الناقد الصريح ....
انت كلامك مضبوط لكن ما عرفت (( تعملّــه مونتاج)) انا معك ان دفاع الهلال كان قوي وبرجوعنا للاسباب" اول شيء كان نفس التكتيك حق كوزمين ممتاز . ثاني شي والاهم انك تملك حارس مثل الدعيع ماشاء الله ودفاع قوي مثل هوساوي ما شاء الله ...

الزبدهــــــــــــــــــــــــ: هل الاظهره ادوا ادوارهم ؟؟ من الناحيه الدفاعيه والهجوميه ..!!
لو نجي للناحيه الدفاعيه (زي ما قلت )) تكتيك وحارس مغطين عليهم ... ولو نجي للناحيه للهجوميه ما شفنا ولا اوفر زين ولا صناعة لهدف ؟؟؟؟الا نادرا .؟؟؟؟.. ولا محاولات جاده ولا شي .... نامي الله يهديه لا شاف خط الثمان طعش تلخبط مدري ليش ....والزوري بعد لا شافه برد وجااه فتوووووووووور

مو اذا قلت الهلال اقوى دفاع فهذا يعني ان نامي جيد .................. لا
الحين من اقوى هجوم ؟؟؟؟ الاتحاد صح؟؟؟ يعني معناتوه ان ما في ولا مهاجم بالاتحاد فاشل ؟؟؟؟؟ هذا اكبر خطا .... ممكن الاهداف تجي من لاعيبة الوسط............. مثل ماالمحاور يغطون ويخلصون ..

انا لو ابي اسالك سؤال .... من افضل نامي واالا حسن معاذ ؟؟؟ اكيد راح تقولي حسن معاذ ... طيب ليش افضل ؟؟<<<<< جوابك هذا هو المراد وهذا اللي ابي اوصله

نامي مو سيئ لهاالدرجه لكن ......... مستواه ما يخليه يلعب للزعيم


مشكور واسف على الاطاله وتقبل مروري

الله يخلي هوساوي والدعيع
نامي مايعرف يلعب رمية التماس صح
هذا من غير اخطأه الكثيره جداً