ابغى حل ( أكثر من موضوع) - نادي الهلال السعودي - شبكة الزعيم

بهلاليتي معجب · #1 30/06/2009, 04:02 AM

السلام عليكم ورحمة الله وبركاته
1/ صراحه عندي الإتصال أقل من جيد ومطفشني

أحيانا ادخل مواقع أطلع ونص الموقع مافتح
جيت ادخل خدمةDSL الوالد رافض ما أدري ليه ( والله اقدر اسوي وهو مايدري بس الخوف من الله لايردها بوجهي)
والصور ماتطلع أبغى شي يسرع الإتصال؟ تكفون

2/ ليه ما أشوف الردود اللي بعد ردي الكل كذا والا بس أنا؟

3/ اذا فتح موقع الزعيم

يطلع لي مربع حوار ( هل شاهدت شريط المعلومات) ومكتوب فيه شوية كلام مالي فيه واطار منبثق ايش يعني؟

كتبت موضوع ( نقاط غفل عنها الجميع) شهر 4 أتوقع ( ما فتحته الا اليوم بسب عطل حاسوبي ثم اختبارات)
استأت كثيراً عندما وجدت رد وحيد بعد هذه المده ولم أكمله لأني شبه تحطمت

بهلاليتي معجب · #2 30/06/2009, 04:19 AM

تابع..
برنامج التحميل اللي عندي مايحمل اللي ابيه كامل أو يطلع بعد التحميل على شكل مستند نصي أفتحه تطاع مربعات ( ودي أحط الصوره بس ما اعرف)
كتبت موضوع ( نقاط غفل عنها الجميع) شهر 4 أتوقع ( ما فتحته الا اليوم بسب عطل حاسوبي ثم اختبارات)
استأت كثيراً عندما وجدت رد وحيد بعد هذه المده ولم أكمله لأني شبه تحطمت

الذيب الطيب · #3 30/06/2009, 06:20 AM

سلام عليكم ورحمة الله وبركاته

إقتباس


	1/ صراحه عندي الإتصال أقل من جيد ومطفشني أحيانا ادخل مواقع أطلع ونص الموقع مافتح جيت ادخل خدمةDSL الوالد رافض ما أدري ليه ( والله اقدر اسوي وهو مايدري بس الخوف من الله لايردها بوجهي) والصور ماتطلع أبغى شي يسرع الإتصال؟ تكفون

خذ لك كنكت وريح نفسك بس خذها من موبايلى انحش من الاتصالات وريح بالك وطع والدك الله يخليه لك ويخليك له

إقتباس


	2/ ليه ما أشوف الردود اللي بعد ردي الكل كذا والا بس أنا؟

هذي عندك وحدك انا الحمدلله مضبوطه عندي

إقتباس


	3/ اذا فتح موقع الزعيميطلع لي مربع حوار ( هل شاهدت شريط المعلومات) ومكتوب فيه شوية كلام مالي فيه واطار منبثق ايش يعني؟

والله مدري عن هذي النقطه بس يمكن تكون حقت حظر الاطارات المنبثقه او انها مشغل الجافاء حقت الموقع

وسلامتك

بهلاليتي معجب · #4 30/06/2009, 06:38 AM

يعطيك العافيه أخوي
طيب كيف اضبطها؟
تحياتي

الـوفـا ديـــن · #5 30/06/2009, 08:21 AM

اخوي حتى لما كنا نشبك على اتصال الديل اب العادي كانت المواقع تفتح عادي ممكن تبطي صح بس مو بالشكل اللي انت تقول

و إذا تبي تصور الصفحه شوف ..

عندك في لوحة المفاتيح زر كنترول ctrl

و زر برنت سكرين اختصاره بلوحة المفاتيح مكتوب بهالشكل PrtSc
و مكانه فوق يمين

إذا تبي تصور اي شي افتح الشاشه عليه حتى لو سطح المكتب و اضغط هالمفتاحين مع بعض اللي هو كنترول و برنت سكرين بس ضغطه وحده

و روح على برنامج الرسام و افتحه و على طول اضغط زر كنترول و حرف V

و راح تلقى الصوره اللي صورتها احفظها و نزلها هنا يمكن نساعدك

أنا ما اعرف انت ما تعرف تصور او ما تعرف تحط الصوره بالمنتدى اتمنى تجاوبني عشان اقدر اساعدك
اختك

بهلاليتي معجب · #6 04/07/2009, 03:00 AM

الوفا دينــ
شكراً ( بس لا تتمهزئين ههههههه) ترى انا مميز في السلبيات ( ماعدا هلاليتي)
المشكله وضع الصورة في المنتدى
استغفر الله واتوب اليه

الـوفـا ديـــن · #7 04/07/2009, 06:23 AM

أبداً ما أتمهزأ محد فينا خلق عالم كلنا نتعلم

شوف إذا رفعت الصوره في موقع رفع الصور راح يعطيك عدة روابط أنسخ الرابط اللي مكتوب عليه رابط مباشر و تعال المنتدى و شوف صندوق الرد و سو زي هالصوره

و لا تيأس إذا ما طلعت الصوره أحياناً يكون النت غبي أو الموقع اللي انت رافع الصوره عليه زحمه

و فيه طريقه ثانيه إذا رفعت الصوره بمركز رفع راح يعطيك عدة روابط مثل ما قلت رابط مباشر لا تاخذ الرابط المباشر خذ رابط مكتوب رابط للمنتديات انسخه و على طول لصقه هنا بدون ما تسوي مثل الصوره اللي فوق

بهلاليتي معجب · #8 08/07/2009, 06:22 AM

سويت نفس الطريقه

بهلاليتي معجب · #9 08/07/2009, 07:26 AM

كتبت موضوع وحطيت صورة ماطلعت بالخطوة الاولى بس هذي الثانيه
جزيت الجنه وعفى الله عنك صراحه اول مره احط صوره بمنتدى يعطيك العافيه
"يطلع بعد التحميل على شكل مستند نصي أفتحه تطاع مربعات" الى الان مالقيت كلها حذفتها
***وبالنسبه لكنكت--- وش لون نستدخدمه من موبايلي والتلفون من شركة الإتصالات؟؟ ابغى توضيح
استغفر الله واتوب اليه