إقتباس الرسالة الأصلية كتبت بواسطة الـصـخـرة طيب ماعلمتينا .. ماهي آليّة عملية ملاحقة سيارة الفليت عندكم يالبنات ؟؟ كل وحدة تلبس عباتها وتنطلقون ورى الوانيت ؟؟ وكل وحدة عباتها طايره من ورى كنها ( سوبر مان ) لازم يكون الشرح دقيق علشان اقدر اتخيّل المشهد دوتس -->

ههههههههههه اما بالعبايات ....
لا الله يسلمك كنا نلاحقه واحنا صغار بدون عبايات يعني ....
وفي ديرتنا بعد .....
عسى الشرح جاز لك هاللحين ؟!

أثرك سياسي و بيئاوي ومنت بسهل بعد

البترول عندنا محسودين عليه من العالم و لا شفنا منه شي لنا

اما عن سيارة الفليت ما تلاحظ أن اللي هنا طلعوا واجد من الناحية هذي

الدخان مالنا حاجة فيه أبد

أما عن القشطة ما قصروا البنات عطونا سبب واضح لارتفاع التاج



شكراً

happy birthday to you
[ ريم عبدالله , ]
,
الله يحييك يابعدي ,
وش لنا في السياسه مدري الأقتصاد ,

إقتباس في امريكا.... الوقود المعتمد ( أقل ) من ( 91 )... هذا الواقع ,

لو يحصل لنا مويه مانقول لا ..

إقتباس تعال مع طريق الدائري جنوب... باتجاه الخرج تعدّى ايكيا وارفع راسك وناظر جهة العزيزية والصناعية الثانية مألوف جداً ان ترى تلك السحابة السوداء... كل عصرية

الله يخلي لنا ديرتنا , جو نقي جداً , بين ذآآ النخيل ,
اللهم لك الحمــد
بس لو الله يفكنا من العج

إقتباس عندي سؤال خارج نطاق التغطية :

خارج نطاق التغطيه أو تغطيه دون النطاق
فرق الخروج المنطقي حسب أختلاف المنطقه
......
إلى أخر القصيــده

يعطيك العافيه الصخرة
على الموضوع ,

إقتباس الرسالة الأصلية كتبت بواسطة هتلــ الزعيم ــر الله يخلي لنا ديرتنا , جو نقي جداً , بين ذآآ النخيل , اللهم لك الحمــد بس لو الله يفكنا من العج

انت الظاهر متسدّح بمزرعتكم بين النخل وماغير تعبّس من التميرات وعايش جوّك الرومنصي

تعال هنا بعاصمتنا الحبيبة... لنا ثلاث ايام مانمشي الا بكمّامات

بالليل اغسّل السيارة.. اقوم الصبح والقى الرمل ( أطنان ) مثل المكياج اللي بوجه حليمه بولند

دوك -->

إقتباس الرسالة الأصلية كتبت بواسطة زعيــــم الشوق أثرك سياسي و بيئاوي ومنت بسهل بعد

وإسلامي وليبرالي وصحوي وهلالي وقصمنجي ومدريدي وارسنالي

وشعاري في الحياة : الكامري في قلوبنا

دوك -->

^
^
^
شايف يا ابو طلال كيف يحاول الصخرة يغرر بالأعضاء

بالنسبة للموضوع فأنا نوع سيارتي متوافق مع (91) ... و الحمد لله ما أحس إني أصرف كثير .

شكرا ً لك

والله يالصخره انا عندي اختبار بماده بكرا اسمها (( قانون حماية البيئه )) وسبحان الله منزل موضوع تبي تختبرني فيه ..هع هع

هل تعلم ان في غلاف جوي محيط بالبيئه وهذا الغلاف قاعد يتدمر تدريجياً من ادخنة المصانع والسيارات .

هل تعلم ان النفط ومشتقاته سبب رئيسي لتدمر البيئه البحريه ..بحيث ان البحر اصبح مكب لمخلفات النفط .

بس ترا الدول الاوربيه تنبهوا لهالشيء وعقدوا مؤتمرات مهمه بخصوص حماية البيئه مثلاً عندك مؤتمر ((ريودي جانيروا )) هذا انعقد بالبرازيل سنة 1992 وهذا المؤتمر يعتبر اهم مؤتمر بالعالم او بالتاريخ .. نتائجه ان الانسان لازم يعيش ببيئه نظيفه ونقيه وهذا من ابسط حقوقه .. وتم حل اغلب المشاكل الي واجهتهم وتم تطبيقها في الدول الاوربيه وامريكا والي حولهم .

بس بالدول العربيه ما اعطوا الموضوع اي اهميه الي قبل عشر سنين وتحديدا سنة 1999 من خلال مؤتمر القاهره ..


عالعموم احس اني تفلسفت كثير ..





عوووافي يا بطل ..

هلا بك
موضوعك عجبني

إقتباس ادري ان ما براسكم ( بترول ) يا ابناء اكبر بلد منتج ولاتعرفون وشّو الخام ولا البرنت ولا العربي الخفيف.. ولا تعرفون كم اسعارهن

انا براسي طيب
طيب سؤال عفوي كذا يشطح لك تعرف وش الفرق بين العربي الخفيف والثقيل والوسط؟
وثاني شي كله يسمى زيت الخام ولكن يختلف مسماه الاخير
عموما البترول اربعة انواع ولكن هم يستخدمون الافضل ثم الافضل ثم الافضل

إقتباس هل يعتقد زبانية ( بن جمعة ) وأزلامه من بني ( أرامكو ) أننا اغبياء ؟؟

هل هم زبانيه فعلا؟
ليه كل هذا الضجر من بن جمعه وين وزير البترول ليه مارفضوا البنزين من الاساس
عموما ارامكو شركه جباره لو الله ثم هي كان ماشفت البترول ليومك

إقتباس بنزين ( 95 ) بكل بساطة ( كارثة بيئية ) ومن ألد أعداء طبقة الاوزون هل تعلم ان ( شكمان ) 10 سيارات تستخدم ( 95) يماثل مايفرزه وقود طائرة آيرباص !!

البنزين بجميع انواع ملووث للبيئه لاتحتكر نوع على نوع
ولكن تقل خطورته فقط اذا ازيل منه الرصاص
وصارت تعديلات بنفس السياره انها تااكسد الغازات اللي طالعه منها
الحين بس البنزين اللي يطلع الغازات السامه ومن الد اعداء البيئه اجل
طف المصانع ووقف كل شي ولا يصير عندك طيران
لان كل هذي تضر بالبيئه
وعلى فكره ترى الديزل احسن


طيب تبي هواء نقي
ساهموا بعملية التشجير كل واحد يحط من هالشجر قدام بيته وداخل بيته وابشر بهواء نقي طول الوقت
قدام بيتنا ابووي زارع الرصيف كله وداخل البيت حديقه كلها شجر
بس صج اذا طلعت جلست بالحووش اجس الهواء غير

اذا انتوا تقولون تبون هواء نقي وش نقوول اجل حنا اللي ينحرق الغاز الطبيعي
وهو مايبعد عنا الا ساعه او ساعتين بس


وبالاخير ترى الحين غيروا رئيس ارامكوا ماصار بن جمعه
صار خالد الفالح
حط حيلك فيه

يارجال خربانه خربانه وقفت على هالتلوث
المفروض ينسقون الكديش اللي بالفريق

عاد تصدق ذاك اليوم وانا جاي من الاربعين الربوه رحت يمين طالع للشارع الميه ..
اشوف الصناعيه الجوعندهم مغيم والفيصليه والمملكه ما تشوفها من كثر الضباب
ما دام عندنا عج كل يوم عادي تعودنا
قبل يوم كنت صغير تقريبا قبل سنه.. نقول الله يستر اليوم عج الحين نقول اووه اليوم الجو صافي

الا وش رايك نطق سياكل جبليه وابشر بنظافه البيئه
اذا جاء الشتاء ان الله احيانا ابشر من يوديك لمكان صافي ونظيف اوديك للدهناء ما تشوف ولا موتر ولا طياره ولا بنغالي

وبعدين يابو صالح .. النفط اصلن وشو ومن وين جاء وبتعرف انه كله تلوث


يالله فمان الله ولا تقطع عاد الا اخبار المكيف
وبعدين تعال خن نشوفك ياخوي من يوم انك اسشتاري عظام وانا ما قد شفتك
عندي لك سالفه يحبها قلبك عن هذوليك الصديقيين القدميين حقينا

ياخي مدري وش تبون يعني لو يرجعون ايام الحمير اللي الناس تركب عليها وتروح مشاوريها ايام زمان القريبه طبعا .. ويشيلون هالاسفلتات يكون اصرف ..بس برضك بجي واحد بحماره مدحدر ويغبر علينا وتقولون هذا تلوث بيئي ..خخخخخخخخخخخخخخخ

التلوث موجود ياخوك بكل شيء وقفت على السيارات .. بعدين انا عن نفسي ماش مارتاح اذا ماشم ريحه سياره بالذات المكربنه .. ههههههههه

فهد .. تشكر على هالموضوع ويعجبني فيك انك تعرف كيف تدمج بين خفة الدم والضحك في الموضوعات الجاده .. بارك الله فيك ونفع بك جميع ارجاء البلاد .. ( شكلك مطر )

والله ياابوصخصخ الرياض كله رواااااايح <<<مسوي من سكان الرياض


النفط الحين بأوبك الامريكي زي الفل وعندنا الله يخللف بس



مشكووور يالغلا

معطل <<<<<