السلام عليكم
ذكرني واحد من الاعضاء بالقطاوه
وياكثر مواقف مع القطاوه
. . . . . . . . . . . . . . . . . . . . . .
1- عيال عمي كان جاينا
وكان فيه محاظره في مسجدنا
وطلعت من المحاظره قعدت ادور انا وولد عمي لقيت قطوه تشرب ماء >>عاد انا احسن صياد في السعوديه(بشهادة الجميع)
قلت: له تحداني اصيدها
قال:اتحداكقلت:شوفني
وافصخ نعالي واروح وراها وامسكها مع ذيلها
ومادريت الا وتقرط في فخذي
بعقب الشين فكتني
ودماميني تقاطر
وولد عمي يضحك علي>>بغيت اتوطا في بطنه
الى الحين العضه موسمه في فخذي
. . . . . . . . . . . . . . . . . . . . . .
2-مره انا وواحد في حارتنا شفنا قطوه فصخت نعالي ولحقتها
ونطردها انا وياه وتتسلق الشجره ونزلها>ضمير مستتر تقديره هو
خذيت القطوه ورحت وادور نعالي ولا لقيتها
و درا ابوي عن السالفه
وكنا عند عماني يقولهم شفتوا ذا القطو سرق نعاله
. . . . . . . . . . . . . . . . . . . . . .
3-كنت انا واخوياي عند المكتبه نصور اوراق
وواحد منا مانزل قد في السياره
المكتبه بيبانها قزاز
وشفت قطوه برا
واطلع وامسكها>>القطوه اليفه
وقالي واحد من اخوياي
رح قطها على (فلان)
في السياره تراه يخاف من القطاوه
واروح افتح باب السياره واقطها عليه
بغى يموت من الخوف
ماغير يطامر في السياره
. . . . . . . . . . . . . . . . . . . . . .
4-كنت عن بيت خوالي ومودمهم خربان
قلت ابروح لاقرب مقهى وايرلس
وجا معي ولد خالتي الصغير
ويم طلع والقى قطوه صغيره
واصفر لها وبعقب الشين جات
وامسكها وادخلها في السياره
المفروض احطها في الشنطه
حطيتها داخل السياره
وتقعد تحوس وتطامر في السياره
وبعدها دخلت تحت الدركسون
وانا ماكنت ادري انها دخلت
فتحت بيبان السياره
وقدت استنها يمكن تطلع
ولا طلعت
واخذ شماغ والفه على يدي
وادخل يدي تحت الدركسون
الين مسكتها
وادري الا ميااااااااااااااااااااااااااااااااو
طمرت بغى راسي يصفق بالتنده
الصوت يطلع من فتحة المكيف
وامسك القطوه واسحبها وتطلع
ولا تبنا ويروح ولد خالتي يطلادها الين راحت بعيد
يامكثر الله من مواقفي مع القطاوه اذا تبون ماعندي مشكله
. . . . . . . . . . . . . . . . . . . . . .
5-عندنا في المدرسه مدرس لغة
هطف بشكل غير طبيعي
مع انه معه شهادة دكتوراة
كنت قاعد في الصف وسئل الاستاذ خويي قالت انت من وين
قال: من الخرج
وسئلني:انت من وين يا****
قلت:من الوادي
قال: من وين في الوادي
قلت :الهضب
قال وش الهضب
رد خويي:هضب الدواسر
ياطقعان (صوت عالي)
وانا وياه نظحك والا ستاذ الهطفه يضحك مايدري وش السالفه
تقبلي مروري........................................