السلام عليكم

هاردلك التعادل .. وفالكم الملحق

المهم مالكم بالطويله << اختكم في الله ميح في المقدمات وودها تقول الحتسي بدون مشاوير


ياخي قسم بالله فيه ناس ودك تصفقها بغضاره مع دمجتها
ولا ودك تاخذ اللاب توب منه ولا تخليه يدخل منتديات وهو بهالاسلوب

هالحين من متى والسعودي مايفتخر انه من سعودي
ومن متى ولد الديره يحتسي على ديرته ويقول (انا مهب سعودي ولتذهب امريكا الى الجحيم)

ياخي حنا ماشجعنا منتخبنا عشان اللاعب الفلاني والعلاني
ولا عشان سلطان ولا نواف

حنا نشجعه عشانه يحمل اسم بلدنا

هالحين يجيك واحد يقول انا فرحان انا ما تأهلنا عشان الخطط المدروسه !!
والثاني يقول اناا بحريني من هالحين !!


والله ماجابته امه اللي يخليني اكره منتخب وطني عشانه

واللي يقول غير هالكلام .. فليذهب للجحيم <<مشكلة اللي توهم شافين فلم مترجم


قيسوها بالعقل
واذا جا يوم من الايام وغيروا اسم المنتخب لــ (منتخب سلطان ) ذيك الحزه ماتنلام

؛؛

وخفوا ياناس على ياسر والشلهوب ونور وكل الاعبين

اليوم مهب يومهم
وان شاء الله الجايات تسركم


تحياتي




واعذروني ودي اني احتسي بالفصحه بس مايمك احد
يقولون الفصحى اسرع طريق للسامع واكشخ مير وانا اختكم الجود من الموجود

ولتذهب اسرائيل للجحيم << ياااااا هالقروشه