18/06/2009, 01:17 AM
|
زعيــم فعــال | | تاريخ التسجيل: 12/12/2002 المكان: ][ مـkـة ][ والهوى غربي ][
مشاركات: 316
| |
جاكم الاعصار كل شي يعيقه .. منتخبنا اليوم مدري وش نبيبه السلام عليكم
بصراحه ما ادري وش اقول
اضحك ,, افرح ,, اقلب امها مزمار ,, ابكي ,, آكل تبن واحط راسي وانام
مدري والله
لكن الظاهر ان الاخيره هي الانسب
يعني ياناس معقوله منتخب مافيه احد في الفورمه الا هوساوي وشهيل !!!
الف علامة استفهام وتعجب
هل اللاعبين تشبعوا مباريات ؟
ولا تشبعوا نجوميه ؟
ولا اغتنوا ؟
بالفعل شي محير
ياناس والله مصيبه اللي صاير
يعني كل لاعب موعود بـ 250 الف ريال في حالة الفوز ومايقدمون أي شي يذكر
طيب اعطوني انا واخواني وعيال خالتي 5000 ريال بس وشوفوا وش نسويل في الملعب
والله نحرث الملعب لكم حرث
بالله ما يستحون اللاعبين وهم شايفين منتخب مصر قبل يومين وش مسوين عشان سمعة مصر
مباراة مصيرية ,, مباراة تاريخية ,, مباراة فاصلة ,, ومستويات تجيب الضغط
طبعاً هذا كله بسبب الخطط العلمية المدروسة ( اللي نسمع فيها ولا شفنا شي الى الان )
الظاهر ان اللي يدرسونها معاهم شهادة رابع ابتدائي ليلي وعجزوا في مسألة والى الان تحت الدراسه
يا ناس حرام عليكم
الحمد لله اللي ما رحت الرياض
والله اني كنت جاي الرياض لعيون المنتخب , لكن الحمد لله اني اصبت بأزمه مالية وماقدرت اطلع بسببها
ولا كان صارت المصيبة مصيبتين
ازمه مالية + مستوى سيئ لأبعد الحدود
الله يعين وبس
لا انسى ابارك لأصحاب الخطط العلمية المدروسة واتمنى تتحول من علمية الى عملية لاني من عرفت الدنيا وخططهم علمية
والى الان ما صارت عملية
شكل اللي درسها بليد عشان كذه ماهوا راضي يعترف بها
اليابان وصلت كأس العالم
وكوريا جابت الرابع
وحنا الى الان ندرس خططنا
اقول النوم زين
ختاماً
مشرفيننا الله يرحم والديكم تراي احبكم
لا تخلون مصايبي اليوم ثلاث مصايب
ازمه مالية ,, هزيمة منتخب ,, وتوقيف عضوية |