|
( جيريتس الانضباطي ) ياخوفي يجيب العيد.. إنّي اتوجّس خيفةً ياصانع القرار حيــــــــــاكم الامير عبدالرحمن مبسوط مره من جيريتس ومعجب فيه علشانه رجل ( انضباطي ) جداً ويتأبّط صرامة :mad: وعلى قولته انّه قد ( لطع ) حاتم بن عرفه كم شهر بالاحتياط علشانه ( بزوَط ) ذات مساء :d وما جاب خبر للجماهير والاعلام وكل الضغوط... راسه يابس وصاك القزاز :mad: كل هالكلام حلو وشغل احترافي على اعلى مستوى :smilie47: لكن سين سؤال : انضباطية جيريتس وصرامته توكّل عيش في ربوع مملكتنا الحبيبة ؟؟ :to: اتركونا من سالفة دعم الامير عبدالرحمن وإعطائه الصلاحية المطلقة خلونا نبربر بواقعية لاتشوبها شائبة :d هناك في اوروبا النادي عبارة عن ( شركة مساهمة ) لايمتلكها شخص واحد... بل الملايين حول العالم :yes: علشان كذا نشوف الشغل الاحترافي بحذافيره... وبالقلم والمسطرة اللاعب اذا عاقبه المدرب او شدّ عليه في التمارين... يتقبّل ويعرف ان الله حق ماعندهم شي اسمه ( عضو شرف ) يروح له يتباكى عنده ويتشكّى الكل يحترم قرار المدرب مهما كان قاسي... حتى رئيس النادي مايقدر يمنعه فيه قوانين تحكم العقود .. وموضح فيها صلاحيات كل واحد المدرب هو الكل في الكل هو اللي يتعاقد مع اللاعبين... وهو اللي يوقع معهم العقود ويقدمهم للاعلام وهو اللي يستبعد هذا ويسترجع هذاك... دون أي ( لقافة ) خارجية لكن فيييييذا :to: اعضاء الشرف هم اللي يصرفون على النادي.. وهم اللي يدفعون رواتب اللاعبين وهم اللي يموّلون صفقات شراء النجوم وهم اللي يدفعون راتب المدرب وكل الطاقم اللي معه وانا اذا كنت عضو شرف فعّال... وقاعد اغرف للنادي بالكريك مثل مايقولون :d وجاني ذاك النجم اللي انا دافع فيه دم قلبي... جاني يشتكى من المدرب :cf: انه جاء متأخر عن التمرين... وحطّه احتياط وشاله من التشكيله :cry: انا من ناحيتي ياعضو الشرف بارفع السماعه على رئيس النادي واغسل شراعه :mad: الحين انا ادفع كل هالملايين علشان اجيب لك هاللاعب.. ويقوم هالشايب يدفنه بالاحتياط ؟؟؟ :ranting: من اليوم ورايح لاتقول لي ترانا مزنوقين براتب شهرين او ثلاثة :naughty: ورئيس النادي ساعتها يكون في وضع حرج... صعبه عضو الشرف يزعل.. وصعبه اكسر كلمتي مع المدرب لكن بالنهاية كلام عضو الشرف هو اللي يمشي وتبقى الاندية السعودية اكثر أندية تلغي عقود المدربين في العالم :to: ويبقى اللاعب السعودي مدللاً حتى إشعار آخر :s3s: ملاحظة بسيطة : انا ترى مع المدرب 100% ومو ضده... اتمنى فهم الموضوع بالشكل الصحيح |
والله كلامك عين العقل ياخوووي ........ بس اذا في نادي غير الهلال , أمى رجال وأعضاء شرف نادي الهلال يحترمون المواثيق والعقود التي تربط النادي مع المدرب وبني وبينك فيه لاعبين في الهلال من فئه 5ستار ما ينفع معهم إلا الأسلوب الشديد عشان يرجع مستواهم مثل قبل بس الخوف من قيادتنا الرشيده صاحبت الخطط المدروسه يطردونه بسبب تصريح ولا يلفقونله إي شي على العموم مشكور على الطرح وفي انتظار المزيد تقبل مروري |
هلابكـــ الصخرهـ هلابكــ ياغاليـــــ - - كلامكـ عين العقل وهذا متعارف فيه منذو الازل على المستوى المحلي ولكن بما انكـ جبت طاري شبيه الريح انا اقول شبيه الريح يعرف جيدآ هذا الكلام ويعرف جيدآ كيف يتعامل مع مثل هذه الضروف لابد ان يكون العمل احترافي في النادي بمعنى الكلمة واكيد ان الرئيس سوف يتعامل مع هذه الحاله بكل ذكاء ودهاء وعقلانية كلمة من الرئيس لاعضاء الشرف تنهي هذه المسكلة من جذورها لمصلحة الهلال لابد من اعطاء المدرب الصلاحيات الكامله لاعضو شرف ولا غيره ولاعب مايحترم نفسه ولايحترم العضو اللي جابه ولايحترم الرئيس ولايحترم المدرب ولايحترم الكيان ولايحترم الجماهير ولايحترم الشعار ويتاخر ويتكبر ويتفلسف ويشوف نفسه لابد ان يضع حدآ له ولغيرهـ ويكون عبرهـ للبيقة واعتقد لقاء الرئيس السابق هو موجه لمثل هذا الاعب المتلاعب ان مكانه المدرجات انتهى000 مشكور اخوي على الموضوع الرائع وتقبل ردي المتواضع البدائع بلاد الروائع ==== |
اخوي الصخره انا اتفق معاك بخصوص الاحترافيه والعمل الدقيق بالانديه الاوربيه لكن ان اعضاء الشرف يتحكمون بقرارات رئيس النادي والمدرب صدقني ماهي موجوده عندنا بالهلال ابد |
الله يوفقـــــــــــــــــــــــــــــــــــ9 . .. ... |
انت بس اصبر وراح تشوف انت لاتستعجل على الامور ولو نفكر مثل تفكيرك ماوقع الهلال ما اي لاعب ولا مدرب |
لية الاستعجــــــــــــال والحكم المبكر على جيرتس فلننتظر ونرى عملة في الهــلال ومن ثم نحكم هل يستاهل الحـــرية المطلقة او لا.... |
اهلا الصخره إقتباس:
واعـتقد كلام الامير عبد الرحمن بن مساعد رأس الهرم الهلالي في النادي كان واضح بقوله : اي لاعب مايحترق للشعار وللجمهور راح يكمل الموسم في المدرجات اما الصرامه والجديه فهي مطــلب مهم للاعبين وايام كوزمين تشهد على ما اقول |
لمعلوميك فقط.. كوزمين أجزم أنه صارم جدا جدا.. وقد يكون بصرامة جريتس أو أكثر......... والمحصله ماهي.!! أنظر ما فعل مع الهلال.!! بطولات وغيرها.. جريتس نفس الشي.. |
هلافيــك أخوي الصخـرة ,, صعب نحكم ع المدرب والموسم لم يبدأ , فبعد انتهى الموسم فلنا الحق بمعاتبتـه ,, فأنا متفـائل بهذا المـدرب بغض النظر أنه انضباطي ,, ., |
اذا كان نظامه كذا لازم يكون لكل خانه بديل ولا مايقدر مثلا الاظهره مافيه بدلا |
ما اعتقد ان هالكلام بيصير عند اعضاء الشرف لانهم ناس واعيين ويعرفون ان مهما سوى المدرب راح يكون في مصلحه الفريق ,, الاعب السعودي اصبح لديه عقليه احترافيه ..يعرف نفسه اذا اخطى راح يلقى من يعاقبه ولا يلقى من يشيل العقوبات عنه .. يالله انك توفق العجيز مع الهلال |
قبل عبدالرحمن بن مساعد انا مبسوط جدا لأن هذي شخصيات المدربين تتضح من البدايه وهو شخصيه معروفه للعالم باكمله و الشكر موصول اولا واخيرا لهذ الامير الشاعر الرياضي الذي رسم خطة الموسم القادم وبداها بالتصحيح مع هذا المدرب فالشكر له ولاعضاء شرفه اخوي الصخره مبدع دائما تحياتي وتقديري |
هلا بالصخره حبيبي شوف كوزمين وش سوى بالفريدي وكيف تعدل بعد ما رقعه جنبه بالاحتياط ولم يتكلم احد بل على العكس ومن ناحية الدعم فاعضاء الشرف ليس لهم وجود الان لان النادي يقف على دعم موبايلي ورئيس النادي سلام |
الاوالله انا مع المدرب خير ان شالله لاعب ماينوم الاالفجر وعايش على ماكدونالز وكبسه رز قبل التمرين بنص الا احسن ليتهم شوي يتادبون الله يوفق الهلال وبس |
| الوقت المعتمد في المنتدى بتوقيت جرينتش +3.
الوقت الان » 11:42 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd