في معلف ام العوف.. تتكالب الظروف.. وتنتعش الحروف.. والرفلا تطبخ وتحوف - صفحة رقم 2 - نادي الهلال السعودي - شبكة الزعيم

وردة الهلال · #16 14/06/2009, 07:28 AM

ولا تهون ريم عبد الله؟
واللبس الفاحش إللي مبين كل جسمها ! بمسلسل فلان؟

منجد يعني!! كلهم لابسين زين إلا هي؟

تلبس شي يبين جسمها ليش! مافيها جسم إلا هي!

قلةحيآ!وتحسب ممثلة سعوديه على فكرة

لاعاد تتهاوش مع لبنانيآتوفك عمرك من الهذرة

بتطلع من المولد بلا حمص

خطبتك ذي هوجآء.
ماحد بيسمعهآ غير الفقرآء
لأن قلوب الأغنيآء
صارت مغلقة بعنف وغبآء

الزبدة تعبنآ

الله يصلح الحال

رومآنسيآتك أيآم السبعينيآت حسيتك

اما يوم الثلآثآء الأفضل بلا منآزع

عيال اوين مافيه زيهم

بس واحد منهم قالوااقتلوه مادري انتحر!

اذكر خالي يقول لي المصارعه اصلا تديرهآ إسرآئيل حآطتها تلهي العالم

والسالفه كلها باي مصآرعه درآسة واتفآق
فلان يفوز فلان يخسر
كلها تمثيل بتمثيل

وادفع فلوس وخلصنا

بس لجاووك مصارعات

مادري وش يحسون فيه؟

الزبدة.بلا مصارعات بلا هم.

شكراصخصخ افندي

وجــدان · #17 14/06/2009, 07:37 AM

^

تكفين لاتذكرينن به

ترفع ضغطي هالريم كنت اقول عنه محترمه ببداية مسلسلاتها

بس عقبين صارت اردى من كل اللي بالمسلسل

أجل مسلسلها الأخير بالله هذا لبس تطلع فيه قدام الناس !!

انا استحي اشوفها لاوبعد ليته زين عليها قسم يحوم الكبد

.,
والله يالصخره شوف مو معقوله يكونون كلهم مو سعوديات ..!
لازم تكون فيه وحده ثنتين على الاقل فعلاً سعوديه والباقي من طقة حج ولم يعد

بعد لا ليتهن زينات يوم انهن يستعرضن

شكراً لك ولرومانسياتك

Fahad Al Sudais · #18 14/06/2009, 08:15 AM

إقتباس

الرسالة الأصلية كتبت بواسطة القيصر رهيب


	عالعموم أنا نفسي ما ني عارف إيش أقول لأني جالس أسوي براتكس لأختبار بكره مع صاحبي وجالس أكتب وأسولف

هلا قيصر

ماراح ارد عليك حتى تخلص مختبر.. اخاف اشوّش على تفكيرك

دوك -->

Fahad Al Sudais · #19 14/06/2009, 08:17 AM

إقتباس

الرسالة الأصلية كتبت بواسطة al7oot-99


	انا اتذكر اللي يقول ( واختلط الحابل بالنابل )

ماتذكر ( ثرثار الجنوب ) هذاك اللي سارق مايكرفونه من عاطي الموركي

دوك -->

Fahad Al Sudais · #20 14/06/2009, 08:19 AM

إقتباس

الرسالة الأصلية كتبت بواسطة شبوط


	كلنا ماهو انت بس متابع من ايام كلاي

كلاي ؟؟

ترى فيه فرق بين المصارعة والملاكمة يابوالشباب

دوك -->

Fahad Al Sudais · #21 14/06/2009, 08:21 AM

إقتباس

الرسالة الأصلية كتبت بواسطة الطفل السعيد


	اقسم بالله ان تخصصي ممرض ولا أعرف ادق ابره لاحد يجي ويقول انت فاشل

كفو والله... تعجبني يالصريح ههههههههههههههههههههه

دوك -->

Fahad Al Sudais · #22 14/06/2009, 08:24 AM

إقتباس

الرسالة الأصلية كتبت بواسطة متآبعه بصمت


	يكون بعلمك الشباب السوريين واللبنانيين بيموتون ويشوفون البنات السعوديات بدون عبايات أكثر من لهفة شبابنا على بناتنا

والله فيه سالفه عنهم صايره قدام عيني... ودي اقولها بس مايحتاج

طويله وشرحها يطول

بس الزبدة... كلهم خراطين ونصابين

دوتس -->

Fahad Al Sudais · #23 14/06/2009, 08:26 AM

إقتباس

الرسالة الأصلية كتبت بواسطة شوق الكويت


	والله المسلسلات تقهر وربي حتى احنا نفس الشي يقولون الممثلات كويتيات وهم يخسون والله مو كويتيات ولا شي المشكله الناس تعرف هالشي لكن تجي وتتفلسف وتقول الا كويتيات وهم عارفين انهم مو كويتيات لبنانيات وسوريات وعراقيات ومصريات

اكثرهن ايرانيات

ولو تبين اجيب لك قائمة بالممثلات اللي اصلهن ايراني في الكويت كان تمسكين راسك

دوتس -->

Fahad Al Sudais · #24 14/06/2009, 08:30 AM

إقتباس

الرسالة الأصلية كتبت بواسطة الضحى


	موضوع جميل ونقد هادف وصحيح وبشكل ظريف الله يعطيك العافية فقط ليتك ماتكتب رومنسيات تراها تعكر موضوعك ...أقصد الطرح فيها مبتذل شوي ممكن تلغيها والله يصير موضوعك له أصداء كبيرة وممكن يشترى منك لعمل مسلسل هادف يصلح بعض أخطاء المسلسلات السيئة الرديئة ويكون له أثر في علاج الأخطاء التي ذكرتها في معلقتك الظريفة ...الله يحفظك والجميع ..

هلا بك اختي

قبل ودي اعرف... ليش دايم اذا كتبتي رد.. تتركين بين كل سطر وسطر مسيرة الف عام

قربي السطور لبعض بارك الله فيك... خليهم يصيرون على قلب رجل واحد

ومن ناحية ملاحظتك.. احترمها بكل تأكيد... والف شكر لك على تواصلك الطيب

Fahad Al Sudais · #25 14/06/2009, 08:31 AM

إقتباس

الرسالة الأصلية كتبت بواسطة وقت الغروب


	يارررررررررررررررجال خليها علي اللة

ياشيخ صدقني انك أكوس واحد في العالم

دوك -->

Fahad Al Sudais · #26 14/06/2009, 08:35 AM

إقتباس

الرسالة الأصلية كتبت بواسطة محب الجنه الخرج


	ثلاث مواضيع بموضوع واحد مير الرومنسيات ذي موضوع الحالها اللي يقهرك اننا اغلى دولة بالنفط واللي بالخارج يتوقعون ان السعودي قدام باب بيتهم بير نفط

لاتجيب طاري الرومانسيات .. تزعل عليك اختنا الضحى

ترى خبرك عتيق... انا حافر لي بير نفط ( ارتواز ) جنب الخيمة.. بين الخيمة وخزان الماء

عندنا بالروابي في كل ربعه بير نفط... ماجاكم شي بالخرج

دوك -->

Fahad Al Sudais · #27 14/06/2009, 08:39 AM

إقتباس

الرسالة الأصلية كتبت بواسطة المحبره


	صحيح إن اللبنانيات حلوات ,, بس أنا أتمنى يوم واحد بس العالم يشوفون بنات السعودية دون عبايات ,, عشان يعرفون يمدحون غيرهم !! أنا مايقهرني إلا الترفيع بالجنسيات الثانية إنهم أحلى .. و القهر إنهم يقيسون على الممثلات اللي يطلعون بطاش ما طاش ,, المهم بس ,, من وصل للسطح قبل ؟؟ أنت و إلا التفشانة ؟؟

لايقهرتس شي... خليهم يرفعون ليييين يتكرفسون

كلّن عقله براسه ويعرف خلاصه.... الله يهنّيهم بعبق رائحة الثوم

ومن ناحية السطح... ماصار شي الى الحين

دوتس -->

السمسار الهلالــي · #28 14/06/2009, 08:45 AM

هالحين اللي يطلعن بالمسلسلات نعم أصلهم سعوديات ترى
بس عشان بلدنا يمنع التمثيل راحو لدول الخليج
الفنان راشد الماجد أخبر كان ساكن فالدمام ومتاكد مليون فالمية
بس راح للبحرين ويسوي جلسات هناك من يومه ورع

/
بخصوص المصارعه أخبر خالي وجدي كان يحبون شي اسمه مصارعة
كنا نشوفها من خلال اشرطة الفيديو

ستيف أوستن وكين وأنترديكر

/

تسلم ع الموضوع يالرومآنسي

. . !!

ProudToBeSaudi · #29 14/06/2009, 09:06 AM

حياك الله أخوي صخرااوي..

بالنسبة لوزارة الصحة فأتمنى إنك ما تشيل همها لأنها مستحيل تتعدل ..

أما الممثلات منهم السعوديات و منهم غير ذلك ،، و المشكلة إنها ما تطلع تمثل بالمسلسلات إلا لأنها سعودية ،، يعني ماهو فن و لا إبداع ولا حس تمثيلي ،، و إنما عشان يقولون شوفوا المسلسل هذا فيه ممثلات سعوديات..

أما الرومنسيات ..
بس المشكلة إنك صخرة و تشيل بلكّة ،، كيف تجي؟؟

Fahad Al Sudais · #30 14/06/2009, 08:58 PM

إقتباس

الرسالة الأصلية كتبت بواسطة RO7_ALHILAL


	بعرف ليه بس كل المواضيع نتشكى ماحنا رااضين على شي ابد

هلا بك

بالعكس يالغالي.. الرضا موجود والحمدلله على كل حال

بس لو لك واحد من اقاربك او معارفك مرقّد بالشميسي او مستشفى الامير سلمان كان جاز لك الموضوع

الله يمتعكم جميعا بالصحه والعافيه