خوان لابورتا ، تعليقا على صفقات الريال : نحن نصنع أفضل لاعبي العالم وهم يقومون بشرائهم - صفحة رقم 3 - نادي الهلال السعودي - شبكة الزعيم

S U L A I M A N · #1 13/06/2009, 11:28 PM

...........

الله يوسع صدوركم

..............

زعلوهـ · #2 13/06/2009, 11:38 PM

مسكين لابورطا

مقدرن شعوره قسم

س / هل لو برشلونه يملك المال مثل الريال بيكون اعتماده على شباب النادي ؟!

بيريز

ولا عزاء للطفارى

رساوي برساوي · #3 13/06/2009, 11:48 PM

كلامه سليم

عمر الفلوس ماصنعت فريق اذا القاعده (مايصه)

الموسم الماضي لو نسوي مقارنه بين مستوى كاكا ومستوى انييستا
وبين مستوى كرستيانو ومستوى ميسي
وبين مستويات باقي عناصر الفريق ( ايتو × فيا )
أو تشافي اللي مالقيت أحد يقابله بالريال

المهم لو نسوي هالمقارنه
نجد انه الريال للحين ماوصل مستوى البرسا
ويحتاج المزيد من الصفقات

لكن يحق لهم يفتخرون برئيسهم

وبارضه حنا يحق لنا نفتخر بك يالرئيس الذهبي (لابورتا (قلوب حب ) )

iker · #4 14/06/2009, 12:10 AM

.

الموضوع قلب من تصريح لا بورتا ينتقد فيه سياسة بيريز , إلى مُقارنة بين الريال وبرشلونة !
والله يا انتم تسمعون بالشطحات بعد ..

بالنسبة لتصريح لابورتا أشوف فيه وجه من الصحّة ! لو قلنا ان بيريز موصّل أسعار اللاعبين لسعر الرز ..
<-- خخخخخخ لا تلومونه .. ما هو مستوعب لالحين قيمة رونالدو ..

لكن الإدارة الحاليَّة - للريال - مستعجلة النتائج بالنسبة للموسم الجاي .. بسبب انهيار للفريق الموسم اللي فات , وأنّ التشامب الموسم الجاي بالبيرنابيو ..
ولا ننسى ان جمهور الريال ما يصبر - بعكس الكتلان - ..
لذلك نشوف ان خطط برشلونة تمتد لثلاث سنوات على الأقل .. بينما الريال كل صيف خطّة !

أكبر دليل ان بيريز مستعجل النتائج ان كذا اسم من الجلاكتيكوس ارتبط فيه , ووقّع مع اثنين ..
بينما في فترة رئاسته الأولى كل سنة سوبر //
فيغو - 2000 , زيدان - 2001 , رونالدو - 2002 , بيكهام - 2003 .. وهكذا ..

بالتوفيق للملكي باللي هو به ..

كنكورد القصيم · #5 14/06/2009, 12:44 AM

لآبـورتآ

مشــكلتكـ إذآ القعآطـه تجري مجـرى الدمـ في جـسـدكـ

بيـريـز صحـ انه ( اخذ ) كـرستيآنو بسـعر .. قـد يشري ( خيآش ) لاعبين من طقـة إيـتو

وآنآ الصـرآحه بحـكم إني مآنشـسترآوي .. مآودي إن ( كـرس ) يـروح .. لان الريآل نجووومهـ كثآآر

اللهـ يوفـق المآن بس < مآيحـلو الرد إلى بكـذآ

razeem · #6 14/06/2009, 12:51 AM

من الغباء تشبيه برشلونه كالهلال

وتشبيه الاتحاد كالريال

نعم هو الملكي افضل فريق في القرن مر على كرة القدم

9 ابطال اوربا بينما برشلونه ومانشستر 3

واذا كان منافس فهو ميلان نتحدث بالارقام ولو قلت قديما

فنحاكي الواقع

فريقنا الازرق الملكي الهلال نفس طريقة ريال مدريد

حقق 6 بطولات اسيويه ويتربع عرش اسيا

ولكن اين هو الان

ويا من تقول نصنع النجوم

اسامه والمحياني والمرشدي وياسر والزوري والدعيع والغنام والفريدي والعنبر الخ

كلهم من صنع المدرسه الكرويه الهلاليه

فنتكلم بصراحه هذا هو عصر الاحتراف

الى عنده يجيب والى ما عنده ما يلزمووووووووووووووووووووووووووووووووش

واخيرا لكل مشجع مدريدي

لولا احساس مشجعين برشلونه وكل اوربا بالخطر ما ردت بمثل هذه الردود

حتى في السعوديه حميانه بين المشجعين

والله جننتهم يا بيريز

الكرة الهلالية · #7 14/06/2009, 01:02 AM

,,

إقتباس


	مشكلتكم الحظ مشى معكم مشية قشراء .. خلونا نشوف وش تسوون الموسم الجاي

هههههههههههههههههههههههههههههههههههههههههههههههههههههههههههههههههههههههههههههههههههه

A B B O D · #8 14/06/2009, 01:30 AM

إقتباس

الرسالة الأصلية كتبت بواسطة الكرة الهلالية


	,, هههههههههههههههههههههههههههههههههههههههههههههههههههههههههههههههههههههههههههههههههههه

طيب اضحك .. و تبي تشوف الموسم الجاي بعيونك كلامي هذا

إقتباس


	والله ياعمايل الموسم اللي راح مأثرة بشكل كبير على جماهير الأندية الثانية

ياخي مالها داعي يوم انك نرفزتني كذا .. ياااه انقهرت

مساكين وربي

Blaugrana Heart · #9 14/06/2009, 01:06 AM

والله وهو صــآدق

هههههههههههههههههههههههههههههههههههـ

الريآل اخذ كل الآعـــيبهـ
والمــوسم الجآي اخرطي
ههههههههـ
والمغرور
جــآب دوري الأبطآل والدوري وكأس اسبــآني وان شاء الله كأس العآلم قـآدم بأذن الله
والصوبر
لآهنــــت أخــوي ع الخبـــر

FLORINTINO · #10 14/06/2009, 01:31 AM

هلالي الكتلان

هلا محمد

_ أخبارك ان شاء الله بخير

،،

بس بغيت أخذ رايك بـ تصريح لابورتا اليوم .. اتركك من ذا

اليوم فيه تصريح يصف فيه نموذج بيريز وريال مدريد
بـ الأمبريالي المتغطرس !

اوك .. انت تكلمت عن التصريح الي في هذا الموضوع !
لكن التصريح الي قاله اليوم .. وش يدل عليه
أو بـ معنى أصح .. وين محله من الآعـراب ؟

محمد

انا اعرف واحد برشلوني في منتدى ثاني ويمكن يعتبر من كبار المنتدى
اعترف ان لابورتا غلطـان في تصريحاته عن الريال وعن القوة الشرائية
الي يعتمد عليها ..

سياسة الريال معروفة .. الأعتمـاد على اللاعب الجاهز
بـ عكس برشلونة الي عند اللامسيـا والي تفرخ له نجوم
كبـار .. وهذا ما يمنع انه يشتري لاعبين جاهزين ،،

بس أبي رآيك كامل في تصريح لابورتا اليوم !
وتصـاريح لابورتا عن الريال بشكل عام لاهنت

،،

ALHOOP · #11 14/06/2009, 01:45 AM

والله مساكين

الحين قيمة ابراهيموفيتش ماقدرو عليه وهي فقط 80 مليون يورو

هذا وهم ماخذين دوري ابطال اوربا والكاس والدوري

ومن ناحية صناعة النجوم ياليت يفتي لابورتا من صنع برشلونه بتاريخه كامل ماطلع الا ميسي واكسافي ونيستا وبويل فقط

اين النجوم الذي يتحدثهم عنهم قب العام الفين طبعا الاجابه لايوجد احد

النادي طلع نجمين قال برشلونه يصنع النجوم وتصريحه هذا يدل على فشل البرسا لحد الان في اتمام الصفقات

هلالي الكتلان · #12 14/06/2009, 02:28 AM

.

هلا أبو عابد

،،

شف حبيبي أنا ماجلست أعترض على سياسة شراء النجوم ، لأنك أنت حر توصل فريقك للقمة بأي طريقة

- رغم عدم قبولي بالمبلغ المبالغ فيه لكريستيانو واللي مايستحقه أي لاعب بالعالم - فلو كنت تمتلك المادة ولاعندك قاعدة صلبة وش المانع انك تشتري نجوم ؟ ، سواءً عاد هالطريقة ناجحة أو فاشلة بكيفه لأنه ماهي محور الحديث اللي نتناقش عنه .

اللي مخليني أرد في هالموضوع أنه الناس تفسر هالتصريح وغيره أنه خوف واهتمام بالمنافس أكثر من أنه وصف لواقع ولابو

ماقال شي غلط .

طبعاً تصريح الامبريالي المتغطرس مالقيت له مصدر الا صحيفة آس

ويمكن ترجمة الكلمة للعربية تفهمك معنى مبالغ فيه بالنسبة للاسبانية ، وان كان قال هالتصريح ويقصد هالكلمة بمعناه اللي ظاهر لنا فهو بكل تأكيد تصريح خاطئ وغير محسوب من لابورتا .

تصاريحه على الريال ان كانت الصحافة تسأله تبيه يقول الموضوع لايعنيني ؟ , وحتى الرجل يعيش تحت ظغط من الجمهور والصحافة الكتلونية بعد صفقات الريال ويطالبونه يتحرك فهو لازم يوضح أن النادي عمره مااتبع هالطريقة بالسوق وأنه مايشتري الا اللاعب اللي يحتاجه وبالسعر المناسب حتى لو غيره استخدم طرق ثانية ، وهالتصاريح تهدي شوي من القلق اللي موجود عند بعض البرشلونيين وتوضحلهم أن النادي يعمل على جلب اللاعبين اللي يخدمونه من دون مايبالغ بالدفع .

أما ان أحد المشجعين البرشلونيين ينتقد تصاريحه فأنا وش يعنين كلامه

مع كامل احترامي له ولوجهة نظره .

بالآخر أنا ضد التصاريح اللي تنتقد شراء النجوم - ماعدا صفقة كريس

- لأنه شي يعني النادي وعلى فكرة ولا تصريح من لابورتا ينتقد هالسياسة على الأقل من وجهة نظري وفهمي ، وحتى ردي على هالموضوع من باب توضيح مقصد لابورتا وأنه ماهو خوف ولاشي من اللي جالس ينقال وان تصاريحه ماهي بقصد الاعتراض على سياسة الريال .

أتمنى أنك عرفت من اللي تبي

،،

ALHOOP ان كنت ماتعرف لاعبين صنعهم برشلونة قبل فعلى سبيل المثال لا الحصر لأني مستعجل " بيب غوارديولا " شف انجازاته كلاعب وصناعته للتاريخ الآن كمدرب ولا اقتنعت أنه نجم وأنه فترة من الفترات كان كابتن الفريق فهو من النجوم اللي صنعوا ببرشلونة .

أجل 80 مليون يورو شويه

الله يغنينا من فضله بس

لاعب اساسي · #13 14/06/2009, 02:44 AM

والله يابيريز جاب المرارهـ لكل كتلوني

حتى رئيسكمـ قعد يخربط الظاهر انه اثار الشيخوخة المبكرهـ

وبعدين وش يبي بالريال مدريد يهتمـ بنادية ويفكر وشلون يستقبل الريال الموسم الجاي

...(

FLORINTINO · #14 14/06/2009, 02:54 AM

محمد يابعدي

أول شي تسلم على الرد الي وضح لي كثير من
وجهة نظرك الي تعني لي الكثير

بس عندي دخلتين بسيطة

إقتباس


	تصاريحه على الريال ان كانت الصحافة تسأله تبيه يقول الموضوع لايعنيني ؟ , وحتى الرجل يعيش تحت ظغط من الجمهور والصحافة الكتلونية بعد صفقات الريال ويطالبونه يتحرك فهو لازم يوضح أن النادي عمره مااتبع هالطريقة بالسوق وأنه مايشتري الا اللاعب اللي يحتاجه وبالسعر المناسب حتى لو غيره استخدم طرق ثانية ، وهالتصاريح تهدي شوي من القلق اللي موجود عند بعض البرشلونيين وتوضحلهم أن النادي يعمل على جلب اللاعبين اللي يخدمونه من دون مايبالغ بالدفع .

يا محمد ياحبي

.. موب بـ اللازم اني اجيب طاري الريال عـ الطالعة والنازلة ، يعني بـ النسبة لي انا اشوف تصاريح لابورتا كـ نوع من التهرب عن المسؤولية الي عليه كـ رئيس لـ النادي في شراء لاعبين يخدمون الفريق .. بمعنى ’’ ريال مدريد خرب علينا السوق ورفع أسعار اللاعبين علينا وانا ما أقدر ادفع المبالغ المطلوبة لـ أن ميزانية النادي ما تسمح ‘‘ .. طيب انا كـ رئيس ريال مدريد وش ذنبي اني بأرجع فريقي الى قوته وهيبته الأوروبيه خصوصاً وان تصريح بيريز الشهير يقول فيه ’’ يجب ان نختصر عمل 3 مواسم في هذا الموسم الأول ‘‘ والسبب الأكبر ان نهائي التشامبينز ليج السنة الجاية على البرنابيو .. بيريز واضحة سياسته من هو في فترته الاولى .. الدفع بـ سخاء على الصفقات وانتظار المردود المادي من الصفقة .. ولو نلاحظ ان بيريز مخصص لـ انتقالات هذا الصيف 300 مليون يورو وهو مبلغ ممكن يدفعه نادي مثل ’’ تشيلسي ‘‘ في موسمين أول ثلاثه ولو نرجع لـ تصريح بيريز نلقى ان الرجال حاط ميزانية 3 سنين في ميركاتو واحد .. السيد لابورتا تصريحاته كانت غريبة من اول يوم اعلن فيه بيريز ترشيحه لـ رئاسة النادي .. يعني كأنه يقول ’’ لاعبيننا لا تقربهم ‘‘ رد عليه بيريز انا ما وقعت اي ميثاق مع اي نادي واللاعب الي ابيه راح افاوضه عبر ادارة ناديه .. يمكن من هنا انطقت شرارة النزاع .. من اول صفقة لـ مدريد مع كاكا يطلع السيد لابورتا بـ تصريح ’’ غريب ‘‘ جداً وأنا كنت أول المستغربين لـ أني من المعجبين جداً بـ عمل لابورتا مع البرسا .. لكن الآن ،، أتضح لي وجه ثاني من لابورتا وكأنه مو قادر يوقف في وجه بيريز الا بـ التصريحات والكلام .. كان الآلزم على لابورتـا في ظل هـ الضعوطات الرهيبة عليه يوعد الجماهير بـ لاعب .. يتحدث عن خطط مستقبليه .. مشاريع لـ النادي .. تجديد عقود لاعبينه .. مالقى الا ريال مدريد عشان يهدي في الجماهير ’’ القلقه ‘‘ من ميركاتو برشلونة هذا الصيف !

إقتباس


	طبعاً تصريح الامبريالي المتغطرس مالقيت له مصدر الا صحيفة آس

التصريح موجود في أكثر من مصدر .. { الماركا _ الآس _ الديفنسا }
بس ابخليك تشوفه فيديو

من قناة كواترو الآسبانية

Joan Laporta: "El modelo de Florentino es imperialista y prepotente"

خوان لابورتا : " مشروع فلورنتينو هو امبريالي متغطرس "
طبعاً قاله وهو يلعب كورة

هلالي الكتلان · #15 14/06/2009, 04:08 AM

.

أبو عابد

أنا عندي اختبار بعد 4 ساعات ، وكنت داخل النت بتصفح ع السريع وبمشي بس ان كان النقاش مع واحد مثلك أحترمه وأحترم وجهات نظره فمافيه مشكلة نطنش الدراسة شوي

أهم شي لاتحاول تناقشن بعد الاختبار يمكن يتغير الموقف

خلينا أول شي بالامبيريالي المتغطرس

للأمانة لقيته حتى بالسبورت التصريح فالحين هالتصريح ثبت على لابورتا وبرضو أنا مازلت على موقفي أن هالتصريح ماأدري وش يبي ؟ وغير محسوب !

وعلى فكرة ترا الامبيريالية هي محاولة السيطرة على ماعند الغير يعني لاتحسبها سيئة بسبب صعوبته نطقه ورسميته

ولاتهمل جانب قصد المعنى سواء ً الامبيريالية أو الغطرسة .

على العموم هالتصريح بردي الأول عليك قلت ان كان قايله ويقصد المعنى فهو خطأ

بالنسبة لتصاريح لابورتا ترا مابقى أحد بالعالم ماصرح عن تعاقدات الريال بس يمكن تصاريح لابورتا فيها حساسية بماأنه رئيس للغريم برشلونة ، أما أن لابورتا خايف أنه مايقدر يدعم الفريق أو أنه مقصر بحق النادي فكل ميركاتو مر على النادي برئاسة لابورتا يشهدله بدعم النادي بأحسن الأسماء وبأقل الأسعار .

بعدين ترا طاري الريال على الطالعة والنازلة بسبب أنه رئيس لبرشلونة فأي صحيفة أو جهة وأي مكان يروحله بتحاصره الأسئلة واللي لازم يرد عليها سواء ً عاد اتفقنا مع وجهة نظره أو اختلفنا وأيضاً كلامه صحيح أو خاطئ .

خلينا نصبر لنهاية الميركاتو ونشوف صفقات برشلونة وهل لابورتا عاجز عن دعم الفريق أو لا ؟

لأن النادي جالس يخلص صفقاته بهدوء وماهو بحاجه للاسراع بالصفقات وهو يمتلك أسماء مميزة ومحق فيهم ثلاثية تاريخية .

أي مشاريع مستقبلية وخطط للنادي تبيه يتكلم عنه وهي السنة الجاية آخر سنه له وبتقام انتخابات لوضع رئيس جديد ، بعدين لعلمك ترا تجديد عقود اللاعبين ببرشلونة مسببه أزمة للنادي وفيه تصاريح دايمه له وأعتقد مايتحمل لابورتا مسؤولية أن مترجمين الأخبار بالزعيم مايترجمون الا تصاريحه اللي تتكلم عن الريال

.

مسألة أن صفقات بيريز سببت رفع لأسعار اللاعبين أعتقد مابقى أحد ماأفتى فيها سواء لابورتا بلاتيني منظمات كتلونية ومدريدية حقوق الانسان

ولاعبين كثير آخرهم بوفون اليوم فالشي واضح أجل ريبري بـ 100 مليون

واليوم طالع تقرير من ألمانيا أن ادارة البايرن سبب تعنتها طمعها بالملايين اللي جنتها الأندية من صفقات بيريز .

حتى رواتب اللاعبين تأثرت أجل فالديس يبي نفس راتب ايكر

وهالشي واضح أن صفقات فلورنتينو سببت ارتفاع بأسعار اللاعبين وبعضها مبالغ فيه جداً جداً جداً .

أختم ردي بتصريح لـ لابورتا لصحيفة نييويورك تايمز " الريال يريد أن يبني مشروعه بسرعة فهم على عجلة لانهاء الصفقات ، هم أحرار بأموالهم لكن قيمة صفقاتهم مبالغ فيها وأثرت على سوق كرة القدم بشكل عام " شف الرابط على الخاص للأسف مالقيت المصدر الأصلي ولقيت الخبر بموقع عربي .

صدقني كثرة تصريحاته بسبب الصحافة وحساسيتها لأنه رئيس برشلونة

وماهي تهرب من المسؤولية ولاشي ، فترة بيريز الأولى أشوفه قدر يوقف بوجه باقتدار

وللأسف أن لابورتا

السنة الجاية هي الأخيرة له .

اللي مثلك يجبرك أنك تطول بالكلام

بررب عاد بدرس