وانا جالس اقرأ بعض الردود تخيلت صوره ثانيه لـ الهيئة !!
تخيلت انهم ملائكة معصومين عن الخطأ
وفهمت من بعض الردود انه لو صار خطأ منهم ماينبغي أننا ننتقدهم بهالشكل
يعني بالله وش نسوي لو زاد الأمر عن حده ؟
وش نسوي دام هالموقف اللي رسمه الرسام حقيقه وكلنا نعرف انه دايم يصير ؟
أنا مع الهيئة ومع الحق دايم لكن الشيء إذا زاد عن حده انقلب ضده ..
الله يديم لنا الهيئه اللي تأمر بالمعروف وتنهى عن المنكر ..
والله يبعد عنهم من هو منهم ويسيء إليهم ..

إقتباس الرسالة الأصلية كتبت بواسطة iq1399 وانا جالس اقرأ بعض الردود تخيلت صوره ثانيه لـ الهيئة !! تخيلت انهم ملائكة معصومين عن الخطأ وفهمت من بعض الردود انه لو صار خطأ منهم ماينبغي أننا ننتقدهم بهالشكل يعني بالله وش نسوي لو زاد الأمر عن حده ؟ وش نسوي دام هالموقف اللي رسمه الرسام حقيقه وكلنا نعرف انه دايم يصير ؟ أنا مع الهيئة ومع الحق دايم لكن الشيء إذا زاد عن حده انقلب ضده .. الله يديم لنا الهيئه اللي تأمر بالمعروف وتنهى عن المنكر .. والله يبعد عنهم من هو منهم ويسيء إليهم ..

لا بالعكس ياصديق الميول مانقول انهم معصومين عن الخطأ
اكيد ان لهم أخطاء وبعضهم يتجاوز حدوده وفي بعض الأحيان ما اخفيك سر احقد عليهم واكون ضدهم
لكن طالما ان حسناتهم تطغي على سيئاتهم ماينبغي اننا نكسر مجاديفهم ونهاجمهم بالطريقه هذي
صاحب الكاريكاتير يستهزئ وهدفه يشوه سمعتهم لكن لو انه انتقدهم انتقاد عاقل راح نتناقش معه في الموضوع ويا نقنعه أو يقنعنا

يكفي اني صرت انزل اهلي في السوق بدون ما انزل معهم وانا متطمن

إقتباس الرسالة الأصلية كتبت بواسطة iq1399 وانا جالس اقرأ بعض الردود تخيلت صوره ثانيه لـ الهيئة !! تخيلت انهم ملائكة معصومين عن الخطأ وفهمت من بعض الردود انه لو صار خطأ منهم ماينبغي أننا ننتقدهم بهالشكل يعني بالله وش نسوي لو زاد الأمر عن حده ؟

إقتباس الرسالة الأصلية كتبت بواسطة S K Y لا بالعكس ياصديق الميول مانقول انهم معصومين عن الخطأ اكيد ان لهم أخطاء وبعضهم يتجاوز حدوده وفي بعض الأحيان ما اخفيك سر احقد عليهم واكون ضدهم لكن طالما ان حسناتهم تطغي على سيئاتهم ماينبغي اننا نكسر مجاديفهم ونهاجمهم بالطريقه هذي صاحب الكاريكاتير يستهزئ وهدفه يشوه سمعتهم لكن لو انه انتقدهم انتقاد عاقل راح نتناقش معه في الموضوع ويا نقنعه أو يقنعنا يكفي اني صرت انزل اهلي في السوق بدون ما انزل معهم وانا متطمن

طيب بس انا ابي اعرف وسيلة الانتقاد العاقل ..
الانتقاد اللي لما انتقده .. الناس ماتحطني في صف فئة ضد فئة ..
ابضرب لكم مثال ..
طاش ما طاش ينتقدون اغلب الوزارات والدوائر والاجهزه الحكومية ..
لما ينتقدون الاجهزه الامنيه كلنا نقول معهم حق ويا ليت صدى هالنقد يوصل
لما ينتقدون الوزارات والمسؤلين اللي فيها نقول والله معهم حق !
لكن لما ينقدون الهيئة تقوم القيامه ..
كيف ننقدهم ؟
وليه نرضي بنقد غيرهم بجميع الوسائل المتاحه ؟
بينما هم مايصلح اي وسيله ننقدهم فيها ..
خذ لك مثال ..
انت تقول يكفي اني انزل اهلي في السوق ولا ادخل معهم ..
طيب الدوريات والشرطة تُنتَـقد بينما هي تكفلت بحمايتك وحماية بيتك وامن البلد عموماً ومع ذلك نكون من اول الموافقين لهذا النقد
ولا جاء في بالنا اننا نقول اخطاء فرديه ، والمفروض ما نتصرف معها بهذا الشكل ..

* * *
من أعظم الحُـب أن تبحث عن عُذراً للمخطئ
ومن أعظم الحقد أن تتجاهل عُذر المخطئ

يا حبي لكم يالهيئة

شوفوا .. أنا مع الهيئة .. وطبيعي أي شخص فيه خير بيكون مع الهيئة
لكن كلمة الحق تنقال ..
الكاريكاتير ما فيه أي استهزاء لا باللحى والا بالثوب القصير ..!
مدري من وين يفهم البعض
هو بيرسم رجال الهيئة .. تبونه يرسمهم ببنطلون طيحني وسكسوكة؟
أكيد بيرسمهم بشكلهم المعروف ..!
لو أنه قصر الثوب إلى نصف الساق أو طوّل اللحية لنصف البطن بأقول ممكن استهزاء ..!
لكن هو رسمهم كما هم .. يعني من هنا ينتفي الاستهزاء

ويبقى مضمون الكاريكاتير هل هو صحيح أم لا ..!
من واقع تجربة مرّ بها أحد أصدقائي
كان في مهرجان الجنادرية مع أخوانه الصغار .. كان جواله في يده .. ما درى إلا
والهيئة يطلبون منه جواله ..!
بكل ثقة عطاهم جواله يحسبهم بيشوفون البلوتوث هل هو شغال والا لا ..!
فتش رجل الهيئة الجوال وقال اركب معنا
أثره شاف رسايل قيرل فريند صديقي الله ياخذها
وخذ لك تحقيق ومحضر وبهذلة
ما انتهت قضيته رغم بساطتها إلا بواسطة ومصادرة الجوال
صحيح أن صديقي مخطي .. لكن هل الأمر بالمعروف والنهي عن المنكر
يكون في هالأمور والتدخل في خصوصيات الناس وتفتيشها؟
عمر بن الخطاب رضي الله عنه لما دخل على سكارى في بيتهم فجأة , تراجع عن خطئه بعد أن حاجّوه .. هذا وهو عمر بن الخطاب رضي الله عنه .. فمن باب أولى أن يتراجع رجال الهيئة عن أخطائهم حتى تتوقف مثل هذه الكاريكاتيرات ..!


خلونا الحين من سالفة صديقي .. وتعالوا بأسأل سؤال ..

لو كان الكاريكاتير عن مؤسسة حكومية غير الهيئة .. هل بيكون دفاعكم مثل كذا؟

-------------------

إقتباس لما ينتقدون الوزارات والمسؤلين اللي فيها نقول والله معهم حق ! لكن لما ينقدون الهيئة تقوم القيامه ..

توي أشوف ردك .. أثر القلووووب شواهد يا أبو حميد

اتوقع الماضي كان يقصد بذلك بعض التصرفات الخاطئة الي يسوونها رجال الهيئه
والجميع يتفق ان بعض رجال الهيئة تصرفاتهم خاطئة

إقتباس الرسالة الأصلية كتبت بواسطة مواصل من عام 1413هـ يا محمد المسأله ما هيب مسأله إنهم معصومين من الخطأ!!. هم بشر ، وهذا ما أحد ينكره أبداً. لكن السؤال ( ليه جهاز الهيئة ) والمتلتزمين هم المنتقدين دائماً!!. ليه الصحف ما تكتب عن رجال الأمن بالبلد بجميع القطاعات اللي نسبه كبيره منهم ( يتعاطون المخدرات ) ، وقضايا خلوه ، ولواط .......... إلخ. وفوق هذا يسمون ( بالعيون الساهرة )!!. الزمن اللي نعيشه فيه عجيب !!.

تدري وش المشكلة يا مواصل؟
أن الهيئة صاروا هم ( الإسلام ) عند البعض ..!
والدليل أنك لما تنتقد الهيئة يقولون لك .. أنت تهجمت على الدين واستهزيت به
شف الكاريكاتير ما فيه أي استهزاء .. ومع هذا ما قالوا انه استهزا بالهيئة , قالوا استهزا بالدين
أنا مع الكاريكاتير وموافق له لأنه ما ذكر إلا واقع يحصل
شف أي واحد ماسكينه الهيئة في السوق .. بتلقاهم يفتشون جواله ويدخلون في خصوصياته لمجرد الاشتباه فيه أنه يرقم
الشرطة والمرور إذا اشتبهوا فيك يطلبون بطاقة الأحوال .. أما الهيئة أول ما يشتبهون فيك يطلبون جوالك
ما يراعون الأسرار والخصوصيات اللي ممكن تكون في الجوال من صور للعائلة وغيرها ..!
الأمر بالمعروف والنهي عن المنكر يكون في الأمور الظاهرة .. أما البحث داخل الأماكن الخاصة فهذا بين الشخص وربه ولا يحق للهيئة
التفتيش إلا إن وجد أمر يستدعي ذلك ..!


تبي الجد؟
أنا شخصياً كنت أكره طاش ما طاش عشانه يهاجم الهيئة ..
بس للأمانة ,, والله كان لطاش ما طاش فضل بعد الله في تراجع الهيئة عن كثير من أخطاءها ..!
يعني إذا ما بتصلح أخطاءك راح تهاجم

بالنسبة للمؤسسات الحكومية الأخرى .. فهي تهاجم دائماً وخذ لك لفّة في المواقع والمنتديات وبتشوف يا كثر ما انتقد الأمن وهوجم , ولم يجد من يدافع عنه
إذا كنت تبيهم يتكلمون عن قضايا اللواط وغيرها في الأمن .. فحتى في الهيئة ستجد قصص مثل هذه .. وهي على العموم حالات شاذة ولا يجب أن تعمم وتشوه
سمعة أي جهاز في الدولة من أجل حالة شاذة ..!
علينا أن نتكلم وننتقد عمل الجهاز .. وليس تصرفات شاذة من أفراده ..!
على العموم ..
ما فيه أحد يُنتقد ويُدافع عنه بكل شراسة سوى الهيئة .. لذا تجد غالباً أن الأخطاء تتكرر من مطاردات وحوادث وتجسس وتدخل في الخصوصيات

ختاماً أقول : الله يحفظ لنا ( الهيئة ) ويصلح من أخطائها

مرور سريع لموضوع دائما اتابعه بصمت

الهيئة ناس دخلو فيها وخربوها الهيئة كويسة سابقا الحين اسمحولي !!

والمواقف كثيرة والمشاغب ذكر منها انهم يفتشون الجوال

شخصيا افضل الهيئة تركز على مواضيع الخمور والفساد والابتزاز وهالمشاكل افضل من ركضهم بالاسواق والاجتماعات والندوات لان القسم الاول اي شي يسونه اكيد انه خير ... لكن القسم الثاني يصير فيه ظلم لناس كثير

الهيئة دخل فيه ناس خربوها وانا عارف هالشي ... دخل فيه ناس تربية شوارع واخلاقهم بالتعامل زبالة وانا اعني هالكلام خربو سمعتها

بعض المواقف ...!!

بالسوق انا واختي واقفين عند كشك جوالات اكسيوم اللي تكون بالمولات الظاهر بالعثيم مول من فتره طويلة هالحكي جنبي وحده والله متسترة ولبسها ما فيه اي شي والله والله لا عباية مخصره ولا اي شي يفتن وعباية على الراس ... وحتى وجهها مغطى ... مرو الهيئة ووقفو قدامها قالولها تستري تستري !! انا اطالع فيها اقول كيف يعني تتستر اكثر من كذا !! قالولها غطي عيونك انتي بدون محرم الله يرضى عليك !!

موقف ثاني معي انا شخصيا ... بالغرابي وواقف عند محل وجا وقت الصلاة وانا وولد خالتي عند المحل وتاخرنا شوي ... وقف قدام سيارتي ... اخذ اثباتاتنا ... وقال وراي قلت له يا ابن الحلال والله بنصلي وحتى المغرب مصلينه يعني ببالنا نصلي العشا ... بدا بهاوش ويغلط ومشى ... لحقناه يلف السوق ويوقف ناس واحنا وراه لين وصل للمركز هناك ... قال يله توضو وخلينا نصلي !!

قلت له معي وضوء عشان تعرف بس اني مصلي المغرب وماني منتظرك تجيبيني للصلاة !!

المهم دخلنا جوا قالي ترى المفروض افتش جوالاتكم وشعوركم وافتشكم بس لان يبدو عليكم الصلاح انا رح امشيها لكم !! انا ناظرته وسكت ... صلينا بالمركز وبعدين مشونا !! هم هدفهم الصلاة بس لو شفتو الطريقة اللي يعاملونا فيها كان قلت هذولي ماسكين معهم حشيش !!

خالتي مفصلة ثوب بيت عند محل ... وثوب بيت عارفين يعني بالبيت عند عيالها وزوجها و و و ... يوم راحو يستلمونه لقو الهيئة بالمحل طابه على الرجال وشايله كل الثياب اللي عنده يقولون هذي ثياب فسق تكشف الصدر !! ايش يعني يا حبيبي تبغى الوحده تلبس عند زوجها عبايه ونقاب !! اقسم بالله ولد خالتي يقولي اللي يبيع مدمر يقول ما ادري وش بقول لصاحب المحل وكل هالخساير والبضاعة اللي صادروها وش بنسوي الحين !!

ما ودي اكمل تقولو يشوه السمعه لكن والله افضل وجود الهيئة بمشاكل الخمور ومصانع الفساد واوكار الدعاره افضل من ملاحقة الشباب بالاسواق والشوارع والمطاردات اللي ذبحت اكثر من واحد !!

انا مع كلام المشاغب ان طريقتهم خاطئة ... والمشكلة الناس معتبرين ان الهيئة هي كلمة مرادفة للاسلام !!

اصحو ... والله الهيئة اول يا حليلهم الحين ناس دخلو فيها متعمدين خرابها وتشويه سمعتها وطريقة تعاملها !!

لان اعود للموضوع ... اللي بيتهمني باي شي ربي اعلم بالنوايا ما رح ارد على احد او اعلق على كلامه الله يسامحه وماني منتظر احد يقيمني ويحدد من انا !!

مايدري هالرسام وش يخبيله الزمن
يمكن يحتاجهم يوم من الأيام
الله يهديه بس
والله يوفق رجال الهيئه ويثبتهم

الله يهديهم

ولكن لابد من العقااب و

وان يطرد من الجريدة

إقتباس الرسالة الأصلية كتبت بواسطة الـمـشـاغـب بالنسبة للمؤسسات الحكومية الأخرى .. فهي تهاجم دائماً وخذ لك لفّة في المواقع والمنتديات وبتشوف يا كثر ما انتقد الأمن وهوجم , ولم يجد من يدافع عنه إذا كنت تبيهم يتكلمون عن قضايا اللواط وغيرها في الأمن .. فحتى في الهيئة ستجد قصص مثل هذه .. وهي على العموم حالات شاذة ولا يجب أن تعمم وتشوه سمعة أي جهاز في الدولة من أجل حالة شاذة ..!

إقتباس الرسالة الأصلية كتبت بواسطة ابونوف الهلالى بارك الله فيكم وفى جميع الردود واعتقد ان اخوي وعزيزي مواصل كفي ووفي على بعض الردود وانا اقول لماذا فقط تنتقد الهيئه اتدرون لماذا لانها هي من يقف فى وجهه العلمانيين وهم من يقف او سيتوقف مستقبلا فى حاله خروج المرأة لاسمح الله انهم الشوكه فى عنق هؤلاء المدجج بافكار تخريبه اتو لنا بها من جراثيم الغرب انهم العلمانيون وارجوا من الاخوة ان يفكروا فى عقولهم لا فى عاطفتهم وانا والله شخصيا تعرضت لاحد من رجال الهيئه واخطي بحقي ولاكن سامحته ويجب علينا كامسلمين ان نقف صفا واحدا ضد الدخلاء علينا من البلاد الغربيه والله لن نرضى الهوان والذل نحن امه عزيزة كريمه. وانا اعرف جدلا ان الهيئه لها اخطاء واخطاء واخطاء ولاكن عندما يكتب هذة الاخطاء خبثاء دخلاء على ديننا وجتمعنا ويحاولن ان يغيروننا عن ديننا بفتح دور لسينما ويعرفون ان الهيئه من سيقف ضدها ووقف لمنع عرض فلم مناحي اخوتي الاسلام اليوم محارب ولم يمر على الاسلام واهله ذل كما هم فيه اليوم من ذل وهوان فلنعن الحرب عليهم باقلامنا وبمنتدياتنا وبالوسائل الاخري ويأبي الله الا ان يتم نوره والله ولى التوفيق والسداد

أخوي أبو نوف .. هو واحد منا أنا وياك فاهم الدين خطأ
وش دخل الكاريكاتير في السينما؟ ليه لازم تدخل المواضيع في بعضها؟

اختصر الموضوع بدون اتهام بالعلمنة وخل الحروب على جنب ..!
الكاريكاتير موب واقعي؟
إذا مو واقعي خلاص أنت صادق ..
أما إذا كان واقعي ,, وشو له الزعل؟ المفروض تصلحون الخطأ وتواجهون الهيئة
مو تهاجمون صاحب الكاريكاتير اللي ينتقد كثير من المؤسسات الحكومية وغيرها ..!!

على العموم ترى فيه صديق لي اسمه دمي .. أو سعود .. مضيع جواله
الله لا يوفقك ياللي سرقت جواله

إقتباس الرسالة الأصلية كتبت بواسطة مواصل من عام 1413هـ وما زلت أرجوا من الله أن يميتني قبل أن أراها.

خطاك السوء يابو سليم
وعن القضية لازالت الامور تبشر بالخير