تقرير: Jimmy Jump .. جيمي جمب ,, موضوع الشهر (تعال واستمتع واضحك ) الرجل الذي ألبس ميسي وفيدرير قبعته الحمراء
جيمي جمب ..
أو مايسمونه أهله بـ ( جيمي جمب )
ومايطلق عليه الإعلام اسم ( Jimmy Jump ) << اقول اخلص علينا
من لايعرف صآحب هذه الصورة في بطولة أمم أوروبا 2004 في البرتغال
هذا طال عمركم مشجع كورة قدم
قصدي مشجع تنس
لا لا أظنه مشجع بسباقات الفورملا
لا والله آسف مشجع بكورة القدم الأمريكيه
معليش والله مدري وش يشجع بس لاتلومون محدثكم
اذا كملتو الموضوع بتعرفون ليه قلت تسذا
(وفي رواية كذا
)
هذا مشجع مهب صاحي
ومن قوة ماهو مهب صاحي انهبل
ومن شدة الهبال اللي فيه صار مهب صاحي
باختصار
هذا مشجع بكل متسان تلقاه .قصدي بكل مكان تلقاه
شغلته الرئيسيه
يجي ومعه علم برشلونه
ويطب بالملعب
ويركض يركض يركض
الين يمسكونه رجال الأمن
ويجلدونه يجلدونه يجلدونه
الين يعاف الحياة .. وفي رواية , الين يتفل العافية
ومع أول لحظة يسترد فيها صحته وعافيته
وقدرته على القفز والركض
يشوف له مباراة وينط فيها ويركض يركض يركض
ويجون الأمن يجلدونه يجلدونه يجلدونه
وعلى هالحآلة
أبرز خصائصه
القبعه الحمراء التي يرتديها في جميع قفزاته
ومن خصائصه
لحيته ذهبيه
وصقعته تبلص
وسريع ابن الايه
لدرجة انه محد قدر يمسكه بدون خطرفه
الا صامويل ايتو
قبل الاصابه أما بعد اصابة ايتو ما اتوقع يقدر يلحقه
ويذكر المنفلوطي انه اكتسب لياقته وسرعته من كثر مايطآردونه هالأمن
يعني هذا اللي يقولون " الشغب الذي يولد اللياقه "
يعني بصراحة مجنـــــــون
وأنا والله ماكتبت فيه موضوع لسواد عيونه
ولا لشقار لحيته
ولا للمعان صلعته
كاتبه عشانه برشلونــــــي .. وهـ بس يالبرشلوني
طبعا الخبل
مايدخل الا بالمباريات القوية والجماهيريه
هنا استعراض لأشهر لقطاته مع تعليقات وتوضيحات بسيطة
هذي لقطتين له يوم يدخل بنهائي أمم أوروبا 2004
بالبرتغال
ورمى علم برشلونه على لويس فيجو
وتلاحظون أعزائي المتابعين قبعته الشهيره
الله يرجه
وهذي بنفس المباراة يوم خلص راح ونط (أي قفز
) بالمرمى
ونتيجتن (نتيجةً ) لذلك دخل خلفه عشر أشخاص إلى المرمى
وهنا العظيم جيمي
في ملعب مباراة << ماني متأكد وش المباراة ولا ودي اتفلسف عليكم ثمن يجي احد يفضحنا
وهذي هي لقطته بصورة كبيرة
والظاهر ان المباراة بين سويسرا وألمانيا
<< تراي قلت الظاهر لحد يجي يقول لاتتفلسف
وهنا يرمي قبعته الشهيرهـ على الحارس الأسباني رينا (حارس ليفربول)
في نهائي أبطال أوروبا بين ميلان والليفر
وعلى فكرة انتهى النهائي 2-1 للميلان
يحق لك يارينا
قبعة جيمي
فوق راسك
وهنا جيمي جمب في أحد مباريات أبطال أوروبا
محاطاً بأربعة من حراس الأمن
خآيفين يدخل الملعب
جيمي وش ذا يالخبل
ولا بودي قاردز
هنا جيمي يقفز في أحد مباريات البرسا
لكن ايتو ماعنده وقت
الظاهر كانو مهزومين أو متعادلين
جيمي يطير
في أحد مباريات الكرة الأمريكيه ( أو الرجبي)
جيمي يركض حاملا شعار البرسا في إحدى يديه
وقبعته اللعينه في اليد الأخرى
طبعا بعد مازلط اللحيه
الله يهديه
ويظهر رجل الأمن مدري الحكم يلحقه ويضحك
هنا يقلد ليونيل ميسي قبعته الشهيره
يالبيه يالقبعه
وهنا في نهائي رولان جاروس ( أمس)
يحاول يلبس المايسترو روجيهـ فيدرير
قبعته الحمراء
بس روجيه رفض .. خايف على الربطه والتسريحه
وهذا مقطع فيديو للحادثه
http://www.youtube.com/watch?v=_MSyi...layer_embedded
والآن مع مجموعة صور متنوعه من موقع جيمي جمب
أول من لبس هنري شعار البرشا
وتظهر الباروكه (الشعر) تميل للسقوط
والصلعه تويق
أي بدأت بالظهور
وهذا موقع جيمي
فيه عدة صور له في المباريات مع توثيق متى كانت هذه الصور
http://www.jimmyjump.com/cont/main.php?id=3
كاتب فيه اعلان هو ووجهه يقول ساعدو جيمي جمب ليستمر في القفز
وهذا مقطع فيديو يجمع لقطات عديدة لجيمي جمب
http://www.youtube.com/watch?v=p2p62Ha5C7Q طبعا هذا الموضوع من إعدادي حفظني الله ورعاني
ونزلته بقسم الكرة العالميه
لكن أهديه إلى أعضاء المجلس
كنوع من اللعانه
وسجلوني أول معجب بـ Jimmy Jump
أو ..سوبر جيمي
<< لعيون سويسرا
ولبى سويسرا ياجيمي جمب
وياروجيهـ فيدرير
فضفضه بسيطه :
من بداية الموضوع وأنا ودي أقول (الطاقية ) بدال القبعه بس يالله عشان البرستيج قلنا قبعه وعلى فكرة .. جاري البحث عن طاقية جيمي جمب اللي يحصلها يرسلها لي بالإيميل وكل الشكر لمتابعتكم للموضوع اتمنى اني استمتعت بإعداده
ولا أنتم ماعلي منكم
إلك >>