11/06/2009, 03:35 PM
|
زعيــم مميــز | | تاريخ التسجيل: 31/07/2005 المكان: مع الهلال
مشاركات: 3,421
| |
كل سنة متعودين على هالمواويل مع نهاية الموسم الرياضي وبنص الصيف
مشاريع عالمية بالتعاون مع الإتحاد الألماني والإيطالي
خطط علمية جديدة
تطويرات وتغيرات في اللجان
جدولة الدوري بشكل جديد
اجتماعات وقرارات هامة
كراسي الملز من العام وإلى هالسنة ماشفنا شيء ولا راح نشوف شيء
كل الي سووه ..كرسي واحد حتى مادري شلون حطوه الصراحه يفشل واصلا كرسي مب حق ملاعب
ثاني منجزاتهم الحفر الي بمضمار الملز ..قاموا يحفرون ويحوسون ويوم توهقوا فيها دفنوها بالتراب!
طبعا الكلام الي فوق والوعد والتطورات كلها في الاعلام عشان يوهمون الجميع أن هناك عمل كبير وأن هناك تطور ووالخ
وطبعا هذا الكلام لأننا نعرف أن للإتحاد السعودي ميزانية سنوية ولازم يكون هناك عمل وهم عملهم بالاعلام فقط..
اما على ارض الواقع مافيه الاقوة لهــط ..
يعني وش التطور الي شفناه بآخر 20 سنة..
لا ملاعب ولا نظام ولا منشآت ..
آخر ملعب بني كان قبل 22 سنة !!
ملاعبنا فضيحة ..لها 30 و 40 سنة
حتى سوريا بنوا ملعب ممتاز كلف 80 مليون فقط..
الإتحاد السعودي طلب 10 مليار لبناء استاد الملك عبدالله
10 مليار !!
هذي ابني فيها 10 ملاعب من افضل ملاعب العالم
نشوف دولة قطر دولة خليجية مجاوره
في سنتين ونص بنوا ورمموا أكثر من 8 ملاعب
منها ملعب السد , ملعب الغرافة , ملعب الريان , ملعب العربي , ملعب الوكرة ,ملعب خليفه الدولي,
اكاديمية سباير العالمية , عيادات طبية عالمية , مباني ومنشآت هي الأفضل في الشرق الأوسط وتنافس الأندية العالمية ..
يعني حنا نجي الملعب نلاقي سوء تنظيم من العساكر واذا دخلت تجلس على صبة واذا دخلت ماتطلع الخدمات سيئة جدا ..
بينما قطر ملاعب مكيفه للجمهور واللاعبين درجة الحرارة داخل الملعب 26 ...بينما خارج الملعب 45 !!
هذا هو العمل هذا هو الإخلاص هذه هي الذمة وهذا هو الضمير!
وبالأخير يطلعون بالاعلام سلطان الرياضة وطور رياضتنا وسوالنا نقلة نوعية !!
عموماَ كل سنة بنسمع هالكلام ولاراح يتغير أي شي دام نفس الأشخاص موجودين..
لكن ما اقول غير
حسبي الله ونعم الوكيل ,حسبي الله ونعم الوكيل |