عزيز ورادي كلهم فيهم البركه


عزيز لاعب صلب مقاتل ومدافع .. لا يمكن الهلال يستغني عنه


لاعب قوي ومو من حركه كرهناه ونسينااا كل السنين اللي مضت


لا تنسووا خالد عزيز على شي ما يستاهل ويمكن كان عفوي !!










,

والله انك صادق بالنسبة للأمير عبدالرحمن بن مساعد
فهو مع كل تصريح يدق في خالد عزيز
حتى مع حواره في برنامج صدى الملاعب خارج الرياضة قعد يدق في خالد عزيز ...

وهذا الشي رح يفقدنا لاعب كبير مثل خالد عزيز

كلهم مزاجيين وحقين " كروت " ..!!

الله يعين بس !

اول شي حاب اشكر جميع اللي ردوا بدون استثناء
ولي تعليق على بعض الردود

===

اللي يقولي مو وقته
ابساله متى وقته ..؟!
يعني الحين مو وقته
واذا بدا الدوري مو وقته واذا انتصف مو وقته واذا انتهى وقته اجل متى ...!!

اما اللي يقول عزيز مستواه سيء فلا تعليق


اما اللي يقول انه كان لعب ام صلال دفاعي ابي اساله طيب وش دخلها ذي ..؟
واذا عزيز في وقت مبكر فرادوي في خلاصة المباراة ونهايتها

اما عن طلق الرصاص والموت
فعلى قولتك كلهم اطلقوا رصاص
لكن القاضي هنا اختلف .....!!!
اما عن بعد كوزمين فهو فعلاً تكسير وخشونة ولعب غلط

اما عن الـثر فهو ماجا الا علشان كوزمين والفلوس وهو مايعرف يتكلم انقلييزي يعني ماعنده الا المترجم ..!

بس ودي اسال وش دخل التسجيل في مستوى رادوي

اما اللي يقول رادوي بحث عن الكورة
فمو كذا يتم البحث عنها
يقدر ياخذها بطريقة احترافية زي ماهو مطلوب منه

واللي يقول خذلنا
ابقول بإيش خذلنا ..؟!
نسيت كل تاريخه ..؟!


اما الردود الباقية بصراحة فماودي اعلق لان يمكن يكون كلامهم صح يعني مثلاُ اللي يقول انه خلي يتهور حبيته او شي زي كذا وباقي الردود يمكن اكون معهم
ويمكن ما اختلف معهم ولو انها وجهات نظر وبعضها اختلف معها

اما الردود اللي تحتاج تعليق فهم للاسف خلوني ارد وكأني أكره رادوي ..!

وانا بالعكس محب لرادوي وقلتها لاتخلوا حبنا له يعمينا عنه ..!



وشكراً مرة ثانية على ردودكم

اخوي المشرف الزعيم تحياتي لك
اما بخصوص خالد عزيز هناك حمله ضده ولازم نوقف ضدها مثل ماوقفنا مع ياسر
اما بخصوص رادوي فلله دره يكفي منه الروح القتاليه وكانه مولود بالهلال عكس لاعبينا السعوديين وانتم فاهمين من اقصد واللقطه اللي انت عارضها لنا اشفت غليلي في ذيك المباراه لمى تعرض له لاعبين الهلال وناتجه عن عزيمة واصرار اللاعب على الاداء الرجولي المقنع تماما .ومن اللقطه المعروضه خفت المداخلات الخشنه على لاعبين.
و تقبل مروووووووووري

اخوك(MAXYY)

هههههههههههههههههههههههههههههههههههههههههههههههههههههههههههههههههههههههههههههههههههه


الله يرجك قسم بالله يابطني تحجر من الضحك

عمر الغامدي مايسترو ههههههههههههههههههههههههههههههههههههههههه



قسم بالله انك ماتفهم كوره والله لو الغامدي في فريق غير الهلال كان شاتوه شوت برا النادي

مشكوووووور على الموضوع الرائع

أخوووي الغاااالي خااالد عزيز أخطأ و خصم من راتبه و أنتهت الساااالفة ....


أما رااادوي قصة ثاااانية ....


وش دخل رااادوي بخااالد عزيز ؟؟؟


خالد لاعب مخلص و غلطة ما راح تأثر عليه أذا سلم من تكرااار الساااالفة هذي ....


يعني المفروووض الجمهووور الهلالي ينسى الساااالفة برمتها ....
لا تفتحووون الموضوعه من جديد ....

رادوي لبى قلبه نسانا عزيــز اللي للاسف خذلنـا

إقتباس الرسالة الأصلية كتبت بواسطة meme192008 اقل شي ضربة رادوي ماطلعت الاعب مصاب وكان متحمس اما خالد عزيز سوى حركه مالها داعي ابدا ابدا ولا اتهمه انهم رشوه وما الى ذلك فعزيز اكبر من تلك الاشياء التافهه ولكنه غلط واي غلط غلطه ولكن المسامح كريم وسامحناه ورجاء لاتقارن عزيز برادوي لان كل واحد افضل من الاخر وكلهم نجوم من فئة خمسة نجوم اختكم ميمي *تعلمت ان الشجرة المثمره هي التي يهاجمها الناس

بصراحه مافي وجه مقارنه

وشكرااا

كلبوهم يلعبون لدى الهلال


وشكرا

عزيـــز انتهى للاسف و مستحيل يناول كويس

يعطيك العافيــة.

ومو انا ولا انت اللي نقيم خالد ولا رادوي التاريخ يقيمهم

رادوي احسن من عزيز والغامدي بــ10 مراااااات

إقتباس الرسالة الأصلية كتبت بواسطة الزعيييييييييييييييم اما اللي يقول انه كان لعب ام صلال دفاعي ابي اساله طيب وش دخلها ذي ..؟ واذا عزيز في وقت مبكر فرادوي في خلاصة المباراة ونهايتها

مادري أنت شلون فاهمها ... أم صلال جايك وهو يبي يوصلها لضربات الترجيح، والدليل أنه يلعب بكل لعيبته في الخلف، لما ينطرد "محور" وقتها هل بتحس بفرق زي لما ينطرد قدام فريق مثل "الاتحاد" علماً أنه وبفرصتين جايك يضغط وهو في أرضك؟!

استوعبت وش "دخلها ذي"؟

إقتباس الرسالة الأصلية كتبت بواسطة الزعيييييييييييييييم اما عن طلق الرصاص والموت فعلى قولتك كلهم اطلقوا رصاص لكن القاضي هنا اختلف .....!!!

طيب؟!

تبي تعاقب اللي ما "رصاصته" ما أصابت بنفس عقوبة اللي "رصاصته" أردت الضحية؟

ذي ما يبيلها قانون ولا شريعة ياخوي، ولا حتى تطالع Law & Order، اسأل أبو خمس سنين ويقول لك أن عقوبة "اللي رصاصته ما أصابت" أخف وتكفي معاقبته لشروعه والتآمر على القتل!

إقتباس الرسالة الأصلية كتبت بواسطة الزعيييييييييييييييم اما عن بعد كوزمين فهو فعلاً تكسير وخشونة ولعب غلط

تابعت يورو 2008؟ ولا تقول لي "وش دخلها!".

إقتباس الرسالة الأصلية كتبت بواسطة الزعيييييييييييييييم اما عن الـثر فهو ماجا الا علشان كوزمين والفلوس وهو مايعرف يتكلم انقلييزي يعني ماعنده الا المترجم ..!

أجل تبيه يقول "أنا عاشق للهلال منذ الصغر" ... ؟

ما فيه لاعب يجي إلا للفلوس، وأنا معك في أن وجود كوزمن شجعه يجي، لكن ما كان عامل بذيك الدرجة من الأهمية مثل ما أنت وغيرك يصوره، وإلا على كذا ما كان قيمة التعاقد معه هي الأغلى في تاريخ رومانيا!

إقتباس الرسالة الأصلية كتبت بواسطة الزعيييييييييييييييم بس ودي اسال وش دخل التسجيل في مستوى رادوي

أنا أدري عنك؟ على أي أساس قلت أن مباراته اللي قدام النصر كان آداءه فيها هو الأفضل؟ (أفضل من باختكور على كلامك)

يا أنه عشانه سجل، أو أن عندك معيار معين لتقييم المحاور ما ندري عنه!