المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 03/06/2009, 11:07 PM
الصورة الرمزية الخاصة بـ hassan007
زعيــم نشيــط
تاريخ التسجيل: 19/10/2007
مشاركات: 673
ياسمو الأمير ...ياجمهور الهلال...يالعيبة الهلال...تبغون تعرفون ليه جمهور الرياض ما يحضر؟؟؟((هنا بعض الأسباب))

السلام عليكم ورحمة الله وبركاته,,,
بعد انقطاع طويل عن الكتابة<<<وش عنده صالح السليمان
رجعت..المهم يا شباب....
الموسم هذا زي ما يقولون ((حظنا أقرد))..لكن لا تنسون لو فريق ثاني غير الهلال صار له اللي صار للهلال والله كان راح فيها ..
بس الحمد لله تجاوزنا الظروف بأقل الخسائر..ولو إن خروجنا من الآسيويه كان صدمه بكل المقاييس...لكن((الحمد لله ..الحمد لله))
المهم...اليوم تسمعت لجميع تصاريح الأمير الشاعر شبيه الريح
من بداية الموسم...أبغى أعرف وش في قلب هالأنسان ..تتوقعون وش حصلت فيه..؟؟ الجواب ما يبيلها ((حب وعشق وجنون لشئ اسمه الهلال وجمهور الهلال))....لكن..
أكثر شئ شدني في تصريحاته هو عتبه على الجمهور وبالذات جمهور الرياض
جمهور الرياض وأنا واحد منهم...قصر في بعض المباريات بصراحة..لكن والله العظيم أنا وأعوذ بالله من كلمة أنا..لو فيه جائزة لأكثر واحد حضر الموسم هذا لنافست على الجائزة..وفيه ناس كثيرين أعرفهم بأشكالهم..والله دائما أقابلهم وحفظت أشكالهم من كثر ما قابلتهم .......
لكن..يا سمو الأمير ويا جمهور الهلال العظيم ..وزي ما يقولون ((أهل مكة أدرى بشعابها))أنا راح أفند أهم المشاكل اللي تواجه جمهور الهلال..
أولا:اذا بتروح الملعب وبالذات أستاد الملك فهد ينبغى عليك فعل ما يلي...تعبي بنزين فل وتغير زيت للسيارة وتدعي دعاء السفر وتودع أهلك..والله بعيد بعيد وأتكلم عن نفسي يمكن حوالي 40 كيلولا وأجي مع خريص يعني أوووووم الزحمة.
ثانيا:اذا بتروح الملعب ينبغى فعل ما يلي ..كرامتك تخليها في بيتكم وتسبدلها بالبلادة...لأن بيجيك جندي منتف ويمزع فيك الين تقول بس..وعسكر والله ما يفهمون بالأخلاق الا اسمها..
ثالثا:اذا بتروح للملعب يبغى فعل ما يلي..تتغدى في بيتكم وبعد الغدا تتغدا وبعد ما تتغدا تتغدا واذا صليت العصر تنقنق من بيت الشوايه والا الناضج والا الخرابيط هذي ..لأن ما قدامك في الملعب الا فطيرة منتهيه صلاحيتها وبيبسي حااروموية تحس أن مكتوب عليها وجبة أطفال.
رابعا:ما تحسون إن يوم الاربعا والخميس دائما فاضي ..والمباريات ما يرصونها الا في نص الأسبوع..يعني زي اللي يقول ..أتحداك تورينا شطارتك وتورينا عشقك لناديك بأنك تخلي الدراسة وتحضر للملعب....والله مسخرة.
خامسا:وهذي الحاجه ما يعرفها الأ اللي دايم يحضر وهي إنك بعد المباراة تجلس في الشوارع اللي حول الملعب وعند دوارت جابر حوالي ساعتين عشان تطلع..والله تنظيم صفر...والله سيارته عادي والله راحت عليه ..أنواع الشد العضلي في رجله اليسرى.
سادسا:اللعيبة ما عندهم تفاعل مع الجمهور ..والله يصفقون للجمهور كم تصفيقة وبس ..واذا سجلوا هدف يروحون يفرحون بلحالهم عند الركنية...يعني ذا الجمهور كله ما له عندك أي احترام
أقسم بالله الشئ هذا من أكثر الأسباب اللي أشوفها في عزوف جمهور الهلال..لعيبة الهلال يسلكون للجمهور وبس..ياخي شوف لعيبة الأتحاد والأهلي والشباب..اللاعب يسجل هدف سيدا عند الجمهور....أما عندنا خليها على ربك
............................................................
وعلى فكرة الموضوع هذا كنت بكتبه في نص الموسم ..بس خفت يقولون عني مثبط ومن ذا الك
وهذي بس أهم الاسباب اللي جات في خاطري الحين ..وأكيد بعض الشباب عندهم أزود من كذا..
لام...

وسلامتكم,,,,
أخوكم/حسن.
اضافة رد مع اقتباس
  #2  
قديم 03/06/2009, 11:23 PM
زعيــم مميــز
تاريخ التسجيل: 10/12/2007
المكان: نادي الهلال
مشاركات: 2,343
والله وانا اخوك حنا نجي من اكثر من350 كيلو في المباريات الهامة وماعمرنا اعترضنا
اما تعامل العسكر فمع احترامي لهم حتى اللي بالشارع يكلمك من راس خشمه كانه وزير وهو سلتوح لا راح ولاجاء يعني مستحملينهم برى الملاعب وداخله
اما الملاعب فملاعبنا صبات ومع ذلك نتحمل ومافيها الا فصفص وماء حار

الخلاصة هي متى ماودنا نجي جينا ايا كانت الاسباب
اضافة رد مع اقتباس
  #3  
قديم 03/06/2009, 11:26 PM
الصورة الرمزية الخاصة بـ hassan007
زعيــم نشيــط
تاريخ التسجيل: 19/10/2007
مشاركات: 673
إقتباس
الرسالة الأصلية كتبت بواسطة هلالي وهبي
والله وانا اخوك حنا نجي من اكثر من350 كيلو في المباريات الهامة وماعمرنا اعترضنا
اما تعامل العسكر فمع احترامي لهم حتى اللي بالشارع يكلمك من راس خشمه كانه وزير وهو سلتوح لا راح ولاجاء يعني مستحملينهم برى الملاعب وداخله
اما الملاعب فملاعبنا صبات ومع ذلك نتحمل ومافيها الا فصفص وماء حار

الخلاصة هي متى ماودنا نجي جينا ايا كانت الاسباب

هلالي وهبي ..مشكور على مرورك يا غالي...
لكن لي تعقيب أنت اذا جيت من 350 كيلو تجي مرة وحدة والا مرتين....
لكن اللي يحضر تقريبا حوالي 20 مباراة وش يكون وضعه...
اضافة رد مع اقتباس
  #4  
قديم 03/06/2009, 11:33 PM
sm. sm. غير متواجد حالياً
موقوف
تاريخ التسجيل: 15/05/2008
مشاركات: 69
والي دايم يحضر المبارات وفي المنصه بعد

يعني صرفت اكثر من 0000ماودي اقول بس عليك الحساب كل مباراه 300

كله لعيون الزعيم
اضافة رد مع اقتباس
  #5  
قديم 03/06/2009, 11:44 PM
زعيــم مميــز
تاريخ التسجيل: 28/09/2004
المكان: الرياض
مشاركات: 5,619
إقتباس
الرسالة الأصلية كتبت بواسطة sm.
والي دايم يحضر المبارات وفي المنصه بعد

يعني صرفت اكثر من 0000ماودي اقول بس عليك الحساب كل مباراه 300

كله لعيون الزعيم


بالله وش فايدة الحضور .. إذا حضرتها بالمنصه .. ما لها طعم ولا ..؟؟؟؟

لأن في الجهه المقابله لك تشوف الحماس .. و التشجيع ..
اضافة رد مع اقتباس
  #6  
قديم 03/06/2009, 11:31 PM
زعيــم مميــز
تاريخ التسجيل: 28/09/2004
المكان: الرياض
مشاركات: 5,619
و الله يا حسن .. إن هذي المشاكل الي تقولها كان ما تهمنا إذا الفريق يلعب ..

أما إني أتحمل كل الي تقوله و بالأخير أنهزم .. أقسم بالله حرام ..

و المستوى هو الي يحدد كل شي ..
اضافة رد مع اقتباس
  #7  
قديم 03/06/2009, 11:50 PM
زعيــم متألــق
تاريخ التسجيل: 23/10/2004
المكان: الــقــصـــيم
مشاركات: 1,459
مانقدر نقول شي

لكن نحاول نحضر اكثر واكثر
اضافة رد مع اقتباس
  #8  
قديم 04/06/2009, 12:14 AM
زعيــم مميــز
تاريخ التسجيل: 15/02/2005
المكان: الرياض
مشاركات: 1,836
والله شف وانا اخوك كل الامور اللي قلتها نقدر نتحملها وكلها لعيون الزعيم

لكن انك تحضر ويرتفع ضغطك ويطلع في راسك الشيب وفي الاخير تنهزم ولا تفوز باخر الدقايق قهر


اذا كان فيه مستوى ولعب هجومي انا اقولك ابشر بالحضور وفي مباراة عادية انا اضمنلك الواجهة فل
اضافة رد مع اقتباس
  #9  
قديم 04/06/2009, 01:24 AM
زعيــم متواصــل
تاريخ التسجيل: 01/10/2008
المكان: الرياض \\
مشاركات: 180
وربي موضوع على الجرح

أأأأأليم


واذا نويت أحضر أي مباراة بودع أهلي وأخذ أغراضي وأغيب عن المدرسه ثاني يوم من التعب .؟؟

على فكرة أنا من جمهور الرياض وحضرة 70% من مباريات الهلال اللي بالرياض .



طرح راقي ومبدع وفكاهي .
اضافة رد مع اقتباس
  #10  
قديم 04/06/2009, 04:36 AM
زعيــم فعــال
تاريخ التسجيل: 04/09/2008
المكان: الشرقيه
مشاركات: 269
معقوله يا جمهور العاصمه
معقوله هذي معاناتكم!!!!!!!!!!!!!!1
الحمدلله استاد الامير محمد بن فهد ارحم من كذا
يعني فيه شوي تنظيم
الله يعينكم
وتحملو علشان الزعيم
اضافة رد مع اقتباس
  #11  
قديم 04/06/2009, 04:44 AM
زعيــم متألــق
تاريخ التسجيل: 06/03/2008
المكان: ஜਊ قــلـــب الــوالــدهـ ਊஜ
مشاركات: 1,136
ان شاء الله ابتداً من الموسم القادم سيكون للرقم الصعب حضور قوي من اول مباراه الى آخر مباراه


يجب ان نكون يداً واحده ونشجع اللاعبين والاداره
اضافة رد مع اقتباس
  #12  
قديم 04/06/2009, 05:03 AM
الصورة الرمزية الخاصة بـ غيـَث
زعيــم مميــز
تاريخ التسجيل: 02/05/2007
المكان: هنــآك ..!
مشاركات: 2,193
^


اتفق معك ..


وهو انه يكون فيه شركات غذائيه ويكون فيه منافسه فيما بينها

مع ترقيم الكراسي ..


والأمر الأهم ..

هو ان اللاعب يعرف قيمة الجمهور واهميته
لدرجه اكبر من اللاعب نفسه ..

اذا عرف اللاعب هالشي وان الجمهور مو مجرد انه يحضر ويجلس
في المدرج .. ولا يشوف الجمهور الا بس حق نقد ..

ولكم في سامي خير مثال في حب الجمهور
وهذا السبب اللي خلا سامي محبوب للجمهور من غير طبعاً اخلاصه
وادائه للفريق ..
اضافة رد مع اقتباس
  #13  
قديم 04/06/2009, 04:59 AM
زعيــم متواصــل
تاريخ التسجيل: 18/10/2008
مشاركات: 82
أخوي أشكرك على موضوعك .. ولو بتكلم عن تنظيم الإستاد ما أخلص ولا بعد شهر .. شف بصراحه الإستاد يحتاج إلى شي مهم جدا :

تقديم خدمات للجمهور .. مثل : مياه بارده ووجبات جيدة وترتيب عند منافذ بيع الأطعمه .

أما الباقي مثل الزحمة وغيرها عادي .. مقدور عليها ..



أما من ناحية اللاعبين فأنا أتفق معك 100% .. فعلا ياخي شي يقهر .. تحضر وتساند بالأخير يجيك اللاعب يصفق من دون نفس حتى مايناظر للجمهور .. ( يعني تسكيته بس ) ..

والله لو اللاعبين يظهرون لو القليل من الحب والإحترام للجمهور كان تلقون الجمهور مليان حتى بالمباريات العادية .. ويمكن أنتم تشوفون هذا أمر بسيط وممكن تقولون هذا مو مهم .. لكن بضرب لكم مثال بسيط ..

أنت رحت لعزيمة وتلقى الناس اللي بالعزيمة يسلمون عليك بدون نفس .. هل تفكر تروح لهم مرة ثانية ؟ .. وإن رحت تكون بدون نفس ..

عكس لما يرحبون فيك ويبادلونك الحب والإحترام .. تلقى نفسك تروحلهم مرة ثانية وثالثة وعاشرة وإنت مبسوط .. وتتحمس للروحة ..


هذا مجرد مثال بسيط عشان يقرب الصورة بين المشجع الهلالي وبعض اللاعبين الهلاليين اللي أعتبر فيهم بعض الغرور ..


وآسفين ع الإطالة ..
اضافة رد مع اقتباس
  #14  
قديم 04/06/2009, 05:13 AM
الصورة الرمزية الخاصة بـ يأس من جور الزعامه
زعيــم نشيــط
تاريخ التسجيل: 01/08/2007
المكان: الرياض
مشاركات: 875
اخوي حسن ..

كل الي نتمناه من الجمهور ... او ان يلتفلت الى جميع القوانين في الملعب وخارجه ..

اذا اردت ان العسكري يحترمك عليك احترامه .. واذا فتشك خل يسوي الي يسوي ..


مو تسوي فيها قوي وتقوله لاتلمس ومدري ايش .. لأنه بيستحي على وجهه اذا شاف رجل محترم وربي مايقوله شي ..

لابد ان تعي انه هناك حسيب فاغلب الي مايحضرون هم يخافون على عيالهم من ( اللوطيه ) اكرمك الله ..

اغلبهم جاي عشان ( يكحل للأسف ) ..

فتحصله يقول اخلي ولدي يشوفها في البيت اصرف له واصرف لي ... غير الي مايستحون ويدخلون يدهم في جيبك وانت متحمس وهب يامحفظه وهب ياجوال ..

عموماً لايوجد مشكله الا ولها حل باذن الله الاداره تنضر الى هذه النقاط ..

اشكرك اخوي حسن ... انت معك حق في كلامك ولكن حبيت اعلق مافي خاطري ... جست لايك ذات ..

اضافة رد مع اقتباس
  #15  
قديم 04/06/2009, 05:13 AM
الصورة الرمزية الخاصة بـ alzaeem-only
زعيــم مميــز
تاريخ التسجيل: 31/07/2006
المكان: JAZAN
مشاركات: 3,836
موضوع جميع يوضح نقاط مهمه

إقتباس
لكن لا تنسون لو فريق ثاني غير الهلال صار له اللي صار للهلال والله كان راح فيها

اولا الحمد لله على كل حال ولا نفكر بان الهلال ماقدم شي هذا الموسم لا قدم وقدم وصارع على كل البطولات
وزي ماقلت انه لو فريق اخر كان ماصمد للظروف اللي واجهة الهلال وهذا من فضل ربي

إقتباس
أنا واحد منهم...قصر في بعض المباريات بصراحة..لكن والله العظيم أنا وأعوذ بالله من كلمة أنا..لو فيه جائزة لأكثر واحد حضر الموسم هذا لنافست على الجائزة

كفو والله هذا مانتمناه منك ومن شرواك يالغالي والله يعينك على مشوار الملعب لكن لعيون الزعين يهون كل شيئ والله

إقتباس
أولا:اذا بتروح الملعب وبالذات أستاد الملك فهد ينبغى عليك فعل ما يلي...تعبي بنزين فل وتغير زيت للسيارة وتدعي دعاء السفر وتودع أهلك..والله بعيد بعيد وأتكلم عن نفسي يمكن حوالي 40 كيلولا وأجي مع خريص يعني أوووووم الزحمة.

هههههههه والله من جد انت ناوي تسافر والله الاستاد بعيد من جد
وشوف الملاعب الاوروبيه في وسط المدن يعني الواحد يجي يمشي والملاعب الاوربيه قبل المباراة بنصف ساعه يمتلي يعني مو لازم
يجي من الظهر

إقتباس
ثانيا:اذا بتروح الملعب ينبغى فعل ما يلي ..كرامتك تخليها في بيتكم وتسبدلها بالبلادة...لأن بيجيك جندي منتف ويمزع فيك الين تقول بس..وعسكر والله ما يفهمون بالأخلاق الا اسمها..

والله في هذي النقطه عندك حق لكن انتم يا اهل الرياض بعد مشواركم للملعب الواحد مايبغى ذبانه تمر من عنده

إقتباس
ثالثا:اذا بتروح للملعب يبغى فعل ما يلي..تتغدى في بيتكم وبعد الغدا تتغدا وبعد ما تتغدا تتغدا واذا صليت العصر تنقنق من بيت الشوايه والا الناضج والا الخرابيط هذي ..لأن ما قدامك في الملعب الا فطيرة منتهيه صلاحيتها وبيبسي حااروموية تحس أن مكتوب عليها وجبة أطفال

ماتلامون من الظهريه وانتم بالملعب الواحد يبغاله يتغدى ويتعشى وينقنق وتصبيره ..... الخ

وفي الاخير اتمنى بان ينشؤن استاد للهلال في اقرب وقت ويكون قريب من الكل
انا اشوف جمهور الرياض يملئ الملز اكثر من استاد الملك فهد لانه قريب
وشكرا لك على توضيح النقاط المهمه
وشكرا
اضافة رد مع اقتباس
   


إضافة رد


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:22 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube