الشباب صاروا يخافون من إبداء أرائهم بصراحة حتى لا يقال عنهم مندسين

يا شيخ رووووووووح والله أنك من أحسن من كتب في هالقضية!

ذا الكلام الموزون، مو تهديد بالويل والثبور بدون إرفاق المبررات (مثل أخونا الليبي في رده السابق) وكأن الهلال ما كان متصدر نصف الدوري وطارق حبيس الدكة هذا الموسم!

ثم سالفة أنه أخذ ثاني أفضل لاعب، يعني بالعقل بالله، لا جبناها احصائياً، هل بيكون أفضل صانع لعب؟ أفضل هداف؟ إلى الآن آلية التقييم غير معروفة، وإذا بتقولون أنه من النوع اللي "يحسمها لك"، فتراه صنع في الدوري 5 أهداف في 4 مباريات، بينما العنبر صانع 4 ومسجل أكثر!

وإلا لازم العنبر يسويها وهو يطالع فوق وإلا ورا عشان ينقال "المبدع، اللي يخلصها لك، اللي علمنا عشق الكرة، ... إلخ"؟

تقول لهم ويلهامسن والفريدي صنعوا أهدف أكثر، حتى العنبر ينافس التايب في صناعة الأهداف، يقول لك: وش ذنب التايب إذا ما عنده مهاجم يخلصها؟

بهالمنطق السقيم، بأقول: وش ذنب سول اللي حتى في مباراة أم صلال جهز كور أفضل من اللي جهزها التايب طول المباراة ولا أحد خلصها؟

رقمياً التايب ليس بأفضل صانع لعب في الهلال حالياً، وليس بالهداف، وما يجي في قائمة أفضل ثلاث محترفين حالياً في الدوري.

وغثونا يا أخي بسالفة "اعتزل دولياً" أو "فضل الهلال على غيره من الأندية" وكأن الولد أبو 21 سنة وجاي للوطني وإلا أبها، مو لأحد أقوى الأندية في المنطقة!

قالوا ايش، ناكرين للعشرة، وكأن سيارته وبيته تحويشة عمر ومو من اللي حصله في النادي!

التايب تاريخه مع الهلال كله كعوب وكباري اما حسم فلا والف لا
لم يحسم اي مباراة مهمة للهلال اي تأتي ببطولة

شكرا لك .. موضوع مميز .. و أتمنى حقيقة التجديد في جميع اللاعبين الأجانب و ليس فقط التايب .

ابغى اوجهلك سؤال من الذي وضع العنبر على قائمة الهدفين ؟؟

محمد الدعيع هههههههههههههه

اما التايب كل تمريراته خطأ قوية مررررررررة

قول انك تبي ابو شروان لا تقعد تقارن بين طارق وابو شروان

ابو شروان يريد ان يسجل وطارق يريد الجميع يسجل
- - - - - - - - - - - - - - - - - - - - - - - - - - - - - - - -

ونيفيز لاعب كبير لاكن مثل طارق متلقى هـااا الايــام

انت وضميركــ ...

هاذي وجهة نظر تعبر عن كاتبها

شكرا على طرحك الراقي

كلنــــــــــــــــــــــــــــا لاجل الهـــــــــــــــــــــــــــــــــــلال والهلال فقط

الحمدلله أنه ليس لكم السلطه في تحديد مصير نادي الهلال

فأنــتـــــم مــتــــــنـــــــــــــاااااااااااقــــــــضــــــــون

فيستريح الجميع (احسن ثانى لاعب فى الموسم الرياضى السعودى) هو المفاجاة الاكبر فى صفقات الزمالك المصرى حسب تصريح (ممدوح عباس رئس النادى ) والزمالك حاول السنة الماضية سيكسب الجولة هذه السنة فليستريح جمهور المنتديات
بالتوفيق للثائب اذا تمت الصفقة وبالتوفيق للهلال الكبير

طـارق لـم يـ ع ـد طـارق ( 2008 / 2007 )
تـ غ ـيـر مـسـتـواهـ 180ًًَُ درجـة مـئـويـة
يـعـنـي كـ ف ـى و وفـى ..
وأنـآ بـصـراحـة أول الـمـؤيـديـن بـرحـيـلـه

إقتباس الرسالة الأصلية كتبت بواسطة زعيم القوه هذا هو ابغى اوجهلك سؤال من الذي وضع العنبر على قائمة الهدفين ؟؟ محمد الدعيع هههههههههههههه اما التايب كل تمريراته خطأ قوية مررررررررة قول انك تبي ابو شروان لا تقعد تقارن بين طارق وابو شروان ابو شروان يريد ان يسجل وطارق يريد الجميع يسجل - - - - - - - - - - - - - - - - - - - - - - - - - - - - - - - - ونيفيز لاعب كبير لاكن مثل طارق متلقى هـااا الايــام انت وضميركــ ... هاذي وجهة نظر تعبر عن كاتبها

العنبر ياخي تسع أهداف، ما صنع له التايب إلا ثلاثة في مبارتين فقط ... شلون تقول أنه حطه على قائمة الهدافين؟!

يلعن أم الحالة ... خمس أهداف صنعها، قال كور أنت وضميرك!

ترى العنبر صانع 4 أهداف!

وأبو شروان تراه اللي صنع الهدف اللي ضيّع عليك درع الدوري ... قال ايش، قال يبي يسجل وبس، والتايب يبي الكل يسجل!

هههههههه يا زمان العجايب والله، قال كور أنت وضميرك.

إقتباس الرسالة الأصلية كتبت بواسطة سم الهلال أي أخلاق سعودية !!! هل هي أخلاق سلطان بن فهد ... عموماً طارق لاعب كبير وفنان وصانع لعب عالمي جدد معه الهلال ( وهذا مانتمناه ) أو لم يجدد

يعطيك العافية على الطرح
اما طارق فيضل نجم امتعنا واطربنا يوما من الايام

موضوع ما ادري وش يبي




الا طـــــــــــــــــــــــــــــارق


وطارق لايحتاج تقييمك يا كابيللو

إقتباس الرسالة الأصلية كتبت بواسطة YASSER_O أتمنى من الجميع قراءة الرد ..!! أنا أحترم وجهة نظرك ,, لكن بقول لك حاجه..!! أنت بكلامك هذا كأنك تقول إن طارق مايلعب للهلال طوال الفتره اللي لعبها ..!! بل إنه يلعب لنفسه ..!! إنت يمكن زعلان من ظياع ركلة الجزاء اللي البعض أطلق على طارق إنه استهتر بركلة الجزاء وظيعها ..!! طارق أساساً ما يلعب أي ركلة جزاء إلا بالطريقه هذي ... طيب يا أخي محمد الشلهوب ظيع هل كان متعمد أو أستهتر فيها ؟؟؟ ثاني شي ... أنت تقول ما الذي قدمه طارق خلال هذا الموسم ..!! طارق أصلا ما لعب الموسم كامل مع الهلآل .. ومع ذلك يا عزيزي حقق ثاني أفضل لاعب صح ولا أنا غلطان ..؟؟ وطارق ومثل ما الكل عارف وملاحظ إنه شايل الوسط الهلآلي بالكامل .. وأنت ذكرت في موضوعك إن طارق كان يمرر خطأ أكثر من ما يمرر صح ..!! طيب هو أصلا فيه أحد يموّل المهاجمين بالكرات غير التايب ..!؟ وأنا أخالفك تماماً يوم تقول خلوا طارق يرحل .. يا أخي جينينيو البرازيلي لاعب ليون أكبر من طارق وما زال يلعب في الدوري الفرنسي..! حقيقة .. أنا أتمنى بقاء طارق .. لأن طارق لديه ما يقدمه للهلآل .. ولاعب مميز جداً ,, والكل شهد له خلال هذا الموسم ..!! بإنه صانع العجائب ..!! وإن رحل لا قدر الله فسيبقى في ذاكرتنا ..!!

الاحترام متبادل ان شاء الله ..

من قال اني قلت هالشي ..؟! ممكن ما اتفق مع لعب التايب وهو الميل الى اللعب الفردي .. لاكن ما قلت التايب ما لعب للهلال ..؟!
الموسم هذا والمواسم السابقه التايب يلعب لنفسه بمعنى يبحث عن تصفيق الجماهير للعباته والبحث عن التمريره الصعبه عشان الجمهور يصفق له في حال نجاحها وان التايب خارق للعاده ..؟! لاكن التايب سابقاً كان ينجح لان الاغلبيه ما تعرف لعباته .. لاكن في هذا الموسم تحديداً لم ينجح التايب لان الاغلبيه حفظ لعبه وطريقته في التمريرات والدليل البلنتي الاخير امام حارس ام صلال لم تنطلي عليه خدعة العيون اللي يسويها التايب واتجه للكره ..
التايب هذا الموسم لم يقدم شي يذكر ..
طارق يلعب بالطريقه هذي انا اعتبرها استهتار منه .. لانه بهذي الطريقه ما وضع الكوره في المكان الصحيح .. كانت قريبه من الحارس ..
الشلهوب ما التفت يمين وشات الكوره يسار وطلعت برى ..؟! او ردها الحارس ..

سبحان الله انت ترد على نفسك يوم تقول التايب ما لعب الموسم كامل .. يعني الموسم القادم التايب بيلعب الموسم كامل ..؟! يكفيك 75 يوم من الموسم رايحه في الايقاف ..؟!

اما تحقيقه ثاني افضل لاعب ..؟! صحيح هو حققها لاكن الواقع يقول ليس في الدوري السعودي محترفين هجوميين او في خط الوسط افضل من محترفين الهلال والاتحاد والشباب .. لاكن الاغلبيه رشحت التايب عشان مهاراته .. والا الواقع يقول كماتشو وابو شروان هم الافضل والاكثر خدمه للفريق .. ويجي بعدهم البرنس تاجو و رادوي وويلي .. ثم ياتي التايب بعد هذولي كلم .. لاكن الترشيحات عندنا حطت احمد عطيف افضل لاعب واعد ..؟! وش رايك بهالترشيح ..؟!
طارق شايل الوسط ..؟! ممكن اتفق معك في انه هو صاحب التمريره النهائيه في الغالب للهجوم .. ومع ذالك دايم تضيع اغلب التمريرات لبحثه عن صعوبتها وتعطيله للهجمه للبحث عن لاعب في مكان صعب يمررله الكوره ..؟!
المشكله ان الجمهور الهلالي واللاعبين الهلاليين اعطو التايب انه هو صانع اللعب الوحيد في الفريق .. عشان كذا لو تلاحظ في المباريات السابقه ان اللاعبين ما يمررون كوره في الغالب الا للتايب .. وهذا خطأ ووجهتنا صعوبات بهذي العقليه اللي للاعبين الهلال .. لانه في المباريات الكبيره اذا قفلو على التايب ضاع الفريق لان اللاعبين يدورون على التايب ويلقونه محاصر .. واذا مرروها له انقطعت منه بسرعه ..
انا ما اقولك لا التايب مو هو صانع الالعاب بالهلال .. لاكن الفريق في وجود التايب تقل عدد اهدافه وصناعته للعب .. لانهم يعتمدون فقط على التايب في صناعة اللعب .. فلذالك خروج التايب يخلي الفريق يتنفس هجومياً واكبر دليل غيابه عن مباراة نجران اللي بصعوبه نفوز عليه بوجود التايب في غيابه فاز الفريق 7 صفر .. وكل اللاعبين صنعو اهداف ومن ضمنهم العنبر ..

اضن جينينيو ومقارنته بالتايب ضالمه .. ولا تنسى نضام الدوريات الاوربيه انهم يعطون الجنسيه لاي لاعب يجلس عندهم سنتين ورى بعض عشان يسجلونه لاعب اوربي ويكون كذا كالاعب المواطن .. وما يحسب عليهم لاعب اجنبي ..
وجينينيو رغم ما يمتلكه من مهارة ويكفيك انه يملك مهارة الكره الثابته اللي تحسم لك المباريات .. الا انه بيمشي من فرنسا هالسنه ..

انت تتمنى بقاءه وانا اتمنى رحيله .. لاكن ان بقى باشجعه بكل قوه لانه يلعب لفريقي وهذا الاهم .. واتمنى ان رحل ما تشيلون على الاداره واللاعب المستقبلي في الفريق لانه مشى التايب عشانه .. واخص هينا تياقو نيفيز ..

اما صانع العجائب هذا اللي تبونه انتم كم كعب والا باص عيون والا باض ضهر عشان تنبسطون فيها .. والفريق ما يهمكم ..؟!

اشكرك على مرورك وابداء رايك بكل احترام .. شكراً لك ..

إقتباس الرسالة الأصلية كتبت بواسطة سامي أنت الهلال ياكثر المندسين في المنتدى   كلهم يتمنون رحيل التايب   ويذكرون لنا سلبيات واجابيات   وينسون ان طارق هو من اسعدهم في كل المباريات   هو من وقف الجمهور لكي يقول في المدرس اه يا تايب     مهما حاولت وتعبت وكتبت موضوع طول بعرض   ما راح تغير رأينا في حبنا في التايب وفي لعبه   طارق لا ينكره غير المندسين فقط   اما الهلاليين هم اللي يعرفون قيمة طارق وفنه           اتمنى اني ما قسيت عليك يا صاحب الموضوع   مهما كنت مندس تبقى اخوي في الاسلام

 

كان بامكاني ارد عليك اخي الكريم .. لاكن بما انك وصفتني بالمندس فلن
تقتنع برأيي مهما كان مقنع .. فلذالك افضل ان اريح الكيبورد عندي من
كتابة رد طويل للرد على ردك ..

شكراً لك ..