عـنـدمـا يـتـحـوّل سـكّـان الـريـاض الـى جـثـث مـتـفـحّـمـه - صفحة رقم 2 - نادي الهلال السعودي - شبكة الزعيم

Fahad Al Sudais · #16 01/06/2009, 11:36 PM

إقتباس

الرسالة الأصلية كتبت بواسطة sowaid


	الله يعطيك العافيه ع الطرح لاعدمنااااااكـ

هلا وغلا بالحبيب الغالي

دوك -->

Fahad Al Sudais · #17 01/06/2009, 11:39 PM

إقتباس

الرسالة الأصلية كتبت بواسطة أبو ميار


	من جد أنا من النوع اللي أحب الصيف أكثر من الشتاء لأن الصيف لك حرية عكس الشتاء اللي تلقاك متكوّم وأنواع الزكمه ..

هلا بالكوتش المبدع

وش هالحريه اللي تدوّرها يا عضو حقوق المرأه

الشتاء كل ابوه حريه وديمقراطيه ورأسماليه وماركسيه ووسطيه وكل اللي يجوز لك

وينه بس خله يجي... بلا صيف بلا سموم

دوك -->

أبو ميار · #18 01/06/2009, 11:45 PM

^^^

حرية إنك تتمشى في بيتكم بسروال سنه وفانيله وإذا جاء راعي البقالة عادي تفتح له بأي لبس

وأزودك من الشعر بيت يمديك تسبح لو تبي الساعة 2ونص الفجر

ابوريناد · #19 01/06/2009, 11:48 PM

للأمانة تدري إني تعودت على الشوي

واعتقد مواصل يقدر يأكد كلامي بخصوص عملنا

غير اننا نطق لبس (( كووم )) كامل وينلبس بالشتاء بعد وغير صلخة الشمس

كلها كووووم وانك تنطق بالشمس كووم ثاني وهالشئ تعودنا عليه خلاص

الله يرحم أيام الثانوية كانت البشرى مفتحة ووجه منووور

مو الحين عقب هالشمس صار مسمررر ولو اني ماني منتبه لعمري كان الحين منتشري أبيض مني بقووة وأحلى بعد

الله يحفظنا بس

شكرا لك الصخرة

" أَبُو لارا " · #20 01/06/2009, 11:56 PM

،،
،،
هلا بصخورتي

موضوعك فـاشـل كعادتك

.. كنت أتمنى منك أن ترتقي إلى مستوى فكر منتدانا

هذا الذي خلقنا يا حر يعني تسبح من العـرق ..يا برد يعني تلبس الفروة .. والكوت .. والبجامة أم طبقين

ما عندنا وسـط ..بس ما أقول إلى الله يبعدنا عن نـار جهنم .. ويبعد كل مسلم .. ومسلمة عن عذابك
تحيتي لك يا فهـد

..

الـعـ كـاكـا ـرب · #21 01/06/2009, 11:57 PM

الا ما ودهـم يـعـطــونـا اجــازة

تصـدق السبت اللي هو قبل امس << لا والله هع

قعدنـا بالمدرسة حصتين بـدوون كهـربــاء

حـر x حــر

و تشـوف و تـشـم انـوآآآع الـ ..........

دوكـ

Msh3al_37 · #22 02/06/2009, 12:00 AM

آآهـ يالصخره لا تشكيلي وابكيلك

.. ليت الشكوى من الحر تبرد الجو شوي

عارف وش اشين شي اذا جيت لم الجامعه ومالقيت مواقف فيها ظلال تشوف السيارات كلها تحت الشمس يعني غير الحر الطبيعي حق الشمس فيه حرارة السياراة الي تمشي جنبها

وتعال شف انواع الخياس جوا السياره ومن العرق يذوب النشا الي بالشماغ على وجهك ومايمديه تبرد السياره شوي الا تلاقي جبهتك ووجهك متيبسه من النشا

برسل برقيه لأمانه مدينه الرياض وفيها اقتراح يركبون مكيف مركزي فوق الرياض

الا على فكره .. انا ودي اكتم السياره بصراحه الوضع مايسمح نخلي الموتر بهالشكل اخاف اجي بيوم الاقي كل سيارتي ذايبه من هالشمس

الي عنده علم وش اكثر شي مسموح فيه بالتضليل يعلمني

يقولون في خبر عاجل ان الصيف للحين مادخل وانه بيدخل يوم الأربعاء القادم

بكرا بيطيح سوق الغاز الناس بيبدون يطبخون على بلاط الحوش

ريكيلمي · #23 02/06/2009, 12:03 AM

عز الله ما كذبت يابو صالح

أنا من ناحيتي قررت بأهاجر من هالديرة ان شاء الله بس الله يتمم على خير

صح اني تعودت على الحمسة في الشمس و خصوصاً اذا وقفت في زحمة الدايري و الشمس في كبد السماء <---<< متعوب عليها

موضوع في وقته يا الرومانصي

أما تاكلون بروستد ورا المسجد في المحطة خخخخ يا حبي لك يابو صالح

دمت بعز

Mr.Scrub · #24 02/06/2009, 12:04 AM

كنت حاط اقتباس وأنحاس الرد ..

, علشان كذآآ رديت بدون أي أقتباس ,
,
الله يحييك .. قل قسسم ..

, بالعكس أجواء ربيعيه ,
تصدق أني أقول من النوم وأنا مبسسسوط , أسمع زقزقت العصافير ,
وأسمع صوت الشلال اللي ورآآ بيتنا, وأطل من البلكونه وأشوف مناظر خلابه تفتح النفس,
والهواء يداعب شعري الناعم , ولافيه أزعاج ,{ < أنت وين ساكن .. ؟

}
,
وبعدين أي حرتتكلم عنه ..!
وهو فيه يوم زانت النفسسيه فيه علشان تقفل .. {

}
أما بخصوص سعيد صالح ,
فـ عادل أمام يقول ماهي متعووووده ديمآآآآآن.. { < أنطقها حسب ماينطقها عادل أمام .. }
,وبخصوص الغرفه تصير حآآره الحممد لله أني أتصل على أهلي ييشغلون المكيف قبل لا أوصل,
صح أن أمي تكرشني بعض الأيام بس أجلس أتغزل فيهآآ لما توافق تخلي إنجلا { < شغالتنا

,

} تشغل المكيف,
وأذا تقفلت في وجهي أنجطل في الصاله أو أي مكان فيه مكيف يشتغل ..
,
وأنصحك أستخدم ماء السخانه تصير بارده نوعاً ما..{

},
وبعدين وش اللي حادك تتروش الظهر من بتقابل يعني..

} ,
هو أنت لك نفس تقابل أحد علشان تتروش ..

,
وأحلى الاماني تهون غائم الى غائم جزئي ..

,
نعنبو بليسه الشمس تصلخ الاوادم وهو يقول ذآآ الجمله ,
الا هو للحين يجي , هو أصلاً فيه نشرة أخبار جويه من تالي .. !

,
للمعلوميه لاتحط ورقه مهمه في السياره لانه بتقلب أسود ..

,
,
وأنت تقول يازين الشتاء ..
ما أتفق معك البته , يازين الصيف..{

},
الشتاء ياخوي ماتقوىآ تتحرك ولاتقدر تسسوي شي ,
وتقعد طول يومك تلبس يخلص اليوم وأنت تلبس ولايمديك تمشي من قوة الملابس اللي عليك ..
على قولة واحد في منتدى قريت له موضوع يقول أذا جيت تفصخ ملابسك في الشتاء يبي لك تتصل على محل نقل أثاث..

},
الا يازييين الصيييف خلك قدام هالمكيف ولا عليك الا سروال { <وفي روايه أخرى صروال } وفنيله ,
وتبطح وتسسدح عنده , كل شي ولا الشتاء ..
صح أننا ماعندنا لاصيف ولاشتاء مثل العالم , بس الصيف أبرك ..

ومن العنون حق الرومنسايات مايمديني أعلق عليهاا..

,
الا على طاري الرومنسسيه ,
أسئل المتزوجين أحسسن وقت للرومنسيه بيقولون لك الظهر في عز الحر,
تطلع المشاعر الجميله والحب والكلام الحلو ,

,,
أدري طولة في الرد ,
بس والله نفسسسي أسولف وأنت جيت في وقتك ,
يعطيك العافيه على الموضوع ..

الـصـخـرة .. {

,

} .. <

بركان أزرق · #25 02/06/2009, 12:29 AM

اهلية وسهلين الصخرة

عندي سؤال ..!!

تعرف تقيس درجة الحرارة ..

او بمعنى اصح تعرف اساسيات قياس درجة الحرارة ...

لأني من اليوم اشوفك تهايط على خبراء الارصاد وكأن الصح انت والباقين خطأ ..

الصخرة ...

تمتلك اسلوب جميل

, لكن نريد قليل من المنطقية ...

RO7_ALHILAL · #26 02/06/2009, 12:48 AM

إقتباس


	خصوصا لبن محطة العتش اللي على طريق القصيم

آهلن اخونا الصخرره
تقووله صدز هاللبن ،

والله ياهو يبرّد التسبد وخصوصاً الززبده

كل مامرينا كوود ناخذ معنا كم جيك لبن

،،
اما الجو والله عندنا الجو حليل ، الحر مانعرفه الا من الساعه 10 الى الساعه 4 العصر هذا مانطلع فيه ، اما غيره لاا يخش مززاجك، ومبسووطين به.

يعطيك الف عافيه ،، وسلااااام

فارس بني يام · #27 02/06/2009, 01:06 AM

والله حر هذي السنه غير مره من المرات طالع من الجامعه الساعه 4 العصر ولقيت درجة الحراره 55

بس شوف سبحان الله عندنا الجو يا معتدل=(درجة الحراره 40) مع غبااااااااااار او حر موووووووووت=(درجة الحراره فوق ال50)
كل وحده امر من الثانيه

الا كم الدرجه الي اذا وصلنا لها نوقف الاعمال ولا مافيه (:

][ هلـآلي للـآبد ][ · #28 02/06/2009, 01:13 AM

يا رجـال الله يعينك ويعين اي شخص دوامـه في النهـار
احمد ربي ان دوامـي مسائــي
يعطيك العافيــه ع الموضوع

الهنوووف · #29 02/06/2009, 01:36 AM

\

مااقول الا يالله براد الجنة بس

هالظهرية ماشوف الا هالسياارات موقفة
وفاتحين هالي قدام ويعبون موية ___>> ماعرفت اسمه

يازين الشتاء بس

قال ايش قال صيف

تبي تشوف اخلاق الواحد قابله بعز الظهر

والله يعينا بس

الوضع لايطاق

\

/
عوافي خيوو تراك رومانسي بالحيل

يابو بروستد

الهنوووف

كانت

هنا

ورحلت

R D H · #30 02/06/2009, 01:54 AM

السلام عليكم ورحمة الله وبركاته

لا ادري من أين أو كيف أبدأ ردي على موضوع من مواضيعك ..

أمجبر أنا بالمديح لك ؟ أم أن أمثالك أغنياء عن ذلك ؟

أصبحت مواضيعكـ جزء لا يتجزأ عن المجلس العام ..

أصبحت مواضيعك شيئاً أساسياً ..

وليس الأصل أن لا نرى لك موضوع ..

بل الأصل هو رؤية مواضيع لك في المجلس .. أما عدم رؤيتها فيعتبر شذوذ عن قاعدة الإبداع ..

عالعموم .. سأكتفي بالتعليق دوماً .. لأنك عارف .. وأنا عارف .. والكل عارف .. حجم هذا الإبداع

..

فاعفيني من مدحك .. لأني لا أحتمل ذلك !

//

عندي تعقيب بسيط ..

أنظر إلى بعض الشاشات اللي تكون عند البنوك من الخارج ..( اللي ينكتب عليها الساعه ودرجة الحرارة والتاريخ )

من فتره بسيطه .. صرت الاحظ أن بعض البنوك ماعادوا يكتبوا ( درجة الحراره ) ..

لأن الدرجة بكل تأكيد في النهار خاصة الظهر تتجاوز الـ 50 درجه .. ولو كتبوها الناس رح يجيها انهيار عصبي لما يشوفوا درجة الحرارة ومارح تلقى ولا شخص ينزل الشارع بالظهر وبالتالي بتصير فترة الظهر فترة ميته تماماً ..

ناهيك عن أنك لو ركبت سيارتك وهي مكتومه بالحر .. يجيك احساس يصير ودك تستفرغ والله وانت بكرامه ..

بلا شك .. الشتاء في هذه البلاد يعتبر أقل ضرراً من الصيف ..

لو كان برد .. تدفى والبس ثقيل.. وانتهينا

لكن لو حر .. حتى لو لبست ( من غير هدوم

) ومشيت بالشارع .. رح تموت حر ..

الله يعين بس ..

يعطيك العافيه يافهد

.. ماننحرم منك

دمت باجمل حال