استغفر الله ياربي اكره الصيف

بالشتا الواحد يلبس كم قطعه لين يدفا بس الصيف الحر لايطاق ومهما شغلت المكيف وخففت لبسك بتحس فيه

مادري ليه الاحوال الجوية ماعندهم مصداقية ،، انا متاكده درجة الحرارة معدية الخمسين منزمان والله الواحد لو بيقعد تحت الشمس بعز القايلة خمس دقايق بتجيه ضربة شمس

تصدق اني مامشي بالجامعه الا وبشنطتي موية وعصير اخاف يجيني جفاف

الله يعجل بالعطلة بس

يعطيك العافية اخوي

إقتباس الرسالة الأصلية كتبت بواسطة أحلاهم واتحداهم والله الواحد لو بيقعد تحت الشمس بعز القايلة خمس دقايق بتجيه ضربة شمس

خمس دقايق يامقرمه

قولي دقيقتين... ثلاث دقايق

لكن خمس .. هذي فيها سيارة اسعاف وعناية مركزة

دوتس -->

اهلاً وسهلاً فيك الصخره ..

كعادتك طرح جميل , باسلوب لطيف وظريف ومحبب لدي ..
والله صدقت , هاليومين اعوذ بالله , ويالله النجاة من النار ..
كل شي حار , تصدق حتى النظارات ان طلعتها من درج السياره
ولبستها والله انها تكوي , وانا سيارتي جلد , تعال شوف لمن تركب الساعه
11 او 12 او حتى 3 , انواع التنطط , بس بيني وبينك ان تذكرت
ان الشتاء كل طلعه تحاسبك بسبب البرد , اقول كان الصيف ارحم شوي

الصخره , الف شكر لك ولطرحك ..
دمت بخير

الحمدلله إني ما أعاني من هاللي تعانون منّه
السيارة بارده والبيت بارد
بس الجامعة برا المباني حرررر
من البوابة إلى المبنى دايركت

أما العتش ذكرتني بالتنهاة أيام الأمطار والبراد والتطعيس


الصخرة شكرا

الله يعينكم والله معك حق اذا انا يومين اجي الرياض وتزفت معي وشلون انتم عايشين فيها على طول
ماقول الا يزين الطائف لوصلت درجة الحرارة 30 قلنا وش ذا الحر
لكن من شاف بلوة غيره هانت عليه بلوته
شكراياصخرةعلى موضوعك عوافي

هلا وغلا الصخرة ..

ذكرتني بموضوع مغاط قبل كم يوم ..
والله ياني فطست عليه ضحك مو صاحي ..
بالنسبة للحر انا اقترح له حل من زمان ..
وهو انهم يغطون الرياض بشراع كبير جدا ..
ويركبون كم مكيف صحراوي عليه ..
وان شاء الله ما تشوف بعدها درجة الحرارة متجاوزة 20 ..
بس للاسف رفضوا الفكره لانها بتطيح سوق محلات التظليل ..

يعطيك الف عافية الصخرة على مواضيك الساخنة ..

في البدايه احب اهنيك على طريقة طرحك المتميز

و صدقت في كل كلمه قلتها و الله انشوينا ما نقصنا غير شيين

صيخان و بهارات و تكمل السالفه

تحياتي لك اخوي

هلا وغلاا فهد

اووف أعووذ بالله حر حر غير طبيعي

النـاس بالصيف بتهج من الريااض كلهم بيسافرون وينحاشون بسبـّهـ الحر

وبخصوص الدوامات أنـا اليوم بالمدرسه الكهرباء منقطعه من أمـس

يعني أمس واليوم مافي مكيفـات وتعال شـوف الحر على أصووله

بس أن شاء الله بكرى ماني رآآيح لو يترجوني ويقولون عبدالله تكفى تعال ماني جاي

الا اذا حطو مكيفات سبليت زي النـاس

مشكوور فهد وماقصرت

حيا الله ابو صالح ،
شلونك يا غلاهم ..
ياخي والله انك دايمـن تحرجنا بكرمك ،
خلنا نغلبك لو مرتن وحدة !
/،
وبيني وبينك يا اخوي وصديقي وعم عيالك الحلوين الله يحفظهم ،
الوضع يخوّف ،
وأسأل الله الكريم أن يفك عننا هذه الكربة
أول مرة يكون الجو بهالحرارة ،
ياخوي نخلنا ما لقحناه وطلّع رطب ..
حتى النخل ما اقتنع ، يقول يا جماعة طباخ الرطب جا وحنا ما بعد فرخّنا !!
،\

الهجوا إلى باريكم بالدعاء ،
لعله يخفف ما حل بكم ،
( إن ربكم يستعتبكم فأعتبوه )

هلا بالروك


وش تحس فيه انت ؟؟
أحد يشتكي من الجو بفصل الربيع ؟
اعنبوها حاله .. ترانا للحين بفصل الربيع
شلون لا جاء الصيف
كل هذا ويقولون السنه فيها أربع فصول صيف وخريف وشتاء وربيع
أي ابو شتاء وخريف وربيع

السنه فيها 4 فصول صيف ويومين شتاء



والله ماصارت
خاصة بهالجامعه
سياراتنا بعيده عن مدخل الكلية
ولا مظلات ولا شي

والله لو تحط بسيارتي عصفور ان تجي تلقاه متبخر

انا مدري متى بيخترعون ريموت سيارة فيه زر يشغل المكيف على أبرد شي

الغرفة هين تشغل المكيف وتروح للصالة ولا شي .. يعني تقدر تتكيف

أما السيارة اللي (مافيها حيله) و (فالها البرد اللي يصقعها )
اشغل السيارة وافتح الدرايش والمكيف على الآخر
واروح أوقف شوي بالشمس لين تبرد السيارة

يعني شف صرنا (نهج) للشمس من حر السيارة حسيت بمعاناتي

لا تقدر تجلس (خاصه اذا المراتب جلد)
ولا تقدر تمسك الدركسون ولا القير

انا خلاص قررت أشتري بيزين حقات الطبخ واخليهن بالسيارة للصيف
والغداء آخذ من امي قدر واحط به دجاجه من الفريزر
وقبل أنزل للجامعه أحطه على الطبلون
والله راس مالها محاضرتين وترجع تلقى الغدا جاهز على الطبلون

الصراحة أشكرك على هالموضوع الحار
وبالمناسبة احب اذكر الجميع
اذا انتم يالضبان تشتكون من الحر
أجل ليش تلومون ويلهامسون على مستوياته آخر الموسم