بسم الله الرحمن الرحيم
مساء الخير جميعاًً
ومن دون مقدمات راح ابدا بالموضوع لكن من وين ابدا ؟؟؟
من مقابلة الامير عبد الرحمن ،،،
والا من الاجوبة النارية الي قالها ،،،
والا من صراحة الامير الا متناهية ،،،
والا من خذلان بعض اللاعبين ،،،
صراحة الموضوع معقد لكن بالله التوفيق .
اليوم بخلي الموضوع على شكل نقاط مختصرة لضمان سرعة وصول الفكرة للجميع :
والبداية ستكون على تعليقات على لقاء الامير وبعدها بواصل النقاط الثانية ولن تكون النقاط مرتبة :::
* شكرا ياسمو الامير على كل ماقدمت والي راح تقدمه مع ان فيه ناس ما يستاهلون .
* اتمنى ان تتقيد بكل ما قلته يا سمو الامير وخاصه (( لا يوجد نجم الا من يحترق من اجل الشعار )) .
* سلم لي على اعضاء شرف الزعيم كلهم وخاصه اول اثنين اتصلو امس .
* كم انت قزم يا وليد الفراج اما قامت الامير مره ثانيه جيبوا محي الدين كامل والا ابوه بعد عساهم يقدرون يجارونه .
* يا سمو الامير كانك ( طربان ) وتبغى تغني جدد مع ( ا ر ت ) الزعيم ، وكانك تبي ابداع ونقله نوعية واحترافية وانصاف ترا ما حولك احد (( واللبيب يفهم )) .
* يا سمو الامير تراك ما شفت شي من ( ا ر ت ) الا الان .
* يا سمو الامير لا عاد تمدح المدرب بعدين يحسدونا عليه قل انه غشيم وما يديرها .
* يا سمو الامير ( والسؤال للجميع ) ليه العملاق محمد الدعيع ضعيف جدا في صد التسديدات الي من خارج المنطقة ؟؟؟
الجواب عندي / لان ما فيه احد يعرف يشوت في النادي اثناء التدريبات يعني اذا شاتو عليه خمس شوتات في السنة نعمه اكيد ما راح يبدع لكن انصحكم نصيحه اشتروا قاذفة كرات قدم وحطوا عليها احد اللاعبين (( نامي )) يوجهها على الدعيع وصدقني بيفلح .
· يا سمو الامير ( اذا كنت ناوي تجدد لطارق التايب ) لا زم تعالجه نفسياً لكن قلي وش لون ؟؟؟
اولا ً : تشخيص الحالة / اتضح للجميع ان طارق التايب يعاني من مرض عضال الا وهو جنون الاستعراض و الكباري وال .... ( عيون ) .ويطلق عليه ايضا مرض ( متلازمة طارق ) .
ثانيا : اعراض المرض / يكون طارق في هذه الحالة يبحث عن كبري او باص عيون ولا يمكن ان يرسل الكرة لزملائة الا بعد ان يفعل ما يحلو له او تنقطع الكورة وبعد انقطاع الكورة من المصاب طارق يجن جنون هذا اللاعب ويقوم بمحاولة استرداد لا لانها قطعت منه ولكن لانه لم يدخل كبري في اللاعب والمقابل لذلك يستوجب عليه قطع الكرة ولو على قص رقبته لو ياخذ كرت ازرق ما همه اهم شي كبري وباص عيون .
ثالثا : العلاج / بعد البحث عن علاج دام مدة سنوات تبين لنا ان العلاج يستوجب ما يلي :
- اشباع رغبة المصاب طارق بالكباري والباص عيون وذلك قبل بدايت كل مبارة بدل ان يجري اللاعبين حركات الاحماء يقومون بفتح الارجل ومن ثم يمارس المصاب طارق هوايته بادخال الكباري في اللاعبين ولا ما نع من وجود الاحتياطيين والجهاز الاداري والفني بل لا مانع من وجود جميع منهم في ارضية الملعب من مراسلين وحكام وحتى العسكر لان لهم حق في ذلك فالكبري من طارق شفاه الله له نكهه خاصه في نظره فبذلك يكون طارق قد تشبع من الكباري فيتفرغ للعب مع بداية المباراة .
(( مع العلم اني لا ارى التجديد لطارق دون علاجه في فترة الايقاف بهذا العلاج )) .
* يا سمو الامير انت مخير بين البطي والاحمد فاختر من شئت ولا تكابر .
* الله الله بالخانة اليمنى يا سمو الامير .
* سمو الامير عندي لك عبارة تقدر تقولها قبل كل مبارات ؟؟؟ العبارة بسيطة ومهذبه وتليق بمقامك والعبارة تنقال قبل يحط المدرب التشكيلة وهي :
((( يا شباب الي يبغى يلعب عشان التعادل او الهزيمة يقدر يقعد احتياط لان الهلال لا يلعب الا للفوز لو على البرازيل )) ،، اتمنى اني اسمعها .
* يا سمو الامير ما تلاحظ ان المفرج فتح مجال للادارة بعدم الانحراج في تنسيق أي لاعب مهما كان لان المفرج قدم مستوى 70 % من اللاعبين المتخاذلين ما قدموه وجاب بطوله لذلك لا للاحراج (( والبقا للافضل )) .
يا لاعبين الهلال من اكبركم الى اصغركم وش تحسون فيه وام اصلال راقعكم ؟؟؟ .
· * يا لاعبين الهلال لا اسمع واحد منكم يقول يقول وين الجماهير الا اسامه هوساوي ومن هم على شاكلته اما المتخاذلين فما لهم حق .
· * احس اني طولتها لكن لي رجعه في موضوع ثاني لاننا ساكتين لين انتهى الموسم عشان قولة (( اصبروا ليس هذا وقت الانتقاد )) .
شكرا لجميع المخلصين ولا عزاء للمتخاذلين ...
،’،’،’،’ هلالي بالعقل ،’،’،’،’
الوضع الشجري
