«¤¶` سفيرة الأمارات / " dal3_uae ".. ضيفاً على حياة @ نت `¶¤» ‏ - صفحة رقم 2 - نادي الهلال السعودي - شبكة الزعيم

متآبعه بصمت · #16 02/06/2009, 06:27 AM

دلع رغم اللي صار بينا يبقى غلاك في قلبي بالغصب

والله ندمت على الكلام اللي قلته لك

وكلمة آآآآآآآآآآآآآسفه يا ليتها تكفي

ترى حتى لو أحد يجي يكفخني ويضربني
أقوله "والله آآآسفه"

من الدلاخه اللي فيني طبعا

يعني ما أشيل بقلبي على أحد
كيف عاد ببنت الإمارات الحبيبه ,
شكرا لك

ولمن إستضافك

[ويبقى الحب ما بقي المجلس العام]

الكلاسيكي · #17 02/06/2009, 07:18 AM

اهلاً وسهلاً بك اختي دلع الامارات ..

حياة نتيه جميله , استمتعت وانا اتجول بين اسطرك ..
وحقيقه ان هذا المعرف يعرفه اكثر اعضاء المنتدى , لان لك حضور في اكثر
الاقسام ماشاء الله , بالاضافه ان كاس الخليج وتواجدك بالقسم زاد من شعبيتك

في الختام اتمنى لك قضاء اجمل الاوقات بين اخوانك واخواتك ..
واشكر الاخ طارق , على ماقام به من خلف الكواليس ..

تقبلوا احترامي وتقديري ..
دمتم بخير

مَاهِينُورْ · #18 02/06/2009, 09:01 AM

.,*
*,.

هلا ومرحبآ

ما شاء الله مستضيفين دلع

هلآ وغلآ دلع

ما شاء الله حياة نتية مميزة

الله يبارك ببطولة الخليج اللي دلتك على الشبكة

لكن تدرين ؟

أذكرك لما كنتِ تشاركيين بالبطوولة بس كنت ما أحبك

~> صريحة

والله كنت تقهريين بس معك حق تداافعين

>> ياحبي له ذا (

) هذا اللي طلبته من الاداره جابوه

ياملحه

خلاص تراه باسمي أنا اللي طلبته

وين وصلنا ؟

إي كنت أقوول وش دخل الامارتية جايتن بمنتدى سعودي

أبيك تسامحيني لأني كان وقتها أتكلم عنك كثير عند البنات

عاد وقتها متعصبه رياضياً ما حد يكلمني

احمدي ربك ماقد تفعلت وقتها ولا كان هاوشتك

..
كيف تتفعلين بعد يووم وأنا اللي مسجلة قبلك ماتفعلت الا بعد 8 شهوور

.,*
*,.
.,*

ما شاء الله عليك يا دلع

فعلاً أنتِ سفيرة لبلآدك ومدافعة لها

,,
أول ما أسمع إسم الإمارات أتذكرك على طوول

أعتقد لو يدرون عَنِتس شيوخكم ودفاعك عن وطنك بيكرمونك

الله يرحم عاشقة أبو ظبي ويغفر لها ويجعل قبرها روضة من رياض الجنة وموتانا وموتى المسلمين

الخطوة ملكية والإمبراطورة ماينشافن عسى المانع خيير ؟
ولاآ تزوجن مثلك يوم انقطعتي عنا فترة وجاتنا البشارة ببنيتك الله يصلحها ويحفظها

..

إقتباس


	- أحب المدرسة أكثر من الجامعه

أكييييد المدرسة

وش فيها الجامعة شي زييين

.,*
*,.

إستضافة استمتعت بقراءتها

بالتوفيق دلع والله يعطيك العافية

..

.,*
*,.

هلالي من أرض اليمن ,, الكلاسيكي ,,
الحاضرة الغائبة الماسه الزرقاء

,,
عاشق بو يعقووب

الله يجزااكم خير على جهودكم المميزة

.,*
*,.
.,*

بريماكس · #19 02/06/2009, 11:00 AM

إقتباس

الرسالة الأصلية كتبت بواسطة leo messi


	< بريماكس يخوي تراني مرسلّك طلب صداقه له شهر ولاقبلته لكن اقدر اقول انك الحين من صديقاني ؟؟؟

غلطان وربي

ماجاني شئ شدعوه ما اقبله ؟

انت اكثر من صديق وخوتك تاج على الراس

معقوله يسلم يطلبني صداقه ولا اقبل؟؟ توني ما انهبلت

يالله اقبل ارسلت طلب صداقه ولايكثر يامصورنا الكبير

سوري عالمرور للمره الثانيه ..

dal3_uae · #20 03/06/2009, 09:59 AM

إقتباس

الرسالة الأصلية كتبت بواسطة بريماكس


	السلام عليكم ورحمة الله وبركاته ،، اهلا بعودة حياة نت وهذه المره مع العضوه المميزه المثيره للجدل( سابقاً) دلع طبعاً شرف لك يادلع اني اول واحد ارد على حياتك النتنتيه وانا كمان لي الشرف والفخر ولااعتزاز وكل شئ اغلب الاشخاص لابد في بدايتهم بالمنتدى تكون فيه اختلافات مع الاعضاء وفيه شوية هوشه انا وانتي من ذولا حتى ماشاء الله عليك احسك تحبين (محمد بن زايد) اكثر من حبك لروحكبالصدفه كانت البدايه بالمجلس مع انطلاق البرنامج الاروع والاحلى شاعر المليون بالنسخه الاولى .. وقته احس مواضيعك ثلاثين موضوع .. 25 موضوع عن محمد بن زايد والباقي منوع بس الصدق والله يستاهل الشيخ ابوخالد كل خير انسان متواضع ومحبوب وعن نفسي ماعرفته الا عن طريق صديقي ياسر التويجري والحال ينطبق علي انا .. ياسر التويجري لو يقول وش اخبارك جيت صاروخ ونزلت موضوع عنه اكثر واحد يعلق علي كلي هلالي سالم حتى كرهني بالشبكه واذكر تعليق له هو والمشاغب وهامورة الى الان ببالي يقولون اللي يبي يصير صديقه يقول احب ياسر آيام حلــــــــــــــــوه .! الحال تغير الآن .. لاتظنون اني مثل قبل ..! الله يرحم عاشقه بوظبي ويسكنه فسيح جناته لحظه ...ابكلم واحد من المجلس قديم من اللي يعلقون عليك ابقوله يدش المجلس استمتعت بالقراءه كثيراً .. اتمنى لك التوفيق يابنت الأمارات .. سمو الشيخ طارق شكراً لك على جهودك بالمجلس ( مين قدك سمو شيخ) والشكر ايضاً موصول الى المشرف العزيز الكلاسيكي وعاشق بويعقوب .. رد سريع وممكن لي عوده ( اقول ممكن يعني احتمال احلى سيفون ) فمان الكريم ،، بريماكس 7 - 6 - 1430 هـ ..

وعليكم السلام ورحمة الله وبركاته

مثيرة للجدل

اكيد شرف لي ..

بدون ما تقولها يعني ..

امس حلمته ..

( الشيخ محمد بن زايد )

والله جنه كان في بيتي ..

اكيد احبه اكثر من روحي .. هالشي ما يختلف عليه اثنين .. تاكد شي واحد مب بس انا ...
انا وكل اهل الامارات

يحبونه اكثر من ورحهم ..

بدايتي كانت في خليجي 18 وعقبها شاعر المليون .. يعني كله ضرابه × ضرابه

إقتباس


	لحظه ...ابكلم واحد من المجلس قديم من اللي يعلقون عليك ابقوله يدش المجلس

ممكن اعرفه ..؟؟

عشان اتهاوش معاه

حياك الله .. ويا مرحبا بك ..

والله اسعدني تواجدك ..

>>>>>>>>> مو لك لردك

dal3_uae · #21 03/06/2009, 10:13 AM

وغاب النمر

الله يحيك ويبقيك ..

منور الموضوع ..

هي والله اتصدق عاد .. الزعيم هو اللي جبرني اني اسجل ..

اخجلت تواضعي ..

شكرا ع الرد ..

\\

Blue Sun
هلا فيك .. ويا مرحبا بك ..
مشكووور .. ع المديح ..

يشرفني هالشي ويسعدني والله انك اتكون من المتابعين لمواضيعي

وانت سالم >>>> لا اقصد غانم ..

حياك الله .. ولا تحرمنا من ردودك

\\

شوق الكويت
حياج الله ويا مرحباا بج ..
اتمنى اني اكون ضيفه خفيفة عليكم ..

مرحبا بج .. اسعدني تواجدج ..

\\

ريميكلي

يا مرحبا الساع .. حيا الله من يانا >>

شكرااا ع الرد الحلو .. والصراحه اخجلتم تواضعي ..

اووووووه يالتعصب .. الواحد لازم يتغير عشان يعيش الجو بكل حالاته في بيته

والله العظيم ما اقص عليك .. وايد اشياء تغيرت فيني .. بسبب شبكة الزعيم

حياك الله ومرحبا بك ..

\\

أبو ميار

الله يحيك ... وحياك الله انته في موضوع استضافتي ..
واسعدني تواجدك .. رغم قلة الحروف ..

\\

رجل من عالم آخر
يا مرحبا بك في اي وقت ..

في انتظارك

\\

شبوط

حرام عليك اشعنه حاط لي هالفيس الخايس

حذال اسميه

الله يسامحك

شكرا ع التواجد .. ^^

\\

لي عوده ان شاء الله

dal3_uae · #22 03/06/2009, 10:39 AM

كان هنا
يا مرحبا الساااع ..
مرورك الاروع ..

إقتباس


	الله يهديهم أعضاءنا ، يلزمون بأوقات مالها داعي

شتقصد ..؟؟

والله عيبوني اهل خليجي 18 .. يعرفون يكرمون الضيف ..

لولا غلاتكم جان ما قعدت .. وبعدين والله رحت ولفيت بالسارة كل المنتديات ..
ما عيبني منتدى او شبكة كثرة شبكة الزعيم .. ما اعرف ليش ..
يمكن لانه هناك ما يحبون الضرابه والهواش .. كثر اهني

امزح والله .. كلكم ع العين والراس ..

ما نقول يعطيش العافيه ..

يعطيجججججج العافيه ..

اسعدني تواجد يا ( كان ) فعل ماضي مرفوع وعلامة رفعه الضمة الظاهره على اخره >> شرايك بالاعرب

( هنا ) منصوب بالنصبة الظاهره على اخره

\\

leo messi
اشك انه انت اللي يتكلم عنك بريماكس

كشفتكم هااا

يا مرحبا الساع

هلا فيك اخويه ..

هي والله .. كله هواش وطقاق .. والسبه منوه انتووو

اتصدق عاد .. انه هوايتي الهواش
امس قاعدين في الكلاس .. وكل وحده اتقول رايها عن الثانيه ..
كلهم اجمعو بانه انا عصبيه

يعني اتنرفز بسرعه .. هالشي الوحيد اللي
ما يحبوني فيا انا

مب بس بو طلال .. الكل ..

كلهم يحجزونهااا ..

يا فديتها وفديت روحهاا انا ..
خلاص محجوزة حق ولدك ..

الا متى جاي ما خبرتني؟؟ .. وانا اتريا ...
الله يجيبه بالسلامة ان شاء الله

::

شكرا ع تواجدك ..

ما بغينا نشوفك ..؟؟
اسعدني تواجدك

\\

ملاك بطبعها
حيا الله ملاك ..

يا مرحبا الساع ..

هلا فيج ..

اسعدني تواجدج ..

\\

باسكن روبنز
والله انج شهيتيني بكيكة باسكن روبنز ..

الله يسامحج مع هالاسم .. يوعتيني

اسعدني تواجدج ..

ربيعاتي .. الخطوة عرست وراحت مع ريلها بره .. ( استراليا ) ريلها يدرس بره
امبراطورة .. مشغولة بالجامعه ..

حياج ويا مرحبا بج ..

\\

Rona

يا هلا ومسهلا ..

شكرا ع التواجد ..

\\

الهنوووف

هلا فيج هنوفتنا .. منورة الموضوع ..

[QUOTE]يمكن بالبداية قوبلتي بالرفض نوعا ما وكثرت المشاكل ولعل السبب مثل ماذكرتي كثرت كتابتك عن الامارات[/

QUOTE]
مب بس رفض .. والله لو كنت يدامكم .. جان اتكسرت تكسير شكلي ..
بس الحمد لله انه من ورى الشاشه

التعصب موجود في الكل ..

بس ما كان يرضيني اشوف بعض الاعضاء .. يتكلمون عن الامارات .. واسكت .. ما اقدر ..

الحمدلله ع كل حال ..

إقتباس


	بيني وبينك لو انا بمكانك ماظن بجلس دقيقة وحدهـ

كل حد قالي هالجملة .. بس ما قدرت ..

والسبب الله يعلم ليش ..

وانا يشرفني بعد اني اكون من ضمن صداقاتج .. حبيبتي ..

العفوو خيتوو ..

إقتباس


	سؤال ماتشجعين الهلال ابدا ..........؟

امممممممممم صعب السؤال

وخاصة اني في منتدى هلالي الحين

..؟؟
لو كنت بمنتدى ثاني بجاوب ..

امزح ..

انا من متابعي الهلال السعودي .. يعني لا اني اشجعه ولا اني .. ما اشجعه ..

so so يعني

شكرا ع تواجدج

لي عوده ان شاء الله

لين شيخه الزين · #23 03/06/2009, 11:26 AM

مقدمة :: الكلاسيكي

إعداد ومتابعة :: هلالي من ارض اليمن

تصميم :: عاشق بويعقوب

آلــف شكر على المقابلة الجميلة أستمتعة فيها لأبعد الحدود ماقصرتوا

وشكراً على ذوفكم الرفيع بختيار dal3_uae ونعم الذوق

دلع كل شيء فيها زين الا إذا دخلة بالرياضة تخرب الأخلاق

, أذكر أيام خليجي 19 كانت تكتب في منتدى خليجي 19 في الشبكة

وعن آلف رجال ما شاء الله

كانت منقهرهـ

لأن الجزيرة منعة القنوات الأماراتية من نقل الدورة

سعة باللقاء وأستمتعة بهـ ,., كل الشكر لكـ dal3_uae

عقد الياسمين · #24 03/06/2009, 04:38 PM

يا مية هلا وسهلا .. بعزيزتي دلع

ماشاءالله عليك محبوبة و طيوبة .. وأنا أقول نفس كلام هنو لو كنت مكانك ما قدرت أصبر ع الجلسة في منتدى لا يمثل توجهي أو ميولي .. وفوق هذا أحس اني بين ناس غريبين

لكن ماشاءالله يبدو أنك تتأقلمين بسرعة وأحنا بعد ماشاءالله علينا نحب الناس ونجذبهم

وترى سواليفكم عن المواضيع القديمة حمستني أكون معكم ذاك الوقت

ورى محد عزمني؟

الله يعطيك العافية أختي دلع .. بوسي لي بنووتك الحلوة

**

أخوانا في حياة @نت ,
الكلاسيكي

, هلالي اليمن

, عاشق بويعقوب

لا هنتوا ..

ابو طـــــلال · #25 04/06/2009, 12:06 AM

إقتباس


	أخوانا في حياة @نت , الكلاسيكي , هلالي اليمن , عاشق بويعقوب

^^

حرام مجهود هاالإخوان يروح على إستضافة دلع الإمارات !!

بس هذا اللى قاهرني في الموضوع .. على الأقل سويتوا إستضافة في قسم ( صيد الأنترنت )

ولا من شاف ولا من دري

لا .. ومن زين الحلايا ... داخلة الشبكة بالغلط !!

عاد تبون الصدق ..!!

هي دلع من ناحية ( نذله ) فهي نذله مااحد يختلف على هالشي ... وشرانية .. وراعية مشاكل

.. وتحس إنها تشبة هالفيس

ونفسها طويل ( بالشر ) وراسها يابس ... وفيه شوية ( نصب ) ومبالغة .. خصوصا بعد سالفة ( الحلوة زعلانة ) ومين يراضيها ..

والجماعة اللى قالوا إن دلع مثلت الإمارات وأهل الإمارات خير تمثيل تراهم غلطانين واكيد دلع بعد توافقني بهالشي .. إن أهل الإمارات هم أطيب من دلع رغم طيبة دلع .. الحقيقة إن أهل الإمارات من أطيب الشعوب .. بالعكس أنا إذا شفت ( سوالف ) دلع ومشاكلها اشك إنها مهيب إماراتية !! أحس إنها من ( منغوليا ) ..

تبقى دلع صاحبة حضور واضح ... تركت لها بصمة ( خاصة ) لها .. رغم السلبيات إلا انها صاحبة مبداء وإصرار كبير .. أحييها عليه .. وأتمنى لها حياة نتية .. إجتماعية .. موفقة

وفي النهاية دلع أحد ركائز المجلس العام وواحده من الأعضاء المشهورين والرئيسين فيه يمكن لو تغيب فترة بسيطة تلقى من يفقدها .. وهذي الحقيقه .. طبعا غير بريماكس اللى مسويلك دعاية

في النهاية .. أشكر الاخوة على الإستضافة الممتعة ..

وبالتوفيق لدلع الإمارات

dal3_uae · #26 04/06/2009, 03:19 PM

متابعه بصمت

شكرا ع الحضور

\\

الكلاسيكي
مشكور على هالاطراء الرائع ..
حقيقة انا احب انوع في الاقسام ..
لكني احب الاقسام اللي يكون فيها جدل .. حول شيء ما

شكرا وما قصرت

\\

ماهينور ( نور الشمس )

يا مرحبا الساع فيج ...

انا اللي بقلبي على لساني اقصد ع الكيبورد ..
ما احب اخش شي عن حد ...

فما بالج بالكورة .. قمت التعصب الكروي فيني انا

عادي فديتج .. هذا شي يسعدني والله بالعكس ..
اني انا دخلت بشخصيتي انا .. وتكلمت ..

الحمدلله اني ما كنت بو ويهين ...

::
والله وانا صادقه .. المهم اني تفعلت بسرعه ..
يعني سجلت خلال البطولة وتفعلت خلال البطولة
مب شرات الحين بالشهور احسهم يفعلون ..

إقتباس


	أعتقد لو يدرون عَنِتس شيوخكم ودفاعك عن وطنك بيكرمونك

يستاهلون كل اللي انسويه فيهم ..

ربيعاتي ..

الخطوة مسافره .. والامبراطورة موجوده .. بس ما اسالها ليش ما تدخل

شكرا ع المرور ..

\\

لين شيخة الزين
يا مرحبا الساع ..

صدقتي والله .. الرياضه .. ترفع الضغط والسكر ..

واتخلي الواحد ينفعل غصب ..

اسعدني تواجدج ..

\\

عقد الياسمين .
يا مرحبا الساااع ..

مب تأقلم وانا اختج ... انتو تنحبون .. و تستاهلون حد يقعد عشانكم ..

الله يعافيج .. وبستلج البنوته ..

شكرا ع التواجد

\\

ابو طـــلال
الواحد يوم يقرى اسمك .. لازم يصلي ع النبي ويسمي باسم الله ..
لانه اللي يشوف يوزرك .. ما يحصل خير ...

امزح

هلا فيك ..

صيد الانترنت .. وله المجلس العام .. وله قسم الملاحظات .. المهم .. استضافة شبكة الزعيم بكبرها ..

والله اني ما احب المشاكل .. بس انتو ترفعون الضغط .. ( مب كلكم بعضكم )

إقتباس


	وفيه شوية ( نصب ) ومبالغة .. خصوصا بعد سالفة ( الحلوة زعلانة ) ومين يراضيها

الله يشهد .. اني ما جذبت ..
الحلوة زعلانه تهون .. لكن اللي لمس ما يستحي على ويها ...

اللي استغرب منه انه مب بس انا بروحي ..
يوم قعدت في الكلاس مع البنات وقعدنا انسولف عن رياض وجده ..
كل وحده صار لها موقف مماثل .. او مختلف شوي ..

( انا ما اقول كل السعوديين .. انا تكلمت عن 1 من 28 مليون .. )

::

وانت صادق .. انا ما مثلت الاماراتيين خير تمثيل ..
لكن انا هاذي شخصيتي .. ما اقدر اغيرها ..

الاماراتيين احسن مني بوايد ..

وانا متأكده يابو طلال .. انه انته بعد ما تمثل السعوديين كلهم ..

فيه اللي احسن مني ومنك .. سواء في الشبكة او بره الشبكة ..

كلمة الحق تنقال ..

يمكن مثل ما قلت .. انا تركت بصمة فيها الكثير من السلبيات على قولتك .. رغم اني انا .. اقول انه دفاعي عن الامارات وشعبها وشيوخها .. وكل من يسكت على ارضها .. مب سلبيه .. انما حبي للامارات واللي عايش فيها
يخليني ادافع عنها ...

بعدين رضى الناس غايه لا تدرك ..

يمكن ارضيك انته وغيرك يزعل ..
المهم انا مقتنعه بمنو انا في شبكة الزعيم ..

صح انه في اشياء سويتها او قلتها .. خلتني اندم

لكن هذا ما يمنع اني اتضارب بعد

واشكرك على صراحتك ..

واسعدني تواجدك ..