30/05/2009, 03:35 AM
|
| زعيــم متواصــل | | تاريخ التسجيل: 22/06/2008 المكان: الدمام
مشاركات: 141
| |
طرحك مميز ويستاهل ياسر كل الاطراء والمديح اللي سطره ناس فاهمه الكوره ولها تاريخها واللي يقهر ان اللي انصفه اكثرهم من خارج السعوديه ولما تفتح منتدانا للاسف تلقى انتقادات وتجريح من جماهير ناديه سامح الله المشرفين والمصيبه الاعظم اغلب الطرح ماله علاقه بالنقد اللي يهدف لمصلحه اللاعب او الفريق تخيل بعضهم يقول مدلل فاشل ماهو ابن النادي ونسو انه ترك ضعف مبلغ انتقاله للاتحاد عشان الزعيم وماعنده روح او ولاء للفريق وهو اللي اوقات يلعب مصاب او مثل ماصرح مره انه بيلعب لو برجل وحده عشان الزعيم وبعضهم مالقى شي ينتقد فيه او انه مايعرف يقول مايع ماهو رجال يطيح نفسه وانت ماشي وشكلهم متأثرين بسماع بعض التصاريح بعد الفوز اللي يقول فزنا لاانه عندنا رجاجيل بالملعب مدري وش دخل ام المرجله في لعبة كرة القدم ولا الفريق اللي خسر ماهم برجاجيل
وماانسى حبايبنا بعض الجماهير بداية انتقادهم لياسر طلعو علينا بسالفة جمالية الاهداف وانه يدورها ونبي هدف وخلاص وكانت آخر اهداف ياسر وقت طرح السالفه البايخه هذي هدفين الاتفاق بالدوري وكانو اهداف عاديه والمذيع اللي كان وقتها في قناة الزعيم سمع الانتقادات هذي وفكر انها مفيده لياسر وانه صوت الجمهور على غفله وقالها لياسر في لقائه معه ومن بعدها سجل قول بالاتحاد وصام شهرين بسببها لاانه تشتت ذهنه وصار يفكر في كلام نقاد الغفله
اما الكارثه واللي مالها ترقيعه موضوع ياسر ماهو لاعب حسم لدرجة انه ياسر بعد هدفه اللي جاب الدوري امام الاتحاد شفنا دموعه تنزل غصب عنه وكله بسبب الضغط اللي سمعه من جمهوره اللي مازال يرددها وزادو عليها اخيراً نبيه يحسم النهائيات اللي يلعبها مثل سامي واحدهم شكله من زود ماهو مندفع يقول سامي سجل في كل النهائيات اللي لعبها سواء فزنا ولا خسرنا وهذا شكله يسمع بس وماشاف النهائيات واللي يبي ينقز لي شوي ويقول انت تقارن بين سامي وياسر بقوله يستريح من الحين لاانه سامي اسطوره وياسر يسير بنفس الطريق ان شاء الله وكلهم نجوم اعتز فيهم ومتأكد انه سامي او ياسر لو يسمعون اللي يقارن بينهم في منتدى ناديهم راح يستغربون طرح مثل هالسخافات من جماهير ينتظرون منهم النقد المفيد والهادف فقط لاانه ببساطه مابعد انولد ولا راح يجي المهاجم اللي بيسجل في كل نهائي ماهو بس عندنا الا بالعالم كله
وفي الاخير اخوي الله يعينني ويعينك على بعض ناس بتقول هذولا جماهير لاعب وماهم جماهير نادي ولا قالو معجبين ولا مطبلين ومن هالكلام بس عني انا هذي وجهة نظري ومقتنع فيها واحترم رأي الجميع واتمنى ان ياسر يراجع نفسه ويشد حيله ويرجع لنا مبدع مع منتخبنا والموسم القادم لااننا ننتظر منه الكثير والله يوفق الزعيم  |
..
الوضع المتطور
