بسم الله الرحمن الرحيم


السلام عليكم ورحمة الله وبركاته

مقدمه...

نعم ضاعت البطولة التي يتمناها كل هلالي نعم ضاع الحلم لكن علينا انا نكتفي ونقول قدر الله وماشاء فعل

والله احترقنا امس لاقتاليه ولاغيره على الشعار لكن هذا الحال 120 دقيقه على اعصابنا طبعن انا وخويي خرجنا بعد

الاشواط الاضافيه الاعصاب انتهت خلاص حركنا ومشينا

اسيا يبي لها يوسف وسامي والدوخي والغشيان والتيماوي ارجعوا بالذاكره شاهدوا كيف تلعب هذه الاسماء

يحترقون بالملعب يبذلون الغالي والنفيس أأأأأأأه ياقلبي

فاصله...

رحيل كوزمين دهور الفريق وذبحه من الوريد الى الوريد وفعلا كانت تمشي معنا بالبركه بعد الداهيه


عارف انه مهوب وقت للضحك بس نرفه عن انفسنا شوي اليكم التالي وقصة الببغاء...

كان فيه واحد " على نياته " ..

جرّب يستثمر أمواله !




وكان عنده ببغاء يتكلم ..



مشكلة الببغاء .. إنه كل ما شاف راعيه قال له : ياغبي .. وكل ماجاء يقول جاء الغبي ..واذا راح قال : راح الغبي ! ..


راعيه ضاق صدره .. وقرر ياخذ الببغاء لمدرب الطيور علشان يعدّله ..


: يا مدرب الطيور ....


شف لك صرفة مع هذا الببغاء ...


كل ما شافني فشلني عند الناس " غبي ، غبي " !


أبيك تدربه زين وتعدّل كلامه ..


علشان يغيّر هالكلمات الي يرددها كل ما شافني


قال المدرب : ما عليك .. خلّه عندي كم يوم ..


ولما راح راعيه .. جاب المدرب " سطل " مويه حاااارة ...


وحطه قدامه ... وسأل الببغاء ..


: أنا مين ؟ !


قال الببغاء : أنت صديق الغبي ! ..


وينزله المدرب في المويه الحاااره ثم يطلّعه .. ويسأله ....


: أنا مين ؟


قال : أنت صديق الغبي ..


وينزله في الموية مرة ثانية .. ثم يطلعه ...


: أنا مين ؟


.. وعلى هالحال .. حتى تربى الببغاء وتسنّع ..


أخيرا .... قال له المدرب ...


: أنا مين ؟ !


قال الببغاء : أنت صديق أذكى واحد في العالم ..


ويوم جا راعي الببغاء .. قال المدرب : تفضل اسأله ..


قال راعي الببغاء .. : أنا مين ؟!


قال الببغاء : أنت مين ؟! وهذا سؤال !! ... أنت الذكي ....


إلا أنت أذكى واحد عرفته في حياتي !


قال له راعيه : .. طيّب ..


وإذا لعبت بفلوسي على كيفي ؟!


قال الببغاء : .. هذي فلوسك .. من عرق جبينك ..


تسوي فيها اللي تبي ..


قال : طيّب .. إذا دخّلت فلوسي عند " سابك" ؟ !


قال الببغاء : ممتاز .. حركة استثمارية في غاية الذكاء ....


ومن أذكى واحد في العالم ..


: طيّب ... وإذا دخلت فلوسي عند " بنك البلاد" ؟ ..


: طبيعي .. تنويع استثماري ... من أذكى واحد في العالم !


: طيّب ... وإذا دخلت فلوسي عند " الزراعية " ؟ ..


: ذكاء خارق ... وماشي مع الحكمة اللي تقول " لا تحط البيض


في سلة واحدة " ... فعلا أذكى واحد في العالم !




صحيح إنك أذكى واحد في العالم ..


: ... طيّب .. وإذا

دعمت نادي النصر؟؟!!


قال الببغاء : يا عمي هاااات الموية ! .....




قايلّك هذا أغبى واحد في العالم ماصدقتني !