27/05/2009, 09:29 AM
|
 | زعيــم فعــال | | تاريخ التسجيل: 25/09/2003 المكان: الخبر
مشاركات: 208
| |
|
حاسبونا نهاية الموسم والأن انتهى الموسم يابن مساعد
بسم الله الرحمن الرحين
هذا الموضوع لذكر السلبيات اللي صارت في هذا الموسم لكي يتم تلافيها في نهاية الموسم
ارجوا من الجميع ذكر الأمور السلبيه فقط لكي يتم تداركها في الموسم القادم
لأن الايجابيات معروفه
اولا
عدم جلب ظهير ايمن لاتقولون مافيه احد رضى يبيع الظهير الايمن اللي عنده
لأنه لو كان فيه مفاوض ممتاز واداراة عندها الخبره الكافيه في التفاوض كان معانا ياالشهيل او حسن معاذ
والا لو كانت الأداره مثل مايقول ابوفيصل.خلاص نخلي اي واحد من الجمهور يصير الرئيس ويرسل خطابات لكل الأنديه ويقول انا فاوضت كل اللعيبه ومافيه احد رضى يجي
اعطيكم مثال اداراة نادي الاتفاق حنا نقول مستحيل يعطونا الرهيب او يبيعون اي لاعب
بينما البلطان قدر يجيب العمري والبلوي جاب عبدالرحمن القحطاني وهي نفس الاداراه ونفس الفتره.
ثانيا
عدم جعل دخول الجماهير مجاني في المباريات المهمه
وانا اشوف ان هذا عناد غير مبرر من الاداره
واذا تبي تتأكد ان الموضوع مؤثر في الجمهور
يعتبر معدل الحضور الجماهير هذا الموسم هو الأقل في السنوات الخمس الاخيره وهو الموسم الوحيد اللي فيه الحضور غير مجاني
ثالثا
سامي الجابر هو كلاعب اسطوره بدون شك وانا اؤيد ان يكون سامي اداري ولاكن ليس في هذه الفتره يعني بعد خمس سنوات تقريبا تكون الفتره ممتازه
لأن الجيل الحالي هم زملاء سامي كلاعب يعني ماراح يتقبلون منه انه يكون اداري عليهم وهو اللي كان الوسم الماضي لاعب مثلهم
واذا تبي تتخيل الوضع تخيل انه زميلك في العمل اللي جالس في الطاوله اللي جنبك يصير مدير عليك
انت ماراح تتقبل هذا الشي واللعيبه نفس المثال
وهذا السبب في وجهة نظري هو اهم اسباب عدم حضور الروح لجميع لاعبي الهلال
رابعا
عدم وجود مهاجم ثاني في مستوى ياسر القحطاني
خامسا
عدم الوضوح في موضوع طارق التايب اذا كان راح يجدد او لا
واذا كان هناك اتفاق بين التايب و الاداره على التجديد ولم يعلن عن ذلك فهذه سقطه من الاداراه
لأنهم شتتوا تفكير اللاعب والجمهور
سادسا
موقف الاداره السلبي في موضوع ياسر القحطاني يعني لوكان فيه اداراه محنكه
بعد المشكله يخلونه يحترف في اي دوري مجاور عشان تهداء الامور
هذه اهم الاسباب اللي بوجهة نظري كانت سبب في تدهور الهلال
اتمنى من الاداراه تداركها الموسم القادم.
واتمنى من الجمهور المشاركة في اي سلبيه يشوفونها |
الوضع العادي
